دورة فراشات تزهو بالألوان بيوتهن قمة في النظافة و التنظيم و التدبير و الاتقان

[حبيييبة]

المشاركة الأصلية كتبت بواسطة بعيدة المنال

.................................................. .........
في انتظار تسجيل التعليمات سيدتي الجميلة

يا غاليتي افراشتي ام منال
تعليماتي ان نبقى على ما نحن عليه من تطبيقات يومية
و نبقى نطبق روتيناتنا اللي صنعناها معا طيلة نهاية هاذ الاسبوع
و طيلة ايام الاسبوع المقبل باذن الله

معنى ذلك

لازمنا نلمعوا حوض مطبخنا باه غدوة ان شاء الله يسعدنا عند دخولنا للمطبخ

لازمنا نهتموا بنفوسنا بمجرد قيامنا من النوم
حتى نحسوا اننا فراشات مدللات في بيوتنا

لازمنا نحضروا من الليلة حوايجنا تاع غدوة
باه الغد يجينا اسهل

لازمنا نبردوا اي مكان ساخن راهوا في قائمتنا (على قولة الفراشات)
لمدة 15د

لازمنا نحبوا نفوسنا و نسامحوها و نعتانوا بيها و نعطيوها حقها
و نوقفوا معاها و نحكيوا معاها كلام طيب جميل
و مفيد ليها و يخليها توقف على رجليها
و تخطي خطوات ايجابية للامام

و حنا رانا هنا متساندين و مدعمين بعضنا البعض
على خوض تلك الخطوات مهما كانت

[فراشات العمر]

حبيبة نوضي ترقدي راه راح الحال ههههههههههههه تصبحون على خير

[om wassim]

شكرا حبيبتي حبيبة هذا كله بفضل مساندتك لينا و دعمك و نصائحك جعلها الله في ميزان حسناتك

[ombouchra]

سلام الله عليكم حبيباتي الفراشات
البارح جيت من دارنا وصحة الاب انتاعي تحسنت شوية لكنه ما دارش العملية لانه كاين طبيب اخر نصحو ما يعاودهاش وادا زاد الحال يروح يكمل العلاج في فرنسا عند الطبيب اللي متبع الحالة نتاعو لانه عايش بين هنا و لهيه
نشكر كل الي دعاتللاب ديالي بالشفاء انه ربي يجازيها احسن الجزاء
والله يا اختي حبيبه راكي بلسم يتحط عليالجرح يبرا ما فارقتش الروتين ديالنا حتى في بيت اهلى حتى مرت خويا قاتلي منين هذا النشاط توحشتكم لبنات رغم اني كنت منين داك نطل عليكم مي ما نتواصلش لكن كلكم في القلب
اختي حراير ربي يجمعك مع زوجك ويعطيكم ما تتمناو ليكم وكامل المومنين .....كي نكون نقرا في اسم من اسماء الله الحسنى نحس روحي في رحلة ونندم اني ما بحثتش من قبل على معانيهم من قبل

[ombouchra]

اما عن تطبيقاتي لما كنت رايحا لدارنا الوقت اللي كنت لابسة وننتظر في زوجي باه نروحو قضيت على درجين تاع التسريحة كانو لاهبين من السخانة يااااااااااااااي لكني بردتهم تاع الصح اللي رميتو كتر من الي خليتو بعدها لكن المنبه اللي كان عندي هو الكلاكسون تاع السيارة هههههههههههه وبعدها لما رحت لدارنا بقيت مع هادو التطبيقات ما فارقونيش نتمنى نبقاو هكدا وما يزيدش يدخل الكسل والخمول عندنا مرة اخرى
اليوم راني مع الكوزينة تنضيف عميق ان شاء الله ربي يقدرنا

[oummalak]

[ام امجد14]

صباح الرخير و الخمير عليكم

الحمد لله تطبيقى جارى دايما نلمع الحوض و نغسل كل يوم الحي نتاع المطبع التى تتعرض بسرعة لدهون و نمسح الثلاجة بو خفيف و العميق مرة كل 15 يوم

الفرن كل يوم بو خفيف و العميق كل 15 يوم
لاوت كل يوم ثلاثاء تجينى ساهلة فى الحك و ما تعبنيش

من ناحية الجمال الحمد لله عندى شهرين ما زال ما شافونيش بلا ماكياج ههههههههههه

والله تعلمت حاجة من عند اختى الحراير قالتلى كى ترضاى على نفسك كافئها بحاجة تحبيها مرات نشرى حلوة الترك و نقعد قدام التلفزيون نصف ساعة و نتمتع مرات يايورت فرويتى كل مرة كيفاش بصح كى نكون راضية عليها ههههههه

قسمت اعمالى الى اعمل روتينية يومية و اعمال اسبوعية و اعمال شهرية و السنوية مازال ما عرفتش نكتبها ما جاتش فى الفكرة فى راسى على الاعمال سنوية

الاماكن الساخة عندى بزاااااف

اليون نقيت البلاكار نتاع الفراش ما داش الوقت و البارح نقيت سطح البيت هو الى هدنى و رقدت دودة و مازال ما كملتوش مازال البلاكار نتاع الكوزينة و ديبارة نتاع الدروج يخرجو الاولاد عطلة يعاونونى

[om ahmed]

صباح الورد لكل الفراشات بدون إستثناء. اليوم هو يوم الأربعاء و حسب حبيبتنا حبيبة نخصه دوما لنصائح لتربية الأبناء
أنا أريد أن نتشاطر الرأي في ما يخص مصروف الجيب الخاص بالأطفال ، أريد آراءكم لأنها تهمني و سوف انتفع بها و أطبق الصالح منها على أولادي بحول الله .

[ام منيب]

صباحكم سعييييد
راكي غرستي فينا كل خير و جديد يا حبيبة الجماهير
انا عن نفسي بديتها من الحوض مارانيش نخليه يبات في يدامو يا لو كان على جثتي....البارح عشيت ضياف و بايتين عندي خديت برايك يا حبيبة نقيت الكوزينة في وقت متاخر وجدت كيكة و زوقتها في الليل و وجدت السنيوة ...حطيت على كرسي الكوزينة كل مستلزمات اولاي مطبقين و الكراطب و لي فاست غير باش مايديروش الفوضى و يهلكو الضياف
حسيت روحي نقصت هم كبيير للصباح
ربي يخليك
برك ملاحظة .....كي نجو نغسلو ماعن الغدا و لا العشا يا ريت كل مرة نقصو حاجة يالو كان نضفو حيط و لا سلة تاع الماعن او حتى كرسي ....بالوقت نلقاو اختصرنا الخدمة في الكوزينة
ام امجد عجبتني فكرة تكافئي روحك .....ياريت تدخل حراير تفهمهالي اكثر بتيت نستاجب

[~ حراير ~]

السلام عليكم و رحمة الله تعالى و بركاته

كيف حالكن يا فراشات

منين نقول فراشة نحس روحي خفيييييييييفة مش كيما موالفة نوض نخمم وش نطيب وش ندير وش نقري و الوشوشات بزاف

لكن درك الحمدلله

ام احمد انا ثان زوجي غايب و رغم هذا مانخليش على روحي تعرفي علاش؟؟؟؟

لاني منين نقوم برويحتي نقوم علاجالي مش علاجال حتى حد

و انت يا ام امجد نشدك تشوفي وش نعمل فيك صار انت راكي تلميذة مش نجيبة لكل

انا قتلك دائما كافئي نفسك و حذرتكم من المكافأة تاع الاكل راهي تبطبط هيهيهيهيه عموما بصحتك يا لحبيبة و تستاهلي لخلو يا حلو


ام بشرى ربي يشفيه باباك طهور ان شاء الله و ماعنده شر غاضني مسكين انا نحب الابهات بزاف عندي بابا اعزلي من عيني

ان شاء الله كي نكملي شغلي و نولي ليكم نقلكم على تطبيقي درك نخرج سع للقضيان
سلام

[om ahmed]

ربي يشفيك يا فراشتي بعيدة المنال وربي يشفي والد أم بشرى ، تهلاو في صحتكم يا فراشات المنتدى و تهلاو في والديكم ما كانش أعز منهم .عزيزتي حراير ياريت خرجتيني معاك نقضيو كيفكيف راني جايحة في هذا الدومان

[أم فاطيمة]

صباح النور و الياسمين على احلى فراشات
حراير بصحتك الماسك وما كاين لا عين لاو لو هذا غير الشيطان الله ينعلو و عين الحبيب و الرفقة الطيبة بلسم على القلب
ام منال طهورا انشاء الله
ام فيفي حنا باش نفطو نديرو الحنة على الصدر في الليل كي تعطيهالها على الظلمة تجيها مرة بصح ما ضرهاش و في النهار تخاف منها
ام احمد بصحتك التغيير الى الامام انشاء الله
ام بشرى ربي يشفي الوالد الكريم و يطولكم في عمرو
سمراء الدنيا يعطيك الصحة انت بنتك و شكرا على الوصفات
حبيبة ربيي ينوردربك كيما راكي منورتنا بما انو اليوم مخصص للاطفال عندي بعص الاسئلة تخص بنتي في الاول حبيب نسقسيك اذا كنتي تفهي في علم النفس ولالا
او احد الاخوات عندها خبرة ترفع يدها
التطبيقات ماشية عليها و الحمد لله اليوم عندي مهمة تشدلي الصبحية راجلي قالي خيطيلي الفولو نتاع السيارة شراهالها جديدة و ادا ما كملتها ليوم نهاري
غدايا بقايا اكل و لي عودة بعد الظهر انشاء الله

[حبيييبة]

ما اجمل هذا الصباح الذي اتصبح فيه على احلى و ارق فراشات في الوجود

صباح الخير فراشاتي الرقيقات
صباح الأنوثة و الجمال و الدلال و الدلع

[chez biba]

احلى صباح على أغلى فراشات
ام احمد، حرير، ام منيب، ام أمجد، ام هديل، ام بشرى، ام وسيم، ام سمراء، سعيدة، ام منال، ام فطيمة، ام الخير، ام مينا نينا، نبض الفؤاد، ام فيفي، ام. سلمى ، فراشات العمر، سمراء الدنيا (عودة موفقة ) وكل صديقات الدورة والمتتبعات تحية خاصة ليهم
الغائبات صديقتاي جياد و زينوبةان شاء الله المانع خير

حبيبة الحبوبة

نعتذر على هاذ الغياب اولا النت كانت مقطوعة وكنت مشغولة مع تنظيف معمممممممق للبيت استغيلت فرصة غياب زوجي وبمساعدة اختي ربي يخليهالي انا مهووسة بالديكور كل مرة نحب نغير ديكور الغرف وكل يوم راني نقص الاماكن الساخنة وتقريبا قضيت عليهم
أمس درت فاكسان لولدي وبت معاه قاعدة من السخانة ، لكن الحمد لله تحسن

[رقية الناجحة]

روعة وتميز اختيتي الى المزييييييييييييييييييييييييييد



تم التقييم ب5 نجوم