فكرتوني بالصغر وين مايكون العرس نستناو عند الباب مين يجيبوا العروسة يمدولها الحليب والتمر تشرب يقولوا مالازمش تقطع حبة تمر تأكلها مرة واحدة
ومنبعد يمدولها طبق فيه حلويات وسكر قطع وترمي خلفها واحنا تهجموا باش نرفدوهم. الغبرة تنوض لول

كاين عادة تاني وقت اللي يديرو الحنة العروسة تاني تشرب الحليب من الكأس ولي يبقا يوزعوه على البنات العازبات بنية يجي مكتوبهم من بعدها. مين داروهالي البنت الاولى لي مدولها الكأس وقالولها اشربي هههه شربت الكأس كامل. هي اصلها من واد سوف ماعندهمش هاد العادة ومافهمتش قالتلهم انا حشمت من المرأة والغريب انها فنفس النهار مين راحت للدار صابت الخطابة فالدار وغرسها هاد اليامات.
مارانيش نقول انه. لي تشرب راح تتزوج كلها خرفات

لآلا مايقولولكش والوا كنا نسمعوا
هم يحطوا طبق فوق راس العروسة فيه الصوالح لي يديروهم دار راجلها من ذهب ومهر وقش ومنبعد هدايا تاع اهلها

ماعليش انساي وعيشي حياتك ضرك
واتفكري غير لحاجة لمليحة لي صرات

انا نقولك حاجة كاين ناس غالطين لعروسة مسكينة كي يجو مدخلينها لدار لعريس يهجمو عليها هوما الله غالب مالفرحة بصح لازم يراعو ظروفها خاصة كي تكون طريق طويلة

والاخص كي تكون لابسة الشدة التلمسانية
مسكينة شايقدها صبر


والصغار مساكين كلهم باغيين يسلمو عليها

اللهم امين

ااااااه قلت بلاك سبحان الله

شكرا ربي يحفظك على الافادة

انا قلت بلاك كاين صوالح كبار مالازمش يسمعوهم الصغار

طلع مافي شي

ربي يدوم الستر والهنا حبيبتي
ويرزقك كل خير

والله فرحت برودودكم
وهكدا زدنا تعرفنا على عادات كتر وكتر

تبقى هاد الصوالح غير ذكريات
الناس لازم يراعوا ظروف مثلا ماشي شرط البرنوس تقيل يعني تقدري تخرجي بالحايك

هو خفيف على خاطرش الصيف والحمان لازم لكل حاجة نلقاولها الحل والبديل
كاين لي متمسك ومتعصب في صوالح كيما هادو كي يقولك البرنوس برنوس لانقاش هههه قوليله ارواح نتا والبسه ههه

مين داك ربي يهديهم و الله ما يديرو حساب التعب من طول المسافة المهم العادات و خلاص مزية اللي طحتي في واحده فاقتلك لوكان راكي طحت طيحه تبقالك في التاريخ ربي يهنيك

الله يجمعكم عن قريب اختي
وربي يحفظكم