من عيوووني أختي الكريمة
لوكان جيتي قريبة شوي نجيبلك قصعة اليوم درتها غدايا
نرجعو للطريقة
اولا العجينة تلمي الدقيق بالماء والملح وتخليه يريح شوي
ومبعد تدلكيه على حسب العجين وتزيدي الما بالتدريج ختان تشوفيه ولى متجانس وقابل للتكوير والطبخ
شكليه دائر صغيرة وغطيه ببلاستيك وخليه يريح مدة 15 دقيقة على الاقل
ومبعد تطيبي الفطير كيما تاع الشخشوخة تماما
واذا ما تعرفيش قوليلي نزيد نشرحلك بالصور ان أمكنني ذلك
ثانيا المرق
حطي اللحم تاعك او الدجاج ديري 3 او 4 سنات ثوم داويه مليح بالملح والفلفل الحار الاحمر وراس الحانوت والطماطم المصبرة وزيدي من حبتين الى 3 حبات طماطم حسب الكمية
وخليهم يتقلاو مليح في الزيت طبعا قبل ما تمرقيهم
بعد ما تمرقيهم بالما السخووووووووون زيدي حبات الحمص تاعك والفول اليابس
وكاين اللي يديروها بالفول الاخضر
وخلي اللحم يطيب ملييييييح
بعد تلقاي اللحم طاب والمرقة ولى شكلها يشهي حمرا وبنية وريحتها تفوح
جيبي حوالي 3| الى 4 مغارف ماكلة معمرين فريك مرحي خشين وديريهم في اناء أغسليهم على مرتين تتنحى منهم الغبرة ولوحيهم في المرق بعد ما تنحي اللحم
خليها حوالي 10 الى ربع ساعة تلقاي القريك نتاعك طاب قطعي قيه شوي دبشة اممممممم ريحتها طلعتلي وطفي على البرمة نتاعك
وزيدي الفلفل وما ادراك ما الفلفل الاخضر الحاااار شقي زوج حبات على الاقل حسب واش تاكلو الحرور ولوحيهم فيها وعطي الاناء باش يطلق الفلفل حرارته
حنا نديرولها حتى الفلفل القصير المرقد اللي نسموه بوفجوخ نغسلوه شوي من الملوحة اللي فيه ونديروه عندو ذوق رااااائع
ونسيت نقوللك اللحم من الاحسن تقليه قبل التقديم
ودعواتكم ليا بالخييييير
وابالصحو والهنااا لكل من قرأ الموضوع
واذا حبيتو ندير الوصفة في موضوع مستقل
حسب رغبهكم انتم
هيا واش تقولو؟؟
( تقرير عن مشاركة سيئة )، و الموجودة أسفل كل مشاركة .
2015-04-09, 21:35
العرض العادي
