دورة فراشات تزهو بالألوان بيوتهن قمة في النظافة و التنظيم و التدبير و الاتقان

[ام مؤمن]

lotus flowerl راني جيتك يا العزيزة و الله ماتزعفي علينا راكي ختنا

كل ما كتبتيه رائع راكي ماشية مليح و منظمة حياتك و متهلية في زوجك و اولادك اسلوبك في الاعمال اليومية منظم و واضح
تكلمتي على مشكل الغبار و الرمل هنا ننصحك انت تهوي البيت في الصباح الباكر و تغلقي النوافد و الشبابيك تجنبا للهواء و راكي قلتي تستعملي مكيف ممكن يساعدك كي تكون السخانة و لكن حاولي دائما ماتحليش الطواقي كثيرا

بالنسبة لتحقيق الاهداف رانا في ركب واحد تقريبا انا اعاني من عدم الانظباط ايضا في قراءة المصحف و ناقصني الالتزام لكنني اعمل جاهدة على تنظيم وقتي و تحديد وقت محدد التزم به ما استطعت و لما لا التزم نلوم روحي و نعاود نبدا من جديد
حتى يصير الالتزام عادة نكتسبها مع الوقت
صلاة الفجر انا عندي نفس مشكلتك نسهر و مانقدرش انوض و اليوم اللي مانصليش نبقى قلقانة و نوض من فراشي مكرزة و حتى اذا صليت الاوقات الاخرى في وقتها نحس حاجة ناقصة انا مشكلتي الغسل نعجز باش نغتسل على 4 صباحا و راني نحاول نغلب نفسي
بالنسبة لقلة النوم اكتشفت ان نهوضي للفجر لايؤثر على نومي كلها ربع ساعة و نرجع ننام الشيطان برك يوسوسلي بلي مانشبعش رقاد و هاذو ايامات و انا نصلي و نقرا الاذكار و نرجع نرقد و نوض على السابعة و الله فرحت بزاف بصلاة الفجر في وقتها ربي يدومنا عليها
بناتك راكي قايمة بيهم ربي يرزقك الولد ان شاء الله و ربي يقدرنا على وليداتنا حتى يكبروا
انا عندي مشكل نحب نعمل اشياء كثيرة في نفس الوقت مثلك لكنني تعلمت ندير تخطيط و نكتب الاولويات في جدول بالترتيب و نقسم وقتي لكل حاجة شوية و حاجات ناجلهم حتى يفرج ربي و ساعات ننتكس و يجيني احباط ماندير والوا و نقلق بزاف حتى نبكي و بمجرد تنتهي القلقة و نبكي نستمد قوتي من ضعفي و نعاود نرجع من جديد منين بديت و نتحدى كل شيىء و هذه هي الحياة يوم نطيح يوم نوض
موعد النوم لازم تحسميه بقوة و تحاولي تلتزمي بيه و تحداي نفسك و راح تنجحي في التحدي
العزومات زوجك يعرف اصحابوا و واش يحبوا ماكلة سقسيه و اللي ماحبش اطباق تقليدية ديريلوا اطباق عصرية من المنتدى و حاولي ديري موني في ورقة و سجلي كل مرة واش يخرج عليك
نتمنى نكون افدتك و لو بقليل و راني هنا نسمع لاختي كاش ماتحبي تفضفضي احكيلي و فرغي قلبك
راني كتبت جريدة ماعليش الاخوات اذا حبوا مايعييوش ارواحهم المهم انت تقراي و ترتاحي
حبيبتي رانا في سفينة وحدة كلنا لست وحدك من تعاني من مشاكل و لازمنا نتعلموا الصبر و الحكمة و المثابرة عسى الله يوفقنا لما يحبه و يرضاه

[ام مؤمن]

مسائكم عسل يا فراشات

شهرزاد ربي يوفقك و مرحبا بيك

الريفية واش درتي فيها في تحميل الصور مازال مايخرجولكش

ام كمال ربي يحفظك و ربي يوفقك ان شاء الله بناتك في اي مستوى دراسي

رقية الناجحة الله يبارك على الفساتين نتاعك ماشاء الله عليك

ماريا ملك واش درتي فيها راكي ماشية بيا ن

اام نسيبة يا لحبيبة راكي في البال ربي يطمنا عليك

حبيييييييييييييييييييييييييييييييييية وين راكي عسى المانع خير

ام فاطيمة هذي غيبة و البقية كل وحدة باسمها ربي يوفقكم

[رقية الناجحة]

المشاركة الأصلية كتبت بواسطة mariamalak

[/url]
[/url][/url
/url][/url]


[/url]

[/url]
[/url]
الحمد لله طلعو الصور
البارح درت تنضبف عميق لغرفة البنات و حبيت نشاركم بالصور
بديت بالبلاكار نحيت كلش و مسحتو و بديت نطبق و نخمل لى صغارو و اللى ما نحتاجهمش قست 2 شكاير
رجعت لسرير نحيت الماطلات يتهواو
و نقيت التاقة و عسلت الريدو
نقيت البيرو و قست الورق
رجعت الماطلات و بدلت الدراوات و فرشتهم
التابى درتلو البرودوى تاغو و درتلو لاسبيراتو و رفدتو
سيقت بالرغوة و عاودت شللت
كى نشفت رجعت التابى

ربي يزيد ويبارك ويحفظ بنياتك

[روضة 88]

وهذا لصاحبة العزومة هذا الطبق رووووووووووووووووعة
https://www.djelfa.info/vb/showthread.php?t=1744158

[أم ضياء عبد الرحيم]

مساء الخير على احلى لمة و احلى صحبة في العالم كيفكم حبيباتي الفراشات

المشاركة الأصلية كتبت بواسطة ام مؤمن

هههههه جيادا بصحتك ماتخافيش راني عندي ريزارف



ربي يحفظك اختي فاتي شكرا



كوني من هؤلاء يا فراشة الدورة


*- استيقظ صباحا وأنت سعيد .
*- احتفظ بابتسامة جذابة على وجهك .
*- كن البادئ بالتحية والسلام .
*- كن منصتا جيدا .
*- خاطب الناس بأسمائهم .
*- تعامل مع كل إنسان على أنه أهم شخص في الوجود .
*- ابدأ بالمجاملة .
*- قم بإعدادالمفاجأة لشريك حياتك .
*- ضم من تحبه إلى صدرك .
*- كن السبب في أن يبتسم أحد كل يوم .
*- كن دائم العطاء .
*- سامح نفسك وسامح الآخرين .
*- استعمل دائما كلمة "من فضلك" وكلمة "شكرا" .
وتذكر دائما:
عش كل لحظة كأنها آخر لحظة في حياتك،عش بالإيمان، عش بالأمل،عش بالحب، عش بالكفاح، وقدر قيمةالحياة.

بعض نصائح د. ابراهيم الفقي (رحمه الله)

يا سلام على الكلام الرائع شكرا حبيبتي أم مؤمن ربي يجازيك كل خير

المشاركة الأصلية كتبت بواسطة ارزاق

شكرا اختي جيادا وراني نستنا في وصفاتك ياريت تقوليلي ونا شونبو تغسلي بيه

حبيبتي أرزاق نغسل بشامبو دوف

المشاركة الأصلية كتبت بواسطة faiza2008

لبنات قولولي .......................
ماعرفتش انطير، قولولي اول تطبيق (تطبيق المرآة) نكتبو هنا ولا نطير نكتبو في صفحة التطبيقات

يا الفراشات الرقيقة تكتبيه في قسم التطبيقات و حنا نطيروا معاك نقراو و نرجوا نعلقوا كي نكمل هنا نروح نقرعج شوية

المشاركة الأصلية كتبت بواسطة ouricia

مساءكم عسل يا كشرودات :d:d:d:d
ام مؤمن يا الكشرودة عيد ميلاد سعيد وكل عام انت بقوصة
جيادا حبوبتي وشراكي
الفراشات وشراكم واش اخبارك واهلين وسهلين باليرقات الجدد

يا كشرودتي الجميلة وين رحتي توحشناك مازال ما بدلولكش الاسم

المشاركة الأصلية كتبت بواسطة lotus flowerl

السلام عليكم
ان شاء الله كل الفراشات بخير
تحية للاستاذة و الاخت حبيبة ربي يحفظك
قررت نكتبلك برنامجي رغم اني هذا واين بديت باش تصححيلي و توجهيني للطريق الصح
و بما انني ضعت بين الصفحات فاستعملت تقرير الاخت جيادا كنموذج ربي يجازيها كل خير
باسم الله
اولا ان شاء الله اكتب عند الله معكن في مجلس خير و الله يهدينا و يتقبل منا صالح الاعمال
التطبيق الاول
تلميع الحوض لنا في عادتي ما نخليش الماعن دون غسيل و نخليهم يقطروا في احد الحوضين بعد غسلهم جيدا ثم نخبيهم لاني عادة نحضلر لوازم الفطور للغد في الليلة و احيانا كيما ليلة الجمعة نطيب الصوص او واش قررت نطيب باش ما نديرونجيش زوجي و بناتي الي يرقدو في هول
المطبخ مفتوح على الهول
و للملاحظة بيتي متكون من غرفتي و غرفة صغيرة درتها صالون اخذ كل المساحة لان اصحاب زوجي كثر و مطبخ و هول فيه جانب لاسرة بناتي و جانب كغرفة للمعيشة فيه صالون نقعدو فيه
و حمام طبعا

التطبيق الثاني تجهيزي الكامل في الليلة
من الدراسة متعودة نوجد كل شيء في اليل و بقيت على نقس المنهاج و نوجد لزوجي كل شي في الليل لانو بناتي مازالو ضغار لبستو و جواربو الصباط ممسوح و مسيرج العطر و الاكل الي يديه لانو الدوام متواصل من 7 الى 3 مساءا فدايما نوجد نوع حلويات يفطر بيه في العمل لانو ما يحبش ياكل بكري غير كاس عصير و حاجة صالي يصبر بيها روحو حتي يرجع و نفطرو
كي يوصل يبدل حولايجو و يتوضا و يروح يصلي العصر و يرجع نفطرو و يدير لا سياست و نوضو مع المغرب لانو الحياة هنا تبدا بعد المغرب

ضبط توقيت الدخول للمنتدى
ما عنديش وقت محدد و على حسب التزاماتي و راح نحاول نحط برنامج و نتبعو ان شاء الله

الاماكن الساخنه
عندي زوج بلايص ما يبردوش اطلاقا لعب البنات و درج الشارجورات الخيوط قد ما نفرز تعاود تتشبك لكن لاني ما نحملش الفوضى كل ما نشوفهم سخنو نبردهم
فقط ما عنديش وقت محدد لها و ما كنتش ندير وقت راحة ان شاء الله نتعلم و نطبق

برنامج التنظيفات
برنامجك اعجبني كثيرا و راح نحاول نطبقو لكن انا نعاني من العواصف الرملية الي دخلي الرمل و الغبرة يعني مسح الغبار و التنظيف العميق لكل الغرف صحيح بيتي نظيف لكن تعبت من الرملة نسيق مرتين الصباح و قبل النوم
و بالنسبة للحملة الربيعية فبما انو لدينا ال من ديسمبر الى فيفري فترة برد و الباقي بالمكيف انهيت التنظيف و خبيت الالبسة الربيعية لانو ما نحتاجوش الشتويه هنا عندي مدة و كملتها

برنامج الروتينات
راح نحط برنامج و نحاول الالتزام

الافكار الايجابية
مرات تكون عندي طاقة جميلة ومرات السلبية راكبتني من راس لرجلي
ان شاء الله بنصايحك راح نتغلب عليها

قائمة الطعام
ما نيش متقيدة ببرنامج محدد و لكن خذيت انا و زوجي بعض القرارات و لحد الان رانا ملتزمين
الاكل تا برا حبسناه الا في مرات قليلة عند الخروج و اصبحت ندير الهمبورغر و كل الماكولات كيما تاع برا لكن في البيت و بمقايسي الصحية
المشروبات الغازية حبسناها و حط كانيطات في الثلاجة فقط للضيوف
نقصنا من المقالي و الدسم و الملح شوية برك حتى نتعودو على الاكل الصحي
اصبحت ندخل الخضر من اجل بناتي حتى في الاطباق التي لا تحتويها
نقصت من المعلبات واصبحت اعتمد على التحضير المنزلي للمواد و الحبوب الجافة

قائمة المشتريات
ما ناش محددين مبلغ محدد لكل شهر و الخلاص بكارت بنكية ما يخليش مراقبة على المصروف
و لكني بديت نظم الامور نقضيو كل سبت و نكون نظفت الثلاجة ما يلزمني فقط و نكون موجدة قائمة او هي نفس المستلزمات التي تتكرر في كمية اللحوم او الخضر
و محتاجة لقائمة طعام ان شاء الله ندي افكار ومن الاخوات الفراشات

تنظيم وترتيب الاسبوع و الشهر
بالنسبة للمواعيد ادارة المستشفى تذكرنا بالموعد قبل 3 ايام و رسالة قبل اليوم الاخير
هنا مربط الفرس
مشكلتي لا استطيع الالتزام باهدافي المخططة و اتوقف عند اول صعوبة
هنا انا محتاجة فعلا للمساعدة.............

تحقيق الاهداف و الاتزام بها مشكلتي الالتزام الالتزام و الاحباط من الفشل
فمثلا لقراءة القران في مرات قادرة نقرا المصحف كامل و مرات ما نفتحوش و مرات نقرا شوية برك و في اوقات مختلفة كنت حددت و التزمت بالقراءة لفترة بين المغرب و العشاء و اصبح كلما نجي نقرا ننعس و نتعب و يتقلب حالي و مانقراش............
صلاة الفجر متذبذبة لانو كما قلت الحياة مقلوبة و تبدا من بعد المعرب فموعد النوم ياثر على موعد النهوض للصلاة ولكن لما ما نصليهاش في وقتها نحس بغيض و قلق غضب غلى نفسي لكن.....

ادعولي يصلح حالي و يهديني نتغلب على نفسي و الشيطان

الاعتناء بجمالي
كنت لما نخلص البيت و الغداء ندوش و نعدل روحي لكن ان شاء الله نتبع البرنامج ونحاول نبدا في روحي
بناتي لما ينوضو نغسلهم ويفطرو نبدلهم و نمشطلهم و نعطرهم و نخليهم يتفرجو قليلا ثم يلعبو الى حين الغداء يفطرو و نخليهم يزيدو شوية و يستناو باباهم ثم يشربو الحليب و يديرو لا سياست متاخرة طبعا لكن ما عنديش حل اخر و راني كل مرة نقصلهم في وقت نوم الصباح باش يرقد بكري
ندوشهم كل اثنين و خميس و مرات لما يكونو مقلقين او لما يخرجو للعب في الحدائق الي فيها رملة

بعد العشاء نغسل الماعن و نوجد الفطور تاع غدوة على الاقل ندوزن و نحط في الثلاجة و اذا كان اللحم مكونجلي نجبدو قبل ما نتعشاو و نقي الحوض لاني اصلا ما عنديش على من نتكل و نحب الكوزينة دايما نقية
بعد اكل الديسير و نتفرجو شوية اذا ما خرجناش على خاطر البنات باش يتلاقاو من جيلهم نغسلهم و نلبسلهم البيجامات و نمشطلهم شعرعم و الكبرى تغسل اسنانها و يرقدوا حاليا نرقدو على 12 او الواحدة و راني كل يوم نقص للوصول للوقت الجيد

في الوقت الي يتفرج الزوج و بعد تحضير فطور الغد نسيق و نرتب كل شيء و علمت بناتي يلمو الالعاب بعد ما يخلصوا و بهذا لما نوض الصباح كل شيء نقي و مرتب

مشاكلي :
الالتزام ببرنامج الاهداف و ارادتي لتعلم اشياء كثيرة في نفس الوقت
الاحباط و التوقف عند اول صعوبة
مواقيت النوم
الغبرة الي قهرتني
و اريد نصائح للعزومات لان اصحاب الزوج من جنسيات اخرى ما عندي مشكل في التحليات و السلطات و لكن الاطباق الرئيسية هل تنصحوني باطباقنا التقليدية لنشرها ام اضع الموني على حسب اطباق الضيوف و خاصة في رمضان لانهم لا ياكلون الشوربة الجزائرية و كذلك لا يحبون اطباقنا التقليدية كالكسكس

ربما نست اشياء و لكني اردت وضعه الان لابدا بخطوة صحيحة ان شاء الله

انتظر الملاحظات اختي حبيبة و ربي يكتبلك بكل حرف اجر ان شاء الله
ادعولي اخواتي ييسر لي الامور ربي يحفظكم
و اعتذر ان اكثرت الكلام
و الصلاة والسلام على رسول الله



هذا الموضوع كتبته في التطبيقات لكن نقلتو لهنا باش تقدرو تعلقوا عليه و تقيمني الاخت حبيبو و توجهني للطريق الصح وان شاء الله نلحقوا بالفراشات عن قريب
و حبيت نقول انو مشكلتي مش في التنظيف وراني مسيطرة عليها الحمد لله و ماشي مقصرة لا في الزوج و لا الاولاد و لكن مشكلتي في تحقيق احلامي و اهدافي حاسة انو الوقت يجري و انا ماحققت والو و عدم التزامي و الاحباط و الخوف من الفشل هو مشكلتي
حطيت صورة في ذهني ولازم نوصلها و لكن .......


تحية لكل الفراشات و للاخت حبيبة



ام مؤمن ربي يكبرنا في طاعته و ان شاء الله كل يوم وانت احلى واجمل في عيونك و في عيون كل من يشوفك و خاصة زوجك

و خليلي من الكيك راني جيبة الكادو و جاية راني ريزارفيت



اختي مارياملاك ربي يسهلك الامر

ما تقلقيش روحك و اقعدي و حطي برنامج للوصفات الي حابة تحضريهم ز وجدي قائمة بالمشتريات
ووجدي كل شيء قبل بليلة و حتى الماعن كيما قالت الاخت ارزاق تحية ليها
و ان شاء الله ربي يسهلك الامر و ما تنسايش تكوني في ابهى حلة و ابتسامتك على طول وجهك الجميل
ربي يحفظك

تحياتي لكل الفراشات و ادعيونا معاكم

ماشاء الله عليك زهرة اللوتيس راكي فراشة مجتهدة و تقريرك كامل متكامل بالنسبة للمشتريات كون تعودوا تجبدوا المبلغ الي راح تقضية بيه احسن من البطاقة البنكية هكذا تتحكمي اكثر في المصروف و بالنسبة للعزومات حاولي اديري مثلا طاجين فرماج غراتان او كفتة او دري اطباق الدولة الي راكي فيها لعلاه مالفين بيها اكثر و تعجبهم
و بالنسبة للاهداف و الله رانا كامل مع نفس المشكل التسويف قتلنا انا عندي اكثر من اربعة سنوات نحاول نحفظ سورة البقرة و للان ما كملتش و ثاني كنت مدايرة هدف تعلم احكام التجويد تعلمت شوية و توقفت لكن كي دخلت لحلقة الحفظ و دورة احكام التجويد التزمة و الحمد لله نكمل أظن حل المشاكل هذه هو الاستعانة بالله اولا و ثانيا تشوفي جماعة تكوني معها باه كل ما تقاعستي تلقاي الجماعة تاخذ بيدك يد الله مع الجماعة و الشيطان ما يقدرش على مجموعة كي تكون على طاعة الله اذا ننصح تنظمي لحلقات الحفظ خيري الفوج الي يوالمك و ثاني ما تنسايش انه اهم تتطبيق في دورتنا هو الالتزام بالجانب الديني و اول حاجة صلاة الفجر يعني كي تحبي ترقدي و ما تنوضيش للفجر تخيلي بلي رانا كامل في صف الصلاة و انت ما كيش معنا صدقيني ضرك تنوضس ثم بعد و تلتاحقي بالجماعة ما نقصدش بلي تنوضي على وجوهنا و الله احق انك تنوضيلو لا اقصد انه تكون عندك عزيمة اكثر و تغلبي الشيطان كي تتفكري الجماعة ربي يعيننا جميعا على التغلب على انفسنا و الشيطان الرجيم

المشاركة الأصلية كتبت بواسطة بعيدة المنال

مساء الهناء مساء السعادة والرقي نبدأمن الأخير. حبيبتي فايزة الله يبارك فيك ويفوزك دنيا وآخرة روحي طيري قي صفحة التطبيقات

أم مؤمن عيد سعيد وكل عام وأنت الى الله أقرب وفي حياتك أسعد وأرقى فراشة كنت رايحة نزيدلك تارت وقلت المسكينة ما صدقت تنظم ميزانها كثروله حباباتها القاطو ضك تولي لنقطة الصفر وفضلت نبعثلك قبلة امممممممممممممممممممممممح
جيادا حبيبتي كولي بصحتك الخير كثير وإذا ماكفاش نزيدلكم هذي


راهي خيتنا أم مؤمن تستاهل كل خير ولازم نفرحولها الكل
أنيقاتي الفراشات كل وحدة باسمها مساكم الله بالخير

وووووووووع ام منال راني نتمسخر لا تحسبوني مكرشة تاع الصح لكن التارت الي جبتيها اممممممممم هايلة هايلة ههههههههههه

المشاركة الأصلية كتبت بواسطة titi119

عيد ميلاد سعيد ام مؤمن لعقوبة ل 100 سنة ان شاء الله ربي يحفظك لعائلتك
يا طير طاير بالسما ميل على حبيبتي ام مؤمن و قول لها كل عام و أنت بألف خير و صحة و ربي يزيدلك عمرك كل سنة سنة



حبيبتي جيادا واش راكي كل مانشوف صورة ديالك نبتسم معاه تشرح الصدر
هيفا هايلة عندي سنين وانا نخذم معاها تخدم باشياء بسيطة لنقدوا كامل نلقاوها

حبيبتي تيتي و انا واش تعجبني هذيك البنوة القمر تهبل و عندك الحق هيفا تخدم بحوايج بسيطة و تركز على المناطق الي معظمنا عندهم مشاكل فيهم

المشاركة الأصلية كتبت بواسطة أم ريتاج زهرة

إنذار
كاش أخبار على أم نسيبة و الله راني غير نخمم على حوالها

ام رتاج انا ثاني متقلقة عليها ان شاء الله تكون بخير كي قاعدت نحفظ في سورة البقرة قريت الاية (يا أيها الذين آمنوا استعينوا بالصبر و الصلاة إن الله مع الصابرين ) صدقيني تفكرت ام نسيبةربي يفرج همها و كربها يا رب

[بعيدة المنال]

مساء الأنوار على لمة الأخيار كيف حالكم راني هلكانة من التعب في الصباح خدمة برا والعشية تنظيفات متأخرة من البرنامج راني هنا نرتاح 15د ونرجع ندير العشاء
يا البنات الغيابات كثروا عسى المانع خير ، أم فطيمة ، البرايجية ، ميمونة الزينونة ،..................والقائمة طويلة لي ترجع تجيب معاها ولي أمرها وعلبة شوكولا ( رشوة ) ولا ما تدخلش
قلبي مع أم نسيبة راني ما قدرتش نصبر على أخبارها ربي يفرج عليها هذي الكربة
حبيبتنا حبيبة يا شقيقة الروح وين راكي توحشناك ؟؟؟

[YASMINE SILA]

انا هناااااااااااا
مساء الورد و الرياحين
زهرة اللوتس راكي قلبنا يا كشرودة -هاذي علمتهالنا اوريسا - و الله احنا نحبو كل الفراشات و اليرقات و كلنا فريق واحد و رانا ولينا نخافو ننساو كاش وحدة تزعف علينا لم نتعمد اطلاقا تجاهلك لانك يرقة جديدة بالعكس نفرحوا بالوافدات الجدد كثيرا لكن اعذرينا رانا مين ذاك يا ما النت ثقيلة يا اما الوقت ضيق حقك علينا هاه مانزيدوش ننساوك و ربي يحققلك الي في بالك يااااارب
ام وسيم وشراكي و شراهى سلمى ان شاء الله كامل بخير يااارب
فراشات العمر بصحاكم فتلة الطعام تاكلوه في الفراح باذن الرحمان
ماريا ملاك المقروط يشهي بصحتكم
ذركة نرجع نكمل الرد راني مانسيتكومش

[YASMINE SILA]

ماريا ملاك الغرفة هاااايلة و عجبوني الفراشات الي على الخزانة
الاخت روضة شكرا ليك على الروابط افادوني كثيرا
زينوبة توحشنااااااااك حبوبتي ممكن تقوليلي مركز تحميل الصور الي تعتمديه لاني اعتم على موقع يكبرلي الصور بزااااااااف و مانعرفش ندير تصغير
ام منال سلامتك حبوبتي ربي يكون في عونك يااااارب لوكان جيت في سطيف نجي نعاونك يا العزيزة في شغل البيت و في نفس الوقت نتعلم من حكمتك الغزيرة
حبوبتنا حبيبة علابالي النت دايرة رايها فيك ان شاء الله تكوني بخير اشتقنا للون الوردي و طلتك البهية
سلامي لكل الفراشات كل وحدة باسمها

[أم ضياء عبد الرحيم]

حبيباتي سامحولي ماكملتش مراجعة و الرد التلفون يبلوكي غدا ان شاء الله غدا نكمل
بيبا مانسيتش الرد على الرسالة راكي عارفة الظروف
شهرزاد باذن الله نراسلك حبيبتي
ليلة سعيدة حبيباتي

[أم ملاك مروة]

إلى الأخت lotus flowerl شوفي الوصفة لكتبت في الصفحة 240 فهي وصفة ناجحة 100 ب 100 وأقول هذا عن التجربة

[arwa abdou]

مساء الخير اخواتي ....راني حشمانه منكم ومن اختي حبيبة لغيابي ....لكن والله غير راني ضااااايعة بين تنظيم وقتي في البيت والعمل .....بفضلكن كملت حملة التنظيف ....لكن دار عليا التعب وظهر عليا ....وراني خايفة مانحافظش على النظافة لاني تعبت ومانيش ندور ع الاماكن الساخنة واهملت الجدول الاسبوعي للتنظيف وراني نخدم غير وين يشوف احمد وااااااع.....هل من افكار لتنظيم وقت الام العاملة خاصة مع مراجعة الاولاد ......نتكل على ربي وعليكم وشكرا مسبقا

[/color][/size]

[بعيدة المنال]

مساء الخير عليكم جميعا مساءكم ورد وياسمين يا أحلى وأرق فراشات في العالم ما رايحاش نسمي باه ما نفيقش بالمتغيبات
هذا وين كملت العشاء مازال ما غسلتش المواعن قلت نريح معاكم شوية وعاود الأشغال الشاقة المؤبدة
أم مؤمن الظاهرة ما عجباتكش لا بياس ولا اداتهالك جيادا زعمة وصيتها ما تاكلش الحلويات بزاف باه ما تسمانش وتولي بطبوطة ثم كيفاه عرفتي بلي عندي مشكل في الميزانية؟؟؟؟ راني مشومرة على بيها خيرتلك تارت صغيرة
حبيبتي زهرة اللوتس جميلة الروح بقدر جمال اسمك ربي يهنيك ويسعدك ويحفظلك بنياتك سألت عن تحفيظ القرآن الكريم في البيت أنا جربتو لبناتي تعبت بزاف والمردود قليل ولم تنفعني الا بركة الجامع راهم الله يبارك عندي زوج خاتمين الستين وزوج فاتو الحزب الأربعين وقريب يختموا والطفل راه في الحزب الثالث وطريقة الجامع يحفظوا الثمن في يومين بالنسبة للأطفال للكبار و بالسطر والزوج للصغار ويلزمهم المعلم في الجامع بالتكرار أحيانا جماعي وأحيانا فردي
حبوبتي سمونتي وش راكي عارفة بنيتي فحلة ولو كانت قريبة تفرج علي الله يسعدك ويهنيك حقا كاشي جديد في أشغالك اليدوية ولا راكي تخبي باه تفوتيني أنا هذ ليام راني مانيش لاحقة ندير حتى حاجة زايدة مع أنو النهار طوال وكثر معاه الشقا - حال الانتقال من فصل الى أخر -
اليوم يوم المحاسبة والتقييم لا تنسوا وإذا كاش وحدة فيكم فطنت قبل الفجر تصلي ركعات لله وتخص حبيبتنا أم نسيبة بالدعاء

[لبرايجية]

سلام عزيزاتي الفراشات اختي بعيدة المنال اشكرك على السؤال عني راني غيرهنا وليت لعادتي نتبعكم في صمت اصابني الخمول والارق كي نتقلق يصماطلي كلش لا خياطة ولا نشاط طبخ وتنظيف ياسر عليا زعم جبتها فحولة وكل صبع بصنعة ومالحقتش مع ولادي ايا دبرو عليا يا الفحلات والله تقلقت على اختنا ام نسيبة عسى المانع خير ان شاء الله اختي حبيبة طلي عليا وعلى حالتي كي راهي

[ام مؤمن]

أم مؤمن الظاهرة ما عجباتكش لا بياس ولا اداتهالك جيادا زعمة وصيتها ما تاكلش الحلويات بزاف باه ما تسمانش وتولي بطبوطة ثم كيفاه عرفتي بلي عندي مشكل في الميزانية؟؟؟؟ راني مشومرة على بيها خيرتلك تارت صغيرة

غاليتي بعيدة المنال حاشى الطورطة تكون معجبتنيش راني حطيت الرابط تاعها و تمحالي كي درت تعديل اما الميزانية راني نحكي على روحي راكي قلتي في ردك المخلوقة دارت تنظيم الميزانية و نتونا هجمتوا عليها راكي خممتي عليا يا لحنينة و على ميزانيتي و جبتيلي طارطة من عندك راني نرد عليك من الهاتف ماعطانيش قلبي نخلي لغدوة ربي يحغظك يا لحنينة و يحفظ وليداتك راني نعزك بزاف راكي حبيبتي




و شكرا على الكيكة الرائعة هذه نتاع تشومير هههههه اما كي تكوني مرفهة كيفاه هههه نمزح فقط

[زينب2000]

المشاركة الأصلية كتبت بواسطة ام مؤمن

حبيباتي اليوم يوم تقييم الاداء و انا كتبت تقريري في قسم التطبيقات و جبتوا معايا هنا باش نحفزكم تكتبوا تقيمكم للغالية حبيبة و لكل الفراشات و نتمنى تمدولي رايكم :d

صباح الخير عليكم

قبل ماتقراو اشربوا كاشي نتاع الراس :d

عندي مدة ماقدرتش نكتب بسبب ثقل النت و ضيق الوقت

المفيد راجي جيت اليوم و جبت معايا تقريري :d

الحمد لله راني تغلبت على نفسي و بديت ننظبط في صلاة الفجر و الايام اللي نصلي فيها الفجر نحس بارتياح كبير و يباركلي ربي في يومي ان شاء الله مانزيدش نتخل عليها

بالنسبة للاعتناء بالنفس في تحسن و قمت بشراء مستحضرات و منتجات للعناية بالجسم و راني متهلية في روحي

تلميع الحوض 10 على 10 انا من زمان نغسل لماعن و نلمع الحوض اجباري حتى اذا كنت مريضة عادة تعودت عليها

راني نطبق في تطبيق 15د و فادني بزاف و الحمد لله ماعنديش اماكن ساخنة كثيرا انا نحب الفرز من زمان

راني نجهز كل مايلزم يوميا للغد و الحمد لله هي عندي عادة قديمة لكنها تعززت بمشاركتي في الدورة

راني نحاول قدر الامكان نكلم نفسي بايجابية و اضع خطوط حمراء لكل الاشياء التي تعيقني في مسار حياتي هههههه راني مانعرفش نعبر باللغة بالاك نستعين باساتذة الادب العربي نتاع الدورة ههههه

راني بديت نقيم نفسي من هذا الخميس ان شاء الله

قمت بكتابة اهداف رمزية فقط حتى اتعود على التخطيط و كهدف اسبوعي ان شاء الله قراءة حزب من القران الكريم يوميا في نفس التوقيت مع التدبر لانني كانت قرائتي للمصحف متدبدبة و غير منتظمة يوم نقرا حزب و يوم نقرا 10 ايات و يوم لا اقرا و كهدف واقعي ان شاء الله نحط خطة محكمة للحفظ و ابدا بالحفظ ان شاء الله
و كهدف شهري ايضا رمزي قراءة كتاب كل شهر نقسم عدد صفحات الكتاب على 30 يوم و كل يوم نقرا جزء و الكتاب لا تحزن عائض القرني
الاهداف اليومية ملامحها واضحة و هي ترتيب البيت و تنظيفه بشكل يومي و الطبخ و الاعتناء بالاولاد
هذه الاهداف امثلة رمزية فقط حتى نتعود على الاداء و نقوم بتحقيق الاهداف الاساسية في حياتي
نسييت راني حددت وقت نومي و استيقاظي و التزمت بيه وقت زوجي منظبط مازالوا اولادي راني معاهم حتى نحددلهم وقت واحد للنوم والاستيقاظ
يوم الخميس مخصص لكتابة قائمة المشتريات بصفة زوجي عندوا غير يوم الجمعة للتسوق و احنا نقتنيو المشتريات اسبوعيا و ليس كل شهر يعني مانحتاجه لاسبوع فقط لان عائلتي صغيرة و احنا عايشين في قلب المدينة كل شيىء موجود في اي وقت تقدري تشري واش تحبي

الميزانية زوجي المسؤول عليها بصفته حكيم جدا انا مبذرة و نحب التسوق ههه و لكنني عملت خطة للادخار من مصروفي الشخصي
قائمة الطعام راني بصدد كتابتها الملامح فقط يعني كثيرا ما اتقيد بالطبخ حسب ما يقتنيه الزوج المصون
راني عملت صفحة motivationندون فيها الملحوظات
الحملة الربيعية قريب نخلص عملت تنظيف عميق لغرفة نومي و غرفة الصالون و المطبخ تنظيف عميييييييييييييق
تفريزات رمضان نبدا هذا الاسبوع ان شاء الله نفرزن غير الحاجات اللي ماتكونش موجودة في رمضان كيما الجلبانة و البرتقال و الفراولة وووووالباقي نحب نشريه طازج في رمضان
هذا كان الموجر و ساوافيكم بالتفاصيل عن قريب التفاصيل المدققة ههههههه
ههههه علابالي كسرتلكم ريسانكم و لكن حتى نقول للغالية حبيبة راني نطبق في تفاصيل الدورة بعد ماتوضحتلي الرؤية و راني نستنى تعليقك انت و الفراشات و كانش مشكل خبروني و كانش مانسيت من الدورة وجهوني
اسفة على الاطالة هذه مكرة برك في النت كي انقطعت عني

و تحياتي لكل الفراشات الطيوبات

الله يبارك عليك أم مؤمن

رب يعينك