دورة فراشات تزهو بالألوان بيوتهن قمة في النظافة و التنظيم و التدبير و الاتقان - الصفحة 215

أم عبد الله ياسين2 · 2015-04-25, 20:33

أختي بعيدة المنال راني دققت مليح و الخلاصة كما يلي:
الطفل هذا عندو يدين و رجلين و شعرو صفر و وجهو مدور يد راهي شداتو مسكين هذا البيبي صغير بزاف يماه سامحة فيه متوكلوش ملبستلو كوش أبيض و مخلياتو للبرد ههههههه آسفة راني نتمسخر متزعفيش و متحرقنيش في التقويم

منعرفش نقرى ما وراء الصور

أم عبد الله ياسين2 · 2015-04-25, 20:34

Bb prėmaturé

حسناء القمر · 2015-04-25, 20:47

مساء الخيرات كيف حالكم عزيزتي بعيدة المنال هذيك الصوره تاع حلويات

منال100 · 2015-04-25, 20:51

اقتباس:

المشاركة الأصلية كتبت بواسطة بعيدة المنال

هاكم نزيدكم وحدة أخرى يمكن تفهموا

سبحان الله بقدرة الله هذا البيبي يكبر ويدير مايدير سبحان الله كشوف الانسان روحو كيفاه كان قد الدمية وبفضل الله والوالدين يكبر وولي وين وين
أنا هذا مافهمت والقراءة بين السطور صعبة
نستنى حتى تقولي الى ما ترمز الصورة

om ahmed · 2015-04-25, 21:01

اقتباس:

المشاركة الأصلية كتبت بواسطة بعيدة المنال

علاه وحدة ما مدت رأيها في الصورة ؟؟؟؟؟حاولوا برك التدقيق فيها وقولوا رايكم ؟؟؟

هذه عبارة عن حلويات صنعت على شكل اطفال و انا شخصيا عييت نشوف فيها تخيلت الناس ياكلو في اولادهم هرب قلبي ولكن هؤلاء الحلوانيين ابدعوا بطريقتهم راني سامحتك

بعيدة المنال · 2015-04-25, 21:02

حبيبتي الريفية اسمحيلي ما شفتش سؤالك عني يسال عليك بالخير حبيبتي راني نطبق في الحوايج المغسولين ونحدد راهو جبل تاع قش نخدم شوي ونجي نطل عليكم

omselma · 2015-04-25, 21:06

اقتباس:

المشاركة الأصلية كتبت بواسطة بعيدة المنال

هاكم نزيدكم وحدة أخرى يمكن تفهموا

مساء الخير حبيباتي راني معلياش شوية رايحة ندير دوش باه نحي هادالغمة شكرا عاى اللي سقساو عليا .بعيدة المنال انا والعلم لله فهمت باللي الزوج قاعد كيما البيبي .

أمة الله 84 · 2015-04-25, 21:37

السلام عليكم
مساء الخير عليكم جميعا. أتمنى أنكم تكونوا بألف خير. أطلب مساعدة منكن زينب أم فاطيمة ........... لي عندها طريقة عمل ليتارتولات لقيت وصفة في هذا المنتدى 125 غ زبدة عضمة و سكر جربتها و عجبتهم كامل لكن الرابط راحلي لي تعرف الوصفة أرجوكم تعطيهالى و أو الرابط من فضلكن.

بصيرة2 · 2015-04-25, 21:39

السلام عليكم اخواتي
تحية عطرة لكل وحدة باسمها على راسهم الواقفة والساهرة على الدورة وعلى نجاحها ونجاح كل اخت في حياتها وفي بيتها ومع زوجها واولادها وخاصة علاقتها مع خالقها الف تحية وشكر للاخت حبيبة ووفقها الله
عندي مدة كتبت منين كتبت للاخوات يعاونوني في الدورة ونعتولى منين نبدا لكن مالاحظوش المشاركة نتاعي للاسف المهم راني معاكم قلبا وقالبا ونحييكم واشد على ايديكن جميعا راكم رائعات ومتالقات بدون استثناء

بصيرة2 · 2015-04-25, 21:47

استسمح الاخوات عندي مشكل يقلقني بزاف وكي يصرالي نجيب ايام وانا نخمم فيه ونقول ياريت وياريت
المهم انا من الناس الموسوسين نحب كي نروح عند احد نترك انطباع جيد وكي يجي عندي ضيف ولو امى او اختي نحب يلقاو كلش 10على10 اذا صادف مرة ولقاو بيتي ماش نضيف او اولادي ماهمش معدولين اوماهش نضاف او مثلا لقاو الماكلة خاصة او انا في ذاتي لقاوني مش معدولة يعني لابسة فستان قديم او مقطع المهم في هاذيك اتللحظة نكون عادي لكن لما يروحو ضيافي نعاود ندور الاسطوانة ونقول ضرك يحكيو عليا او يصحكو عليا المهم ضرك يديو عليا فكرة اني مهملة او مانيش قايمة بروحي او ببيتى مع العلم نبذل كل المجهود باه نكون في حسن الضن المهم احينا حتى النوم يطير عليا في اليل ويحكمن الارق وصدقوني اخواتي نجيب مدة وانا نفكر في نفس الوضوع حت الاكل يرجع صامط في فمي وما عرفتش حل لمشكلتي

أم ريتاج زهرة · 2015-04-25, 21:53

اقتباس:

المشاركة الأصلية كتبت بواسطة أمة الله 84

السلام عليكم
مساء الخير عليكم جميعا. أتمنى أنكم تكونوا بألف خير. أطلب مساعدة منكن زينب أم فاطيمة ........... لي عندها طريقة عمل ليتارتولات لقيت وصفة في هذا المنتدى 125 غ زبدة عضمة و سكر جربتها و عجبتهم كامل لكن الرابط راحلي لي تعرف الوصفة أرجوكم تعطيهالى و أو الرابط من فضلكن.

250 غ زبدة 250غ سكر عادي 2 بيض نصف باكي خميرة كيميائية فامي 500 غ فرينة أنا نعتمد هذه الوصفة و الله روعة بالتوفيق حبيبتي و راني نستنى باش ذوقيني

أم ريتاج زهرة · 2015-04-25, 21:55

اقتباس:

المشاركة الأصلية كتبت بواسطة بصيرة2

استسمح الاخوات عندي مشكل يقلقني بزاف وكي يصرالي نجيب ايام وانا نخمم فيه ونقول ياريت وياريت
المهم انا من الناس الموسوسين نحب كي نروح عند احد نترك انطباع جيد وكي يجي عندي ضيف ولو امى او اختي نحب يلقاو كلش 10على10 اذا صادف مرة ولقاو بيتي ماش نضيف او اولادي ماهمش معدولين اوماهش نضاف او مثلا لقاو الماكلة خاصة او انا في ذاتي لقاوني مش معدولة يعني لابسة فستان قديم او مقطع المهم في هاذيك اتللحظة نكون عادي لكن لما يروحو ضيافي نعاود ندور الاسطوانة ونقول ضرك يحكيو عليا او يصحكو عليا المهم ضرك يديو عليا فكرة اني مهملة او مانيش قايمة بروحي او ببيتى مع العلم نبذل كل المجهود باه نكون في حسن الضن المهم احينا حتى النوم يطير عليا في اليل ويحكمن الارق وصدقوني اخواتي نجيب مدة وانا نفكر في نفس الوضوع حت الاكل يرجع صامط في فمي وما عرفتش حل لمشكلتي

على سلامتك حبيبتي حتى أنا تصرالي تبانلي حاجة عادية و الله حتى نخمم بزاف

زهرة الريف* · 2015-04-25, 21:55

اقتباس:

المشاركة الأصلية كتبت بواسطة بعيدة المنال

هاكم نزيدكم وحدة أخرى يمكن تفهموا

نحاول وامري لله
علي كل امرأة معاملة الزوج مثل البيبي بكل رقة وحنان 😉

om ahmed · 2015-04-25, 22:06

اختي بصيرة اسمحيلنا ما شفناش مشاركتتك وعموما رانا فيها ، تاكدي حبيبتي اللي راكي تحكي عليه ماهوش توسويس هو فطرة ان صح التعبير اي طبيعة و هي صفة بناءة اذا لم تزد عن حدها بمعنى انك سوف تحسني بمجرد الخوف من الانتقاد و هذا ماهوش عيب كلنا نطمح للاحسن في كل الميادين الا الي قلوبهم باردة فابشري

om ahmed · 2015-04-25, 22:10

ازربي ادخلي عزيزتي مونه (بعيدة المنال) اسمحيلي نعيطلك كيما اختي الصغيرة منال الفراشات بداو يتفلسفوووووووووووووووووووووووووووووووووووووووو