الجزء 151 من مطبخ واش طيبتي اليوم اتفضلووو عنديي مرحباا - الصفحة 18

lyzzabel · 2015-10-29, 17:42

يا عمرييييي حنااااااان مرررررحبا بيييييك نتمنى راتكي أححححسن و الموراال طااااالع ،، ربي يخلييييك و البارووك قاااع ما تخمميييش علييه راكي جبتييلي أححححلى حااااجة و هي حضووورك مع الشوكوولااااا مممممممممم انت لي عسل حبييبة قلبيي موااااااااااح

لهوونتي جييت نكتب الوصفة لقييت حنوونتي حناان قداامي ما نجمتش ما نرحبش بييهاا و هااكي مواااااااح باش نصبرك شوية هههه

ذات النورين · 2015-10-29, 17:42

مساء النور مجددا كل ما نجي ندخل تروح النت واااااااااااااااااع
لبنات شكون اللي عندها رابط بطاطا مع ليزابا بلاكريم فريش رجاءا تعطيهولي
بالمناسبة الكيكة خرجت روعة وما قدرتش نحطها الكونيكسيون ثقيييييييييلة

ام عبدو و ملاك · 2015-10-29, 17:43

و الله ضحكتيني يا ليزا الدوار اللي نسكن فيه ما فيه والو و الباتيسري الحانوت يجيبو ما يخدموش
و الله كان تشوفي البلاصة اللي نسكن فيها تكدبي ولا كاين ناس مازالو عايشين هكا ادنى ضروريات الحياة ما عندهمش
واش ندير الخبزة جات هكا وين يروح راجلي لازم نكون معاه حتى يفرجها ربي

lahna moka · 2015-10-29, 17:43

حنان حبيبة قلبي الحمد لله كي وليتي بمورال مليح فرحححححححححت بزااااف و نتمنى تتواجدي دايما معانا و تمتعينا بروحك الطيبة يت طيبة و الشكلاطا مممممم قستيني في الصميم تعرفيني نموت عليها
ليزاتي ياااااااااااااا سلااااااااااااااااام مصبح راني نستنى فالتطبيقات و طبعا الى الامام سر
حنان أرواحي نطبقو البركوكس أنا ويّاك على بالي تموتي عليه مممممممم تفكرت كي كنا رايحين نزدمو كيف كيف على دائمة الحمد العام الي فات كي دارت البركوكس راكي تعقلي؟؟؟ خخخخخخخخخ

ام عبدو و ملاك · 2015-10-29, 17:45

https://www.djelfa.info/vb/showthread.php?t=1882024
هاكي يا دات النورين

lahna moka · 2015-10-29, 17:45

ذات النورين حبيبتي تفضلي
https://www.djelfa.info/vb/showthread.php?t=1882024

ذات النورين · 2015-10-29, 17:49

ماغسيييييييييي حبيباتي على الرابط ليزا البركوكس درتو اليوم للغذا ء طبقت وصفة الوهرانية بحذااافيرها وجاء روعة روعة
بقالي الصابلي ان شاء الله نديرو والمبسس اييييه يما تموت عليه

Simassim · 2015-10-29, 17:53

راجعت بالتلفون وفنفس الوقت تلعب بالكورة مع يوسف
ليزا. تضحك عليا ماازال مادرت. كانو كل سيمانة عندهم الزردة قالي اصبر حتى. يتوحشو الحلاوة هههه خافهم يسمانو ويحصل فيهم شكون يجري بالمرضى وانا جاتني على قلبي كوزينة راها ولاتلي كوشمار كي ندخلها نكره

ليزا الخبز راه يشهي تحسب شري. الي عندهم الموت. عظم الله اجركم. راني شفت غي الردود وربي يصبركم ويجعل متواهم الجنة

العشا ان شاء الله ندير عجينة عشر دقايق ونحشيها فرماج. هكذا يتلاها يوسف بالعجين يبقالي غي هيثم راه عيان

lyzzabel · 2015-10-29, 17:59

خبز الباغييت على طرييقتيي

فالعجاانة نحط 2 عباار فريينة مغربلة و عبر سمييد رطب و م ك سكر و م ص محسن الخبز ننجم نعوضه بكييس خميرة الحلوياات ،، و 2 م ك حلييب غبرة و م ك خمييرة الخبز و نخلط المقاديير الناشفة ثم نضييف 2 م ك زييت و نبدا نضييف الماء الدافئ و نعجن شوية ،، كي تنسجم العجيينة نضييف م ص ملح و نواصل العجن لاازم العجيينة تكوون مطلووقة شوية مشي ياابسة ،، نغطييها و نخلييها ترتااح ربع ساعة على الأكتر ،، نهبطلها الخموور و نقسمهاا كرياات حسب حجم الباغييت لي بغييته و نستفهم في مكاان مرشووش بالفريينة ،، و نبدا نشكل الباغييت ناخد أول كرة قسمتهاا و نحلها شويا بيدي على شكل بيضوي و نرولييهاا و نزير شوية و نقفلها عند الحاافة ملييح باش ما تتحلش فالطيااب ،، و كي نكون نشكل فييها نرش الفريينة باش ما تلصقلييش العجيينة في مكاان العمل ،، و نحط الباغييت على الجهة تااع الحاافة في السني المخصص لييها ،، و نكمل بنفس الطرييقة حتى نكمل قاع الكرياات و نشرطهم من فوووق غييي بالشوية بمووس حااااد برفففففق ،، نخلييهم يخمروو في مكاان بعييد على الهوااء و نشعل الفرن على 220 درجة ،، كي نشووفهم خمرو ملييييح ندخلهم للفرن و نحمرهم من فووووق ،، لي تبغيي ترشهم بالحلجلاان تدهن لي باغييت بالبانسو و المااء او البيض مخلط مع الخل و ترش الوجه ،، ننجم تااني نرشهم بالسانووج او الحبة الطييبة و ننجم نخلطهم مع العجيينة

lahna moka · 2015-10-29, 18:02

ليزاتي الوصفة تاع الخبز هبااااااااااااااااااااااال قارعيلي نشري السنيوة تاعو و نطبقو أكييييييييييد
قولولي تعيشو حبة الحلاوة هي نفس الاسم تاع زريعة البسباس؟؟؟؟

yasmalak · 2015-10-29, 18:04

ليزاااتي ترحب بيك الجنة حبيبتييي حقا كلامك فالكوزينة اللي فاتت قاسني بزااف ربي يخليك يالعميرة
و في خاطرك نسيي نطبق معاكم كيما المتقبة ياك غير كيما درتهاو البيتزا ساهلة

هههه لهونتي ويييي راني شافيةالبركوكس تالمون نحبوووو توحمت عليييه و غير كيما دارتولي عجوزتي المورال كان تحت الصفر بالصح هكاك و ماراطيتووش و كيما قلتي نزيدو نطبقوه ماكاش مشكل اصلا راني حابة نرجع لحياتي الطبيعية بارسكو راني كارهة خيااااتي النهار كامل فالفراش بين 4 حيوط قريب نطق

yasmalak · 2015-10-29, 18:05

ليزاتي الوصفة تهبببببل

لهونة لالا ماشي كيفكيف هده وحدها و هده وحدها

ام سهام 02 · 2015-10-29, 18:15

بريوشي المحروق

ام منصف يعطيك الصحة الو على الوصفة و لزينت بيه الطعام قرفة مشي كمون

اهلا حنان منورة حبيبتي

ام سيرين لالا حبة حلاوة هي الينسون مشي زريعة البسباس

شكراااام جوجو و ماماك واش راهي

lyzzabel · 2015-10-29, 18:16

حناااان مرحى هاااكا نبغيييييك قييسي الغطا غاديي و توكلي على ربيي سبحاانه ما تشوفيييش مورااك و تااني ما تفورسييييش على رووحك يا قلبيي و في انتظااار تطبيقااتك معااناا

لهووونتيي غاادي نقاارعك غيي اشرييه برك هههه ،، الحبة الطييبة هي حبة الحلااوة اما زرييعة البسبااس وحدخرا

نرووح نوجد العجيينة تااع البييتزا و الصلصة و نولي نكتبلكم وصفة المبسس بإذن الله

lyzzabel · 2015-10-29, 18:18

ام سهاام بصحتكم البريووش المحرووق هااكا و راه يشهيييي ممممممم

سعييدة دييري البييتزا و المبسس ولا قااتو المعجوون درك نحطلك الراابط