دورة فراشات تزهو بالألوان بيوتهن قمة في النظافة و التنظيم و التدبير و الاتقان

[حسناء القمر]

صباح الخيرات على احلى الفراشات

[حبيييبة]

حبيبتي زينب
راني نجهزلكم في مفاجئة
خاصة بالفراشات و بالمرأة الجزائرية
بصفة خااااااصة جدا

راهي في طور التحضير
(ماشي فيديوهات)
لكنها مفاااااجئة جميييلة ان شاء الله تعجبكم
و تنال رضاكم
و توصلوا بيها لتحقيق كل طموحاتكم ان شاء الله

[لبرايجية]

المشاركة الأصلية كتبت بواسطة لبرايجية

سلام عزيزاتي الفراشات اختي بعيدة المنال اشكرك على السؤال عني راني غيرهنا وليت لعادتي نتبعكم في صمت اصابني الخمول والارق كي نتقلق يصماطلي كلش لا خياطة ولا نشاط طبخ وتنظيف ياسر عليا زعم جبتها فحولة وكل صبع بصنعة ومالحقتش مع ولادي ايا دبرو عليا يا الفحلات والله تقلقت على اختنا ام نسيبة عسى المانع خير ان شاء الله اختي حبيبة طلي عليا وعلى حالتي كي راهي

اختي حبيبة انقضيني.......

[حبيييبة]

المشاركة الأصلية كتبت بواسطة لبرايجية

اختي حبيبة انقضيني.......

اهلا اهلا بفراشتي الجميلة الفحلة
واش راكي يا الغالية ان شاء الله بخير
توحشششششتك
لاباس عليك ما تقلقيش روحك
ربما ما اصابك هو بسبب اعراض الدورة الشهرية حبيبتي
او مجرد ملل من الروتين
و هذا كلوا امر عادي جدا
يصيب كل الناس
و انا اولكم
ما عليك الا ان تتركي كل شيء و تلتفتي لفعل ما يجلب لك المتعة و السرور
كالخروج للتنزه، الخروج للسوق،
السفر لمدينة اخرى، مشاهدة فيلم ممتع او مسرحية
زيارة صديقة مثلا هذا الامر رايح ينفعك كثيرا باذن الله
لانك لما راح تزوري سيدة في بيتها رايحة تلاحظي نظافة و نظام بيتها
و رايح يحرك فيك مشاعر الحماس و تتقد تلك الشعلة
رايح ترجعي تجري لبيتك و ترجعي لنشاطك المعتاد
و الامر اللي ننصحك فيه ايضا
انك تعرضي ناس يجيوا لعندك على الغذاء او العشاء او القهوة
صديقاتك او نساء من اهلك
رايحة تولي كيما النحلة في لمح البصر
و تحسي بالسرور و الغبطة و انت تنظفين و تطبخين
و ترتبين و تتزينين وووو
جربي حبيبتي و ان شاء الله
تخرجي من هاذ المرحلة المؤقتة في وقت قصير جدا

[حسناء القمر]

ياترى واش هي المفاجئه

[حبيييبة]

المشاركة الأصلية كتبت بواسطة حسناء القمر

ياترى واش هي المفاجئه

ههههه مفاجئة جميلة جدا
رايح اعلن عنها قريبا
بمجرد الانتهاء من تحضيرها
ابشري حسنائي الجميلة
اشتقت لك حبيبتي

[رقية الناجحة]

اين انت ياحبيبة توحشناك وتوحشنا ردودك المشجعة لنا ولا راك زعفانة منا

[رقية الناجحة]

اهلا بغزالتي توحشت قفزاتك هنا في بستان الدورة


ياهلا بحسناء القمر اشعر انك حسناء فعلا مثل القمر


ام ريتاج ام نسيبة فراشات العمر زينب لبرايجية شوشو منال 100 جيادا زهرة اللوتس ام احمد سمونتي ا ميمونة بوديسة ام صابرين ام مؤمن امة الله فايزة........والقائمة طويلة احبكم في الله ولي نسيت اسمها تسامحني ادام الله لمتنا

[رقية الناجحة]

المشاركة الأصلية كتبت بواسطة حبيييبة

حبيبتي زينب
راني نجهزلكم في مفاجئة
خاصة بالفراشات و بالمرأة الجزائرية
بصفة خااااااصة جدا

راهي في طور التحضير
(ماشي فيديوهات)
لكنها مفاااااجئة جميييلة ان شاء الله تعجبكم
و تنال رضاكم
و توصلوا بيها لتحقيق كل طموحاتكم ان شاء الله

اكييييييييييييييد مفاجأة جميلة جدا مثل ما تعودنا منك دائما حبيبتي نحن ننتظر على احر من الجمر وفقك الله في تحضيرها

[حسناء القمر]

تسلمي عزيزتي حبيبه يتوحشك الخير
مشكوره اختي رقيه الناجحه وربي ينجحك في حياتك يارب

[أمة الله 84]

صباحك جميل كل فرشات و كل اليرقات أحبكن جميعا
أخت حبيبة فرحت كي شفت ردك و راني فرحانة بالمفاجئة بلما نعرفها مناه علبالى راه مليحة
يا فرشات يا جميلات و الله راني فرحانة بزاااااف كي راني معاكم و ربي يخلينا لبعضنا نتعاونو على طاعتو نحبكم بزاااااف

[om wassim]

مساء الخير فراشات
حبيت نحكيلكم مشكلتي ياريت تساعدوني و الله قلبي راح ينفجر
عندي ثلاث سنوات و نص متزوجة من راجل هو لي ختارني فالاول ماقبلتش لانه
مستوانا المعيشي و الدراسي و كلش ماشي كيف كيف يعني انا متخرجة مالجامعة و هو حبس فالابتدائي
دارنا عندهم سكن راقي و متوفر عندنا جميع وسائل الحياة السعيدة و هوما ماعندهمش منزل يعني يسكنو فالفوضوي
لكن والديا قالولي راه يبان عاقل و الفقر ماشي عيب قبلت
فالعام الاول زواج كان هايل معايا و مع اهلي يخليني نخرج معاهم لانه ماعندوش سيارة
و يفرح كي يجو عندنا و يديني عندهم كل مانتوحشهم
بصح نهار زاد وليدي زعفني فالنفاس . مرضت و والديا كانو حاضرين و شافوه كي انا مريضة و هو مازال يعيط عليا ماما قاتلو ياوليدي اخرج خليها ماشي هكا يديرو الرجال لنساهم(يعني انا تقريبا فقدت عقلي مانعرف حتى واحد)
يماه مالاول ماكانتش عاجبها لحال كي كان مليح معانا استغلت الفرصة قاتلو نسيبتك قاتلك انت ماشي راجل
داني لدارنا قعدت 20 يوم مايجيش حتى يشوفني انا و وليدو و كي رجعت لدارهم لقيتو انسان اخر مانعرفوش
قالي مايزيدوش يجو داركم و ماتزيديش تخرجي معاهم و انا نديك عندهم وقت مانحب
المهم راه كل يوم يزيد يتبدل لحق وين عندي عامين مانروحش لحتى واحد لا عرس لا جنازة و اولادي مالازمش يخرجو مع اهلي و هذ يومين زاد قالي مايزيدش يروح وليدي لداركم
حبيت رايكم انا كرهت هو اهلو ساكنين معانا و وليدي يضل عندهم و هو يعاملهم احسن معامله حتى انا بصح اهلي لا لا
رغم انهم هوما لي معيشينا اثاث البيت بابا لي شراه كامل و ملابس ولادي جامي شرالهم باباهم كلش والديا و حتى انا
الخرجة ماعندوش مقدور باه يخرجنا
انا عييت راني بين نارين اهلي يحبو ولادي بزاااف و يتوحشوهم و مايحبش هو يروحو عندهم
و اهلو غير يروح وليدي عندهم يتقلقو و يحاوزه و هو يقولي ابعثيه
ماشي قادر حتى يعيشني انا و ولادو لزكان ماشي اهلي الطبيب ماكاش باش نروحو
و يزيد يعاملني و يعاملهم معاملة سيئة و كي نقولو كاش حاجة يروح يعاودها ليماه و هي تدخل روحها فكلش و تزيد تكبر المشاكل
راني نفكر فالطلاق اناراني فالحبس بصح مايهمش حوست وخرجت و لبست في دارنا بصح ولادي مساكن
واش ذنبهم يتحبسو معايا
تعيشو اعطوني حل مع هذ الراجل و زيد هذ الايام كي نداوسو ولا يقولي كاين النسا بزاف تقبلي تعيشي كيما نحب ولا نشوف اخرى
هو دار وحدة ماقدرلهاش و زيد انا احسن منو شكلا . ثقافة و دراسة و يتكبر عليا
و هذي كامل هدرة يماه لانه صح كان هايل دوك اضحكة ماكاش يقولي لوكان نضحكلك تلعي فوق راسي
راكم خياتي علابيها قاسمتكم همي و هذا غير شويه منو نتمنى تساعدني لاني مارانيش عايشه

[لبرايجية]

[quote=حبيييبة;3993334486]

اهلا اهلا بفراشتي الجميلة الفحلة
واش راكي يا الغالية ان شاء الله بخير
توحشششششتك
لاباس عليك ما تقلقيش روحك
ربما ما اصابك هو بسبب اعراض الدورة الشهرية حبيبتي
او مجرد ملل من الروتين
و هذا كلوا امر عادي جدا
يصيب كل الناس
و انا اولكم
ما عليك الا ان تتركي كل شيء و تلتفتي لفعل ما يجلب لك المتعة و السرور
كالخروج للتنزه، الخروج للسوق،
السفر لمدينة اخرى، مشاهدة فيلم ممتع او مسرحية
زيارة صديقة مثلا هذا الامر رايح ينفعك كثيرا باذن الله
لانك لما راح تزوري سيدة في بيتها رايحة تلاحظي نظافة و نظام بيتها
وآله رايح يحرك فيك مشاعر الحماس و تتقد تلك الشعلة
رايح ترجعي تجري لبيتك و ترجعي لنشاطك المعتاد
و الامر اللي ننصحك فيه ايضا
انك تعرضي ناس يجيوا لعندك على الغذاء او العشاء او القهوة
صديقاتك او نساء من اهلك
رايحة تولي كيما النحلة في لمح البصر
و تحسي بالسرور و الغبطة و انت تنظفين و تطبخين
و ترتبين و تتزينين وووو
جربي حبيبتي و ان شاء الله
تخرجي من هاذ المرحلة المؤقتة في وقت قصير

uo
الف الف شكر لكن هذه المرة الصدمة كانت قوية وبما اني ما نحبش المشاكل انهارت اعصابي وفشلت راني طايحة واش ينوضني

[YASMINE SILA]

غاضتني عمري جيت نكتب في تقريري لشهر افريل لقيت الكارت ميموار مفيروسيا و الصور ماحبوش يبانو

[ليال 22]

من فضلكن وين هو قسم التطبيقات.