الجزء 139 من واش طيبتي اليوم ……كوزينة الهمة والنشاط من جديد…… - الصفحة 83

سوسو المغتربة · 2015-08-17, 15:10

اقتباس:

المشاركة الأصلية كتبت بواسطة الرجاء الاماني المجد

شوفي اختي ام وابنة تنقي الحوت زين وتنحيلو الراس والاحشاء ثم ترحيه في الحيوة انبعد نصورهالك ثم اضيفلو الثوم والكمون وشويا هريسة وملح و2 مغارف كبار لاشبلر ومغرف روزكبيرة وكوريهم دي بولات وقليهم غير شويا باه يدوا بنة القليان حضري لاسوس ارحي البصل مع الثوم ثم ضعيهم يتحمص ثم اضفي طماطم رابي وملح والكمون وطماطم مصبرة ثم اضفي الماء ساخن وعندما تاخد غلية اضفي بولات السردين وخليهم ايطيبو وكتشفيها طابت طفي عليها وخلي فيها لاصوص

اختي عجبتني وصفتك قوليلي تمشي مع كل انواع السمك

سوسو المغتربة · 2015-08-17, 15:14

اقتباس:

المشاركة الأصلية كتبت بواسطة ساجده 82

صباح الفل لكن جميعا دائمه الحمد نسيتي القهوه وسوسو المغتربه اهلا اهلا الله يخليك حبيبتي الكرم كرمك انا بايته قاعده وصبحت نايضه قتلتني لاسياتيك يرحم والديكم واش ديرولها البارح دفعت واحد المابل عندي ثقيل يعني استعملت الجهد

اختي والله ما عندي فكرة ان شاء الله الاخوات يفيدوك وربي يجيب الشفاء ليك

سوسو المغتربة · 2015-08-17, 15:19

يا اخواتي من فضلكن فهموني كيفاه ندخل للدردشة راني كملت العدد المط لوب للمشاركات

ام و ابنة · 2015-08-17, 15:21

ام افنان48 · 2015-08-17, 15:27

ام وابنة خرجلك هايل الكعك ما شاء الله راكي فنانة في المعجنات وانتي خايفة

ام اسحاقو · 2015-08-17, 15:31

لبنات اعتذ اذا ردودي راهم يتعاودو عندي مشكل في البورتابل
ام افنان بصحتك الجلجلانية
ام وابنة ما شاء الله على اطباقك و الكعك التركي جاك هايل
الاماني شهيتيني و الرحيوة هايلة عندي وحدة روعة للبصل
ام ساجد كيفاش درتي الكروكي غدا ان شاء الله رايحة نديرو

ام و ابنة · 2015-08-17, 15:34

لبنات أرميو كل وصفات البريوش اللي عندكم و ارواحو عندي خخخخخ

اخييييرا لقيت الوصفة اللي عجبتني و قنعتني

الكعك التركي للاخت اولادي ربي يجازيها خير

https://www.djelfa.info/vb/showthread.php?t=1848725

ولكن كي العادة بتعديلات من عندي

بدل اللبن استعملت علبة ياوورت طبيعي و بنفس العلبة كيلت الزيت و الماء
حطيت ملعقة كبيرة خميرة الخبز و ملعقة كبيرة سكر مع علبة الياوورت الطبيعي و بنفس العلبة ماء سخون و خلطتهم و خليتهم خمرو ثم خلطتهم بالباتور مع نفس العلبة زيت نفس العلبة سكر و بيضة و فاني تع الميزان و ملح و ملعقتين ماء الزهر و زدت معاهم نصف باكي خمارة ثم لميت بالفرينة و دخلتها مليح في بعضاها
خليتها خمرت مليح تقريبا ساعة ونصف لاني كنت مشغولة
ثم هبطتلها الخمور و شكلتها و دهنتها بصفار بيضة مع شوية قهوة و شوية سكر و زدت خمرتها ساعة و نصف تقريبا بصح هاذ الخطرة تعمدت نخليها تطول
طيبتو في فرن سخون و كي حطيتو نقصت شوي للحرارة و النتيجة رووووعة
بصح نصيحة استعملو لافاني تع الميزان اول مرة نجربها رووووعة ما كانش كامل ريحة الخميرة فيه و سر البنة اكثر هو الجلجلان كثروا مليح فيه

ام و ابنة · 2015-08-17, 15:40

ام افنان الحمد لله انا في الطياب المالح و الحلويات لاباس و لكن في المعجنات شوية لاني ما نعرفش نعجن مليح بيدي و بسرعة نتقلق و البتران ديالي ماشي ماركة و مكسر شوية و كذلك الكويزينيار ديالي ماشي مليحة ندمت كي شريتها و غير يفرج ربي نشري وحدة ماركة بالمروحة و كذلك غسالة المواعين خخخخخخ

و علابالك المعجنات بش يخرجو مليح لاااازم العجينة تكون تلصق بصح تتعب في الخدمة و التشكيل

بصح راني حالفة باذن الله غير نولي خبيرة في المعجنات و الخبز و البريوش

*سماح 94* · 2015-08-17, 15:42

عزيزتي ام و ابنة ماشاء الله الكعك يهبل و يبان هشووووووووووووش شجعتيني نديرو نخلص شغالاتي برك و نجربو
ربي يشفي بنتك و يعافيها ان شاء الله ما يكون غير الخير

ام و ابنة · 2015-08-17, 15:43

سوسو اذا قصدك دردشة الهام روحي حطي مشاركة عادي
و اذا قصدك شيء ثاني ما فهمتش

ام و ابنة · 2015-08-17, 15:45

شهادة اعتز بها من عندك يا فنانة يا سماح

ساجدة هذا وين شفت بلي راكي مريضة ربي يشفيك و يعافيك و الله ما نقدر نفيدك حبيبتي بصح ندعيلك من قلبي

mounia5 · 2015-08-17, 15:55

اقتباس:

المشاركة الأصلية كتبت بواسطة سوسو المغتربة

يا اخواتي من فضلكن فهموني كيفاه ندخل للدردشة راني كملت العدد المط لوب للمشاركات

سلام
أنا تاني نحب نشارك في الدردشة

بصح واحدة ما ترد

فمثلا في الصفحة74 واحدة ما جاوبتني
تاخذي رائ روحي

FB في قسم ساكنين في لاكويزين راهم حاطين مشاركتهم ثم

ولا في صفحة طاطا حبيبة لتبادل الوصفات

الرجاء الاماني المجد · 2015-08-17, 15:56

اقتباس:

المشاركة الأصلية كتبت بواسطة سوسو المغتربة

اختي عجبتني وصفتك قوليلي تمشي مع كل انواع السمك

سوسو يمشي مع السمك الصغير لاتش فقط

ام افنان48 · 2015-08-17, 15:58

صح يام وابنة انا كي جربت البريوش اول مرة تاع عازفة ماخرجتش يش هشوش بزاف لاخاطرش يبسته شوية دوروك كي راني نخلي العجينة. تلتصق يخرج لي هايل. صح تعدب شوية بصح تخرج هائلة كيما الكعك تاعك ربي يبارك

سوسو المغتربة · 2015-08-17, 16:03

اقتباس:

المشاركة الأصلية كتبت بواسطة ام و ابنة

سوسو اذا قصدك دردشة الهام روحي حطي مشاركة عادي
و اذا قصدك شيء ثاني ما فهمتش

شكرا على الوصفة خرجلك رائع ليوم باذن الله يشرب بيه زوجي الحليب تاع العشيةحنا راهو الصباح عندنا دركو و الدردشة نحب ندخل لقسم الدردشة يطلب مني ال****ز كيفاه نعمل