نصيحة لخاوتي المقبلين على الخدمة العسكرية

[ma-vie]

السلام عليكم خاوتي
ان شاءلله ركم بخير كامل وصحتكم مليحة
عندي راي برك حبيت نقولو وننصح بيه خاوتي و الباقي كل واحد مسؤول على رايو وقراراتو
بالنسبة للخدمة الوطنية و العفو منو انا نشوف فيها كامل زهر ... يعني اي واحد يبكي على زهرو
صح تبقا الاسباب لي هيا الملف الطبي و الفايض و غيرها لكن كي يكون مكتبلكم ربي تعقبوه رح تعقبوه
مالا من الافضل كاين 2 نقاط تديروهم فبالكم مليح .. اولتها انو الانسان يلزم يتهنا من الخدمة العسكرية لانها ضرورة حتمية لاي شاب لحق لسنة القانون لانو من يتهنا منو رح يتفتحولو ابواب الحياة ويقدر يخمم براحتو في حياتو مستقبلا ... وثانيها لي يروح باه يفوت يلزم يروح يعقلية ونفسية انو رح يفوت ويتموزر في 4 الاشهر الاولى من بعدها يعلق لقراد انتاعو ويرتاح ... صح يلزم الواحد يتخذ الاسباب من ملفات طبية وغيرها لكن يتكل على ربي سبحانو ويروح
ربي يجيب الخير خاوتي و يهنينا من الهم هادا هههه سلام

[azzoun abdelouahab]

السلام عليكم خاوتي
أنا اليوم جبت أمر الإلتحاق إلى
الناحية العسكرية الأولى، م ع للبحرية، تمنفوست
15/05/2015
1-واش رايكم في هذه المدرسة، فيها فائض و لا ما فيهاش.
2- هل أستطيع الإلتحاق يوم 16/05/2015 ولا لازم يوم 15/05/2015.
3 خاوتي أنا ليسانس مالية 04 سنوات ، لكن هما دارولي ماستر ل م د ، جيني سيفيل، طالب ظابط إحتياط، نصححها ولا نخليها.

[أحمد زابانة]

المشاركة الأصلية كتبت بواسطة azzoun abdelouahab

السلام عليكم خاوتي
أنا اليوم جبت أمر الإلتحاق إلى
الناحية العسكرية الأولى، م ع للبحرية، تمنفوست
15/05/2015
1-واش رايكم في هذه المدرسة، فيها فائض و لا ما فيهاش.
2- هل أستطيع الإلتحاق يوم 16/05/2015 ولا لازم يوم 15/05/2015.
3 خاوتي أنا ليسانس مالية 04 سنوات ، لكن هما دارولي ماستر ل م د ، جيني سيفيل، طالب ظابط إحتياط، نصححها ولا نخليها.

أخي يمكنك التأخير لكن حذاري من إغلاق الثكنات عند التأخير الكبير ... أعطيك مثال أنا إلتحقت بعد غلق التجنيد و قد كان الاستدعاء ليوم 15/09/2014 و أنا درت الروطار و لحقت بعد إغلاق التجنيد للأسف لكنني ذهبت كمتطوع .
أما التأخر بوم أو يومين فلا خوف .
- أنصحك أن لا تتأخر عن 22/05/2015

[277amine]

salem alikoum

rani jabte ordre dapel kasouni fel ecole te3 ichara (transimission
fel koela ma3a 3ilm beli derte deja la visite fel 2009 mouahel 2 nkad ndakahl dossier midical (alergi avec asme ) m3aya le meme eli ditou fi la visite normal za3ma 3endi une chance wela walou ? w had ecole mliha fiha faid wela kech akhbar ghi khabrouni khawf rah

[azzoun abdelouahab]

المشاركة الأصلية كتبت بواسطة أحمد زابانة

أخي يمكنك التأخير لكن حذاري من إغلاق الثكنات عند التأخير الكبير ... أعطيك مثال أنا إلتحقت بعد غلق التجنيد و قد كان الاستدعاء ليوم 15/09/2014 و أنا درت الروطار و لحقت بعد إغلاق التجنيد للأسف لكنني ذهبت كمتطوع .
أما التأخر بوم أو يومين فلا خوف .
- أنصحك أن لا تتأخر عن 22/05/2015

merci khoya
rahom ghaltouli fe diplome kifah nedire

[cheikoooo]

قضية الغلطة تقدر تصححها بعد ما تلتحق و بالتحديد في مكتب الادماج او bureau drecretment...

[هارون الزقم]

السلام عليكم انا هارون من واد سوف من مواليد 1990 عمري 25 سنة عندي ليسانس مالية متخرج يعني جتني لوردابال لولا في مارس 2014 وقبل كنت ندير في سورسي متزوج وعندي ولد وتو جتني الثانية في المدرسة العليا للاشارة بالقليعة وحاب نطلع نتهنى بصح خايف تزوجت عندي ظروف خاصة وجاني وليد مريض عندي الملف تاع المرض تاعه وداير شهادة بللي منفصل عن العائلة يعني نسكن وحدي وعندي شهادات طبية 2 من طبيب عام وواحد من طبيب خاص ملف ضعف النظر دايرلي الطبيب الخاص والعام لولا 2/10 ولخرى 3/10 وعطاني نواظر نمشي بيها وعندي شهادة من طبيب خاص بللي راني نمشي ريجيم عندي قولون الاعصاب وناكل فالدواء تاع المعدة وراني نخدم عند لبريفي ومليت وحاب نتهنى قولولي بجاه ربي وش نعمل راني تعبت ربي يجازيكم ان شاء الله.

[azzoun abdelouahab]

المشاركة الأصلية كتبت بواسطة cheikoooo

قضية الغلطة تقدر تصححها بعد ما تلتحق و بالتحديد في مكتب الادماج او bureau drecretment...

merci khoya
yessema nedi me3aya le déplome ta3i

[zouzoudj3]

السلام عليكم خاوتي جاني استدعاء لبلعباس مشاة 15/05 و تيح بالجمعة ...انا قلت نروح ب الجمعة و نكون مع الاوائل بالاك تكون عندي فرصة انكون مع الفائض اذا كان ....واش تنصحونا يا جماعة الخير

[Madridista270]

هل من معلومات حول مدرسة ضباط صف العتاد ن ع 2 عين وهران مرسي

[maximus disimus]

المشاركة الأصلية كتبت بواسطة ma-vie

السلام عليكم خاوتي
ان شاءلله ركم بخير كامل وصحتكم مليحة
عندي راي برك حبيت نقولو وننصح بيه خاوتي و الباقي كل واحد مسؤول على رايو وقراراتو
بالنسبة للخدمة الوطنية و العفو منو انا نشوف فيها كامل زهر ... يعني اي واحد يبكي على زهرو
صح تبقا الاسباب لي هيا الملف الطبي و الفايض و غيرها لكن كي يكون مكتبلكم ربي تعقبوه رح تعقبوه
مالا من الافضل كاين 2 نقاط تديروهم فبالكم مليح .. اولتها انو الانسان يلزم يتهنا من الخدمة العسكرية لانها ضرورة حتمية لاي شاب لحق لسنة القانون لانو من يتهنا منو رح يتفتحولو ابواب الحياة ويقدر يخمم براحتو في حياتو مستقبلا ... وثانيها لي يروح باه يفوت يلزم يروح يعقلية ونفسية انو رح يفوت ويتموزر في 4 الاشهر الاولى من بعدها يعلق لقراد انتاعو ويرتاح ... صح يلزم الواحد يتخذ الاسباب من ملفات طبية وغيرها لكن يتكل على ربي سبحانو ويروح
ربي يجيب الخير خاوتي و يهنينا من الهم هادا هههه سلام

من فضلك يا اخي هل يمكنني الخروج من الثكنة لحضور عرس اخي ؟

[bilan74]

ربي يوفق انشاء الله

[mouh kabyle]

المشاركة الأصلية كتبت بواسطة zouzoudj3

السلام عليكم خاوتي جاني استدعاء لبلعباس مشاة 15/05 و تيح بالجمعة ...انا قلت نروح ب الجمعة و نكون مع الاوائل بالاك تكون عندي فرصة انكون مع الفائض اذا كان ....واش تنصحونا يا جماعة الخير

خير يا اخي.رانا رايحين لكازرنة وحدة.