دورة فراشات تزهو بالألوان بيوتهن قمة في النظافة و التنظيم و التدبير و الاتقان

[omselma]

المشاركة الأصلية كتبت بواسطة الريفية

نحاول وامري لله
علي كل امرأة معاملة الزوج مثل البيبي بكل رقة وحنان 😉

آآااا ما تعنديش عليا والله غير نحصلك هاياه.انا لي قلتها لولا

[أمة الله 84]

المشاركة الأصلية كتبت بواسطة أم ريتاج زهرة

250 غ زبدة 250غ سكر عادي 2 بيض نصف باكي خميرة كيميائية فامي 500 غ فرينة أنا نعتمد هذه الوصفة و الله روعة بالتوفيق حبيبتي و راني نستنى باش ذوقيني

بارك الله فيك أختى أم ريتاج هذه هي الوصفة جربتها من قبل و هبلوا عليها كي جيت نعاودها راحلى الرابط

[زينب 83]

سلاااااااااام حبوبات كيف الاحوال

حبيبتي حبيبة كل يوم نقول نحط تقريري و نتفنين مع اني درت بزااااف تطبيقات

[أم ضياء عبد الرحيم]

مساء الخير حبيباتي الفراشات راني نراجع في الردود سامحولي طولت
غزالة سميرة 1980 ام هنود ام فاطمة ام منال بيبا ياسمين ام صبيرين arwa abdou نجاة54 حسناء القمر Meymouna* ام هزار أم جيهان31
شكرا حبيباتي على الترحيب ربي يفرحكم و يخليكم ليا

ام مؤمن حبيبتي ربي يعوض عليك يا رب انا ثاني العام الي فات في عرفات اجهضت الحمد لله في كل الاحوال ربي يرزقك بالذرين الصالحة

سميرة 1980 ربي فرحك كيما فرحتي بكلامك و اني ثاني احبك في الله اخيه و فرحت اكثر كي عرفت بلي قدرتي تنقصي لابنتك مشاهدت التلفاز ربي يفرحك بيها و تشوفيها في اعلى المراتب

arwa abdou ربي يخليك اختي هذا من ذوقك حبيبتي حتى انا استفدت منكن الكثير
أم نُسيبة قتلتيني بالضحكانا ثاني راني سعات ننسى خلاص ربي يفرحك حبيبتي

ام مؤمن يعطيك الصحة عجبني تقريرك حبيبتي
om yousra انا ثاني نحبك اختي و تعجبني مشاركاتك باينت طيوبة
فراشات العمرمبروك العمرة على عجوزتك و شيخك وين رحتي راني نستنى في ردك على الرسالة
ام وسيم مبروك البنوتة لعقوبا لينا يار ب و القاطو روعة تسلمي
رقية الناجحة ربي يفرحك و يهنيك و يعطيك ما تتمناي و يبعد عليك كل بلاء يا رب
omselma الثوم و البصل المجففين نتبل بيهم اللحم او الدجاج كي نديرهم في الفرن او حتى السمك طعمتهم روعة و الاهم حاجة تاع الدار احسن من تاع برى و على سلامتك قريت بلي مريضة
أم فاطيمة الكريم راني حطيت صورتهم في التطبيق و كاين الي حطيتها من قبل تاع زيت الاركان غدا نزيد نصورهالك
نجاة54 شكرا حبيبتي على التشجيع و الكلام الطيب و الكالندر سجلي حتى مواعيد عرض حفظك من القران او موعد حلقة التجويد حتى هذو مواعيد و راني فرحت بزاف كي لقيتك معايا في الفوج
زينب83 امممممممم التارتولات روعة يعطيك الصحة
ام مؤمن قتلتيني بالضحك انا و الله عادي حتى كون هو الي غالط نروح نهدر معاه و نطلب منو السماح و هو كيف كيف المرة الي فاتت شريتلو هدية و الله غير فرح كي الطفل الصغير و عندك الحق الحمد لله كي رانا مع بعض باه انحيوا على بعض شوية و نفضفض مع بعض
و البسبوسة لعلاه ما حبش ياكل قدامك لكن اكيد كي تبعدي من الكوزينة يجي يكمل الصحن
زينب سلميلي على بيبا و قوليلها طهورا ان شاء الله
ام منالالصورة هذيك حسيت بعطف الام و حنانها على طفلها هو راقد و هي ترعا فيه و ساهرت على راحتو
Lotus Flowerl مرحبا بيك اختي بيننا
بصيرة2 ان شاء الله تكون بنتك لاباس و بالنسبة لمشكلتك و الله كنت كيفك مهلوسة كون يجيني ضيف او نروح ضيفة نحب ديما نمد احسن ما عندي و نترك انطباع جيد و تضرالي كيما انت لكن مع الوقت تبدلت و ولات عندي ثيقة في نفسي اكثر
أمة الله 84om ahmedمساء الخير اختي

ووووووووووع كملت مراجعة و الرد جا زوجي كنت حابة نقعد شوية معاكم خصارة غدا ان شاء الله و الي نسيتها اخواتي تسامحلي و الله راني نزرب نرد قبل ما يجي زوجي اسعة حكمني متلبسة ههههههههه
ليلة سعيدة حبيباتي الفراشات

[omselma]

حبيبتي فراشات العمر راني نستنى في رسالتك عمري كلي آذان صاغية وان شاء الله تفضفضيلي وتستراحي

[بعيدة المنال]

حبيبتي بصيرة اسمحيلنا إذا قصرنا معاك وما ردينالكش أنا عن نفسي راني هذا وين انتبهت لمشاركتيك أعتقد أن الحالة لي تحكي عنها ماراهيش مشكلتك الخاصة راهي عامة علينا الكل جلّ من كمل وتنزه عن النقص ، وما وسواسك إلا دليل على حرارة قلبك وسعيك نحو الأفضل ما تعقدي روحك ما والو أي واحد قادر يمر بنفس الظرف
أم سلمى والريفية عندكم الحق والله غير ضحكتوني هاكا الراجل عندنا لازم تبربريه وتعامليه كي الصغير لكن هو يعاملك بطريقة مختلفة هذه القوامة في نظر الرجال
حبيباتي الصورة كما قالت حسناء القمر أولا وأم أحمد ثانيا هي لشيكولاطة صنعتها شركة غربية أعتقد هولندية وخسرت فيها لأن لا أحد استصاغ تخيل أكلها الدفعة الأولى التجريبية شراوها الناس تحف وتوقفوا على الشراء فخسرت الصفقة ههههههههههههههه

[وفاء الياسمين]

السلام عليكم
اهلا بالجميع كيف حالكم كلكم كلكم كلكم توحشتكم
بدون ما ذكر الاسامي لكي لا تزعل حبيباتي كلكن اخواتي و حبيبات قلبي

الي سقساتي عليا قبولاتي ليها الحارة و للبقية

راني محبطة ما عرفتش علاه دائمة الشرود و السرحان
و النسيان عامل فيا عمايل

لا اعرف ربما انا مريضة بالاكتآب او الوسواس القهري

فرج الله هم كل مهموم

تفكرت حاجة برك
كانت تحكيلي صديقتي على راجلها قالتلي كان ما يىقدش غير بمخدتو و لا يدير حالة
و كنت في نفس اليوم شفت حياة واحد المخرج صدفة في التلفزيون و قاللهم مازال ياكل لابلامين كل صباح ملي كان بيبي و مازال كايفدرش يستغني عليها

بعد ايام سفسيتها اذا شافت نفس الحصة قالتلي ايه قلتلها حقا راجلك واش من لابلامين راه ياكلها. ماتت بالضحك و تمتم فاقتل بلي تخلطتلي وقالتلي واش قال المخرج قلتلها يرقد بمخده ما يبدلهاش كي نفوللكم حتى لليوم مازالها كي تتفكرها تعيطلي و تموت بالضحك على فكرة هي نفس الصريقه لي حكاتلي على باباها

[حبيييبة]

مساء الخير فراشات الجميلات الزينات

كان من المفروض ان اطلق فريق جديد لليرقات هذه الليلة
لكن بما انه لم يوجد العدد لاملائم سأؤجل افتتاح الفريق الى فرصة اخرى باذن الله

اما بالنسبة لحبيباتنا Lotus Flowerl و بصيرة
رايح نبدا معاكم حبة حبة و نخدموا التطبيقات تاع الدورة
و نتبع معاكم بزوج
الليلة رايحين نبداوا بالتطبيقين التاليين

تطبيق المرآة و حب انفسنا:

https://www.djelfa.info/vb/showthread...1764625&page=4
https://www.djelfa.info/vb/showthread...1764625&page=6
https://www.djelfa.info/vb/showthread...1764625&page=9



تطبيق تلميع الحوض + تطبيق الاعتناء باالنفس بمجرد النهوظ من الفراش:

https://www.djelfa.info/vb/showthread...1764625&page=8

و غدا باذن الله صباحا نقوموا بتطبيق الاعتناء بالنفس راهوا موجود على الرابط الاخير

ة انتظر بشوق قراءة تطبيقاتكم حبيباتي

[أمة الله 84]

السلام عليكم جميع أخواتي و حبيباتي في الله
أختى بصيرة صدقينى حبيبتي أني أنا أيضا نعاني من هذا المشكل موسوسة و زيد المشكل تاعي أنو في تالي الأيام نكون ماشطة و ماكياج و نهار لي يجي فيه الضيف كي نهتم بالطياب و النظافة ننسى روحي يعنى مانديرش ماكياج و لالالالا و الحمد لله رانا في هذه الدورة نتعلموا كيفاه ننظموا أوقاتنا و نوجدو لي كل طارئ ضياف الغفلة وضياف المبرمجين و نكون واجدين من كل النواحي

اختي جيادا أحبك في الله و نزيد كي نشوف تطبيقاتك و إهتمامك بنفسك نتحفز و نتشجع صدقيني نحس بالطاقة الإجابية
أختى زينب واش نقلك يعطيك الصحة اليوم تعشيت بالكسرة رخسيس و تبعت وصفتك حرفيا صدقيني 4 سنين زواج عمرها مصلحتلى هكذاك و الله بوركت.
يا أخيتي أم نسيبة عمرى ما قريت مشاركتك و مشعرتش أنو لي تكتب هذه الكلمات إنسانة ما شاء الله عليها نفس مرحة و شاعرة وحكيمة و..... واصلي
بعيدة المنال و أو بالأحرى قريبة المنال أحبك في الله و أتشرف دوما بقرأت ردودك.
يا كل الفراشات والمتواجدات و الله أشهد الله أنني فرحة أنني معكن في هذه الدورة و لي شرف عظيم أني تعرفت على خواتات كيفكم كل واحدة بسمها. تحياتي لكن جميعا

[حبيييبة]

تطبيق الفراشات

متابعة روتيناتنا واش كتبناهم ام لا؟؟

غدا رايحين تحاولوا تكتبولي جداول روتيناتكم اليومية
روتين الصباح
وروتين الظهر
و روتين المساء

سواء تصوروهم حبيباتي و تحطوهملنا

او تكتبولنا نموذج هنا بالتوقيت و حداه العمل اللي راكم محددينه معاه

يلا حبيباتي انتظر قراءة تطبيقكم هذا غدا باذن الله
على صفحة التطبيقات

[حبيييبة]

تطبيق الحملة الربيعية

فقد اتممنا حملتنا الربيعية بفضل من الله سبحانه و تعالى
لم يتبقى لنا الكثير حبيباتي

هاد الاسبوع رايحين نحاولوا نغسلوا
الغطاوات و الكوفيرطات
و ملابس الشتاء التي نود ان نرفعها و نخزنها باذن الله

و اتمام كل الاعمال المعلقة التي لم نقم بها في الايام الماضية
ان شاء الله

[أم ريتاج زهرة]

انشاء الله حبيبتي حبيبة ليك وحشة كبييييرة بالنسبة للتطبيقات جاكي شان راه شوية فنيان

[فراشات العمر]

السلام عليكم
اختي حبيبة انا مانقدرش لهذ العمل سزاريان جديد زيد راني عيانا بزاف
البارح يما قاتلي عونيني جايين نسا يفتلو الكسكاس والله غير راني في حيرة

[رقية الناجحة]

المشاركة الأصلية كتبت بواسطة فراشات العمر

السلام عليكم
اختي حبيبة انا مانقدرش لهذ العمل سزاريان جديد زيد راني عيانا بزاف
البارح يما قاتلي عونيني جايين نسا يفتلو الكسكاس والله غير راني في حيرة

حبيبتي فراشات العمر ربي يشفيك غير بشوية على روحك الخدمة ماهيش فايتة صحتك خير

[رقية الناجحة]

اختي وقائدتي حبيبة انا راني متاخرة شوية في التطبيقات بحكم ظروفي التي تعرفينها والله غير راني حشمانة لكن ماعليهش راني نعمل جهدي نحبك اخيتي