رأي الإناث

[مشكلتي]

السلام عليكم و رحمة الله و بركاته
أنا فتاة مخطوبة خطبة تقليدية تمت خطبتي من حوالي شهرين ما يضايقني هو أن خطيبي لا يكلمني ولم يطلب حتى رقم هاتفي لا أعلم عنه تفاصيل كثيرة بودي فقط التعرف عليه عن قرب و ليست لي أدنى فرصة لأراه فهل من الطبيعي مايحدث لي, أحس في بعض المرات أنه مجبر على هذا الزواج فما رأيكن يا فتيات و يا متزوجات و يا من لديهن خبرة

[mino 19]

ربما هو ملتزم وخاطيه هدرة فى هواتف حتي يكون هناك عقد شرعي بينكم
لكن حقيقة حتي لو ملتزم شهرين بزاف على اقل كاين منزل يشوفك مع وجود رجل وعادي امر
الله يوفق وصلى صلاة استخارة

[~رآقية بأخلآقي~]

أنا نشوفها أمر عادي..خاصة إذا كان ملتزم..بالعكس هذا هو المطلوب

متقلقيش روحك اختي وربي يجمع بينكم في الحلال عاجلا غير آجل

^_^

[houssem zizou]

لا يا أختاه
إصبري حتى العقد الشرعي
لأنه ما زال أجنبي عليك
(و من يتق الله يجعل له مخرجا و يرزقه من حيث لا يحتسب)
أما الكلام عن أمور الزواج مثل ماذا تشترطين فلا حرج فيه
كما قال الشيخ فركوس
و لا تفكري كثيرا
على أنه مجبر و غير ذلك
لأنه إذا كان ذو دين و خلق فإنه سينوي الإستعفاف
و يخدم و عندكم وان تسكنوا الحمد لله

[ℓανєη∂єя]

لازم تتكلمو مع بعض و لو مرة تتفاهمو ....أغلب المشاكل تحدث بعد الزواج لإختلاف طريقة التفكير

[dark star]

هذا احسن لك ....كلام على الهاتف يدخل في دائرة الحرام ...لكن بالامكان ان تقابليه في منزلكم مع وجود المحارم ..اذا كان هناك ماترغبين فالاتفاق عليه .
وعدم كلامه لا يعني انه مجبر .....تقدم زوجي لخطبتي كما تقولين بطريقة تقليدية " واتحفظ على هذا اللفظ" ولمدة سبعة اشهر لم يكلمني ولم يقابلني وحتى بعد العقد لم نتحدث .....وفي الاخير تزوجنا ولم نواجه اية مشاكل والحمد لله نحن على وفاق وتوافق ..........الحقيقة ان الكلام قبل الزواج يعطي صورة مغايرة عن واقع الشخص ...حتى اذا تم الزواج ظهرت الحقيقة وبدأت المشاكل من فبيل : انت تغيرت ...لم اكن اعرف انك هكذا الخ
توكلي على الله والباقي عليه

[ام افنان48]

شوفي يا أختي مانيش باغية نخوفك عندي صحبتي قصتها كيفك استغربنا صح الهاتف والهدرة بزاف ماهيش مليحة بصح على الأقل خطرة سكينا تزوجت شهر عرفت بلي عنده وحدة في حياته هي معه وهو. يهدر في الهاتف مع صحبته مسكينة. قالها انا عندي وحدة والديا عارضو تزوجت بيك سيف وطلقها وهي حامل نصيحتي طلبي يهدر معاك هدرة محترمة على أمور الدنيا والمستقبل وشوف رده

[ام افنان48]

المشكلة بكري كانو حتى زواج يشوفو الطفلة امر مليح بصح بكري كان الأمان وكان رجال ونسا دوروك شوية الخوف

[اميرة الابتسامة]

امر عادي ماتقلقيش روحك هكذا افضل ااام جايين المناسبات وتشوفيه (عيد الأضحى .....) وربي يهنيك أختي

[زينة نور]

انا من راي هكذا خير اخطيك من الهدرة بزاف تجيب غير المشاكل وزيد مزلتي مدرتيش العقد الشرعي
ربي يوفقك

[الفاتحة]

الحقيقة لازملك تخافي منو بزاف الأمر فيه إن وأخواتها أكيد كاينة حاجة مخبيها هذا الانسان لازملك تسقسي عليه مليح خير ما تخسري حياتك وترجعي مطلقة في مجتمع ميرحمش

[M!sŝ]

صلي صلاة الاستخارة
وربي سبحانه يدلك ’
’ كثرة الاراء مليحة لكن ساعات تخليك في متاهات

[محمد جديدي التبسي]

مادام رأيته في النظرة الشرعية فهذا كافي جدا ما توسوسيش روحك هكه خير من كثرة الحديث
وأصلا الخطبة وعد بالزواج يعني مازال أجنبي عنك حتى تعملوا العقد
وطلب رأي الاناث خطأ هنا فلا يعرف الرجل أفضل من الرجل والاناث يوسوسوك برك لأن كلامهم أغلبه عاطفي يريدون رجل الهاتف ما ينحيهش من وذنو!! والعجيب ان من بينهم استاذة جامعية!!
اذا سألتوا عن الشخص وتأكدتو من اخلاقو وسمعتو فعادي جدا اصبري حتى للعقد وفوضي أمرك لله ..ربي يجمع بينكم ويريح بالك

[AMINA.Z]

من حقك تتعرفي عليه
ربي يجيبلك اللي فيه الخير

[ManouraHilwa]

الدعاء والاستخارة