دورة فراشات تزهو بالألوان بيوتهن قمة في النظافة و التنظيم و التدبير و الاتقان

[oum sabrin]

المشاركة الأصلية كتبت بواسطة حسناء القمر

يعطيك الصحة احسناء الفراشات على القعدة الزينة و القهيوة البنينة

[منال100]

انا جءت متاخرة عن القهوة لكن ماعليهش لكاين لعشاء والله غ راني دايرة طعام بالفول وكثرت ياريت تتفضلن تاكلو معي كاين اللبن والرايب وانتاع البقرة بعد

[أم أيوب 11]

أختي أم صبرين شكرا على الترحيب

في الحقيقة أنا مواضبة على نظافة بيتي قاع النهار وأنا نغسل ونمسح حتى توسوست من كثرت النقا بصح معاكم نحس بنشاط وهمة واكثر نظام

اليوم نظفت غرفة النوم نتاعي رجعتها تبرق وكان عندي مكان ساخن ثاني رتبته

الشكر كل الشكر للرائعة حبيبة في ميزان حسناتك

[أم أيوب 11]

أختي منال شكرا على العرضة عشايا راه تالف وانا نموت على الطعام بالفول أعطيتيني فكرة والله غير نوض نوجده

[ناهدوران]

اختي منال اعطيني فنجان القهوة

[salam algeria]

المشاركة الأصلية كتبت بواسطة أم نُسيبة العامرية

السلام عليكم شكرا الاخت ام ريتاج و الاخت لالو أحبكن في الله شكرا
الاخت حبيبه ربي يبارك فيك و يقويك لفعل الخير
راني قدرت نخدم اليوم شويه و السمنه زادتلي في الفشله
مقدرتش نوقف رجليا جشاكم رااهم يحرقو و الشغل ما بان والو

اهلًا اختي
شوفي موضوع زينب 83 او موضوع فيفي تاع الرجيم في قسم العرائس و انضمي لينا و ان شاء الله تستفادي و تنقصي وزن و ما شاء الله البنات كامل نقصو و راهم مازالو ينقصو و انا معاهم طبعا

[salam algeria]

السلام على كل الفراشات و اليرقات
جزاك الله كل خير اخت حبيبة و ان شاء الله في ميزان حسناتك ات و كل البنات
تطبيقاتي تاع اليوم
نضت الصباح عدلت روحي و رحت للكوزينة تشوكيت بالحوض خليتو يبرق لقيتو كارثة راجلي سهر و جاع ناض يخلط
فرزت البلاكار تاع الحمام ( مكان ساخن )
الاعمال الاخرى كامل روتينية بما فيها نفك في الشجارات تاع اولادي ً

[ران الذكية]

السلام عليكم أولا حبيت نشكركم بزاااااف على الدورة فعلا انا شخصيا كنت محتاجة جرعة من التغيير في نظام حياتي، كنت متابعة في صمت بصح ليوم عولت نكتب و على الاقل نقوم بواجب الشكر لانو بالاك تبان للناس دورة عادية بصح بالنسبة ليا غيرتلي حياتي
مانيش عارفة إذا مسموح لي اني نكتب نشاطاتي لاحقا بصح المهم اني درك وصلت شكري الجزيل لصاحبة الفكرة وكل البنات النشيطات اللي دارولي القلب و شجعوني للتغيير للأفضل

[حبيييبة]

حبيبة قلبي آلاء
ايه وصلتني رسائلك
و للاسف مازال ما نقدرش نبعث رسائل
باه نقدر نرد عليك
لكن رددت عليك هنا فالدورة
و طلبت منك مهلة قليلة بركحتى نكمل 500 مشاركة باذن الله
و حينها يمكن اني نساعدك من عيوني يا عيووووني
ابشري حبيبتي



الله الله على شريكتي فراشتي الرقيقة ام صبرين
يااعيني ريحة النظافة مدت حتىىىىى لعندي هنايا
ماشاء الله لا قوة الا بالله
ربي يدوم عليك الستر و الهنا حبيبتي
و يعينك و يقدرك
عملك منظم و عجبني جدا
نحسك تخدمي بروقااااااااااااان كيما يقولوا المصريين
واصلي حبيبتي راكي فالطريق الصحيح




ههههههههههههه حبيبتي فراشتي الجميلة سماسم
بصحتك الحمام العميق هههههههه
ربي يحميك و يجازيك خير والله غير ضحكيتي من قلبي
مرات تخرجولي خرجات وحدهم
الله يبارك عليكم
فراشاتي عندهم غير الجديد تاع الخرجااات ههههههههه
والله نحس روحي راني مجمعة في شي قعدة بين حباباتي
و نقصروا معا بعض

رااائع حبيبتي
تخصيصك يوم للعناية بنفسك انجااز رائع
نتمناه يدوم
و هذا واحد من تطبيقاتنا اللي راهم جايين فالطريق باذن الله

و هذاك الاضراب غير الخير؟؟!!!!!
ما حكيتيلناش اسبابه
بالاك نجوا نساندوك و نطالبوا باسقاط النظام

البيكاربوتان تتباع عند محلات المواد الغذائية العامة العادية
و حتى فالسوبرماركات الكبار..
تلقيهم عادة فالسلة قرب الشخص اللي يدير الحساب تاع المشتريات عند الباب

ربي يعينك و يقدرك حبيبتي
و يحققلك كل مرادك و اهدافك ياا رب





ام هنود فراشتي النجيبة
احبك في الله




حبيبة قلبي فراشتي الناجحة رقية
ربي يخليك ليا ياا رب
شكرا ربي يباركلي فيك
راه كاين الخير في بلادنا وفي مدننا و في احيائنا
و في عائلاتنا و في نفوسنا
لابد ان الخير يبدأ في نفوسنا اولا
و من بعد يصعد بالدرجات ليعم البلاد كلها
و انتم حبيبتي مفخرة للجزائر اقولها بكل فخر
رغم كل متاعبكم ووقتكم المحدود و المضغوط
و ملاهيات الحياة و ظروفها و تأثيرها السلبي علينا
رغم كل ذلك تجاهدوا نفوسكم و الشيطان



اهلا اهلا حبيبتي ام وسيم
بالبركة عليك يا الغالية
ربي يخليلك سلمى و يفرحك بيها ان شاء الله
و تكون من الباارين
اللهم آآمييييييييييييين



اهلا اهلا بالغالية فراشتي المميزة شوشو
العفو حبيبتي ربي يخليك ليا ياا رب
انا في الخدمة
لاباس عليك حبيبتي غير بالشويا على روحك
دفي روحك مليح و ما تكثريش على روحك
الا الضروري المهم فقط
اما الباقي لما ترتاحي باذن الله و اخدميه
ماشاء الله عليك بااينة عليك فحلة و نشيطة كي النحلة
بصحتك يا الغالية انتي و اسرتك الجميلة
ربي يعينك و يوفقك ياا رب




اهلا اهلا بحسناء الفراشات
الف مرحبا حبيبتي
واش راكي
ان شاء الله بخير




اهلا بالحبيبة فراشتي المميزة ام ريتاج
باينة راهي خارجة عليك هادي الكاراتي
راكي جايبتها معاها
الله يبارك عليك
بصح الله يحفظك ما تسبقيناش ابقاي حدايا و زيري الحزام
خلينا نمشوا معا بعض حبة حبة
ويااااه مازال ما سلكناش مالكاراتي حابة تقلبيها جيدو!!
ياخي قتلك ريحي حدايا عاقلة و زيري الحزام

ماشاء الله عليك قاافزة و حادقة و عملك منظم و عجبني بزاااف
بصح ماشاء الله لا قوة الا بالله خفيييييفة كي الفراشة
الله يسترك مالعين حبيبتي
(واقيلا حتى انا نجي نتعلم عندك شويا كاراتي
و تجيبيلي tenue كيما تاعك )




اهلا اهلا بياسمين الفراشات
عروسة العرايس
كالعادة ديما مفرحتني بتطبيقاتك الممتازة
و تغلبك على افكارك السلبية التي تجذبك للوراء
رااااائع
مابقالكش بزاااف و هاديك الافكار السلبية ماتزيديش قااع تسمعيها في عقلك
كلوا مع الالتزام و الصبر و الاستمرار
ربي يوفقك و يعينك يا قلبي
و رانا كااامل معاك ندعمك
الى الأمـــــــــــــــام سر




اهلا اهلا بالحبيبة faty05
اهلا و الف مرحبا بيك يا فراشتي الجميلة
ان شاء الله مع الفراشات رايح تلقاي الفائدة التي ترجينها
و توصلي لتحقيق كل اهدافك التي تسعين اليها




حبيبتي زينب
ارجووووووك ارجووووووووووووك لا تكلفي على نفسك
ارتاحي يا قلبي
و فيييييييي خاطرك
ارتاحي و ان شاء الله كلشي رايح يكون ساهل
لا تقلقي القلق ماشي مليح للصحة
ريحي بالك و اتهناي و لما ترجعي نخدم معاك كل التطبيقات اللي فاتوك
من الوقت اللي حبستي فيه التطبيق معانا
خلاص حبيبتي اتفقنا؟
يلا ردي بالك على روحك و اتهلااااااي بزااااف في زينب
باه ترجعلنا سالمة معافاة في اقرب الآجال
لاباس عليك و ربي يشافيك و يعافيك
طهورا ان شاء الله

[حبيييبة]

حبيباتي الغاليات
اود ان اعتذر عن عدم تتمة الرد على باقي المشاركات
النت راهي ثقيييييييلة جدا
و الصفحات ماراهمش يحبوا يطلعولي
ان شاء الله غدا راح نقدر نرد عليكم حبيباتي


حابة نرحب بكل من التحقت بنا هاد اليومين
ترحيبا حااااااااااااااااااارا
و نقولها سمي بالله و ابداي العمل
و التطبيقات معانا
و انضمي الى فريق اليرقات
مكانك ينتظرك حبيبتي
و متشوقة لقراءة تقريراتكن



حابة نرد على حبيبتنا نسيبة
حبيبتي انت رايح نتكلف بيك تكلفا خاااااصا
يا الغالية ماراناش حابين خربان البيوت على شويا غبرة
و شوية قش ما زال ما طبقناهش لا لا لا لا لا لا لا
و الف لا
ابدااااااااااااااااا
انت رايح نحددلك نظااااااااام خاص
يبدأ من الغد
مارايح اطبقي ولا تطبيق من تطبيقات الدورة حتى تنتهي من نظامك اللي رايح نقولك عليه الآن
خذي ورقة و قلم
و اكتبي كل الاماكن الساخنة اللي في بيتك
ياك قلتي بيتك كلوا راه مكان ساخن
اذا قسميه الى اركان صغيييييييرة
قلت صغيييييييييييييرة حبيبتي
و طبقي عليها فكرة ال 15د
يعني روتينك اليومي رايح يكون
تنوضي الصباح تتهلي في روحك مليييييح
تلبسي و تتشيكي هاذي نقطة مهمة جدا
و تروحي تفطري زوجك و اولادك و تفطري
اطيبي فطورك
تلمي المواعين سريعا و انت اطيبي
تنظفي الحمامات
ترتبي الغرف غييير مالفوق
ما تكثريش فيهم بزاااااااف
و روحي شدي ورقة الاماكن الساخنة
و جيبي الموبايل و حددي 15د للكرونوميتر
و العبي
العبي حبيبتي مع موبايلك
تحديه و قولي رايحة نسبقك
رايحة نكمل مع هاد المكان قبل ما تصوني عليا

اذا ما كملتيش في 15د توقفي عند رنة الهاتف
روحي ارتاحي 15د اشربي الماء بزااااف و ارتاحي
قرعجي ديري واش تحبي
و ارجعي لنفس المكان تاني 15د
و ابقاي هكا 15د عمل و 15د راحة حتى تكملي مع كل النقاط الساخنة اللي في بيتك

بالنسبة للالم عند الوقوف
حاولي ان تجلسي و انت تعملين
ياك في المكان الساخن رايح نبقاوا فيه وما نتحركوش في باقي الغرفة
رايحة نفرزوا و نرموا و نرتبوا
حاولي تجلسي على كرسي
او اذا كان المكان منخفظ حطي وسادة او اي شيء يريحك و اجلسي عليها على الارض

بعد الغذاء ارتاحي شويا
و من بعد ارجعي كملي ما تبقا
حاولي ان تتوقفي عن العمل على 16.00
و ارجعي لروتينك المسائي اللي راكي موالفاته
و لا تنسي شرب الماء بكثرة لان فيه طاقة هااائلة
و الاستغفار و الذكر
و خاااصة التسبيح قبل النوم

هذا برنامجك الخاص طيلة هاذ الاسبوعين القادمين
طبقيه غاليتي و ستتغيرين
و يتغير بيتك و تتغير حياتك باذن الله

[زينب2000]

تبارك الله ما شاء الله ، أغيب يوم أجد الصفحات زادت، هذا يعني نجاح كل الفراشات بقيادة الرائعة حبيبة
سوف اقرا ما فات و ارجع
موفقات إن شاء الله

[زينب2000]

المشاركة الأصلية كتبت بواسطة omomnia15

سلام يا غاليات راني من مجموعة اليرقات بصح مقدرت نطبق والو عندي مشاكل مع زوجي وراهي افكار شيطانية تدور في راسي وراني بين مد وجزر وفي طبيعة كي نتقلق نولي منقدر ندير والو غير نتكور في الفراش ونخمم ربي يكون في العون ممكن مساعدة

أكثري من الإستغفارأختي omomnia و صلي ركعتين في جوف الليل و اطلبي من الله تعالى ان يفرج عنك ويملأ قلبك بالثبات وتعقلي و لا تحطمي حياتك ، فكري بموضوعية في مشكلتك ، و حاولي أن تكوني الحكم بعدل، ثم فكري في الحلول الممكنة و ادرسيها جيدا و حاولي ان تطبقيها
لا تستسلمي اختي إلى الشيطان، فهو لا يريد بنا خيرا ابدا ولا تتصرفي تصرفا قد تندمين عليه ،
واعذري زوجك فقد تكون لديه مشاكل في العمل، فمن يقف بجانبه غن لم تقفي انت؟ كوني سنده و امتصي غضبه، اعانك الله و أقر عينيك بزوجك و اقر عيني زوجك بك

[حبيييبة]

برنامج الحملة الربيعية

تنظيف الثلاجة و الفريزر و الحائط من خلفها




























الفراشات اللاتي قمن بالتطبيق من قبل
تطبيقهم
التسبيح باسم الله الرحمن الرحيم طييلة يوم الغد باذن الله

و الله الموفق و المعين

[حبيييبة]

تطبيق الفراشات

تحديد وقت النوم ووقت الاستيقاظ للفراشة و لكل افراد اسرتها

معنى ذلك
فراشتي الغالية
حددي وقت نومك ووقت استيقاظك ابتداءا من الليلة
ولا تؤجليه ولا تخلفيه مهما حدث
و عليه رتبي توقيت روتيناتك اليومية
هذا التوقيت سيرافقك طيلة حياتك
و ستورثيه لابنائك باذن الله


و بالتالي حددي وقت النوم لاولادك
مهما كانوا صغارا او كبارا
حددوا وقت نومهم و استيقاظهم

اذا كان لديك مشكلة في ذلك

لا تقلقي

غدا باذن الله ساطرح بعض النصائح ليناموا باكرا
او حسب التوقيت الذي سطرتموه حبيباتي

[kiki12]

راااااااااااااااااااااااااائع وش تقدميه يا حبيبة ربي يفرحك و يجازيك خير

ظرك وين شفت الموضوع

راح نحاول نتبع و نشارككم

انا ثاني كيف اي وحدة عندي مشكل مع الميزانية و مع الدار و العناية بالنفس و اكيد و الاهم التقرب لله عز و جل

ربي يوفقنا لما يحب و يرضى