الجزء163من كوزينة واش طيبتي اليوم ؟؟.؟؟؟.؟؟

[nabila222]

شكرا اريج ربي يحفظك طبعا لبساكرة معروفين بلفلفل راني في انتظارك حبيبتي وجعله الله في ميزان حسناتك

[lyzzabel]

السلاام عليكم و رحمة الله ،، صباح الأنواااار و الخيرات حبيباتي الحلوااات و نهاركم طيب

مريووومة غي اسكتي كليت حتى تغاشيت و مازالني دايخة لدروك صحيتي يالفحلة و شكراا على المجاملة درك نجيبلك الرابط تاع الرفيس

ام كاامي صباح الفل درك نرسلك حبيبتي قارعيلي

ام برهوووم كي راكي و كي راهم فلاليسك غايا ؟؟ و مشكووورة على الوصفة يا عسسسسللللل

ام هديييل على سلاامتك حنوونة و بصحتك الخفيف ممممم يشهي

سكروور يادرا لقيتي فطورك ولا مازاااال ؟؟

حيووتة نتي تاني حطيتي الخفيف بصحتكم و حتى ام سدرة تفاهمتو قاع ربي يزيدكم من نعيمه يارب

روووضة الحلللللوة عاش من شااافك وين راكي يا الباوية توحشناك و توحشنا خالتك مووووووووووت سلميلي عليها بزاف بزاف و وائل كاشما رامي تجري من وراه

ام هدول صباح الورد حبيبتي بغيت نقترح عليك تحلي الكوزينة الجاية ..... هااااه شا قلتي

المحبة للسلاام الله يسهل عبيك و يقومك بألف صحة و سلاامة و يفرحك بشوفة قرة عينك سليييم معافى آميييين يا رب العالميييين ،، طمنينا حنووونة

نبييلة دازمااااااااان ما شفتكش كي راكي حبيبتي كاش جديييييد

رنيين الأمل في الحياة و لي طلبو صفة الكيك اووكي درك نكتبلكم الوصفة من عيوووني غوااليي

فطوري اليوم طاجين الزيتون بالجااج بصح فالكوكوووت مشي فالفرن كيما الخطرة لي فاتت و نزيد لي فخيت و سلطة و الحمد لله على نعمه


أستغفر الله العظيم الذي لا إله إلا هو الحي القيوم و أتوب إليه

[lyzzabel]

كيك موشتييي بحبيبات الشوكولاااا

4 حبات بيض دافيين ،، كاس مشي معمر سكر و لي تبغي الحلاوة تعمره ،، م ص معمرة فاني ،، كاس زيت ،، ثلثي كاس حليب ( 2/3 ) 2 أكياس خميرة الحلويات و فرينة حسب الحاجة ،، حبيبات الشوكولا لي نديروها مع الحليب درك نصورهالكم باش تعرفوها
نضرب البيض مع السكر و الفانيلا ملييييح حتة يتضاعف الخليط و نضيف الزيت على 3 دفعات و نضرب طبعا بالباتور و نزيد الحليب و من بعد نضيف الفرينة مغربلة مع الخميرة حتى نتحصل على خليط تقيل شوية و ناعم ،، نضيف كمية حبيبات الشوكولا و نقلب بالسباتولا حتى تتوزع مليح ،، ندهن المول تاع الكيك و نرشه بالفرينة و نفرغ خليط الكيك و نطيبه في فرن مسخن مسبقاا على 180 درجة حتى نشوفه تحمر من فوق ،، ندخل راس السكين و نخرجه ،، لاكان خرج ناشف يعني طاب من داخل ،، نخليه يبرد شوية و نقلبه في صحن و الف صحة و هناااا

[@رنيم الأمل في الحياة@]

السلام عليكم صباح الخير
ممكن سؤال
شكون تقدر تعطيني حل اللغز
حاجيتك ماجيتك شعرها يجرح و ووجها يفرح

[اريج 07]

يعطيك الصحة ليزاتي عجبني بزاف الكيك

[lyzzabel]

مريووومة تفضلي الرابط تاع الرفييييس ممممم ،، هاد الخطرة ما درتش فيه المازهر لميته غي بالحليب و ما درتش السكر و قطعته مربعات كبار شوية و طيبته على مقلة تيفاااال مممممممم

https://www.djelfa.info/vb/showthread.php?t=1571033


حبيبتي ام اسلاااام واقيلا درتي بخولونقاسيون للعطلة تاعك لاكان واه بصحتك و لاكان لا ادخلي طمنيني يا الحبيييبة

رنييم الأمل ما عرفتهااااش خخخخ و ربي ينجحك و يفرحك بنتائج عالية يااارب

نخليكم في لامان حبيباتي و إلى الملتقى بحول الله


لا إله إلا الله وحده لا شريك له له الملك وله الحمد وهو على كل شيء قدير

[الجمان]

مساء الخير عليكم يا حراير
ما شاء الله على الخيرات الي راكم تحطوا فيهم
تفضلوا غدايا وعشايا البارح

[nabila222]

ليزاتي حبوبتي يتفكرك لخير والله هذي مدة منيش نشارك فقط بصح نتابع فيكم التابلات تكسرتلي راني غير بلتيلفون ويخرجولي نصف صور

[الجمان]

وهادا كيك ديتو لبابا حبيبي ربي يحفظهولي من كل مكروه

[IMG]https://up.1sw1r.com/upfiles2/zst00229.jpg[/IMG

وهادا الفول جبتوا من بحيرة بابا فريشكة
مع الملح ما يتشبعش امممممممممممممم


وهادا غدايا نهار الجمعة امممممممممممممممم

اللهم ادمها نعمة واحفظها من الزوال
لا اله الا انت سبحانك اني كنت من الظالمين

[انا هي رزيقة]

السلام عليكم كيفكم يا احلى فحلات انا اليوم خدامة ماعندي لا عيد و لا عطلة واععععععع ثم واعععع بصح معليش نبروفيتي بصحبتكم يا احلى صحبة
فتحت على خيرات الجمان ربي يبارك و يزيد حبيبتي و يسلمو على الكيكة الجميلة و يحفظلك ااوالد الكريم يا رب
نهارك زين ليزا العسل بوركتي على الكيكة الجميلة المبطبطة و الف شكر على الوصفة كفيتي و وفيتي حبيبتي و بصحتكم طاجين الزيتون
نهاركم سعيد نبيلة و رنيم و اريج حقا مريومة ..... اسمك فعلا جميل مريومة عاشت الاسامي

[انا هي رزيقة]

المشاركة الأصلية كتبت بواسطة @رنيم الأمل في الحياة@

السلام عليكم صباح الخير
ممكن سؤال
شكون تقدر تعطيني حل اللغز
حاجيتك ماجيتك شعرها يجرح و ووجها يفرح

يا هلا و سهلا بافنان الورد حتى لدوك وين تولهت لتوقيعك واش راكي حبيبتي علاش بدلتي اسمك والفناك افنان الورد و كان اسم جميل .بصح معليش المهم راكي مازلتي تطلي علينا ربي ينجحك حبيبتي و تجي تفرحينا كي اليوم . اللغز معرفتوش مانيش شاطرة بزاف في هذ الدومان .... خخخخخ

[اريج 07]

المشاركة الأصلية كتبت بواسطة انا هي رزيقة

السلام عليكم كيفكم يا احلى فحلات انا اليوم خدامة ماعندي لا عيد و لا عطلة واععععععع ثم واعععع بصح معليش نبروفيتي بصحبتكم يا احلى صحبة
فتحت على خيرات الجمان ربي يبارك و يزيد حبيبتي و يسلمو على الكيكة الجميلة و يحفظلك ااوالد الكريم يا رب
نهارك زين ليزا العسل بوركتي على الكيكة الجميلة المبطبطة و الف شكر على الوصفة كفيتي و وفيتي حبيبتي و بصحتكم طاجين الزيتون
نهاركم سعيد نبيلة و رنيم و اريج حقا مريومة ..... اسمك فعلا جميل مريومة عاشت الاسامي

ربي يحفظك و يخليك زيكااااا هذا من ذوقك و عيد سعيد malgré خدمتي

[انا هي رزيقة]

درت مراجعة خفيفة كيما انا ....خخخخ شفت بسبوسة ايمن يمن ماشاء االله عليك اختي حقا مزال مرحبتش بيك معانا اختي ايمن ان شاء االله يطيب لك المقام و تفيدي و تستفيدي و راني من المتتبعات لعشاوتاك الزينين باينة فحلة من ظهر فحلات
حيوتة الغالية بصحتك المقيرط انا عجبني هكاك ماخصو والو ابعثيهولي كامل الا معجبكش ....خخخخخ و بصحتكم شكشوكة الكوكوت انا منعرفهاش ندريها في المقلا برك
ام هديل عودة ميمونة حببتي واشنو هذ الغيبة توحشناك بصح سماح كي جبتي معاك الخفوفي الظريف ....امممممم
ام سدرة الجميلة ربي يعينك على الاشغال الشاقة حبيبتي
ام كامي بصحتك المشتريات ان شاء االله تكوني ريحتي غاليتي و بصحتك المعجون مسبقا اكيد راح يكون غير من يديك الحلوين و بوسيلي الاميرة الصغيرة

[انا هي رزيقة]

المشاركة الأصلية كتبت بواسطة اريج 07

ربي يحفظك و يخليك حيوته هذا من ذوقك و عيد سعيد malgré خدمتي

خخخخخخخخ وقيلا المحاجب الحارين دارو فيك عمايلهم .... انا زيكا يا احلى مريومة... حقا واش هو فطورك اليوم كاش متفليكسلي للخدمة و لا بح كملتوه ..... خخخخ

[انا هي رزيقة]

مولات الكوزينة وين غبتي حنونة ان شاء االله المانع خير و االله توحشناك خصونا تعليقاتك الزينين و ماكلتك الجميلة لي تسر العين