دورة فراشات تزهو بالألوان بيوتهن قمة في النظافة و التنظيم و التدبير و الاتقان

[هنو ام ياسر]

صباح الخيرات يا احلى فراشات

اختي فراشات العمر تبارك الله عليك و الله غير حمستيني مبصح عييتي روحك بزاف و انا نظن الهدف من هذي الدورة هو اننا ننظموا وقتنا و يكون بيتنا نظيف و جميل دون ان نتعب انفسنا....
كان الله في عونك و عوننا جميعا.
لا اله الا الله محمد رسول الله.

[هنو ام ياسر]

مشكورة اختي جيادا بارك الله فيك و في صاحبة الوصفة كملي راني معك و ان شاء الله نطبقها

[YASMINE SILA]

اهلا و سهلا بالنشيطااات
فراشات العمر يا اختي غير بالشوية على روحك و زيد جرحك سيزاغيان رودي بااااالك يا اختي
نشيطة مشاء الله عليك انا ثاني شريرة خخخخخخخخخ طيحي بالوصفة الي تقطع 155 حبة سريعا يا الله و مادابيك زيدي معاهم تحلية الليمون
تعيشييييييييي مديلي الوصفات انا نحبك يا فراشة ههه-راني نحلل فيك زعمة -
جيادا شكرا ليك على النقل و صورك الحصرية جزاك الله خيرا

[ارزاق]

شكرا اختي جيادا علي انقل الوصفة واذا عندك وصفات تقشير الوجه انا نعني في فترة الشتاء والربيع بشرتي جافة وحساسة

[ام اكرم31]

شكرا اختي على كل الوصفة تستاهل نجربها ان شاء الله اريد المزيد من الوصفات خاصتا لي جربتيها وادا كان فيه وصفات للهلات السوداء وتبييض الوجه والوقاية من التجاعيد وكدالك وصفات لجفاف الاقدام اكرمكي الله افيديني بها وشكرا

[فراشات العمر]

https://www.djelfa.info/vb/showthread.php?t=1763696

[أم ضياء عبد الرحيم]

مساء الخير حبيباتي
om wassim مساء الخير ان شاء الله تكوني بخير

هنو ام ياسر YASMINE SILA ارزاق نجاة54 شكرا حبيباتي على التشجيع و الردود الطيبة

نجاة54 و ارزاق باذن الله نحطلكم الوصفات الي طلبتوها
الوصف الي راح نحطها تبيض و توحد لون البشرة نسيت منين هزيتها عندها بزاف لكن صدقوني راهي روعة الي جربتها عجبتها
وصفة دوف و ماء الورد لتبييض و توحيد لون البشرة
المكونات
صابون دوف مبشور الاحسن استخدام دوف خيار انا بقالي غير الابيض
نصف فنجان ماء ورد
5 م ك جليسرين 3 قطرات عصير ليمون 5 م ك زيت لوز حلو او زيت جنين قمح انا استعملت 2 زيت جنين قمح و 3 زيت اركان
نصف كوب من اللوشن المرطب اي نوع انا درت ميكسا بيبي نسيت ما صورتوش


الطريقة
نخلظ الصابون مع ماء الورد في اناء زجاجي او فخار و نخليه ليلة كاملة

يوضع الخليط على حمام بخاري و يخلط حتى يذوب الصابون تماما و هذا شكله

تضاف الزيوت و الجليسرين و عصير الليمون يخلط و ينزع من على الحمام البخاري و يضاف اللوشن و هذا شكله

يوضع في زجاجة معقمة و محكمة الغلق



طريقة الاستخدام
توضع على جسم مبلل بطريقة متجانسة و تترك على الاقل 15 دقيقة لكي تعطي نتيجة في الوصفة تقول حتى ساعة او ساعتين قبل الزواج كنت نديرها و نلبس لباس و نخدم خدمتي و نرجع نشلها لكن الان نديرها ربع ساعة و بعد مرور الوقت نستعمل منشفة صغيرة مبللة بماء الساخن و بدلك الجسم بحركات دائرية ثم يشطف بالماء الدافئ
الوصفة حتى للوجه لكن انا نديرها غير للجسم
و هي بالاضافة على انها تعمل على تبييض و توحيد لون البشرة ترطبها و تنعمها و تترك ريحة الجسم روعة
انا نستعملها مرة في الاسبوع تقدري تستعمليها مرتين
يتبع باذن الله

[دعاء القلوب]

مساء الخير فراشات واش حوالكم ربي يعينكم حبيبتي حبيبة واش حوالك عجبتني الفقرة تاع البارح والله هايلة هايلة
ربي يعينا على طاعتو
مشكورة على الرد بصح حبيت نوضحلك حاجة في ردي تاع البارح قلتك نحب ندير الميناج وحدي ونحس بلي راني راضية على روحي
ماني حاسة هادي مثالية جايتني عادي لخاطر راني جربت سلافاتي يعاونوني وطفالاتي بصح مش الخدمة اللي ترضي العبد تقوليلي دار باباهم نقلك ايه بصح يخدمو غير وين يشوف حمد يعني النهن يدو الشيعة بلي خدمو علاه نعيي رحي نخدم مرتين مرة معاهم ومن بعد و
نعاودها وحدي
نخدمها من الضربة الاولى وحدي وعلى مهلي زفرات ولا لالا

[حبيييبة]

فقرة الثلاثاء:

العناية بالبشرة و الجمال




جرائم لا ترتكبيها ،’

لكل فتاة روتينها الخاص في العناية ببشرتها،
وقد يكون هذا الروتين يحتوي على تصرفات قد تضر بالبشرة و هي لا تعلم

إليك أكثر العادات الخاطئة في العناية بالبشرة لتتجنبيها:


ـ تتركين جسمك بدون ترطيب خاصه إللي بشرتهم جافة
أو إللي يعيشون بمناطق صحراوية أو باردة أو صعبة المناخ ،
هالشي سبب البلاوي راح تتعرضين منه لتصبغات وَ تشققات
بالإضافة ممكن تعرضين نفسك لعلامات التمدد



ـ إنتبهي من ترك بقايا الصابون على جَسمك
يَعني ما تشطفين زين بعد صابون أو غسول الجسم أو شامبو الشعر ،



ـ لا تتأخري بالشاور ،
وَ بَالأخص لا تستخدومون الماء الحار بالشاور لأنه يجفف
السؤال إللي يتبادر لاذهانكم :
مالمُدة الصحيحه للشاور اليَومي ؟!

سبع دقائق وَ الأقصى رُبع ساعة



الاكتفاء برعاية بشرة الوجه
إن من أكثر الأخطاء التي تقع بها السيدات
هي الاكتفاء بتطبيق كريمات العناية النهارية والليلية على بشرة الوجه فقط،
في حين أن منطقة الرقبة تعتبر من أكثر المناطق المعرضة للتجاعيد،
ولا تقل العناية بها أهمية عن العناية ببشرة الوجه على الإطلاق،
لذا عليك بتطبيق الكريمات الخاصة بك على وجهك ورقبتك في كل مرة تستخدمينها فيها.



ـ لاتطلعي للشمس بدون واقي شمسي




ـ وَ الأهم لاتنامي بالماكياج




6 منتجات للعناية ببشرتك لا تشاركيها مع صديقاتك

1- أحمر الشفاه وملمع الشفاه
2- مكياج العين
3- فرش المكياج
4- شفرات الحلاقة
5- كريمات البشرة
6- الملاقط



ـ وَ أخيراً لربات المنازل أو اللواتي يقمن بأعمال يدويه
ممكن تأثر على ايديهم مثل العناية بالنباتات ، دائماً إلبسوا قفاز ..
اللاتي يعانين من الحساسية أو الأكزيما إستخدموا قفازات

[أم ضياء عبد الرحيم]

حبيت نشارككم مشترياتي تاع البارح

Mixa intensif
lait corps sous la douche
anti-dessèchement
huile nutritive + glycérine
يستعمل بعد الجيل دوش ثم يشطف نجربو و نقوللكم على النتيجة

pâte d'argile masque et cataplasmes
sans paraben ni silicone ni paraffine
للوجه و الجسم و الشعر

حلاوة الحقيقة جربت كل الماركات المعروفة و ماعجبتنيش كانت تعجبني ميم كي كانت تتخدم في سوريا لكن كي ولات تتخدم في الجزائر نقصت الجودة تاعها
هذه الماركة اول مرة نستعملها نجربها و نردلكم لخبر

و هذو منتجات مغربية شراهملي زوجي كي راح لمراكش
كريم بزيت الاركان مئة بالمئة طبيعية
ضد الشيخوخة و التجاعيد

و زيت الاركان الطبيعية
ضد التجاعيد و الشيخوخة
مقوي للشعر
جد مفيد للتشققات و الحروق
كي تشريوه لازم تتاكدوا انه اصلي


يتبع باذن الله نحط وصفة الخيار للهالات و وصفة للوجه و وصفة لتساقط الشعر

[أم ضياء عبد الرحيم]

نسيت نعتلكم الصابون المغربي

هذا كنت شريتوا كي روحت حتى هو مليح

و هذا ماسك تاع الطين ماركة كاليبال حتى هو شريتو كي روحت

[omselma]

بما انو اليوم فقرة الجمال انا نحب نعتني بروحي وجمالي " ان الله جيل يحب الجمال" انا ديما ندير وصفات طبيعية عندي نظرية اي حاجة نوكلها من الفواكه نحطها على وجهي نغسل وجهي بماء العدنوس لتصفية الوجه نحط الموز يخلي الوجه يبرق ندير في الصيف النشاء والدلاع ر وعة وكيما لازم تعتني المراة لازم تعتني برقبتها اي ماسك طبيعي يتحط للوجه لازم نحطو على رقبتنا ...انا بلاما ننسى اسناني نحب نتهلى فيها لازم ديما نغسلهم ونحطلهم ساعات سواك تاع بكري باه تكون تبسيمتي حلوة لزوجي

[ام الخير 05]

مساء الخير على الفراشات ما شاء الله عليكم كل وحدة منكن متميزة مساء الخير حبيبتي حبيبة في البداية بعد ما رجعت من دانا ان والاولاد ليقت شوية صعوبة باه نرجع للروتين السابق لكن اليوم الحمد لله كل شيئ تمام كملت شغلي بكري على 10ونص خرجت لولاد رحنا جبنا اختهم من المدرسة ودرنا تحويسة خفيفة في ما يخص العناية بالجمال روتيني اليومي دوش خفيف يوميا الا اذا كنت مريضة او ضرف طارءوممكن نعضو بعد ما نكمل اعمالي ما نستعملش الصابون نستعمل مقشر الطبيعي قهوة+عسل+عصيؤليمون+زيت زيتون ويصلح لكامل الجسم وبعدها اقنعة بمواد طبيعية متنوعة لكن ماشي يومي ونمسح وجهي بمكعبات ماء ورد مقلصة الصراحة راني حابة نشري منتجات اصطناعية خاصة بتاخير التجاعيد وتكون سعرها معقول اذا تقدرو تنصحوني بالمناسبة لما وصلت لسن الثلاثين توقفت على استعمال الفوندتان الا في المناسبات نحس انها تاثر على البشرة والله اعلم
الغالية حبيبة حابة نطلب منك مساعدة انت والاخوات متعلقة بابني هو حساس جدا وانا للاسف ورثت العصبية وكنت نعيط عليه بزاف الان نقصت كثير من العصبية لكن احيانا تنتابني موجة عصبية عارمة خاصة قبل الدورة نحس انو الدم يغلي في راسي وقريب يخرج من وذنيا المهم وليدي رجع خواف خواف خواف وانا السبب وعرفت هذا الشيئ من سبب انو ما يحب غير الديناصورات الاسود الفهود وكل ماهو مفترس راني شاكة باه يحرشهم عليا للاشارة هو شديد الذكاء وانا عندي قابلية اني ننسلخ من هذه الصفة لاني لما نضربومانرقدش اليل الامعاه طبعا بعد ما يرقد باه ما يفيقش بيا وزيد نقلكم حاجة انا دايما حقي ضايع ملي كنت صغيرة وولادي ما شيين في طريقي وانا خايفة عليهم ياريت تساعدوني سلام للجميع

[عازفة الناي]

مساء الخير
اليوم نضت غسلت وجهي وفرشيت اسناني و صليت
اهلي مسافرين
فطرت وجدت الغداء عجنت الكسرة خليتها ترتاح
لميت الغرف كنستهم بالمكنسة الكهربائية
مسحت الغبرة و مسحت خزانة الاحذية و انا نتجول في المنزل وعندى ورقة وقلم نكتب الاماكن الساااااااااااااخنة
عملت ماسك لوجهي
غسلت ماعن لفطور
مسحت الغرف بالنشاف و المعطر
غسلت وجهي ومسحتو بماء الورد
طيبت الكسرة وجاو اهلي تغداو لميت لماعن
حليت النت
عشاي نزيد شوي ونحظرووووووو
فحلة ولا لاء هههههههههههههههههههههههههه

[ام اكرم31]

شكرا اختي جيادا على وصفة دوف ساهلة وففيها اشياء معروف انها ترطب وتبيض البشرة وتاني شكرا على مشاركتكي لنا مشترياتك انا مزال مشفتش lait تع mixa شفت غير la creme pour mains بصح نزيد نسقسي عليها لانها ماركة مليحة عجبتني كريمة الاركان طبيعية خير من المواد الكميائية نخاف نوالفها ولما نحبس تدور عليا ربي يجازيك اختي انتضر منكي المزيد