هم الدنيا وش دار فيا

[مشكلتي]

السلام عليكم اولا
انا فتاة عمري 18 سنة في الحقيقة لدي مرض وهو حب الشباب نعم هو ذاك الحب المنتشر في جميع داخل جسمي سبب لي الاحراج في الكثير من المرات و في بعض الاحيان نتمنى نموووووت لاني كرهتنفسيتي وحالتي هكا بصراحة مقدرتش نتحمل
في الاونة الاخير تمت خطبتي يعني قبل رمضان وقتها مكانش حب يبان فيا وذرك العكس المهم حبيت نقولم انا هذا العام اجتزت الباك بصراحة كنت ندعي في ربي وبحرقة اني مننجحش الباك ونشفى من الحب وفي الاخير صح منجحتش ولكن مبريتش و زيد حبيت نقولكم اني يوميا ندععي في ربي ونبكي ونقولي يااارب اشفيني ارجوك انت الوحيد اللي تسمعني وقادر تشفيني
بصراحة فيه شي محيرني من قبل رمضان مكانش فيا الحب ياااسر وكي جاء رمضان متت بالفرررحة لانو قلت دعوتي رايحة تستجاب وليت ندعي ليل نهار يارب اشفيني ونعطي لشكواي لربي وانا على ثقة انو رح يشفيني لكن المفاجأة اللي خلاتني اتحطم هو انو رمضان هاهو كمل ومشكلة انو حب زااد ولا باين وخصوصاا في الرقبة بصراحة في البداية كي شفتي حالتي هاك قلت لعل ربي راه مبتليني ويجرب فيا نتقرب منو اكثر ولالا
ولكن الان مشكلتي وليت نفكر في الانتحار ونموت وبما انو زفافي العام القادم تخيلوا قولولي كيفاه نتزووج وانا على هذه الحالة وليت كي نشوف الناس نخزر الي يدهم وجهم رقبتهم نقول الله يبارك ويا ليتني مثلهم ونبكي ونبكي ونبكي مقدرتش خلااص
قولولي وش ندير لعل ربي يفرج عني من هم الدنيا ونبرا
ممكن تقولوا روحي لطبيب انا بالعفل رحت للطبيب ولكن منفعش للاسف
ربي يخليكم ويعطيكم وش تتمنو واللي راه في بالكم ذروك يااربي انصحوووني حتى ابعد الافكار مني وابعد الخجل مني وش ندير لعل ربي يفرج عليا وعليكم ان شاء الله يا خواتاتي

[زهرة الحديقة]

السلم عليكم اختي عيد مبارك للجميع اولا اختي انا لي الشرف فان اكون اجابتكي الاولى اولا يجب قليل من الثقة التي لا يستطيع احد خلقها لك غيرك عزيزتي ثانيا اختي تمر بنفس مررحلتكي ولكن واللله عندما وضعت زيت عرب على الحب تناقص شيء فشيء هدا كل ماعندي ولن احرمكي من دعوتي لكي بالشفاء انت والجميع وارجوكي اصبري على مابتلاكي به ربي ولا تفقدي الامل وانتي تقولي اريد الانتحار االانتحار من اجل الجمال لا اختي هناك من ليس لديه عين وغيره شكرا موفقة بادن اللله

[مراد سابقا]

هذه امور تعالج ارجوا ان تبحثي على طبيب جيد

[jirardo]

ربي يشافيك أختي
حب شباب هو مرحلة تقريبا كل عدينا عليها
هوروح وحده
ما تقلقيش

[zina flower]

ياختي هاذا حب الشباب فوتناه كامل ومازلنا نفوتو انا عندي في وجهي والمشكل الكبير اني نخلط فيه ويخليلي سيكاتريس،،،روحي للطبيب او ارقي زيت زيتون وادهني بيه ولا ديري ماسكات طبيعية تخفف منو وربي يجيب الشفاء

[mariana1]

ربي يشفيك أولا ، وعلاش عليك هذا الكلام النعم اللي اعطهالك ربي الكل نسيتيها وركزتي غير على هذا الحب يبانلي بلي أصبح مـتأثر بالحالة النفسية أنتاعك حاولي تنسايه وزيدي حوسي على أطباء أخرين خاصة وأن حب الشباب رتاحو منو الناس أحمدي ربي مهوش بهاق ولا صدفية معندهمش العلاج خلاص و نزيد نقلك أقراي سورة البقرة يوميا وربي يشفيك

[حميد.ص]

ربي يرزق الشفاء

مرحلة و تعدي باذن الله

[سميرة24]

عادي جدا و ربي يشفي

[ROMMEL]

مارسي الرياضة و رديلي الخبر

[rahim54]

الله يشفييييييييييييييك

[faithfulgirl]

أختي حبيت نقولك أحمدي ربي ابتلاك بمرض جلدي و إن شاء الله فترة و يروح كاين بزااااف يتمناو لو إبتلاؤهم كان بالحب اللي راهم مايرقدوش من الالام و الأوجاع و راهم صابرين و حامدين ربي واش يقولو أنا أيضا فيا خاصة في ظهري و كتافي و يا ريت كان هادا همي الوحيد و الله هم الدنيا اللي راكي تهدري عليه أنا ماخلانيش أصلا نخمم في الحب ولا نعتني بروحي كي البنات مي الحمد لله على كل حال شوفي طبيب جلد يكون معروف ديري ليزاناليز و ربي يشفييك و يفرحك و نعاود نقولك نحي التخمام الزائد و السلبي و انظري إلى من هو أدنى منك

[رهف هبة الرحمان]

ربي يجيب الشفاء اختي خليها على ربي متصحي بلاك قبل الزواج يروح ربي يفرج عليك

[المجتهدة nisso]

اشكري الله ذو الفضل العظيم وافرحي لان هناك من يتام على اسرة لا يستطعون التحرك و هناك من حرم من نعمة الساق او القدم او السمع او البصر مشكلتك بسيطة لها كثير من الحلول باذن الله ينقصك فقط التفاؤل و صبر و انتي قليلة الثقة بنفسك فقوي ايمانك و اخمدي الله ثم احمدية ثم احمديه ختى يبلغ الحمد منتهاه انت الان ستتزوجين تقبلي نفسكي و لا تهتمين يكلام الناس فالناس ليس لديهم غير السنتهم فتركيهم لا يضروكي و لن ينفعوكي عيشي حياتك و افرحي بزاوجك يكفي انك خير من الف عزبااء
تقبلي مروري سلام

[ام نسمة]

السلام عليكم .صحا عيدك اختي ....
بما انو عمرك 18 سنة انا اتفهمانو الامر في نظرك مصيبة كبيرة مهولة لا تستطيعين تحملها ........لكن صديقيني بعد عدة سنوات اذا طالت لعمار ان شاء الله راح تشبعي ضحك على توسويسك هذا
واضيفي الى جملة الاسباب المسببة لهذا الحب هو القلق ...نعم اختي القلق
الوغ انتي محتاجة علاج نفسي قبل مايكون موضعي ....انصحك بمايلي
1-اول خطوة اسعيدي الثقة في نفسك ...قفي امام المرءاة وحاولي ان تري الاشياء الجميلة فيك واحمدي الله عليها لانه الكثير غيركلا يمتلكها
2-حاولي عمل جلسات استرخاء والتفكير بايجابية والحلم باحلام يقظة تكون جميلة وادعي الله ان يحققها كفي عن التفكير بسلبية
3-غيري دكتور الجلد ابحثي عن طبيب اخر وان كنتي من الغرب يمكن ان ادلك على طبيب شاطر جدا بولا ية سعيدة سبحان الله انا كنت غير نفوت عنده نريح يده فيها البركة
4-خطيك من الخلطات الشعبية ابدا ابدا لا تجربيها ..حلك الامثل هو الطبيب لا غير
5-حافظي جدا على النظافة اليومية لبشرة جسمك ووجهك بمستحضرات طبية لا شعبية يصفها لكي الطبيب
واخيرا يمكنك مراسلتي على الخاص ان اردت الذهاب لطبيب الامراض الجلدية بولاية سعيدة كما قلتلك شاطر بزاف عالجحالات مصتعصية في اوقات قياسية وانا واحدة منهم في سن 16 واجهت هته المشكلة فذهبت اليه واللي يشوف جسمي وبشرتي يحلف انو مستحيل نكون انا عانيت من حب الشباب

[omsadja]

صبر جميل و الله المستعان