|
|
|
|||||||
| أرشيف منتديات الاسرة و المجتمع هنا توضع المواضيع القديمة والمفيدة |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
 |
|
|
أدوات الموضوع | انواع عرض الموضوع |
2015-01-31, 18:53
|
رقم المشاركة : 1 | ||||
|
اهلي تحكموا في حياتي وحطموني
السلام عليكم
عندي ابي وامي يتحكمو فيا وفي كل قرارات حياتي اختارولي زوج ومنبعدا مكتبش ربي ومكملناش اختارولي قرايتي منجحتش فيها وعاودت العام وب سيف باش تخرجت اختارولي حتى العمل داروني عند بريفي وخسرولي فرصة العقود ودرك راني خدامة بلاداس في مديرية الفلاحة بصح قالولي حبسي رانا سجلناك في مدرسة شبه طبي خاصة بعد ما جادلتهم وتكامشنا لكن بدون جدوى قالولي انساي كل شي كل احلامك وكل امالك انساي الماستر ومتخميش باش ديريه انساي فرنسا رغم انها جاتني الفيزا مادام راكي عايشة عندنا وحنا لي نوكلو فيك لازم كلامنا لي يمشي انا مجرد الة يمشو فيها يحقو في احلامهم من خلالي وانا لا احلام ولا ابداع ولا اي شي يحوسوني في الشبه الطبي بمستوى 2 ثانوي بالرغم اني مهندسة فلاحية كرهت حياتي وليت كي نهدر يقولولي نتي ابنة عاقة وليتي تعيطي علينا وانا كل شي هدرتو اني قلتلهم خلوني نكمل في خدمتي الباراميديكال مش مريحتني معليش نديرها بصح خلو لسبتمبر درك عندي الفيزا نخاف تموتلي والماستر نحط دواسا في ماي والفلاحة نتاعي زيروني كل يوم نبكي وغدوة الاحد راهم فرحانين كي رح نبدا القراية غدوة يحسيبوني فرحانة وانا بالعكس كارهة ومالة وحابة يفوت الوقت ونتهنى ولا نموت حاستهم يحطمو فيا دائما مواظيعي ومواضيع قرايتي الي تهمني انا والي نعرفها انا اكترمنهم يناقشوها في طاولتهم المستديرة وانا خارج الموضوع ومعندي حتى حق نهدر ونهار لي هدرت قالي ابي مدريتكش تولي هكدا ريحي ولا اخرجي من داري ؟ساعات نبقى نتمنى الموت خاطر انا عندي احلام انا عندي موهبة عندي امكانية اني نكتب رواية وهادا حلمي بصح حلمي تحطم في منطقة سكني في منزلي الخطة الي راسمينها اهلي انهم يقروني ونلقا خدمة منعرف كيفاش يعني تصير معجزة ونلقى خدمة فالسبيطار بعدها يجي خطاب يخطبني وبلا ما نهدر انا لازم نقبل خاطر كرهو من انهم يصرفو عني
|
||||
|
2015-01-31, 19:00
|
رقم المشاركة : 2 | |||
|
حاولي لن تدخلي اح من كبار العائلة ربما يكون لديه صدى عندهم |
|||
|
2015-01-31, 19:22
|
رقم المشاركة : 3 | |||
|
السلام عليكم .. |
|||
|
2015-01-31, 21:20
|
رقم المشاركة : 4 | ||||
|
اقتباس:
شكرا عى ردك واهتمامك بالموضوع انا ميحبونيش اهلي وكأنني انا البطة السوداء حتى خفت اني نلقى الحنان عند اي ذئب بشري
انا البنت الكبرىعمري 24 بين اختي التي تصغرني بعامين وتزوجت واخي الوحيد الذي يصغرني ايضا ب 4 سنوات اهتمام اهلي بقرارات دراستي لأني انا الوحيدة الي نقرا في الدار اختي لانها تزوجت مش تخدم أما على استغرابك حول ما قاله ابي هو فعلا كلام صحيح هو مش مرة ولا زوج ولا ثلاثة قالي فيها اخرجي من داري أولها كانت لما فسخت خطوبتي ورجعت وحدي من المحكمة بعد ما رفض انو يروح معايا قالي اخرجو من داري والمقصود انا فقط ... انا من الثانوية وانا نصرف على روحي من طبيب ودواء والبسة فرجت عني شوية ماديا لما رحت للجامعة وكانت عندي المنحة الجامعية الي ساعدتني بزاف .. غير قبل اسبوع قعدت نشكي قلتلو العقود رح تخلاصلي من وين رح نصرف على روحي سكت وقالي كيما صابني ربي مصروف جيبك عني وخلاص حتى يفرج ربي بالرغم انو متقاعد ومكتفيين ماديا الحمدلله أما امي هي ممرضة ومش ابي الي مأثر عنها او انها خايفة منو لا هي الي اقترحت عليه موضوع مدرسة الشبه الطبي كي بديت نعيط رفضت موضوع الدراسة في هذا الوقت .هي ضربتني بالبيدون وقاتلي درك نعيط لخوالك يجوك انا بكيت ودخلت في حالة هستيرية قعدت نقولك وش ذنبي وش درت علاه تعيطي لخوالي انا وش درت حسيت روحي ارتكبت جريمة ومكاين حتى واحد في كتافي علابالي قاعدة نحكي مشكلتي لناس منعرفهمش ولكن انا برك كي نتفكر حالتي نحب نحكي وللأسف معنديش لمن |
||||
|
2015-01-31, 21:27
|
رقم المشاركة : 5 | |||
|
وعليكم السلام ورحمة الله
هناك قسم مشكلتي يمكنك طرح موضوعك |
|||
|
| الكلمات الدلالية (Tags) |
| اهلى, تحكمنا, حياتي, وحطموني |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض العادي
