جزء ****138***من واش طيبتي اليوم ---عيد سعيد وكل عام وانتم بخير ----

[دائمة الشكر]

أصبحنا وأصبح الملك لله
صباح الفل والورد عليكم اخواتي ام رحاب عودة ميمونة دائمة الحمد بصحتكم الفلفل المحشي والكسرة احنا نديروا خبز فطير هذيك الكسرة رخساس تعلمتها من عندكم ههههه
ام ياسو والله انّا ثاني غدايا مودر وبصحتك التزناق هههه

[ام و ابنة]

اسعد الله صباحكن اخواتي
ما زال البرنامج تع اليوم ماشي باين منبعد باذن الله نبلغكم
ربي يعين الجميع
اختي دايمة الحمد يا حليلك و الله صعيب كي يعود الماء ما كانش و كي يجي تكثر الخدمة و تزيدي تعمري ربي يقويك

[ام احمد وصال]

صباح الخير يا حراير واش راكم
نهال حبيبتي مبروك عليك ياسمين تتربى في عزك نورمالمو انا معاك انا مازلت راني نسوفري السخانة والفشلة والله عييت ادعيولي حبيباتي معاكم
ام ندى مبروك عليك والحمد لله على سلاكك ولعقوبة ليا
ام ياسو ربي يعينك على الحفلة ام ماجد على التحضيرات
ام تاجو ربي يرحم جدك ويجعل مثواه الجنة يارب
ام رحاب اهلا وسهلا ومبروك على بنتك الباك
الكل الكل ماشاء الله عليكم ربي يحفظكم

[saja hamed]

صباح الخير حبيباتي مام انا راح تجيني العين والحالة سخووونة تقتل والغداء درت ملوخية لن ع وانا صايمة وكان قدرت ولحقت ندير مطلوع

[ام عبدو و ملاك]

المشاركة الأصلية كتبت بواسطة دائمة الحمد

صحة عشاكم عشايا دويدة بالحليب بطلب من ولي يموت عليها
ام يس ربي يعينك
غدوة حفلة بنت اختي لي دت الباك اذا قدرت نصور ليكم مع انو عندي مشكل
في ادراج الصور تهببط وحدة ولا 2 فقط
الاخت لي سالت على الملوخية شوفي هنا المشاركة رقم 1266

ارجوكم وينا كوزينة فيها هاد الصفحة تاع الملوخية

[idron0]

المشاركة الأصلية كتبت بواسطة المعلمة الجديدة

ارجوكم وينا كوزينة فيها هاد الصفحة تاع الملوخية

بلاك هده
https://www.djelfa.info/vb/showthread...712996&page=12
رقم المشاركة : 176

https://www.djelfa.info/vb/showthread...712996&page=21
رقم المشاركة : 309

[دائمة الحمد]

المعلمة الجديدة هذا الرابط المشاركة 1266
https://www.djelfa.info/vb/showthread...362108&page=85

[دائمة الشكر]

بعض حلوياتي تاع العيد
https://www.wata.cc/up/2015/06/images/w-11ecf30c65.jpg
جئت نحط حملت كل الصور راحو ادراج الرياح ههههه المنتدى ثقيل بعد قليل نعاود نحمل ونشوف

[saja hamed]

حبيت نسقسيقم عندي اختي ساكنة في الجزائر العاصمة راهي حامل في شهرها وش هيا عاداتهم وش يقدمو في النفاس والقاطو وكيفاه يديرو السابع نتاعهم بويسك نحن من الشرق والعادات تختلف وسلفتها قالت ليها نحن السابع نديروه في لاصال ونديرو عشاء للمعروضين

[أم ياسين الزهراء]

المشاركة الأصلية كتبت بواسطة saja hamed

حبيت نسقسيقم عندي اختي ساكنة في الجزائر العاصمة راهي حامل في شهرها وش هيا عاداتهم وش يقدمو في النفاس والقاطو وكيفاه يديرو السابع نتاعهم بويسك نحن من الشرق والعادات تختلف وسلفتها قالت ليها نحن السابع نديروه في لاصال ونديرو عشاء للمعروضين

ربي يسلكها على خير شوفي الطمينة راهي كاينة تاع ام سهام واما لاصال اختي كل واحد ومقدورو ونضن اهل زوجها يجو ويوجودولها ولا يورولها ودير الزرير راهم ناس الجزاير يحبوه

[أم ياسين الزهراء]

تاع دائمة الشكر هايل

[chez biba]

وصباحكم اسعد
ام رحاب، دئمة الحمد، دائمة الشكر، ام ياسو، ام وابنة وكل الحاضرات، سجا

تفكرت لهنا وجيادا ان شاء الله يكونو بخير

[الرجاء الاماني المجد]

صباح الخير عليكن كيف الحال اتمنى ان تكونوا بخير ام وابنة دائمة الحمد ام ياسين وزهراء مع انك لاتسالين عني ام رحاب كيف الاحوال دائما احس انني غريبة في وسطكم لا اعرف لمادا

[دائمة الشكر]

شكرًا ام ياسين وشئ بيبا على إظهار الصورة عندي مشكل بالايباد كي نحمل عادي ونجي نحط فالمربع الأصفر يخرجني المنتدى
اختي ليزا الله يذكرها بالخير كان عندها نفس المشكل

[زومبي]

السلام عليكم ورحمة الله
اطلب منكن اخواتي وبالأخص بنات العلمة [ تنعتولي وين يتباع دبس الرمان و كذا الشوفان والسعر تاعهم في مدينة العلمة محتاجينو ضروري ضروري
واجركم على الله