وصفات حراير الكوزينة الجزء الثاني

[نور الأيمان]

رائع
وصفات رائعة
جزاك الله خيراا

[idron0]

جواز جلبانة و لحم ام نور الهدى 2014

ديري تقلية حبة بصل صغيرة و ششوي سمن و زيت و لحم مع فلفل اكحل و قرفة وملح و قليهم مليح انا هاد زش ندير توابل في الكرقة البيضاا تاع الجلبانة و القرنون باه كاتروحش بنتهم و بعدهانضيف الجلبانة و القرنون و نقلي شوي تم تمرقي و تحليها في الكزكوط حتى تطيب تحبي امبعد عقديها بشوي بيض و معدنوس مع عصي القترص او قطعي بصل و معدنوس وديريه عند التقديم.

[idron0]

بربوشة لحليب بالقديد scorpionoir

نلوح طراف لخليع في الكوكوت ونغطيهم بالما ونخليهم يغليو غلوة باش ينقصلو الملح ومبعد نرمي هذاك الما ونعاود نديرلو ماء جديد ونقفل عليه الكوكوت ونخليه حتان يطيب .واذا ندير الفول اليابس نلوحو معاه
نقشر البطاطا والكابويا ونقصهم وكي نشوفو طاب نلوحهم عليه ولازم يبقى الما قيس ما يطيب البطاطا .ونقفل عليهم ربع ساعة .
من جهة نفيض لحليب انا ندير كونديا وساعات حليب الشكارة بصح نزيدلو لحظة باش تخثار .نحل على الخليع لازم المرقة تعود شوية برك قيس نص كاس اواقل ملازمش تبقى بزاف ونلوح لحليب وندوق الملح ونخليه يغلي غلوة ونطفي .

[spshare]

الله يعطيج العافية

[idron0]

طريقة عمل الورود بالجزر ام ساجد

بالنسبة لسلطة نستغمل قشارة الخضر والمبراة شفتها تتباع بعشرة لاف درك نشريها ونجربها

لكل من سالت على الطريقة هاذي هي طريقة عمل الورود بالجزر ساهلة ما هلة نقطع الجزر بقشارة الخضر دوائر تكون رفيعة باش طاوعك كي تليفيها نبدا نلف اول وحدة والجهة لي غلقت منها نحكمها بدائرة اخرى وهكا نبقى نزيد الدوائر و نلف ثم نحطها في الصحن ونبدا نزيد وحدة وراء وحدة كيما اوراق الزهرة والحجم تتحكمي فيه نتي نخليكم مع الصور توضح خير ونفس الطريقة نستعملها مع البيتراف والخيار.

إضغط هنا لرؤية الصورة بحجمها الطبيعي.

[idron0]

قاطو البيسطولي yasmalak


250 مارغرين طرين و طلعتها مليح مع 150 غ سكر قلاصي و زادتلهم نصف كاس مايزينة و زوج حبات بيض و مغرف خميرة تاع حلوة و نشفتهاا بالفرينة و العجدينة ما تكون جااارية ما تكون حامشة باش تهبط من الماشينة.

إضغط هنا لرؤية الصورة بحجمها الطبيعي.



إضغط هنا لرؤية الصورة بحجمها الطبيعي.

[idron0]

قاطو الرخامة ام اماني و عبدو

250 غ زبدة 3ملاعق سكر قلاسي 2حبات بيض زائد صفار فاني او قشور اليمون قرصة ملح ضروري ملعقة صغيرة خمارة تخلطي زبدة السكر حتى تولي كريمة وممبعد تديري البيض والقشور الليمون وممبعد ديري الفرينة حتى تتحصلي على عجينة لينة اقسمي العجينة على قسمين متساويين افتحي العجينة الاولى وحطيها في المول وممبعد ديري فوقها المعجون وممبعد افتحي العجينة الثانية فوق طابلة وارفديها وغطي بيها المول اسويها مليح في المول وممبعد دخليها للفرن تطيب كي تشوفيها طابت خرجيها وخليها تبرد
حضري قلاساج مكون من سكر قلاسي وحليب وفاني و قطرات من عصير الليمون اقسمي القلاساج جزء خليه ابيض وجزء ديري لو الكاكاو وفرغي نتاع الكاكاو وسويه فوق المول ومباشرة حطي فوقو الابيض وابداي خربشي فيه بالفرشيطة حتى تتحصلي على شكل الرخامة خليه حتى يجمد وممبعد قطعيه.


إضغط هنا لرؤية الصورة بحجمها الطبيعي.

[omjawad]

]يعطيكم الصحة

[idron0]

المرقاز omjoujou


شوحت سع المرقاز في المقلاة نحيتلو هذاك ليدام وتخلصت منو وامبعد ضفتلو طماطم مرابية نصف حبة بصلة مرالبية انا منديرش الثوم كيعاد المرقاز فيه الثوم وبكمية كبيرة ملح فلفل اسود شوي كسبر هريسة طماطم مصبرة رند والماء عينك ميزانك وعلى حساب كمية المرقاز لي عندك وخليهم فوق النار هادية حتى يطيب المرقاز وتخثار لاصوص طفي عليه.

إضغط هنا لرؤية الصورة بحجمها الطبيعي.

[idron0]

دجاجة محشية بالروز مع خضر مفورة(مطهية بالبخار) منقول

لادخالها للفرن استعملت اكياس الشواء في الفرن موجودة في الصور
نصيحة باش تجيك بنينة بزاف الدجاجة تبليها قبل بنهار و خليها داخل كيس مع توابلها في الثلاجة
خلطتي السحرية للحصول على هذا اللون هي
نصف حبة بصل +راس ثوم + ملح حسب الرغبة+1 م ص فلفل اسود+2 م ك خل+ 1 م ص بابريكا يعني فلفل احمر مطحون حلو طبعا+ 2 م ك موتارد + عصير نص حبة ليمون + فنجان زيت
حطي كلشي في الميكسور و ارحي
تبلي الدجاجة من الداخل ومن الخارج و احشيها بالرز و خيطيها بخيط خاص بالطبخ موجود في اسواقنا اذا ماكانش استعملي خيط عادي لا باس
حشوة الدجاجة مكونة من ارز مغلى 8 د في ماء+ملح + فلفل اسود+ يصفى من الماء تضاف اليه نصف م ك زبدة و كبد الدجاجة مشوي و مقطع او لحم مفروم مشوي + نص حبة طماطم مقطعة قطع صغيرة+ذرة ملح + ذرة فلفل اسود
قبل وضع الدجاجة في الفرن اضيفي ملعقة ك موتارد و حكيها ب شوية فلفل احمر مطحون راح يلتصق بالدجاجة بسبب وجود الموتارد و هذان المكونان هما اللي يعطيوها اللون المحمر باقي المكونات تعطيها البنة
اذا عندك اكياس الفرن حطي كاس و ربع ماء اولا داخل الكيس و حطي الجاجة بعده داخل الكيس على خاطر لوكان تصبي الماء على الدجاجة يروح الفلفل الاحمر و اغلقي الكيس و ديري في ثقب باش يتنفس و حطيه في الفرن مدة الطهي حسب وزن الدجاجة دجاجة متوسطة تقريبا 1 ساعة

.




.


.إضغط هنا لرؤية الصورة بحجمها الطبيعي.

[سعاذ]

المشاركة الأصلية كتبت بواسطة idron0

وصفة الحلزون اسمهان 79

درت زوج أنواع الوصفة الأولى نتاع العزيزة على قلبي سماح استسمحكي حبيبتي واضع الوصفة
زوج كليات جينا مرحية كيلة مكسرات و لمي بلاكرام ابور تكون فيها نكهة معينة وممكن تحشي بنيسلي ثم في ليمول اللي تكوني حطيتي فيه الشوكولا البيضاء الذائبة وخليها تحكم روحها ثم زيني الملمع وراني درتها يا أخت سماح وجاء روعةةةةةةة
وأيضا طبقت هاذ الوصفة
200 غ زبدة فلوريال 100 سكر رطب فاني 4 صفار البيض 2م ك نتيلا 4م ك عسل 50 غ بيسكوي مرحي 1 خميرة 100غ لوز مرحي والفرينة و حشيتها بالكابريس
الوصفة الثالثة
250 غ زبدة كاس سكر رطب كاس كوكاو مقلي ومرحي فاني نصف باكي خميرة ونشف بالفرينة نوزن 25 غ نحشي لحلوة الترك وحلوة الحلقوم الحشوة نوزنو 5 غ ثم نطيب في مول السيليكون لما يطيب نحيه ونذوب الشكولا ونفرغ في المول نفسو ونحط الحبة ونضغط شوية ونخليها تيبس
ثم نحي بالشوية ونزين بالملمع.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

السلام عليكم
مفهمتش لي ملونين ممكن صورهم

[idron0]

قاطو النيسلي رقة زمان

500غ مارغرين+4 ملاعق كبار سكر رطب +2 بيض + مص لفاني +2 مص خماره +لفرينه(هي نفس عجينة الصابلي فقط قللنا السكر لاني رح نحشيها بالنيسلي كارامال
جيبي لي مول دائري او مربع وعمريهم بالعجينه وثقبيهم شويه بالشوكه وديريهم يطيبو منبعد احشيهم بالنيسلي كرامال معاه شويه كوكاو منبعد ديري شيكولا بيضا او سوداء وزينيهم بالبيستاش المخادع وخطوط الشكولا ايلا حبيتي.

إضغط هنا لرؤية الصورة بحجمها الطبيعي.

[idron0]

خبزة تونس أم و إبنة

1 كاس لوز و انا نعوضو بالنوادكوكو نموت عليها و ممكن كاوكاو او اي مكسرات و ممكن تخلطي اكثر من نوع تجي هايلة
1 كاس زبدة او خليط زبدة و زيت او حتى زيت وحدو حسب الموجود
نصف كاس سكر و انا نزيد ننقص شويا خاطر تتعسل
1 كاس شابلير
3 بيض
2 خمارة و انا غالبا ندير وحدة بش ندير في مول صغير
لافاني او اكستري تع اللوز او اي مكسرات او قشور القارس
غالبا نزيد علبة ياوورت طبيعي و اذا بانتلي خفيفة نزيد الشابلير او المكسرات حسب الموجود

طبعا الشاربات حسب الرغبة الناس يسقوها بزاف انا لا لا غير قيس ما تتشرب
تتسقى سخونة و الشاربات باردة و اذا بردت و حبيتي تزيدي تسقيها لاااازم تسخني مليح الشاربات بش تتشربهالك.

[idron0]

تيراميسو بالفراز دائمة الحمد

قسمي الفراز قطع وتصبي عليه قليلا من سيرو الفراز لي يتباع في قرعة تاع الزجاج طلعي الشونتي خمسة مغارف كبار وفنجال حليب بارد جدا+ قليلا من سيرو الفراز او الرمان وطلعيهم +اثنين علب ياوورت فراز باردين ومكسيها مليح وخلاص في لي كوب صبي شوي سيرو +قاطو ماجور مفتت +طبقة شونتيي +طبقة فراز بالسيرو تاعو +الشونتيي وتزيني من فوق وحطيهم يبردو.

إضغط هنا لرؤية الصورة بحجمها الطبيعي.

[idron0]

البوزلووف lyzzabel

ديريي اطرااف البوزلووف في لا كوكووت و عمرييها بالمااء قييس ما يتغطى بصح مشي تفيضييهاا و قطعيي حبة بصل و حبة طمااطم قطع كبيرة و ديري الملح و الفلفل الأسود و ورقاات رند ،، ما تغطيهااش خااطرش الما تااع البوزلووف يفيييييض ،، كي تشوفي الما بدا يغليي نقصي الناار و خلييه يغليي وحد نص سااعة ،، من بعد اقفلي لا كوكووت و خلي البوزلووف يطييب هلى ناار متوسطة إلى هاادية ،، كي يطييب صفييه و حطييه في حااجة وااسعة بااش يبرد شوية ،، في هدااك الوقت نقي البطااطا و قطعييها دواائر ما رقييقة بزااف ما غلييظة و ستفييها فالبلاا تااع الفرن انا درتهاا في تااع الزجاتج طبعاا تبلييها غييير شوية و ديري فييها ثووم مقطع ما تكترييش و اسقييها بالصلصة لي طااب فييها البوزلوووف مصفية ،، من بعد ديزوسيييه و وجديي التتبييلة او الشرمووولة ،، ديري مارغرييين طرية و نصف م كبييرة موتاارد و شويييية برك ملح خااطرش راه ديجا فييه و شوية فلفل اسود و شوييية كموون و سناات ثووم مقطعييين رقييييق انا نمرسهم ب le presse ail سااااهل و بخاتيييك و ما يشدش اليد ،، و زيدي معدنووس مقطع رقيييق خلطيي التتبييلة و ادهني بييها مليييح الأطرااف تااع البوزلووف و ستفييهم فووق البطااطا و خلييه يتحمر فالفرن .