الجزء149 من واش طيبتي اليوم كوزينة التجديد والتنويع في الاطباق - الصفحة 93

ام عبدو و ملاك · 2015-10-18, 08:29

صباح الخير يا وجوه الخير كل واحدة باسمها
ام و ابنة اديه للطبيب و ان شاء الله لاباس
ام رحاب ربي يشفي خوك ان شاء الله يا رب
ام جوجو الحمد لله اللي امك راها في تحسن
توامي صباح الخير
ام ياسين وكلي ربي
دائمة الحمد صباح الانوار
ام باسم صباح الانوار و ربي يعيشك
ام يسرى صباح الخير
انا غدايا قعدتلي ماقارونة من البارح و مطلوع وعجوزي راني نطيبلها في شربة العدس و نقليلها شوي كفتة ما تقدرش تاكلها فمها كامل طاب مسكينة
اليوم السي سيد يسلك نخرج نقضي قضية الشهر و نشري حوايج خاصيني انا و الاولاد
نخليكم نكمل اشغالي
سلاااااااااام

ارزاق · 2015-10-18, 08:29

صباح الخيرات ام جوجو الحمد لله كي تحسنت الوالدة وربي يشفيها وترجعلكم بخير
ام رحاب ربي يشافي خوك ويعافيه يا رب

Oum yousra · 2015-10-18, 08:31

ام وابنة سماح حنونة موااااااحتين هههههها وربي يشفي وليدك بصح شفتك تقولي ماتديش بنك لماتارنال قوليلي وين راكي ساكنة ؟ تقرعيجة بريءة ههههههها

زهرة الريف* · 2015-10-18, 08:33

السلام عليكم ورحمة الله وبركاته
ياصباح الورد والنشاط والتفاؤل على أحلى أخوات
أم جوجوا. .........الحمدلله على سلامة الوالدة وإن شاءالله ترجع لدارها بخير
أم وابنة..........ربي يجيب الشفاء لابنك ومايكون خير الخير والله ياخيتي الأطفال الكل فيهم النشاط والحركة بالزايد حنا لصبرنا قليل ومنتحملوش ربي يحفضهم
أم ياسو.........بصحتك الرولي و الزيتون وكي تلبزي متنسايش تصوري 😆 باش نشوفوا فال الكويزنيار والوصفة المسروقة لمن
الرجاء الاماني. .......يوم موفق وربي يعينك وراني جربت المادلان لي حطيتيها جاتني خفيفة تهبل بارك الله فيك
دائمة الحمد. .......واش راك اليوم إن شاءالله فيه تحسن ومبروك عليك الهدية تستاهلي كل هدايا الدنيا
أم أماني وعبدو. ......ماشاءالله ورانا نستناو في وصفة الشوارما
مريم. .....عائشة حسان. ....وأم باسم .....أم رحاب.......أم يسرى. ....يسعد صباحكم

أم ماجد · 2015-10-18, 08:33

صباح الخير عليكم
ام رحاب وام جوجو ربي يشفي مرضاكم
ام ياسو راني حايرة عندك الحق كي تروحي تزنقي كل يوم خخخخخخخخخخخ

Oum yousra · 2015-10-18, 08:35

أرزاق و زهرة الريف و omsalah صباحكم ورد

أم باسم · 2015-10-18, 08:36

اقتباس:

المشاركة الأصلية كتبت بواسطة omsalah

ام باسم احلى تحية وارق سلام وا دام الله المحبة بين قلوبنا تحياتى لناس باتنة الاشاوس

احلى صباح حبيبتي بنت بلدي الحبيب وانت كذلك بنت الاشاوس والاصالة والخيل

Oum yousra · 2015-10-18, 08:36

ام ماجد حنونة واش راكي واش راهي روزا ؟ توحشتك أختي

زهرة الريف* · 2015-10-18, 08:38

اقتباس:

المشاركة الأصلية كتبت بواسطة x ام رحاب x

السلام عليكم ورحمةالله وبركاته واش راكم جميعا ادخلت الصفحة الاخيرة مافهمت والو واش كاين ام جوجو غير الخير على امك قوليلي دورك رقبل مانخرج راني مانيش في داري راني في الجزاير خويا الكبيرالله ايشافيه يارب طاح مات جنبو ورانا كامل عندوو ادعولو ربي يرفد عليه راه مريض بزاف
اسمحولي مانقدرش النراجع سامحوني سلالالالالالالالالالالالالالالالالالالالالالالالال الالالالالام

أهلا أم رحاب والله يااخيتي المرض راه ينتشر بقوة ربي يلطف ويجيب الشفاء لخوك ولجميع مرضى المسلمين

omomnia15 · 2015-10-18, 08:38

صباح الانوار على الغوالي
ام رحاب ربي يشفي خوك ويلبسو ثوب الصحة ويرفد عليه
ام جوجو الحمد لله على شفاء الوالدة
ام وابنة لباس على وليدك
داائمة الهدية 4444444 يعيش ويجي
ردينة هبلتني يصبحو يبوسو فيها ينوضوها هما يروحو وانا نحصل نرقدها ونجي فطوري لوبيا قريني بالبصل وطوماطيش

أم ماجد · 2015-10-18, 08:39

اقتباس:

المشاركة الأصلية كتبت بواسطة Oum yousra

ام ماجد حنونة واش راكي واش راهي روزا ؟ توحشتك أختي

روزا لاباس في نعمة ولله الحمد انا صبحت مريضة مارحتش للعمل

يتوحشك الخيرر والهنا
واش غداك ؟انا بقالي من البارح الاكل وراني وحدي مع صلاة وحتى الماء بح فرغ

Oum Habouba · 2015-10-18, 08:42

صبااااااح الخير حبيبات يومكم سعيد مبارك
كنت نشرب القهوة وعلى مهليييييييي مانبغيش نشربها مع الدودير نتاع الصغار حتى نسرحهم باش اتلذذ بشربها
دائمة الحمد شكرا على القهوة
ام الجوج قاع مارانيش نتلاقاك حبيبتشي توحشتك وماماك الله يشافيها
ام وابنة مسكين البوبون راه مريض الله يشافيه نعطيه بوسة
ام اماني صباحو العصير اللي حطيتيه البارح مخدوم في الدار والله يعطيك الصحة
ام يسرا على حساب السؤال نتي غادي تحلي الكوزينة الجاية ايا ديماري
ام رحاب يا العزيزة توحشناك وخوك الله يشافيه ويعافيه
ام ياسو المرة الجاية اكتبي اسمك على الصور ها بن عمي راكي تخدمي سكانار نتاع المنتدى الله يبارك مازال ماقالتش بسم الله قضبتيها والله نستعرف بيك كي تبغي تروحي ليها عيطيلنا نتحاماو معاك حتى انا يدي راهي تاكل فيا خصها تدير البوكس
فطوري راه مودر قولو نتوما باش نكوبي عليكم بصح مايكونش فيه الخدمة بزاف
يالله نروح نبدا بسم الله

zahra30 · 2015-10-18, 08:46

صباح الخييير على كل الحاضرات ونهاركم مبارك باذن الله ومعطر بذكره

zahra30 · 2015-10-18, 08:48

ام رحاب الغالية ربي يشفي خوك عاجلا غير اجل وكل المرضى يااارب

Oum Habouba · 2015-10-18, 08:49

او زهرة قلبي صباحو حنونتي كي صبحتي مليحة ايا الحمد لله شتا غادي تديري فطورك اليوووم
ام ماجد سلااامتك يا الحبيبةالف سلامة
ام باسم وام صلاح والمعلمة الجديدة والكلل الكللل صباحكم سعيد
ايا حاوزوني عندي الشقا بزاف ايلا قابلتكم قاع ما نقضيش سلااااام