واش ندير

[مشكلتي]

اسلام عليكم ورحمة الله
اني اعاني من مشكلة في حياتي ولا مرة ديرت حاجة ونحجت منجحت في الباك وكنت قادر ننجح لكن ما سعفنيش الحظ لا خدمة وحوست وما لقيتش لا زواج بلغت من العمر 34 سنة والحمد لله بنت فامليا ومتدينة ونصلي قاع الاوقات في وقتها حتى الفجر ديما ندعي لكن بدء التشائم يدخل قلبي ما صبت حتى حاجة فرحتني في حياتي كنت نتمنى نزوج ونجيب اولاد لكن واش بقى من العمر وزيد بزايدة راني في الدار منخرج والو كيفاه رح يجني مكتوبي
يارب فرج همنا وهم كل مهموم قوليلي واش ندير يا خاوتي

[hadjer17000]

لاتقنطي من رحمة الله فرحمته سبحانه و سعت كل شيء
ماراكيش رايحة تدي اكثر من لي كاتبولك ربي ثقي في ربي و تاكدي ان الفرج قريب
ادعي و ادعي و لا تياسي

[ابتسام smile &hope]

في اكتوبر سجلي روحك مترشحة حرة للباك وجيبيه بمعدل شباب ودخلي للمدرسة العليا للاساتذة تقراي 3سنين وتخرجي استاذة في التعليم الابتدائي يعني عمل شريف ويهنيك مالفراغ وتولي تقدري تشري واش تحبي وزيادة على هذا عندي صاحبتي استاذة فالابتدائي قاتلي خدمة مليحة وبلاك تصيبي وليد الحلا ل يخدم معاك كيما هي
ملاحظة توكلي على ربي وبداي توجدي من ضرك للباك وارقي عند امام

[روح مراد]

ربي يرزقك يا أختي خلي أملك كبير بالله

[عبير الوررد]

خلي ايمانك بربك كبير ختي لعزيزة والصبر مفتاح الفرج

[بصمة قلم]

وعليكم السلام ورحمة الله وبركاته
اختي ولما التشاؤم ، انظري الى الموضوع من زاوية اخرى
فلربما حرمك الله ما تظنين انه الافضل لك ليُبعد عنك شرا كان قد يصيبك
ثقي بالله اختي ولا تقنطي ولا تيأسي ، والاهم انك محافظة على دينك ، هذا هو الكنز الحقيقي ، لا باك ولاخدمة يتقارنوا بالمحافظة على الدين
اما عن الزواج اختي ، فهو بيد الله وحده وماهيش الخرجة في الطريق اللي رح تزوجك ولا تستمعي لمن يقول هذا الكلام التافه فهم تركوا الايمان الله واتبعوا اهواءهم
والعمر اختي عمرو ماكان مشكل ولا تقولي فاتني الحال ، كاين اللي تزوجوا بعد الاربعين اعرف من تزوجت في عمر 44 وراهي عندها الان بنتين ماشاء الله
ماتخليش باب للشيطان يوسوسلك منه اختي وربي يرزقك من حيث لا تحتسبين

[زبدة ذايبة]

"لاإله إلا أنت سبحانك إني كنت من الظالمي فنجيناه من الغم وكذلك ننجي المؤمنين"

هذا ماشي كلامي هذا كلام رب العالمين ومن أصدق من الله قيلا.

يعني إذا قالك رب العالمين هذيك الحاجة نديرها يعني يديرها ماكاش في هذا الشك إطلاقا.

الحل كاين

ماتحزني ماتتقلقي ماتبكي

والله الذي لا إله غيره رب العالمين أرحم بيك من يماك وباباك.

والله الذي لاإله غيره لو أنك تصدقين مع الله وتحسنين الظن به ستجدين الفرج

سلمي أمرك لله وتأكدي أنه هو اللي غيرك حالك إلى أحسن حال.

لوكان يقولولنا الآن أن رئيس بلادنا راه يعطي الديار والمال لكل من وقف عند بابو نروحو كامل نجاراوا باش نديو من عندو

ولله المثل الأعلى اللي قال هل من داع فأستجيب له

ارفعي يديك لرب العالمين وماراحش يردك

أعطالنا أمور بزاف بلاما دعيناه وبلا ما طلبناه فمابالك لوكان تدعيه وانت موقنة بالإجابة

رب يفرج كربتك ويغير حالك لأحسن حال يا أختي

[Nada OrBa]

السلام عليكم
يا اختي ماتخليش التشاؤم والكابة تدخل قلبك وادا حسيت روحك فشلتي راهو من الروتين اللي عايشة فيه بدلي حاجة في حياتك وراح تبدا تتحرك وتتبدل بشوي وللاحسن ان شاء الله متلا كيما قاتلك الاخت ابتسام سجلي حرة في الباك ولا سجلي خياطة او اي حرفة تقدري ديريها من الدار بعد ولا ابسط حاجة واسرعها هي ..... روحي للحفافة وبدلي تسريحة ولون شعرك باش نفسيتك تتحسن ههههههههه انا هكا ندير كي تفشلني الدنيا وربي يفرج علينا وعليك يا اختي كون تشوفي وتسمعي هموم الناس تقولي الحمد لله ولا تقنطي من رحمة الله

[حضنية28]

اختي متخليش الشيطان يتسلل الى قلبك
والمكتوب راه بيد ربي سبحانه عزوجل
واكيد كل تأخير فيه خير
ربي يفرج عليك وعلى الجميع

[milissa21]

اكثري من الدعاء اللي خلق ما يضيع خلي عندك ثقة في ربي سبحانه و احمدي ربي على الصحة

[brc]

معليش اختي العزيزة الناس بلاهم ربي بكتر منهك احمدي ربي سبحانو والله احن عليك من امك واذا احب الله عبدا ابتلاه احمدي ربي ربي يفرج عليك والدنيا ماشي زواج مكتوبك واحد مينحيهولك ان شاء الله يرزقك ربي بزوج صالح في اقرب وقت وربي يفرج عليك كملي في طريق ربي ومتخافيش ربي راهو معاك

[عبد الله 22]

الله يلطف بك ويرزق بالزوج الصالح حاولي الدخول مثلا إلى المدارس القرآنية

[ابتسام smile &hope]

المشاركة الأصلية كتبت بواسطة بصمة قلم

وعليكم السلام ورحمة الله وبركاته
اختي ولما التشاؤم ، انظري الى الموضوع من زاوية اخرى
فلربما حرمك الله ما تظنين انه الافضل لك ليُبعد عنك شرا كان قد يصيبك
ثقي بالله اختي ولا تقنطي ولا تيأسي ، والاهم انك محافظة على دينك ، هذا هو الكنز الحقيقي ، لا باك ولاخدمة يتقارنوا بالمحافظة على الدين
اما عن الزواج اختي ، فهو بيد الله وحده وماهيش الخرجة في الطريق اللي رح تزوجك ولا تستمعي لمن يقول هذا الكلام التافه فهم تركوا الايمان الله واتبعوا اهواءهم
والعمر اختي عمرو ماكان مشكل ولا تقولي فاتني الحال ، كاين اللي تزوجوا بعد الاربعين اعرف من تزوجت في عمر 44 وراهي عندها الان بنتين ماشاء الله
ماتخليش باب للشيطان يوسوسلك منه اختي وربي يرزقك من حيث لا تحتسبين

اني اقول لكل من تكلم في حقي كلمة شكر
شكرا الى كل من اهدى إلي حسناته
واللهم اجبر كسر حسناتى التى سلبت منى وعف السنتنا عن الغيبه والنميمه وأفدنا بحسناتنا كاملة اللهم امين

[bilal best]

كل شئ خلقناه بقدر ...ارزقك مقسوم و مقدر في وقته.....مشروع حفظ القرءان ابداي فيه وربي يوفقك

[غير هام]

السلام عليكم

ربي يفرج عليك فرج عاجلا غير اجل