الجزء 150 من واش طيبتي اليوم..... نورتو غالياتي تفضلوا .....مرحبا بكن - الصفحة 42

Simassim · 2015-10-21, 19:39

اقتباس:

المشاركة الأصلية كتبت بواسطة soussou_saida

االسلام عليكن الله يخليكم ادعولي ربي يشفيني عندي الام الضرس فاضعة و انا حامل في الشهر السابع رحت اليوم عند طبيبين قالولي مانديرو والو لازم صبر
و اللي عندها وصفة تخفف الاللم ما تبخلش عليا
سمحولي علل طلبي هدا و ضعتو هنا مش الركن المناسب لكن املي فيكم كبير ببسسبب توافد الاخوات في هده الكوزينة

اذا ضرس العقل راه منتفخ. دير حبوب لاتاي عليها راه ينفع ان شاء الله

صاحبة الكوزينة. الف مبااااارك افتتاح. اسمحلي جيت يديا فارغين راني نعجز. والمورال تحت الزيرو ماراني نصور واليوم عاد لبزت شوي بريوش

البنات كامل راني مرة على مرة نطل توحشتكم. دعواااتكم

ام رويدة · 2015-10-21, 19:40

سرور ..الرجاء مساء الانوار
ام وسيم صح عشاك حنونة...الله يسلمك

سوسو للاسف ماعنديش فكرة اللهم الا الباراسيتامول مسموح بيها
انا سوفريت في الثلاث اشهر الاولى من الحمل
والله خدمتها بدون تخدير ونحاتلي العصب واللحم حي
شفت المووووت كلي راي تخلط في دماغي
بصح الحمد لله جاز كلش..حتى الالم ما يتحملش سيرتو تاع الليل

ربي يشفيك حنونة وديري القرنفل مليح تاني

omjoujou · 2015-10-21, 19:41

ام امينة وام رويدة تعيشوا حبيباتي وربي يحفظلكم امهاتكم ويطوللهم في اعمارهم
اختي سوسو سعيدة انا نعرف القرنفل يخفف من الام الضرسة ربي يشفيك وان شاء الله يزيدوا يفيدوك الاخوات
تصبحن على خير

ام رويدة · 2015-10-21, 19:46

اقتباس:

المشاركة الأصلية كتبت بواسطة omjoujou

ام امينة وام رويدة تعيشوا حبيباتي وربي يحفظلكم امهاتكم ويطوللهم في اعمارهم
اختي سوسو سعيدة انا نعرف القرنفل يخفف من الام الضرسة ربي يشفيك وان شاء الله يزيدوا يفيدوك الاخوات
تصبحن على خير

امييين غاليتي
وصح عشاك وبصحتك البرا
نسيت نقولكم عشاي شطيطحة لسان بالزيتون
عجزت نصور

عائشة حسان · 2015-10-21, 19:56

السﻻم عليكم راني جيت ولقيت الخير والخمير
الله يباﻻك منين نبدا نرد الان
اوﻻ راح نبدا على اخر شيء قابلني ونرجع
لعندها اﻻم الضرسو حطي حبة قرنفل على الضرس تنحي الالام وربي يجيبلك الشفاء واقراي الفاتحة بنية الشفاء
ام جوجو الحمد لله على سﻻمة الوالدة وكي نورت البيت وبصحتك الرزايم ومبروك عليك البرا ميكسور راه هايل عندي خوه من سنين ورووووووعة
شفت اختي زينب نورت كوزنتي الله يبارك

زينب 83 · 2015-10-21, 20:10

اقتباس:

المشاركة الأصلية كتبت بواسطة soussou_saida

االسلام عليكن الله يخليكم ادعولي ربي يشفيني عندي الام الضرس فاضعة و انا حامل في الشهر السابع رحت اليوم عند طبيبين قالولي مانديرو والو لازم صبر
و اللي عندها وصفة تخفف الاللم ما تبخلش عليا
سمحولي علل طلبي هدا و ضعتو هنا مش الركن المناسب لكن املي فيكم كبير ببسسبب توافد الاخوات في هده الكوزينة

ربي يخفف عليك اختي
ديري القرنفل او زيت القرنفل هايل ، او اشري calment dentaire من عند الصيدلية راهو مخدر موضعي مليح بزاف و مايضرش
و تاني ممكن تهربي براسيتامول بودرة و تحطيها في ثقب الضرسة اذا مثقوبة راح يخف الألم

اقتباس:

المشاركة الأصلية كتبت بواسطة om wassim

رويدة يعطيك الصحة الطمينة تشهي
زينب رووووعة الله يبارك ممكن تحطيلنا طريقة الأخير تعيشي
أم حبوبة حللي و ناقشي يشهو يعطيك الصحة
عائشة بصحتك المايونيز

تسلمي حبيبتي ام وسيم

غراتان الفاصوليا الخضراء

لوبيا خضرة مفورة و تشوحيها في شوي زبدة و فلفل اسود و ثوم و ملح
بطاطا مقصوصة رقيق مقلية او مشوية في الفرن بشوي زيت
لحم مفروم متبل و طايب
جبن
تحطي طبقات من هذي المكونات في المول ممكن صغير او كبير و في الجوانب تحطي اللوبيا و في الاخير تفرغي بيض مضرب من داخل باه يتماسك لغراتان و دخليه الفرن قيس مايطيب البيض فقط و يذوب الجبن ، و ماتنسايش تدهني المول بالزبدة باه ديموليه بسهولة

و الصوص
كوتلات و فطر ، طماطم مصبرة و بهارات و بصل مفروم و ثوم و كسبر ورق و رند و ملح و ملعقة زيت تقليهم و تمرقي غير بشوي ماء ، و تغلقي لاكوكوت ، الصوص تكون ثقيلة

زينب 83 · 2015-10-21, 20:11

ام جوجو عشاك يشهي و على سلامة الوالدة مرة اخرى
عايشة حسان مساء الخير غاليتي

باسم وبيسان · 2015-10-21, 20:17

صح عشاكم انا عشيا سباقطى وعجزت نصور
ام جوجو الحمد لله على سلامت الولدة

ام و ابنة · 2015-10-21, 20:36

السلام عليكن
عشانا لحم في الكوكوت مع الخضرة اللي بقات في الثلاجة

كان عندي بزاف اشغال غسل الحوايج و نشرتهم و طبقت اللي ناشفين و خملت عالسريع لبلاكار و غسلت الطونوبيل و الكراسى تع اولادي بعد الكارثة تع الصباح و سيقت و و و

ام جوجو عزيزتي ساعات نفكر نرد على وحدة و وش نقوللها و منبعد ننساها تماما كيما انت مقبيل معولة نبارك لك على ماماك كي خرجت من السبيطار و نسيت حتى لضرك بش تفكرت

ام رحاب الحنونة الغالية توحشنااااااك الحمد للله على سلامتك و ربي يشفي خوك

فضيلة هذا هو حال الدنيا هذا رايح و هذا جاي ادعيلها و ترحمي و تصدقي عليها و ربي يبلرك لك في وليداتك

اللي باركولي على الحويجات اللي شريت ربي يجازيكم خير و يفرحكم

نراجع و نرجع

Oum Habouba · 2015-10-21, 20:40

سلاااام غالياتي مساؤكن سعيد
لبنات صح عشاكم زينب ماشاء الله لاقوة الابالله والله فناااانة ربي يسترك وشكرا على كلامك العسل وصح البنات اللي سقساو على قراتان في الشكارة نتاع السباغيتي الرجاء الاماني على بالي تبغي الشرح شوفي اقلي الخضر اللي عندك ودري فرامج او زيتون مقطع معدنوس توابل حاجة خفيفة اي اضافات تبغيها وديري البيض يعني تكون جارية دخليها في الشكارة وثقبيها وديريها في الما تغلي وخليها يعني غي البيض ينشف دخلي موس يخرج ناشف يعني طابت
ام رويدة اسعد الله مسائك كيراكي يادرا كاش وصفات جديدة
ام وسيم بصحتك الخفيف هداك مانبغي
عائشة قوليلي على دوق المايونيز كي جاك
ام الجوج بصحتك حبيبتي تستخدميه بالهنا والله يفرحك داااااااايما ويحفظلك الزوج الكريم ودخلي معاه العايلة
ام باسم وبيسان مساء الخير
ام وابنة عاش من تلاقاك وصح عشاك
سماسيم مالكي شتا عندك علاه المورال زيرو حزميه يولي ثمانية خخخخخخ ربي يفرج همك
اللي عندها الضرسة ماعندي حتى حل لانك حامل بصح عندي اسال الله العظيم رب العرش العظيم ان يشفيك شفاءا لا يغادر سقما
الشيرات احرزو رواحكم مسعودة راهي رافدة رولو خشين يشحط ححححح

Simassim · 2015-10-21, 20:43

ّههههههه حبوبة روح ربي يفرح قلبك فالدنيا وفالاخرة ياااااااااااااارب ضحتني بالدموع

عمتي مسعودة بوسة عراسك.

om wassim · 2015-10-21, 20:46

سوسو اختي ربي يشفيك انا ندير زيت القرنفل هايل
زينب حبيبتي شكرا على الوصفة و السكنة راهم يقولو السمانة الجاية أن شاء الله دعواتكم يكونلي نصيب فيها
أم رويدة صحه عشاكم
جوجو عشاك يشهي بصحتكم و بصحتك الميكسور
أم و ابنة واش راه وليدك برا شوية
أم بيسان بصحتكم السباقات
عائشة مساء الخير و صحه عشاكم

عائشة حسان · 2015-10-21, 20:50

ام ماجد شكرالك انت وروزا على الباروك ....روضة اهﻻ ....سرور وليتي صاحبة اكثر تطبيق لخبز ام ساجد ....دائمة الحمد ...ام حبوبة.....الرجاء ....ام باسم ...ام وابنة .....ام ياسين ....ام جوجو ....باسم وبيسان بصحتك الكروكي ...ام ساجد مطلوعك سخفني الله يبارك وانا حابة ندير رجيم ....ام فاطيمة مممممعلى الرواسون وهديك الشكوﻻ واااو ....بسمة عندهم الحق القاطو تاع الدار خير ومن ايدين ماماهم ربي يخليهالهم امين ...البحر الصافي راني سجلت وصفة المقيرظ وان شاءالله نجربه .......ليلى شاهين مرحبا بيك اختي وشاركينا .....
اسمهان حبيبتي للله ما اعطى وما اخد ...ان لله وانا اليه راجعون والله تشوكيت كي قريت ...اللهم اغفرله وارحمه واسكنه فسيح جناته وارزق اهله ودويه جميل الصبر والسلوان قلبي معكم وعلى زوجته وامه واوﻻده الله معهم
ليزا ..ام هبوبة ..ام سوهيل ...ام رويدة ،. اوراسية ...دائمة الشكر ...ام تاج ....ساجدة ...الجمان .....ام سراج ومﻻك شكرا على الوصفات راني حفظتهم ...ام انس ...سجا حامد ....
ام وابنة الكرواصون خرجلك روعة بصحتكم ..... وقريت مغامراتك اليوم هههه الله يعينك
ام وسيم ....لهنا واش اخبار العروسة بوسيهالي ..جوهرة الجنة ... ام اﻻء المثقبة هايلة خرجت ...والخبز ايضا ... والبراج عجبني الشكل .....فضيلة معليش اختي قوليلي القاطو الاول هداك كيفاه ..... ام سارة .... بصحتك الفطور ...الجمان اهﻻ اختي ....ام امينة اهلين ومرحبتين وين الغيبة ...ام ماجد سلميلنا عليها ايضا وشكرا لسﻻمك ...ام رويدة مبروك لمرة لوسك المزيود .....ام هبوبة ربي يعطيك الصحة هداك قراتنان ياخي ...... سرور نرحبا اختي
زينب ما شاءالله روائع حطيتي قوليلي هادم ناكلوهم وﻻ نشوفوهم برك

ام سهام يعطيك الصحة الكمينة تهبل خﻻص راني زدت فالميزان من الطماطن هههههه
ارزاق .....ام رحاب الحمد على سﻻمة اخوك وربي يفرحكم بشفائه ان شاءالله...

عائشة حسان · 2015-10-21, 20:52

سيماسم ..اهلين اختي واش الاخبار واشراهم الاوﻻد ماكيش تباني ان شاءالله خير

ام هبوبة المايونيز خوبا لي ما يعجبوش العحب وقالي فووور

om wassim · 2015-10-21, 20:56

سيماسيم واش راكي علاش المورال زيرو حبيبة