الجزء 136 من واش طيبتي اليوم *فلنغتنم عشر المغفرة*

[ام و ابنة]

ربي يوفق وليداتكم جمييييعا

البنات اليوم عملت اختراع هبل زوجي و ولادي و عجبني بزاف بصح للاسف ما عنديش صور

عملت باقلاوة بالعجينة المورقة و بحشو اقتصادي عبارة عن كيلة كاوكاو محمص شوية برك و مرحي و كيلة نوادكوكو و كيلة جلجلان محمص شوييية برك و كيلة سكر و شمختهم بماء الزهر
طرحت العجينة المورقة ماشي رقيقة بزاف و حطيت الحشو و زدت طبقة عجينة مورقة و قطعتها و كي طابت مليح سقيتها بشاربات ثقيلة باردة و هكذا اسهل و ألذ باقلاوة في رمشة عين وجدت و باقل التكاليف

[ارزاق]

المشاركة الأصلية كتبت بواسطة ام احمدي

السلام عليكم وصح فطوركم
عازفة الناي الحمد لله على سلامة الوالدوالله فرحتلك
حنونة ارزاق بليييييييييييييييييز الوصفة امممممممممممممممم

ام احمدي التحلية راهي ساهلة تحضري كريم باتسيار مخلطا مع كريم شونتي طلعيها بالماء البااااارد احسن من الحليب بالخف تطلع كما قالت ام سهام ان شاء الله تكون بخير وزدت في الشونتي 3مك فلون فراز لازم تكون كريم شونتي ثقيلة بعد ما يبردو الكريمتين خلطيهم مع بعض
التشكيل فرشي نيلو في البلا حطي الكريمة فوقها ستفي القاطو تاع الاصابع انا غطستو في سيرو الرمان فوقو حطيت شويا صوص الفراولة ثم الكريمة ثم القاطو المغطوس في السيرو وكملي والطبقة الاخيرة تكون كريمة سكري بالنيلو حطيها في المجمد نهار كامل لازم تجمد ومن بعد راح تتمتعي باحلي تحلية راح يكون مزيج من القلاص مع ذوق الصوص تاع الفراولة رووووعة

[ام و ابنة]

ربي يوفق وليداتكم جمييييعا

البنات اليوم عملت اختراع هبل زوجي و ولادي و عجبني بزاف بصح للاسف ما عنديش صور

عملت باقلاوة بالعجينة المورقة و بحشو اقتصادي عبارة عن كيلة كاوكاو محمص شوية برك و مرحي و كيلة نوادكوكو و كيلة جلجلان محمص شوييية برك و كيلة سكر و شمختهم بماء الزهر
طرحت العجينة المورقة ماشي رقيقة بزاف و حطيت الحشو و زدت طبقة عجينة مورقة و قطعتها و كي طابت مليح سقيتها بشاربات ثقيلة باردة و هكذا اسهل و ألذ باقلاوة في رمشة عين وجدت و باقل التكاليف

[ام ساجد]

الله يسلمكم لبنات تسلمو
كاوكا عسلامتك اختي وربي يتمملك بخير

عزوفة الله يخليك حنونتي

ارزاق هذيك تارت لكرام مشرية

ام وابنة وام افنان صح فطوركم اخواتي

ام نور الدين عسلامتك اختي ومرحبا بيك ايه وماخص صح ماشي خسارة فيك

لي ينتظرو في النتايج ربي يفرحكم امين يارب ونفرحو معاكم

[ام محمدْ ومريمْ]

سلام لبنات
بصحتك ام وبنة على حساب مقلتي راهي تهبل شهيتيني بلا منشوف

[ارزاق]

المشاركة الأصلية كتبت بواسطة ام و ابنة

ربي يوفق وليداتكم جمييييعا

البنات اليوم عملت اختراع هبل زوجي و ولادي و عجبني بزاف بصح للاسف ما عنديش صور

عملت باقلاوة بالعجينة المورقة و بحشو اقتصادي عبارة عن كيلة كاوكاو محمص شوية برك و مرحي و كيلة نوادكوكو و كيلة جلجلان محمص شوييية برك و كيلة سكر و شمختهم بماء الزهر
طرحت العجينة المورقة ماشي رقيقة بزاف و حطيت الحشو و زدت طبقة عجينة مورقة و قطعتها و كي طابت مليح سقيتها بشاربات ثقيلة باردة و هكذا اسهل و ألذ باقلاوة في رمشة عين وجدت و باقل التكاليف

واااو ام وابنة يعطيك الصحة سهل وسريع العجينة المورقة راهي في الثلاجة والكاوكاو والجلجلانية عندي نشري غير نوادكوكو بصح نقدر نشربها بالعسل مشي الشاربات وكفاه طيبتيها قصدي درجة الحرارة

[ام و ابنة]

صحا فطورك ام ساجد يا فنانة ما شاء الله تبارك الله

صح فطورك يا أرزاق و كاوكا و ام نور الدين و عازفة الناي و ام أفنان و مسلمة و سميرة و كل المتواجدات و طبعا حتى اللي مازال مادخلوش

[ناهدوران]

صح فطوركم وقهوتكم وسهرتكم وكيف حالكم ياحلوات
ام محمد تاج يعطيك الصحة على هداك الخبز ماشاء الله قاعد كيما لقطن وواش راكي مع هاد السخانة وانت حامل
انور ايمان مبرووك عليك الغسالة ولعقوبة لحاجة ماخير منها وراهي دراعك اليمين
روضة مبروك عليك كيما عدتي تبعتي الصور
رويدة، ام رحمة ، دائمة الحمد ، ام ماجد ، ،ايزابال ، رحمة ، قمر ، ام ساجد ، كوكا ..........وكااااااااامل يعطيكم الف عافية والله مانسيتكم وراكم قاعدين في قلبي
ورانى بانتضار نتائج البيام ، ربي يكون مع لي ولادهم جوزوا المتحان . يارب ايكون مع الجميع

[ام و ابنة]

اختي أرزاق ماشي شرط النوادكوكو انا بصح نموت عليه
بالنسبة لسؤالك انا لاحظت البنات هنا يقولو العجينة المورقة يديرولها النار قليلة بصح انا العكس نشوف بللي كي تكون النار قوية تنتفخ و تنحل الطبقات احسن و كي نشوفها ورقت مليح ننقص عليها النار حتى نتأكد بللي طابت مليح
اكيد ممكن تستعملي العسل المهم ما تحطيلوش لا ماء و لا ماء الزهر بش تقعد تقرمش سخنيه شوي و خليه يبرد و غير تخرجي الباقلاوة سخونة اسقيها بيه
نتمنى تجربيها و تعجبك

[ارزاق]

[QUOTE=oum islem;3993769840]

ليزا تحلية اسمهان درتها بكبريس كرمال
وللتزيين درت شانتيي وكرام ديسار كرمال وكابوتشينو ونيسكافي و لوز محمص ومرحي ناعم
عجبتنا بزاف
والكريمة لي بقات عمرت التارتلات بيها




الهام ماشاء الله على زكازيكو يهبل الله يبارك
ولعقوبة لوليداتك كي الساعة تحطيلنا صورهم ان شاء الله

روضة يهبلو غير زيدي[/

ام اسلام رووووووووووووووعة بصح مفهمتش طلعتي كريم شونتي بكرام ديسار كرمال والكابوتشينو ونيسكافي كفاه زدتيهم غبرة؟ظك تفهميني دبري راسك هههه

[Simassim]

كوكا اهلين وسهلين واش رامي ربي يقدرك عالوحم. اتا في زوح طاحلي فرمضان

التصاوز تلفوني تعمر وتنا مانحطش والسي يوسف راه ولا شيف يخدم البيتزا والمعكورة. اللي هي معقودة. والكوراب هو البوراك. اليوم رفدلي حبة مطرية بلا طياب ياكل ويقول mmmm c bon courabe ههههه

فطورنا اليوم خريرة بوراك وشرائح دجاج بالكريم فرا ش. الطابلة راها تخوى. غدوا حريرة وتمر وحليب برك ههههههه

[ارزاق]

ام وابنة عندك الحق العجينة المورقة تحب فرن سخوووووون لكن بعد متتورق تنقص لادني درجة باه طيب من داخل ومتبقاش عجين بصح الكيل تاع العسل قداه ندير وهل ندهن الطبقة الفوقانية تاع العجين ولك الف شكر وربي يشفيك

[أنواار الإيماان]

صح فطوركم لبنات

[ام و ابنة]

المشاركة الأصلية كتبت بواسطة ارزاق

ام وابنة عندك الحق العجينة المورقة تحب فرن سخوووووون لكن بعد متتورق تنقص لادني درجة باه طيب من داخل ومتبقاش عجين بصح الكيل تاع العسل قداه ندير وهل ندهن الطبقة الفوقانية تاع العجين ولك الف شكر وربي يشفيك

خذي راحتك في الأسئلة يا اختي
دهنتها شوية برك بلابال جا اللون احمر مليح
و العسل ما كيلتش غطيتها مليح بالعسل و خليتها تتشربو و ماحتجتش نزيدلها

[ام احمدي]

المشاركة الأصلية كتبت بواسطة ارزاق

ام احمدي التحلية راهي ساهلة تحضري كريم باتسيار مخلطا مع كريم شونتي طلعيها بالماء البااااارد احسن من الحليب بالخف تطلع كما قالت ام سهام ان شاء الله تكون بخير وزدت في الشونتي 3مك فلون فراز لازم تكون كريم شونتي ثقيلة بعد ما يبردو الكريمتين خلطيهم مع بعض
التشكيل فرشي نيلو في البلا حطي الكريمة فوقها ستفي القاطو تاع الاصابع انا غطستو في سيرو الرمان فوقو حطيت شويا صوص الفراولة ثم الكريمة ثم القاطو المغطوس في السيرو وكملي والطبقة الاخيرة تكون كريمة سكري بالنيلو حطيها في المجمد نهار كامل لازم تجمد ومن بعد راح تتمتعي باحلي تحلية راح يكون مزيج من القلاص مع ذوق الصوص تاع الفراولة رووووعة

السلام عليكم
صح فطووووووووووووووركم
ميرسييييييييي حنونة ارزاق التحلية هايلة وتستاهل التطبيق