أه تعبت

[مشكلتي]

السلام عليكم متزوجة منذ اربعة سنوات احببت زوجي ورفض اهلي بعد اقناع كبير منذ ان تزوجته وانا في المشاكل قليل وين نكونو ملاح هو انسان طيب لكن عائلته كرهتلي حياتي خاصة اخته دمرتني وما لقيتش الحل ما هوش كامل تاع مناقشة نبدى معاه بظرافة ونقولو نتناقشو حتى ينتهي بالعراك ماذ ا افعل اعطوني حل يا الاهي تعبت بعد ما كل واحد بدا يطبخ لوحدو وبقات المشاكل لم اطلب منه المستحيل سوى انه يبنيلي غير مطبخ وحدي لانو البيت واسع رفض وكأني نقولو خرج من الدار كيفاه يقتنع لاني ما راحش نقولو من جديد وانا والديا كي قلتلهم صدوني وقالولي انتي بغيتيه وصبري الي متى والله راه يحكمني الضغط ومرانيش حابه ندي ذنوب لأنو نبدى نغلي بصمت كرهت هذه العيشة الرجال كي ما يحوس على راحة مرتو واش من فايدة تبقاي معاه

[aymen.dz]

الكثير من النساء تمر بفترة هكذا

لكن تأكدي راح يفرج ربي

الصبر و الدعاء و قراءة القرآن فيه راحة ماشاء الله

لك منا دعوة في ظهر الغيب
سلام

[naamane3]

المشاكل العائلية حلها واحد
اذكار الصباح والمساء
تفنى المشاكل وتذوب وكأنها لم تكن من قبل

[AMINA.Z]

اولا ....ادعي ربي تفرج عليك
ثانيا ...عندك عقل اتصرفي بيه
اغلب النساء ان لم اقل كلهن ...يجعلن ازواجهن محور حياتهن ...يتخلين عن كل شيء من اجلهم قد لا تتصل باهلها و مع الوقت يقل اهتمامها بهم و لكن ما ان يتاخر زوجها في الخارح حتى تقلق و تقيم الدنيا و لا تفعدها ...يعني عايشين للراجل و خلاص .....و هنا المشكل ...تجدها تتوقع ان يجعلها زوجها محور حياته و عندما تعلم انها مجرد اضافة في حياته و ليست الكل في الكل تنصدم و تفسر ذلك بانه قلة حب و اهتمام ..(.و حقيقة هذه الفكرة فيها جزء من الحقيقة) ..المهم
ان كنت تنتظرين ان يقف زوجك ضد عائلته و يخاصمهم و يؤدبهم من اجلك ...فانسي الامر .....هؤلاء الناس عاش معهم كل حياته
و لم ير منهم ما تشتكين منه ...فهو ليس امراة ليفهم المشاكل بين النساء.
لذلك نصيحتي ...ان لم تصل المشاكل لحدودو التعدي عليك او على خصوصياتك ...فهذه ستبق معركتك انت معهم و لا تعولي على زوجك لتستخدميه كسلاح فيها
درك انتي عشتي معاهم و بديتي تفهمي العقلية ....اجبدي روحك عليهم و حطيهم في الثقيل سمطيييييهم اذا كانو يهدرو بزاف و يدخلو في كل شيء .....اذا على الخدمة تاع الدار قدرتي راكي خدمتي ما قدرنيش ما تخدميش و خليهم يهدرو .....لازم تكوني قبيحة مي ما تتبلاي ما تظلمي .....حتى كي يجيو يشكيو لراجلك ..قوليلو مشكل بين النسا يقعد بيناتنا ما تدخلش.
الله غالب هذه ضريبة السكن مع العائلة و مام تشكي لداركم واش راكي تسناي يديرولك يرحم باباك ...خلاص درتي دارك و كبما قلتي انتي اللي خيرتيه ..اتحملي مسؤوليتك ...اطلبي النصح مي ماكالاه تخرجي اسرار دارك لبرا و تبقاي تشايخي باهل راجلك......كل كلمة تقوليها ما ترجعش على ختو ...بويسك ما يعرفوهاش مي ترجع على راجلك اللي يعرفوه.....و سمعتك يا لالا راهي من سمعة راجلك.
خميمليح و خططي كيفاه تكسبي الحرب معاهم و تخرجي باقل الضرار.
ربي يفرج عليك

[abdelkader90]

صبرا جميلا والله المستعان

[nadjet boumaraf]

والله ربي يصبرك عليهم المشاكل بين زوجة الإبن والعجوز واخت الزوج ديما كاينة وين تروحي تلقايها بصح بدرجات كلنا نعاني بصح الصماتة والإبتعاد أفضل حل كون نهار الاول شرطي بيتك راكي تهنيتي مي كي طفرت درك لازم تكسبي راجلك باه تقدري ديري كوزينة وحدك وإلى على اختوا اخطيك منها عيشي حياتك وديري اللي يخرج عليك تمرضي روحك بسبتهم موحآل...إدن خدمي عقلك كيفاه تكسب راجللك وخلاص الحل بيدوا هو إلا عرف قيمتك يدير الموحال باه يرضيك .. ..

[عائشة قدوتي]

اصبري أختي على دارك و إياك تدمري بيتك و تخليها بكري كانوا يقولو " اللي ما تحملش مرارها متديرش دارها"
بزاف ناس كيفك و أكثر صبروا و فرج عليهم ربي و هذا ابتلاء استغفري صلي وادعي ربي فهو قادر على كل شيء
ربي يهنيك و يفرج عليك
https://safeshare.tv/v/ss5692d962e9944

[سحابة مسافرة]

ربي يفرج عليك يا اختي

[على المنهج]

اهم حاجه اختي هي الصبر وثاني حاجه الاستغفار ليلا ونهارا لاتضغطي عليه كثيرا لمحي فقط ولا تجعلي الموضوع محور حياتكم اجعليه مجرد اقتراح

[Ghost happiness]

أصبري وربي يفرج

[loubna87]

اصبري ختي , و زيدي صبري . و تهلاي في راجلك . ربي ينور طريقك و تزيل الشدة إن شاء الله

[اياد حياتي]

يا اختي هذه هي الحياة واحد ما راهو عايش بالساهل كامل رانا نعانو لا حل الا الصبر

[khiro07]

اصبري اخي جولم الحال من المحال
كي يلقاك صابرة يتكاكا معا روحو

[سيرين 5]

ما تشكيلوش خليه يشوف بعينو أحسن أنا كنت نغلي و نحكيلو و هو يدافع عليهم من بعد سكت و خليتو يشوف بعينو و وليت نبهو شفت فلانة كيفاش هدرت معايا و واش قاتلي عاد يرجع في بلاصتي ؟ و الحمد لله دركا راني مهنية من جهتهم عجوزتي راهي راضية عليا و بنتها كي تهدرلي كاش حاجة نشوفها تخزرها عجوزتي تاع بلعي فمك و ما نعرف الله يجعل الخير ؟

[sidra2014]

osobry khty wach ddiry?