اقتباس:
|
حبيبت ننقل سلام الأخت شي بيبا ليكم ، لانها ماتقدرش تدخل حاليا ، راهي مريضة بعينيها ، حساسية ، أدعو لها بالشفاء
|
ربي ينزل الشفاء العاجل ان شاء الله
اقتباس:
|
أم مؤمن واش وجدتي الشخشوخة ولا مازالك زعفانة ياو نوضي راهم الرجالة بالكل هكا ماهمش شايفينك حتى وانت زعفانة
|
عزيزتي بعيدة المنال راني عشيتوا جلبانة بالقرنون قلبي ماصفاش عليه ماقدرتش نديرلوا الشخشوخة و انا زعفانة ماتجيش بنينة ههههه
و راني بقيت زعفانة عليه حتى جاء و صالحني
و رديت اعتبار لنفسي دون خسائر معنوية
اقتباس:
|
م مؤمن طمنينا كاش جديد ��
|
اختي الريفية و الله نصائحك رائعة اول ماتركتكم رحت توضيت و صليت ركعتين لله و قرات سورة الشرح 10 مرات و قرات حزب من سورة البقرة حسيت براحة نفسية
و في الليل الزوج المصون غيربقى يراقب فيا واش ندير مع الاولاد ابني كان ماقدرش غير يبكي سكتوا و نيمتوا و عملت نموذج للفروض نتاع بنتي و راجعتلها دروسها و نيمتها و غسلت المواعين و جففتهم و خبيتهم و سيقت الكوزينة و فرشت و هو غير يراقب بالسكات من بعيد ههههههه و طبعا انا مانهدرش معاه و دايرة روحي زعفانة
رقدت اولادي بكري بعد و اخدت حمام خفيف و صليت ركعتين و شربت كاس نعناع هدئلي اعصابي
و لما خلصت هو جاء صالحني لكن بنفس الطريقة المعتادة بكل صمت و هدوء و كان شيء لم يكن
قلت في نفسي الحمد لله انوا صامت و كتوم و ساكت على انو عصبي و مجنون هههههه
و صافية لبن
اقتباس:
|
عزيزتي بعيدة المنال واش بديتي تحرشي في حبيببة و الآن تقوي في المخلوقة على زوجها:1
|
لا عزيزتي ام احمد راهي كانت غير تمزح و نصحتني كاخت و زوجة و ربة بيت
اقتباس:
|
هههه زيري روحك حبيبتي باش يشريلك الكوسميتيك أأأأه يا الحبيبة ما راكي دايرة ربي يوفقك و يخليلك زوجك
|
عزيزتي ام رتاج ربي يحفظك و امين على دعائك الرجال لازملهم الشبح ساعة على ساعة ماش جابونا نخدموا عليهم و نديو التبهديل و نسكتوا ههههه
اقتباس:
Lotus Flowerl
ام مؤمن ربي يصلح الاحوال و يسخرلك زوجك و يجمعكم في الجنة معا و تكوني سيدة الحور العين
|
امين ربي يحفظك
اقتباس:
جيادا
اختي ام مؤمن حبيبتي ربي يعوض عليك يا رب انا ثاني العام الي فات في عرفات اجهضت الحمد لله في كل الاحوال ربي يرزقك بالذرين الصالحة
|
امين يا غاليتي ماشاء الله عليك و على تطبيقاتك الرائعة ربي يرزقني و اياك الذرية الصالحة امين
اقتباس:
|
ام مؤمن قتلتيني بالضحك انا و الله عادي حتى كون هو الي غالط نروح نهدر معاه و نطلب منو السماح و هو كيف كيف المرة الي فاتت شريتلو هدية و الله غير فرح كي الطفل الصغير و عندك الحقو البسبوسة لعلاه ما حبش ياكل قدامك لكن اكيد كي تبعدي من الكوزينة يجي يكمل الصحن الحمد لله كي رانا مع بعض باه انحيوا على بعض شوية و نفضفض مع بعض
|
لالالالالالالالا انا حسب النفحة اذا كنت نافحة نفوت و اذا كنت مكرزة نقلب عليه
ههههههه
البسبوسة حطيتها في بورت مونجي في الثلاجة كي صالحني راح يحوس عليها في الكوزينة مالقاهاش قالي كاش حاجة حلوة هههه قلتلوا مديتها للجيران
اختي ام سلمى ان شاء الله خفيتي و عزيزتي ام ياسين عبد الله راني وليت شريرة و الشر جاب نتيجة ههههههه
سلام لكل الفراشات الطيوبات و صباحكم عسل
( تقرير عن مشاركة سيئة )، و الموجودة أسفل كل مشاركة .
2015-04-26, 11:10
العرض العادي
