دورة فراشات تزهو بالألوان بيوتهن قمة في النظافة و التنظيم و التدبير و الاتقان

[YASMINE SILA]

يوبييييييييييييي راني فرحاانة فرحانة فرحانة لانو حبيبة رجعت و رجع كلامها المكتوب باللون الزهري لصفحات الدورة ااااه يا حبيبة شحال توحشناك
تحياتي و قبلاتي لكل فراشة في البستان كلكم بدون استثناء و نرحب بسماسم نقلها يااااا الف مرحبا اهلا و سهلا بيك معانا و سعيدة نقولها و الله نقرا في مشاركتك و فرحانة بيك ماتتصوريش شحال فاجيتيلي على قلبي فرحت بيك لانك ام و ربة بيت هاااايلة و قدرتي تحققي الي في بالك واااااااصلي و ديما نستنى في مشاركاتك و نجاة ثاني فرحانة بيك يا عمري عليك شاطرة و فحلة و مرا و نص ربي يحميك
بعيدة المنال وين راكي اشتقت اليك الفراشات راهم مونسيني بصح خليتيني قفة بلا يدين كيما يقولو مي نقولك راني وليت شاطرة فالطياب احم احم و نجيبلك تذوقي و تولي كيما هاكهههههه
فكرة النيو لوك عجبنتي بزاااف و ملي قريتها البارح و انا نخمم كيفاش ندير كيفاش ندير ايمالا قلت ندير نبو لوك لمشاركاتي و درا فيهم هاذ الرموز ياك عجبوكم و تاني اليوم قلت نبدل شوية مانلبسش سروال لبست جوب و رحت للخدمة حسيت روحي مرتاحة بالرغم من انو السروال عملي اكثر لكن كنوع من التغيير و زيد هاذو les broches

شحال و انا مخبيتهم و مانديرهمش قلت نجبدهم و نحكم بيهم ليشال نتاوعي
و راني مازالني نقرعج على البنات كاش مادارو نيو لوك باش ندي فكرة و نستنى في الغالية جيادا تجود علينا بافكارها
اتهلاو في رواحك بزاااف بزاااف و حبوبتي حبيبة راني نستنى في ردك خاطر يطلعلي المورااااااااااال و يبعت فيا طاقة رهيبة

[ام اكرم31]

اختي yasmine sila شكرا على الكلام الجميل والمشجع ربي يخليك ليا يا لحبيبة
عجبوني les broches هايلين بصحتك وقيل نعادك ونشري كيفهم
انا راني غير كيما شريت ensemble شهر لي فات ملبستوش كان البرد كنت نلبس manteau

[omselma]

حبيبة الحمد لله كي رجعتيلنا راني نستنا وكتا نوليو للتطبيقات حابة ننشط المهم انا ليوم نضت على 6:30 درت قهوة تقهوينا انا والزوج تاعي شيخي سلفتي مبعدا راح الزوج يخدم عمرت الماء و راني شوية هارجة مع شيخي لانو مريض شوية و مبعدا رحت عاونت سلفتي نظفنا دار سلفي كملنا نظفت الدروج مسحتهم رحت للكوزينة عمرت الماء فرزتها درت الغداء بربوشة عندي ضياف كملت غسلت الماعن نظفت الحوض لمعتو في وسط الشي هدا اكل ما نسيتش روحي من كلش . كي خلصت رحت للفيلا سيقتها طلعت للطابق تاعي فرزتو سيقت الدوش جا الزوج تاعي جابلي كنابيات بدلهملي حبيتهم بلون اللي كانو عندي كانو فالمارون لان زوجي يخدم الموبل وليت مسحتهم خبيت الحوايج فيهم بسيف باه تفرزتلي الحالة كنت رايحة نسيق لقيت روحي غلبت وليت خليتو للغد عندي شوية ملابس نطبقهم وهاني طليت عليكم باه نهز شوية طاقة حبيباتي الفراشات ما تشحوش عليا بالكلام المليح ما تتصوروش قداش يطلعلي المورال

[YASMINE SILA]

بصحتك نجاة الاونسومبل دوك راه يدخل الربيع و تلبسيه بالصحة و الهنا و كلامي ليك ماهوش مجاملة لاني عن جد نفرح كي ناقكم تتغيرو للاحسن من اجل انفسكن و تحمرولي و جهي كيما قالت الغالية حبيبة و نزوخ بيكم لماما
ام سلمى باتة عليك شاكرة ماشاء الله ربي يحفظلك صحيحتك و بالشفا على شيخك يااااارب و ربي يجعل رعايتك بيه في ميزان حسنتاك يااااارب

[mariamalak]

wach rakom farachati kach nachat wela walou
ana elyoumin hadou mardouli bnati la gripe daret fihom hala we dork elhamdolah rahom bdaw yefetnou
elbareh hkemt dert ménage toute la journée kol haja welat tech3al chehal fraht we elyoum nodt sbah dewecht we salit we wejedt elftour we nawedt bnati fatrou we ditehom lel masjid rana dayrin les cors d'arabe lel awlad we khalit benti esrira m3a babaha
jit 3la 12 we nos sobt edar meglouba la ftour la tekhmal
rah rajli jabena men bara ftarna we tkeselt chwiya ki nodt der aspirateur we dewecht l benti esrira we dork dert et3am bel mer9a rah ytib we jit ntol 3likom
wladi ki yege3dou ydirou hala chambra ma tebka mkhamla
rabi y3ina nchalah
rajli has b taryir had liyamat we howa m nou3 li ma y3alekch elbareh jabli bouqué ta3 les fleurs tela3li elmoral
rani metwensa bikom we kach ma nehtaj haja rani nji nahkilkom

[حبيييبة]

فراشاتي راني قريت هاذ الموضوع للاخت sawceno


"نظامي لي ماشية بيه في بيتي و حياتي"

https://www.djelfa.info/vb/showthread.php?t=1704161

والله ماشاء الله عليها
نظامها رااائع و متقون و متول
وبااينة عليها فحلة و نص
خصوصا كي راها امرأة عاملة و ربة بيت و ام لطفلة صغيرة
ماشاء الله لا قوة الا بالله
ننصحكم تاخذوا منها افكار بغزاااارة
و خاااصة الفراشات العاملات اللي راهم معانا
لانوا نظامها رااائع و ممتاز و ممكن جدا تلقاوا رواحكم فيه باذن الله

[دائمة الحمد]

مساء الخيرات يا فراشات صحة عشاكم
نسيت المرة لي فاتت باش نوه بفكرة النقاط الساخنة عجبتني تاع ربع ساعة
لانوحابة ننصحكم عن تجربة شخصية لبنات ماترهقوش انفسكم كثيرا لانو الجسم عندو طاقة محددة والحمل والولادة والرضاعة راهم ينقصوا من طاقة الجسم وقوتو
كذلك عجبتني فكرة الاستعداد للشهر الكريم انا صلاة الفجر مفروغ منها راني اليا ننوض حتى كي يكون عندي العذر الشرعي تعودت نولي نستغفر ونصلي على النبي
حبيت نكون معاكم الله غالب كنت شوي مريضة والان عندي عروسات تاع اقارب مقربين لازم الحضور اليومي
ان شاءالله يفوتو ونكمل معاكم
وكذلك عجبتني فكرة الهدف المحدد
انا المدة هذي راني عندي هدف نسعى ليه الا وهو التقرب اكثر من اهل زوجي وتحسين العلاقات
هي ماكانتش سيئة بالعكس راني معاهم بالقدر بالصح بحكم العمل كانت زياراتي قليلة جدا
الان راني متواجدة معاهم في كل مناسباتهم حتى البسيطة حدا وكل ما سمحت الفرصة نعرض البعض منهم وراني حاسة باطمانان كبير وزوجي راهو عاجبو الحال اسكتو برك
ربي يوفقنا ويهدينا يارب

[Simassim]

شكرًا اختي حبيبة على الترحيب وبارك الله فيك على مجهوداتك.

حاولت نراجع مشاركتكم. حتى لي حواليت. لول. مين كملت شفت موضوع اخت كاتبة تقرير جمعت فيه كل شي. حبيت نبكي. يعطيك الصحة اختي ياسمين
الحمد لله بعض الأفكار كنت مطبقتها قبل مانولد
حوست على مذكرة مالقيتش حتى يشريلي السي سيد ونظم روحي عجبتني الأفكار والبرنامج. خاصة فكرة ربع ساعة. خلال حملي تراكمت الاعمال كنت كلما نخمل حاجة نبدأها من الصباح ومع التربية مانكملش حتى لعشية ونسمح في اعمال يومية

راني كتبت ملاحظات على حسب ردود الأخوات ان شاء الله نظمها ونجهز برنامجي ونكتب تقارير لي فاتتني
اليوم عشا كانت عندي واجدة تعشيت والحوض والمانع الحمد لله ماعنديش مشكل كبير معاه قليل وين يبقاو حتى لصباح. بصح. نقطة ضعفي. الفرن نكره غسيلا خاصة إنّو مانقدرش نرمي الما بزاف سما غي نمسح وهو راه خاصو. تحميمة ماشي دوش. بصح راني نستنى تحمى الحالة وونغسلو فالسطيحة. . ولدي الكبير رقد
انا دوشت باش نرتاح ودورك نروح نلها بالفلوس الصغير باش يرقد
راه بدا يبكي. نخليكم ومنبعد نكتب التقرير مفصل ليلة سعيدة

[om ahmed]

وحشتتتتتتتتتتتتتتتتتتتتتتتتتتتتتتتتتتتتتتتتتتتتتتت تتتتتتتتتتتتتتتتتتتتتتتتتتوني
واحد ما سال عني ، واحد ما توحشني ، انا توحشت كل الفراشات و خاصة ملكة الفراشات حبيبتي بيبة ,كيف حالكن حبيباتي النشيطات ،فرحت كثيرا لما عدت لمنزلي ووجدت نبتتي قد تضاعف علوها ، راني خايفة تموتلي , حبيبة اريد ان استدرك ما فاتني ، كنت معاكم حتى بداية العطلة ، والله ما منعني عنكم الا الشديد القوي ، نجيب الولي نتاعي ولا مسامحيني،قبلاتي لكن واحدة واحدة

[ماريا.م]

السلام عليكن اخواتي
اليوم فقط وين شفت الموضوع وحبيت نشكر صاحبة هذي الدورة الرائعة
بارك الله فيك اختي حبيبة
وراني قريت بعض الصفحات واستفدت بزاف من افكارك وافكار الاخوات
ربي يجازيكم كل خير
وباذن الله نكمل الباقي
نتمنى يكون هناك مجال للانضمام اليكم، لأني محتاجة بزااااف للتنظيم في حياتي
تقبلوا مروري

[omselma]

المشاركة الأصلية كتبت بواسطة yasmine sila

بصحتك نجاة الاونسومبل دوك راه يدخل الربيع و تلبسيه بالصحة و الهنا و كلامي ليك ماهوش مجاملة لاني عن جد نفرح كي ناقكم تتغيرو للاحسن من اجل انفسكن و تحمرولي و جهي كيما قالت الغالية حبيبة و نزوخ بيكم لماما
ام سلمى باتة عليك شاكرة ماشاء الله ربي يحفظلك صحيحتك و بالشفا على شيخك يااااارب و ربي يجعل رعايتك بيه في ميزان حسنتاك يااااارب

شكرا لك ياسمين سيلا ان شاء الله يا رب هذا واش نتمنى والله يعجبني الحال انا من النوع اللي كي يمد يمد من قلبو . وانا ماتتصوريش قدماش نحب زوجي هدا يخليني نتهلا فالحاجة اللي عزيزة قلبو واللي هو باباه.

[chez biba]

السلام عليكم ورحمة الله وبركاته
حبيت نصبح على احلى واغلى فراشات قبل ما نبدا الشغل

سعيدة الله يبارك ويعطك صحتك حبيبتي ربي يوفقك دايما للحاجة اللي تسعدك وصبر جميل ان شاء الله ربي يفرج عليك من اوسع ابوابو المهم عجبني التغيير الايجابي تاعك اللي عكس ثقتك بنفسك وهذي اهم خطوة ؛ الى الامام حبيبتي

ياسمين ما شاء الله عليك نتخيل فيك راكي كيما هاذي

Les broches تاعك هايلين بالصحة ولهنا وبصحتك النيو لوك

ام سلمى ما شاء الله عليك وعلى قلبك الصافي المعطاء يا ارق فراشة
ربي يشفي شيخك ويعينك ؛ حبيت نقولك برك الواحد كي يكون يحب الواحد ويمد من قلبو نوصيك ما تستنايش المقابل او الشكر (مع الناس موش الزوج ) احتسبي الاجر على الله باش ما تنظريش لاني نحسك رقييييييقة ونادرة

والله عن تجربة حبيبتي ؛ ربي يسعدك ويحفظلك زوجك واولادك ان شاء الله

ام احمد حقك علينا
كيما قالت حبوبة علابالنا بلي راكم في عطلة وفراشات بزاف غايبات مبصح راكم كامل في القلب وبالنسبة للتطبيقات ما زالنا كيما خليتينا زدنا برك new look

ماريا مرحبا بيك معانا اختي

الغالية استاذتنا دائمة الحمد بارك الله فيك على الكلام الديب وربي يوفقك في تحقيق هدفك النبيل ؛ منكم نتعلم وعجبتني الصورة اللي حطيتيها

نجاة تلبسي بالصحة ولهنا وطاقتك وحيوية وحب التغيير راهو لحقني وحسيت بيه ؛ رانا رحبنا بيك في الكوزينة واسعدنا انضمامك لينا

سيماسيم ربي يعينك حبيبتي غير بالشوي على روحك وراح تلقاي ان شاء الله البرنامج اللي يساعدك ويريحك

ماريا ملاك مرحبا بيك اختي وطبعا حنا هنا اكثر من خواتات اللي تحتاج حاجة تلقا الكل واقف معاها ومساندها .. اذا قدرتي اكتبي بالعربية باش كل الاخوات يتمكنو من قراءة ردودك

حبيبة الكل

[حبيييبة]

صبــــــــــــــــــــــاااااح الخيــــــــــــــــــــــــــررر
على اروع صحبة طيبة في الوجود
احبكم فراشاتي

[نايليةوافتخر]

صباح الخيرات والمسرات على احلى فراشات قبلاتي ليكم كاااااااااااااامل بدون استثناء مانذكرش الاسامي باه ماننسى حتى وحدة
حبيبة ربي يخليك على التشجيع والدعم والله كلامك يدعمني ويعطيني الثقة في نفسي اكثر ربي يخليك
راني نخدم فالشغل تاع الدار وقلت نضرب طلة ونصبح

[رقية محمد]

ا[[SIZE="6"]FONT="Arial Black"][SIZE="6"][QUOTE[B][SIZE="6"][PHP]]ل[COLOR="rgb(255, 0, 255)"]سلام عليكم احاول متابعتكن يافراشات واشكر كن جميعا وخصوصا ام ريتاج واللواتي رددن علي ممتنة جدا بمرافقتكن وT]لكن بطيئة جدا في القراءة واتمعن مع كل حرف من حروفكن النيرة ولم افهم كيفية ملء الجداول الا انني اقول لقد شعرت بتغيير وتحسن في عاداتي ولا ادري كيف يكون الوضع بعد العطلة ادعولي بالتوفيق وساعدوني للالتحاق بكن واذا امكن مراسلتي بنموذج الجداول المقترح انا اطالع 5صفحات يوميا من مشاركاتكن وهي مكان ساخن بالنسبة لي احاول ان لا اجاوز 15د ههههههههه وكامل الشكر والدعاء لكن جميعا كل واحدة باسمها وخاصة الى الاخت المتميزة ومن سنت لنا هاته السنن الحميدة لتكون في ميزان حسناتها الفاضلة حبيبة اختكم رقية[/