حاضر لتقديم المساعدة لكل من اختار او وجه للاغواط dca

[محفوظ البسكري]

السلام و عليكم و رحمة الله تعالى وبركاته


ان شاء الله استطيع تقديم المساعدة لكل من يرغب في التوجه للاغواط ا

[amer46]

جعله الله في ميزان حسناتك

[badi09]

شكرا اخي علي المساعدة انا تطوعت للاغواط الاستدعاء يوم 15/05واش من نهار تنصحني نروح فيه’..... مع العلم انو عندي ضعف في النظر العين اليمني 1/10 واليسري 10/10 هل عندي امل باش يعطوني الاعفاء وشكرا

[محفوظ البسكري]

المشاركة الأصلية كتبت بواسطة badi09

شكرا اخي علي المساعدة انا تطوعت للاغواط الاستدعاء يوم 15/05واش من نهار تنصحني نروح فيه’..... مع العلم انو عندي ضعف في النظر العين اليمني 1/10 واليسري 10/10 هل عندي امل باش يعطوني الاعفاء وشكرا

مرحبا اخي

ما خاب من استشار
اخي ادا كانت هناك دفعتين في ماي دفعة 15 ماي و 20 ماي
انصحك في الذهاب يوم 24 او 25 ماي
ادا لم تكن هناك دفعة ثانية 20 ماي انصحك في الدهاب في 20 الى 23
اخي في ما يخص نقص النظر الطبيب لا يستعرف بيك الا اذا كانت عندك نظرات او ملفات طبية
انصحك بان تاخذ ملف طبي معه نظارات موصوفة من عند الطبيب
لان جل الذين ذهبو معي في دفعة جانفي اصحاب نقص النظر كلهم افرجو عنهم طبعا بعد ما اجتزنا الفحص المضاد بورقلة انصحك ان تذهب للطبيب و قل له يعمل تقرير على انك لا ترى سوى 1/10 ومن ثمة توكل على الله

لا انصحك في ان تذهب الايام الاولى لانهم سوف يقوم بتجنيد مؤقت لبعض الناس مهما كانو صغار كبار متزوجيين اصحاب كفالة ثم يطلقونهم بعد مدة الى ان يتم تسريح الجميع

ثم انه لا اعفاء لك ان لم يكن لك ملف طبي و نظارات على عينيك

و الله الموفق


اي استفسار ايضا فيما يخص الفحص المضاد انا موجود

[badi09]

شكرا اخي علي النصيحة ان شاء الله راح ندي معايا ملف طبي و نظارات وربي يوفقنا ان شاء الله

[souhil sisou]

السلام عليكم
انا خويا نمشي بلي لونتي مانيش داير النظارات هل نقدر ندفع الملف الطبي ////

[هارون الزقم]

السلام عليكم انا هارون من واد سوف من مواليد 1990 عمري 25 سنة عندي ليسانس مالية متخرج يعني جتني لوردابال لولا في مارس 2014 وقبل كنت ندير في سورسي متزوج وعندي ولد تو نظن باش تجيني وحاب نطلع نتهنى بصح خايف تزوجت عندي ظروف خاصة وجاني وليد مريض عندي الملف تاع المرض تاعه وداير شهادة بللي منفصل عن العائلة يعني نسكن وحدي وعندي شهادات طبية 2 من طبيب عام وواحد من طبيب خاص ملف ضعف النظر دايرلي الطبيب الخاص والعام لولا 2/10 ولخرى 3/10 وعطاني نواظر نمشي بيها وعندي شهادة من طبيب خاص بللي راني نمشي ريجيم عندي قولون الاعصاب وناكل فالدواء تاع المعدة وراني نخدم عند لبريفي ومليت وحاب نتهنى قولولي بجاه ربي وش نعمل راني تعبت ربي يجازيكم ان شاء الله.
ملاحظة خويا حبيت انا نطلع للاغواط حتى متطوع قلت لكان ماجتنيش لوردابال بصح راح صاحبي لورقلة دار تطوع قالولو خير ولاية قاللهم الاغواط قالولو ماكنش دار سطيف تاني ماعطوهالاش عطاولو المدرسة التطبيقية للهندسة

[محفوظ البسكري]

المشاركة الأصلية كتبت بواسطة هارون الزقم

السلام عليكم انا هارون من واد سوف من مواليد 1990 عمري 25 سنة عندي ليسانس مالية متخرج يعني جتني لوردابال لولا في مارس 2014 وقبل كنت ندير في سورسي متزوج وعندي ولد تو نظن باش تجيني وحاب نطلع نتهنى بصح خايف تزوجت عندي ظروف خاصة وجاني وليد مريض عندي الملف تاع المرض تاعه وداير شهادة بللي منفصل عن العائلة يعني نسكن وحدي وعندي شهادات طبية 2 من طبيب عام وواحد من طبيب خاص ملف ضعف النظر دايرلي الطبيب الخاص والعام لولا 2/10 ولخرى 3/10 وعطاني نواظر نمشي بيها وعندي شهادة من طبيب خاص بللي راني نمشي ريجيم عندي قولون الاعصاب وناكل فالدواء تاع المعدة وراني نخدم عند لبريفي ومليت وحاب نتهنى قولولي بجاه ربي وش نعمل راني تعبت ربي يجازيكم ان شاء الله.
ملاحظة خويا حبيت انا نطلع للاغواط حتى متطوع قلت لكان ماجتنيش لوردابال بصح راح صاحبي لورقلة دار تطوع قالولو خير ولاية قاللهم الاغواط قالولو ماكنش دار سطيف تاني ماعطوهالاش عطاولو المدرسة التطبيقية للهندسة

ان شاء الله ستخرج اعفاء كان عليك ان تذهب منذ مدة لورقلة لكي تختار الاغواط
لا عليك اخي اختر الحراش و توكل على الله

[hamza_gel]

السلام عليكم
أنا بعتولي في هادي

المدرسة التطبيقية للدفاع المضاد للطائرات * الأغواط* eadca

و إنشاء الله نروح 17.05.2015

وهذا الفايسبوك نتاعي Hamza Qonquistador

[scu]

السلام عليكم
اخي انا ذاهب مدرسة التطبيقية للاغواط كمتطوع و املك شهادة ليسانس سبور ،، هل هناك امكانية للتسريح عبر الفائض ؟

[sidaahmed10]

سلام عليكم خويا راني حاب نروح للاغواط ن ع 4 واش تنصحني هل حقا فيها فائض كيما راني نسمع ولا لالا وواش من نهار تنصحني نروح فيه وللعلم مازال ما رفدتش لورد أبال يعني مش عارف وكتاه نروح يا في تاع 15/05 ولا في 20/05

[ayoub55]

المشاركة الأصلية كتبت بواسطة محفوظ البسكري

السلام و عليكم و رحمة الله تعالى وبركاته


ان شاء الله استطيع تقديم المساعدة لكل من يرغب في التوجه للاغواط ا

شكرا اخى محفوظ البسكري

اين نجد القوانين المتعلقة بالخدمة الوطنية

[محفوظ البسكري]

المشاركة الأصلية كتبت بواسطة scu

السلام عليكم
اخي انا ذاهب مدرسة التطبيقية للاغواط كمتطوع و املك شهادة ليسانس سبور ،، هل هناك امكانية للتسريح عبر الفائض ؟

الفائض فيه في المدرسة من 100 الى 150
ولكن شهادتك جيدة و مقبولة فانت من الناس الذين يقبلوهم ضف الى ذلك اصحاب الشهادات التقنية و العلمية

[محفوظ البسكري]

المشاركة الأصلية كتبت بواسطة sidaahmed10

سلام عليكم خويا راني حاب نروح للاغواط ن ع 4 واش تنصحني هل حقا فيها فائض كيما راني نسمع ولا لالا وواش من نهار تنصحني نروح فيه وللعلم مازال ما رفدتش لورد أبال يعني مش عارف وكتاه نروح يا في تاع 15/05 ولا في 20/05

روح ارفد الاوردابال تاعك و توكل على ربي و روح في 25 ماي دير ربي في بالك خويا و ان شاء الله اللي فيها خير
نعم يوجد فائض من 100 الى 150 كما ان اصحاب الملفات الطبية و لو بسيطة لديهم حظوظ كبيرة اكثر من الفائض

[-ismail-]

بارك الله فيك أخي محفوظ
1- انا استدعيت ليوم 15-05 هل أستطيع الذهاب يوم 24-05
2- كم عدد الضباط الاحتياطيين المقبولين
3- هل يجب أن يكون الملف الطبي جديد (2015)
4- كم المبلغ المالي الذي آخذه معي
5- ماذا آخذ معي في الحقيبة
6- اسمحلنا على الازعاج وادعيلنا باش نخرجوا
شكرا.