دورة فراشات تزهو بالألوان بيوتهن قمة في النظافة و التنظيم و التدبير و الاتقان

[حبيييبة]

المشاركة الأصلية كتبت بواسطة تفاحة ساعد

السلام عليكم
راي رافدة ابني وكتب
والله تحدي صعب بالنسبة ليا رايحة نحاول نغلقو في الوقت اللازم

لا صعب ولا مستحيل مع وجود ارادتك الحديدية حبيبتي
اللي ترفد ابنها و ترضع و تعتني به و تبحث عن التغير و التطور للاحسن
راهي امرأة قوية و ارادتها من فلاذ
لن يكون الامر صعب عليك
هو مجرد قرار يجب تطبيقه و فقط
ربي يوفقك و يعينك فراشتي التفاحة

[حبيييبة]

تطبيق اليوم:

في ورقة جانبية اكتبي كل الاماكن الساخنة في بيتك

ما معنى الاماكن الساخنة؟؟!!
الاماكن الساخنة هي التي تعج بالفوضا..
خزانة، درج، بيت كاملة، حمام، بلاكار، بيبليوتيك..
اي نقطة في بيتك فيها الفوضى ولازملها الترتيب
اكتبيها في تلك الورقة


ثم امسكي كل نقطة ساخنة و خصصي لها 15 د في اليوم فقط
قلت 15د فقط
نعرف هناكفراشات موسوسات تحب ان تقضي على المهمة كلها ضربة وحدة
و تاخذ فيها ساعتين و هي تعمل و من بعد اطيح فالفراش كي الدودة
و تعجز تقوم بباقي المهم اليومية نتاعها
و اول ماراح تتنازل عنه هو حقها اليومي في العناية و الاهتمام

اذا قلت تخصص 15 د يوميا للعمل على تلك النقطة الساخنة
اذا كملتها في 15د الله يبارك
اذا لا يمكنلها تكملها في الايام الموالية بمعدل 15د كل يوم

ما ستقوم به في تلك 15د:

نفرز ، نرمي، و نرتب

تقوم بالفرز: رايحة تفرز كل الاشياء التي في تلك النقطة الساخنة
ما تحتاجه، ما لا تحتاجه و يمكن التصدق به، مالا تحتاجه و يجب رميه

ثم نرتب ما نحتاجه و نخصص لكل شيء مكانه المخصص له
و الاشياء الموجهة للصدقة نرتبها في صناديق و نقدمها للجمعيات الخيرية في المساجد مثلا

هذا تطبيق اليوم حبيباتي
ربي يعينكم و يوفقكم و يسعد قلوبكم ياا رب آآآمييييييين

احبكن في الله

(في المساء رايحة نحط برنامج التنظيف)
(ولن اتواجد في النتدى بعد الظهر عندي اشغال نقضيها باذن الله)

[الدر المكنون 7]

المشاركة الأصلية كتبت بواسطة حبيييبة

بالمناسبة سانزل موضوع جديد خاص بالدورة
سأجمع فيه كل المشاركات المهمة التي ذكرت في الدورة من طرف كل الفراشات
و كذا كل التطبيقات التي وضعناها
حتى يتسنى لكل فراشة الرجوع اليها ان احتاجت لاي معلومة
او للاستفادة و لتكون عملية التصفح اسرع
و حتى لا تضيع بين الصفحات

لكن تمنع الردود في ذلك الموضوع و الردود و المشاركات تبقا هنا فقط في هذه الصفحات فراشاتي الغاليات

أحسن ما فعلت نعم الرأي ربي يبارك فيك


فيما يخص قوانين الدخول للمنتدى تقريبا هي نفس الأوقات لي ندخل فيه أنا لكن مشكلتي أني لما ندير قوانين أو برنامج ما نقدرش نداوم عليه دايما نخرقو ولا مرة قدرت نتوفق ونواصل البرنامج
خاصني الحزم والارادة

[ام سوهيل]

.صباح الخير يافراشات وش راكم اسمحولي على الغياب الله غالب كان عندي ضياف مقدرتش نتواصل معاكم لكن الفكرة تاع اليوم عجبتني

انا نضت الصباح وجدة القهو وصليت وراح ابني وزوجي ومن بعديها درت حبيبات مسمن زوجي طلبه ودرت الفطور ومن بعد مصحت الارض وخرجت الفراش يتشمس وروحت حمرة وكحلت هههههههههههههه وراني حاصة روحي فرحانة يعطيكم الصحة الى اليقاء في وقت اخر

[حبيييبة]

فراشاتي لا تنسوا التسبيح باسم الله الجبار

[لينة نور]

السلام عليكم
موضوع جميل بارك الله في القائمين عليه ، أحب أن أشارك بمشكلة كنت أعاني منها وشطبتها من يومياتي

وأعتذر ان كان الكلام مكرر لم أطلع على الموضوع بكمله .

مشكلتي كانت مع المطبخ ، لا أحبه لا أحب الطهي لا أحب غسل الاواني ....وكنت أترك الاواني تتجمع الى حد لايطاق

لدرجة أني لا أستعمل حتى غسالة الاواني ..

وربما أيضا لأنه لدي مشاغل في الحديقة والتي أعشق العمل فيها وأنسى نفسي خارجا ولولا الصلاة لما دخلت البيت .

المهم سئمت من تلك الحال ...فقررت أن أنظم نفسي فقمت بترتيب المطبخ ولم أترك شيئ الا ومرت يدي عليه

جعلت كل الاواني الزائدة في علب وأعطيتها لحماي بمناسبة افتتاح بيته الجديد

وجعلت الاواني الاخرى التي ربما أستحقها في حال وجود عدد كبير من الضيوف في خزانة خاصة وقررت أن لا أفتحها ..

ولم أبقي في متناول يدي الى مجموعة قليلة جدا بعدد أفراد العائلة من صحون الى أكواب الماء الى الملاعق بأوناعها ....

وأصبحت بعد كل وجبة مباسشر أغسل ذلك الكم القليل من الاواني الذي لا يأخذ مني أكثر من عشر دقائق ...

والحمد لله لم يعد مطبخي بتلك الفوضى التي غرقت فيها ولم يكن ذلك من عادتي سابقا .

[~ حراير ~]

السلام عليكم و رحمة الله تعالى و بركاته

اولا نصيحتي لمن "ماتحكمش روحها قدام الميكرو" كي حالتي احيانا
طفيه و هني راسك

اولا حبيبة قوليل 15 دقيقة لمكان واحد او كل مكان 15 دقيقة يعني انا درك خممت في 4 بلايص يعني ساعة يوميا؟؟؟؟؟

و المدة شحال اسبوع و الا حتى وين نكمل لبلاصة و نبردها؟؟؟؟؟؟؟؟هيهيهيهيهيه

ربي يبردها علينا نهار غدوة و نلقاو الحبيب عليه الصلاة و السلام عند الحوض يسقينا شربة ماء لا نضما بعدا ابدا
قالك الي يذكر يوميا الجنة و يدعي يوميا انه يدخل للجنة
ربي يستجابلو و يدخلو للجنة

بالنسبة لبرنامجيحبيبتي حبيبة الناس كلهم يعرفوه
لكن ماعليهش نعاودو لعيونك

قبل نقلك انه السكن الوظيفي الي ساكنة فيه كبير و يعيي بزاف عدي صالون و صالون امونجي لكن انا درتو غفرفة جلوس و كوزينة و هول و 2 غرف و دوش تحسبيه حمام من وسعو و سيشوار و بالكون وااااااااااااااااسع كل يوم نسيقو لانه احنا عندنا الغبار بزاف
ربي يبارك ماشاء الله لا قوة الا بالله
لكن الحقيقة متعبتني الدار و كبرها و كبر مساحة غرفها

اولا برنامجي يبدا من الليل
تنظيف كوزينة و دوش و مرحاض
و نفوتو البالي على غرفة الجلوس و الصالون و نفوت ممسحة خفيييييييفة على وجه البيبيوتاك او ليفينغ

الصباح نوض بكري 5 كاقصى حد بعد الصلاة نفطر وحدي مع الميكرو بكري و درك نفطر وحدي و من بعد نلهى بروحي نوض الجماعة و نروح للكوزينة ندوزن زوج برم بلا ما نشعل عليهم النار

نفطر لبنيات و نتحكاو و يروحو للدراسة نفتح النوافذ نشعل على البرم و نغسل مواعن لفطور و نجوز نشاف على الدار
و من بعد الاعمال لخرى طي كي غسل ملابس

نقلك برك بلي غرفة لنات اختصاصهم اليومي يعني فراش و كيما نقولو "منين يشوف احمد" يعني يرجعو ادواتهم يعلقو ملابس النوم و هكذا

هاد البرنامج تبعتو منين بناتي صغار و قالك اذا غلبوك بالكثرة اغلبوهم بالبكرة


راني اختصرت زعم
درك نقلك على عادات مليحة فيا الويكاند للعائلة ماندير والو فيه اشغال
على هك عندي الاحد نهز لفراش و نسيق و نصب الماء مش جوز النشاف

العادة الثانية الصباح نطيب لغدا مع لعشا لعشية نفوتها مع لبنات و دراستهم
التعشيوة مش كل يوم نطيب على هك اسبوعيا ندير قاطو و حاجة معسلة بسبوسة او قلب اللوز
اما الهاي كلاس باتيسري او رولي او طارطولات فمرة شهريا فقط

البيتزات و مشتقاتها نطيبها للغدا منين لبنات يقراو باش ما نعطلش روحي عليهم ايضا انواع الكسرة و لو انه تقريبا يوميا نطيبهم

يعني بالمختصر ساعات 9 راني قاعدة و فم نبدا للعميق او اعمال اخرى

[om wassim]

يعطيكم الصحة فراشات راكم زدتو فينا الحماس ربي يبارك في وقتكم و صحتكم
تطبيق اليوم هايل انا كي قريب نولد عندي بزاف اماكن ساخنة لازم نبردها هههه
عشية نكتبهم فالكراس و نبدا ان شاء الله
لبنات عندي مشكل مع وليدي عندو عامين و نص بصح ماحبش ينسى البيبرون ماشي فالنهار فالليل ينوضني زوج مرات يحوس على لحليب كي مانعطيلوش يقعد يبكي حتى ينوض باباه مافهمتش علاش اذا كاين حل ساعدوني
خاصة اني على وشك ولادة

يا جبار السموات و الارض اجبرني

[حبيييبة]

المشاركة الأصلية كتبت بواسطة ~ حراير ~

السلام عليكم و رحمة الله تعالى و بركاته

اولا نصيحتي لمن "ماتحكمش روحها قدام الميكرو" كي حالتي احيانا
طفيه و هني راسك

اولا حبيبة قوليل 15 دقيقة لمكان واحد او كل مكان 15 دقيقة يعني انا درك خممت في 4 بلايص يعني ساعة يوميا؟؟؟؟؟

و المدة شحال اسبوع و الا حتى وين نكمل لبلاصة و نبردها؟؟؟؟؟؟؟؟هيهيهيهيهيه

ربي يبردها علينا نهار غدوة و نلقاو الحبيب عليه الصلاة و السلام عند الحوض يسقينا شربة ماء لا نضما بعدا ابدا
قالك الي يذكر يوميا الجنة و يدعي يوميا انه يدخل للجنة
ربي يستجابلو و يدخلو للجنة

بالنسبة لبرنامجيحبيبتي حبيبة الناس كلهم يعرفوه
لكن ماعليهش نعاودو لعيونك

قبل نقلك انه السكن الوظيفي الي ساكنة فيه كبير و يعيي بزاف عدي صالون و صالون امونجي لكن انا درتو غفرفة جلوس و كوزينة و هول و 2 غرف و دوش تحسبيه حمام من وسعو و سيشوار و بالكون وااااااااااااااااسع كل يوم نسيقو لانه احنا عندنا الغبار بزاف
ربي يبارك ماشاء الله لا قوة الا بالله
لكن الحقيقة متعبتني الدار و كبرها و كبر مساحة غرفها

اولا برنامجي يبدا من الليل
تنظيف كوزينة و دوش و مرحاض
و نفوتو البالي على غرفة الجلوس و الصالون و نفوت ممسحة خفيييييييفة على وجه البيبيوتاك او ليفينغ

الصباح نوض بكري 5 كاقصى حد بعد الصلاة نفطر وحدي مع الميكرو بكري و درك نفطر وحدي و من بعد نلهى بروحي نوض الجماعة و نروح للكوزينة ندوزن زوج برم بلا ما نشعل عليهم النار

نفطر لبنيات و نتحكاو و يروحو للدراسة نفتح النوافذ نشعل على البرم و نغسل مواعن لفطور و نجوز نشاف على الدار
و من بعد الاعمال لخرى طي كي غسل ملابس

نقلك برك بلي غرفة لنات اختصاصهم اليومي يعني فراش و كيما نقولو "منين يشوف احمد" يعني يرجعو ادواتهم يعلقو ملابس النوم و هكذا

هاد البرنامج تبعتو منين بناتي صغار و قالك اذا غلبوك بالكثرة اغلبوهم بالبكرة


راني اختصرت زعم
درك نقلك على عادات مليحة فيا الويكاند للعائلة ماندير والو فيه اشغال
على هك عندي الاحد نهز لفراش و نسيق و نصب الماء مش جوز النشاف

العادة الثانية الصباح نطيب لغدا مع لعشا لعشية نفوتها مع لبنات و دراستهم
التعشيوة مش كل يوم نطيب على هك اسبوعيا ندير قاطو و حاجة معسلة بسبوسة او قلب اللوز
اما الهاي كلاس باتيسري او رولي او طارطولات فمرة شهريا فقط

البيتزات و مشتقاتها نطيبها للغدا منين لبنات يقراو باش ما نعطلش روحي عليهم ايضا انواع الكسرة و لو انه تقريبا يوميا نطيبهم

يعني بالمختصر ساعات 9 راني قاعدة و فم نبدا للعميق او اعمال اخرى

صحا فطوركم فراشاتي
حبيت ندخل نجاوب على استفسارك حبيبتي حرة الحراير
15د في اليوم فقط
نعطيك مثال
راه عندك بلاكار المطبخ فيه الفوضى
و عندك درج التسريحة راه فيه الفوضى
و درج البيبليوتيك تاني فيه الفوضى
واش رايح اديري
اليوم حددي 15د بالمنبه تاع البورطابل او حطي الساعة امامك
و ابداي تشتاغلي على بلاكار المطبخ
كي تكمل 15د توقفي
و روحي كملي حياتك اليومية

غدا لما يجي وقت تنظيف الفوضى اللي حددتيه لنفسك صباحا او مساءا او اي وقت يساعدك
تاني حددي المنبه و ابداي تشتاغلي على البلاكار لمدة 15د
كي تكمل تاني توقفي و كملي يومك عادي و شغالك المعتادة

هكذا حتى تكملي مع البلاكار

و اليوم الموالي ابداي مع النقطة الساخنة اللي بعدها يعني درج التسريحة مثلا


فالعشية ان شاء الله رايحة نعلق على برنامج تنظيفك الرائع فراشتي
و رايح نعلمكم كيفاه تنظموا اسبوعكم
و تنظموا اشغالكم فيه
غير تبعوا معايا بالعقل
و بالشويا بالشويا
و مع شوية صبر رايح تتنظم يومياتكم و اسبوعكم و حتى شهركم يتنظم لما نتعلموا معا بعض
كيف نستعمل الكالندر الشهري

حبيباتي ادعولي بالتوفيق

[حسناء القمر]

السلام عليكم ماشاء الله عليكم كلكم نشاط بالنسبه لي انا عندي كل يوم العمل كدوده مانحبسش خلاص حتى نطيح من التعب كل مره نحاول نديربرنامج لكن الله غالب نحب الحركه ونتعب من الجلوس لكن هذا الشئ اثر علي كل من يشوفني يقولي راكي تباني تعبانه عن جد راني نحاول نمشي معاك ونمسك في روحي كل يوم اقوم بتنظيف المرحاض والحمام ونسيق بالماء والصابون ونشفهم ومن بعد روح لغرفة النوم تاعي نفتح النافذه ونحي الغطاءوننفظه وفي الغالب نبد لوكل3ايام هوغطاء المخايد ورتب السرير ونمسح الغبره ومن بعد روح لغرفة تاع كل يوم ماشي الصالون لان الصالون تاعي مغلوق كل يوم جمعه نرتبو ونشفوا ونغلقوا اقصد غرفة الجلوس نعطيها حقها انفض وامسح وبعد غرفة الاولاد ومن بعد المطبخ العزيز غسل اواني القهوه وابد تحضير الغداء وبعد الصلاة نخمم في شئ للقهوه وبع دبالخف وقت القهوه غسل الاواني نضرب طله على الغرف راكم تعرفوا الاولاد فوضى متنقله وبعد تحضير العشاء ونفس الشئغشل الاواني كي نكمل روح نظف المرحاض لاني نحب خليه دائما يشعل ومعطر طوال الليل وبعد.....
على بالي كثرت عليكم وللحديث بقيه..

[نافلة]

المشاركة الأصلية كتبت بواسطة حبيييبة

ارجو ان تجبنني يا فراشاتي عن سؤالي:
- واش كان احساسكن اليوم بعدما ادركتن انكن مصدر سعادتكن الخاصة
و مصدر سعادة ابنائكن و ازواجكن و سرورهم و فرحتهم بكن؟؟

ههههههو الله كون نقولك بلاك تضحكو عليا
لي استنتجتو انو
الخير مرا و الشر مرا
ممكن الرسالة وصلت ما بغيتش نكثر الهدرة
ههههه

[نافلة]

بالنسبة ليا في الليل عندي اعزكم الله المرحاض و الدوش و المطبخ لازمهم يباتو نظاف و نفرز و نكنس الغرف ضروووووووووووري
كي نوض الصباح نلقى كلشي كالكادو ونقدر نواصل يومي و مخي مرتب اكثر شيئ
اما الغداء و العشاء عيت ندير قائمة لاني انا من النوعية لي نطيب بكمية كبيرة ولي يبقى اما نحطو فالفريgو او نزيد نتعشاو منو و مرات تكون باقية مرقة لازم الصباح او في المساء ندير بيها حريرة يعني الاطباق مرات هي لي تتحكم فينا
و وقت طياب الغداء و العشاء مرات كي يكون عندي وقت فالليل نطيب غداء نتاع غدوة مع العشا الا عندي خرجة مثلا نفور الطعام و تبقالي المرقا ساهلى فالصباح نديها بسرعة و مرات نطيب الغداء و العشاء الصباح كيما اختي حراير
يعني حسب الظروف و الخروج و الضياف و...........
هذا واش حضر في راسي الان .

[YASMINE SILA]

السلام عليكم
اهلا استاذتنا حبيبة ربي يحليك لينا يا الغالية هاذي غيبة طوييييييييييييييييلة ان شاء الله عودة ميمونة
انا حابة نشارك و باذن الله راح نكون معاكم و مشاركاتي راح تكون مدعمة بالصور -لكن مسبقا انوه ان الصور شوية رديتة رداءة الهاتف المحمول :/ - رايحة نقرا الصفحات السابقة و نطبق واش ذكرتي و الله المعين
بعثتي في نفسي روح جديدة ربي يفتح عليك يااااارب

[زينب 83]

صباح الخير حبيباتي
الصراحة انا نتعب بزاف في اعمال البيت و ماعنديش وقت لنفسي الحاجة الوحيدة لي محافظة عليها هي الفرائض و الرياضة لآني اعشقها
الحمد لله بيتي وحدي و ماشي كبير لكن كل يوم نعاود نفس العمل قتلني الروتين و عندي ابني الصغير فوضوي بزاف ، بعد ساعة يرجع الدار كارثة و كل يوم نعاود من جديد
من ناحية النظام انا منظمة جدا لكن ابني الصغير دايما يفسدلي النظام عمرو عامين و نص شكون مرت بتجربة قريبة من تجربتي تفيدني

اما فيما يخص التطبيق تاع الأخت حبيبة انا عجبني بزاف لانو هكذا مانتعبوش و مانملوش ، انا عندي زوج أماكن في المطبخ راح نطبق خطة 15 د و نوافيكم كل يوم بالصور بإذن الله

[أم ضياء عبد الرحيم]

يا جبار السماوات و الارض اجبرني
مساء الفل على احلى فراشات

المشاركة الأصلية كتبت بواسطة حبيييبة

ما تنساوش تطبيقاتنا الثلاثة:
* تلميع حوض المطبخ قبل النوم
* غسل الاسنان و الوجه و ترطيبه و ارتداء لبس جميل و شوية ماكياج خفيف بمجرد الاستيقاظ من النوم
* التسبيح باسم الله الجبار

غدا صباحا باذن الله رايحة نحطلكم تطبيق الغد
و كلما حطينا تطبيق اكتبوه فالجداول و حطوله وقت حسب ما يلائمكم و حسب ظروفكم

بعدما تقروا كلامي هذا ارجو ان تجبنني يا فراشاتي عن سؤالي:
- واش كان احساسكن اليوم بعدما ادركتن انكن مصدر سعادتكن الخاصة
و مصدر سعادة ابنائكن و ازواجكن و سرورهم و فرحتهم بكن؟؟

دمتم بود
أحبكن في الله

اختي حبيبة كي استيقظت حسيت روحي زدت جديدة حسيت روحي وردة جميلة كانت مخبية بين الاوراق الذابلة
عندي همة و نشاط عاليين و كيما قالت اختي نافلة بيدنا الخير و السعادة و بيدنا الحزن و ,,,,

المشاركة الأصلية كتبت بواسطة حبيييبة

بالمناسبة سانزل موضوع جديد خاص بالدورة
سأجمع فيه كل المشاركات المهمة التي ذكرت في الدورة من طرف كل الفراشات
و كذا كل التطبيقات التي وضعناها
حتى يتسنى لكل فراشة الرجوع اليها ان احتاجت لاي معلومة
او للاستفادة و لتكون عملية التصفح اسرع
و حتى لا تضيع بين الصفحات

لكن تمنع الردود في ذلك الموضوع و الردود و المشاركات تبقا هنا فقط في هذه الصفحات فراشاتي الغاليات

بوركتي هكذا يسهال على الجميع المراجعة
مع اني كتبت تقريبا كلش في الكراس

المشاركة الأصلية كتبت بواسطة نافلـة

ههههههو الله كون نقولك بلاك تضحكو عليا
لي استنتجتو انو
الخير مرا و الشر مرا
ممكن الرسالة وصلت ما بغيتش نكثر الهدرة
ههههه

ههههههههه و الله غير صدقتي ربي هدينا لما يحب و يرضى

المشاركة الأصلية كتبت بواسطة yasmine sila

السلام عليكم
اهلا استاذتنا حبيبة ربي يحليك لينا يا الغالية هاذي غيبة طوييييييييييييييييلة ان شاء الله عودة ميمونة
انا حابة نشارك و باذن الله راح نكون معاكم و مشاركاتي راح تكون مدعمة بالصور -لكن مسبقا انوه ان الصور شوية رديتة رداءة الهاتف المحمول :/ - رايحة نقرا الصفحات السابقة و نطبق واش ذكرتي و الله المعين
بعثتي في نفسي روح جديدة ربي يفتح عليك يااااارب

فكرة مليحة اختي المشاركة بالصور يعطيك الصحة و مرحبا بيك فراشة جديدة

يا جبار السماوات و الارض اجبرني