دورة فراشات تزهو بالألوان بيوتهن قمة في النظافة و التنظيم و التدبير و الاتقان - الصفحة 289

أم فاطيمة · 2015-05-10, 18:43

السلام عليكم و رحمة الله و بركاته
حبيبة التطبيق جاري باذن الله
ام منال الف اهلا و سهلا حبيبتي غير رواحي تتعشي و تتغدي و تفطري
بصح بشرط انت صحي و حفظيلي لولاد راهم مقرقجيني و انا نشد منا و نطيب و نحطلك
قدامك هههههههههههههه طماعة
او وسيم واش راكي ريحتي شوية و شكرا على اللو ن
ام ايوب الورد لي في التوقيع طبيعي من دارك ولا راني غالطة نموت على الغرس في الدار
ياسمين واش راكي ديري راكي طولي علينا انشاء الله خير
ام اكرم هاهو الصابون وزيت ارقان سمحيلي طولت عليك

أم أيوب 11 · 2015-05-10, 18:50

أم فاطيمة الورود من حديقتي أنا ثاني نموت على الغرس

تفضلي شوفي هاد حديقتي من هنا

رقية الناجحة · 2015-05-10, 19:20

ام ايوب حديقتك تهبببل الله يبارك

فراشات العمر · 2015-05-10, 19:27

السلام عليكم
واش حواكم فراشات
الله الله على العطر والازهار انا نحط على الاولى وانتوما
تشفاو مرة قلتلكم رحت زيارة لاختي كان عندها حديقة تاع ازهار ابنها قدملها هدية تاع ازهار حمراء لي تنبت في الحقول اما ابني معتصم عنبالو بلي الازهار اكل كيفكيف
دخل على الحديقة وحصدهالي حتى دخل علينا بيها ههههههههههههههههههههههههه
اختي ماتت بالقلقة هههههههههههههههههههههههههههههههه لليوم مازالني نتفكرها ونضحك

ام اكرم31 · 2015-05-10, 20:19

اقتباس:

المشاركة الأصلية كتبت بواسطة أم فاطيمة

السلام عليكم و رحمة الله و بركاته
حبيبة التطبيق جاري باذن الله
ام منال الف اهلا و سهلا حبيبتي غير رواحي تتعشي و تتغدي و تفطري
بصح بشرط انت صحي و حفظيلي لولاد راهم مقرقجيني و انا نشد منا و نطيب و نحطلك
قدامك هههههههههههههه طماعة
اشو وسيم واش راكي ريحتي شوية و شكرا على اللو ن
ام ايوب الورد لي في التوقيع طبيعي من دارك ولا راني غالطة نموت على الغرس في الدار
ياسمين واش راكي ديري راكي طولي علينا انشاء الله خير
ام اكرم هاهو الصابون وزيت ارقان سمحيلي طولت عليك

شكرا حبيبتي ام فاطمة ربي يخليك ويحفضلك فاطمة

ام اكرم31 · 2015-05-10, 20:24

اقتباس:

المشاركة الأصلية كتبت بواسطة Lotus Flowerl

يا هلا بالغلا فراشات العمر
ان شاء الله ربي يحفظلك معتصم و يجيبلك احلى و اجمل الورود

اختي lotus شفت تقييمك للاسبوع وعجبني عملك بزاف يعطيك الصحة بغيتك تعاونيني في ضبط اوقات مشاهدة التلفاز لاولادي عندي 2 واحد خمسة سنوات يدرس تحضيري والاخر 3 سنوات التلفاز ميطفاش وبلخف يملو اللعب

وفاء الياسمين · 2015-05-10, 20:56

السلام عليكم
كيف حال الجميع ربي يدوم نشاطكم
وشراكي رقيه الناجحه في الدنيا و الاخره ربي يهنيك
بعيدة المنال واش راكي ربي يحفظك و يهنيك
فراشات العمر واش خبارك ربي يبارك في عمرك
غزالة الدورة وينكي توحشناك
ماريا مالاك واش حوالك ولا راكي مشغوله موضوعك رائع بالتوفيق
جيادا هاذي غيبه، وينكم منال 100 و منال 2000 ، زبنب، امة الله 83، توحشت اخباركم

الامهات الجميلات كل وحده باسمها ام مؤمن ام فاطمة ام صابرين ام سلمى ام جنى ام احمد ام ايوب ام جيهان ام وسيم ام ريتاج امهات الجزائرين اجمعين وين راكو غاطسين اليمراربي يهنيكم و يفتح عليكم

ولي نسيتها تسمحلي و اكيد هبا الي نحبها كثر منهم كامل :-)

ياسمينه ربي يعاونك قريب العرس
سرور متتقلقيش استاذتنا كلكمالتطول يكثر خيرها و يجي فيه الباراكة

ام كمال ربي يفرج عليك ان الله يمهل ولا يهمل
كل منا يُبتلى على قدر ايمانه
واتذكري دائما ان زوجك اذا كان صالح هذاك هو مفتاح السعادة
ويديك واش بيهم
اذا روماتيز دير الحنة الورقية و خلطيلها شوي حب الرشاد
وادهنيهم كل يوم بزيت الزيتون
واذا حاجه اخرى حاولي مرات تصلي في الارض دون سجادة الارض تمتص منك الشحنات الزائدة في جسمك
ربي يشافيك شفاء لا يغادره سقما

omkamel · 2015-05-10, 22:49

مساء الخيرات غالياتى
عزيزتى الغالية حبيبة بارك الله فيك لا تحرمينا من طلتك يفقد البستان بريقه بدونك
عالياتى ام صبرين ام جيهان امة الله ام يوب لوتيس ام فاطيمة ام مؤمن ياسمين ام اكرم حديقتك روعة والغائبة فرشات العمر اهلابكم وشكرا على كلامكم الرائع ربى يحلى ايامكم ويحفظ احبابكم
شيبيبا مبروك عليك ختانة ابنك الله يشفيه وانشاء الله تفرحى بعرسه وتشوفى وليداتو يا رب ان شاء تعودى قريبا وبارك الله فيك غلى مجهودك الرائع فىالدورة
اختى تيتى عظم الله اجلاكم فى فقيدكم ربى يصبركم يا اختى ويرحمه
ام اكرم بارك الله فيك كى حطيتى صورة الارقان بصح قوليلى من فضلك وين تلقايه عند الكوسمتيك وشكرا
رقية الناجحة اسمك رائع نحب بزاف وغاليتى بعيدة المنال ومنال100 راكم عزاز على قلبى بزاف ربىيجازيكم على روحكم الرائعة والمحبة والمعطاءة مشاء الله لا قوة الا بالله

omkamel · 2015-05-10, 23:43

السلام عليكم غالياتى الفرشات
شكرا غاليتى حبيبة على هذا اليوم المخصص لينا صدقينى يا حسراه منين نسيت روحى وما طليتش عليها وما اكرمتهاش ندير غير الواجب معاها وزيد مقصرة فيه حتى انا اضم صوتى اليكن انا مايساعدنيش يوم السبت ايضا ونشوف يوم الخميس انسب ليا نكون فيه اهدى قبل الجمعة يكون الزوج والاولاد ياربى نلتا بيهم
غاليتى ام نسيبة وكل الاخوات شكرا لسؤالكن على صحتى ان نعتقد بلى روماتيزم البلا او السحن اثقيل يحب يطيحلى من يديا ضركا وفى الشتاءوالله المستعان بصح رانى نستنى فى التشخيص نتاع الاخصائية انا رحت من عامين بصح كانت حالتى متدهورة ماعطانيش دواء مباشر لمرضى بصح حاول يعالج صحتى المتدهورة كامل اولا بصح انا ما كملتش اعلاج لضروف قاهرة وما تيسرليش نشوف اخصاءى غير هذا الشهر ورانى نستنى السلاك باش نشرى الدواء وندير ليزاناليز المهم ربى يقدر الخير الاونة هذى عادت تخرجلى حساسية ولا طفح جلدى فى وجهى وذرعيا كى تحكمنى السخانة وضرك راهى بدات تخرج فى ذرعياا وياربى استرو ماتخرجليش فى وجهى رانى تعبت
نحكيلك حكاية غريبة عن مرضى الصيف الىفات كنت يعنى لاباس وننفرج سميرة الطرز بالساتا وكنت ساخفة ندير حاجة كنت كلما نقول فى نفسى ضرك نشرى ونخدم هك ينوضلى الصطر فى يديا واذاغاننت يقوى حتى نبطل هو يروح صدقونى دهشنى ودهش خواتاتى وهك فى فتيل الكسكس
ربى يعينا ويخفف علينا يرب لا نسالك رد القضاء وانما نسالك اللطف فيه

oum sabrin · 2015-05-10, 23:48

السلام عليكم و رحمة الله
واش راكم
حبيبتي ياسمين ضحكتيني هههههه
هادي لازم نكتبها في صفحة motivation نستعملها لشحد الطاقة هههههه
حبيبني ام وسيم اللون المقدم جميل حتى التسريحة رائعة شكرا على الفكرة
حبيبتي ام ايوب نباتاتك راعة ما شاء الله شهاتني
حبيبتي ام فاطمة على سلامتك توحشناك شكرا على المستحضرين دائما تفيدينا يعطيك الصحة
غاليتي وصديقتي بعيدة المنال وين راكي توحشناك
حبيبتي زينب 83 ما شاء الله عليك راكي نحلة تع الصح تطبيقاتك رائعة
جيادتي الرائعة وينك حبيبتي ليك وحشة كبيرة
حبيبتي ام مؤمن وين راكي غاطسة توحشنا طلاتك عسى لمانع خير
حبيبتي ماريا ملاك توحشناك يعطيك الصحة بيتك جميل جدا و مرتب تتهناي فيه
حبيبتي شي بيبا اتمنى يكون ريح ابنك و زل عليه الالم توحشناك حبيبتي
حبيباتي فراشات العمر ام اكرم 31 ام نسيبة لوتوس ام كمال رقية الناجحة الريفية ام سلمى ام جنى ام احمد ام جيهان ام رتاج منال 100 و منال 2000 شوشو11 امة الله غزالة ميمونة موستا فاني 09 سروز2 احبكن في الله ربي يخليكم ليا و الي نسيتها تسامحني كلكن لكن مكانة خاصة في قلبي حفظكن الله

حبوبتي ويييييييييييييييين راكي نورينا بطلاتك الرائعة

غزالة1 · 2015-05-11, 05:51

السلام عليكم
صباح الانوار على احلى لمة ربي يبارك فيكم
سلامي لكل واحدة باسمها و دعائي لكن جميعا بالتوفيق(نسيبتي راني دايما حداك ما عندي وين نروح بعيدة المنال ربي ينجح بنتك و يفرحك منال 100 ربي يقويك ام كمال ربي يشافيك اظن انو حالتك النفسية تزيد من مرضك لذا تبعي الدورة و باذن الله راح تتحسني مبروك على لي ختنت وليدها العاقبة لعرسو رقية سلام خاص لك و ربي ينجح وليدك ام ايوب ازهارك اكثر من رائعة ام وسيم واش هاد الاناقة وقيلا الفراشات كامل راح يديرو نيو لوك هذا و حبيبة تعود ما تعرفناش من بعض و النائبة ام منال نتخلطولها و متفيقش بالغائبات ام صابرين صباح سعيد ام مؤمن وين رحتي ام فطيمة مشكورة على المنتجات سرور مرحبا بيك في السرب ميمونة و جيادا وين غطستو الباقيات الريفية امة الله ام ريتاج .... اللي نسيت اسمها تسمحلي لكن اقول لكن جميعا احبكن في الله)
حبيبة الحبوبة ليكي وحشة خاصة
ربي ينجح كل الممتحنين و يشافي كل مرضى المسلمين

غزالة1 · 2015-05-11, 05:55

لوتيس فلاور ام جنى ماريا ملاك زينب سمونتي شوشو صباحكم سعيد

oum sabrin · 2015-05-11, 07:12

صباح الخيييييييييييييييييييييييييييييييييير على اجمل فراشات
صباح الورود الجميلة و الروائح العطرة حبيبتي حبيبة
يومكن موفق

YASMINE SILA · 2015-05-11, 07:32

صباح الخير الفل و الياسمين فراشاتي الغاليات
توحشتكوووووووووووم بزاااف بزاااف

يومكن موفق

mariamalak · 2015-05-11, 07:47

صباح الفل و الياسمين على احلى فراشات
توحشتكم .اسمحولى لهيت عليكم شوية انشغلت بالمواضيع لى فتحتهم .نشكر كل وحدة زارتنى و شجعتنى و رانا هنا فى خدمة بعضنا البعض و نتشاركوا الافكار و التدابير و نحمسوا بعضنا بعض
حبيبتى حبيبة لكى مكانة خاصة فى قلوبنا ربي يوفقك لما يحبه و يرضاه