كوزينة 113 كوزينة متعونا بابداعكم

[ام الهضاب]

المشاركة الأصلية كتبت بواسطة دائمة الحمد

ام الهضابالحمدلله
المعدة بيت الداء والحمية راس الدواء

والله غير كلمة حق قلتيها ، لبنات نصيحة خففوا من الوزن شوي خاصة اذا فتنا الأربعين و ربي يستر من المرض و يشفي الجميع يا رب

[دائمة الحمد]

زينوبة صباحو حبيبتي
انا ماعملتش الماء عملت كيلة غير ربع ماء زهروتبعت الخطوات لخرين
حطيت البلا فيمنتصف الفورعلى ناراكثرمن معتدلة والفورسخنتو مليح
كيطابت بعدلا سقيتها مليح بالشاربات لي عملت فيها عصرة قارص بعد ماطاب غطيتها ببلا اوخر ورجعت للفور سخون وطافي حتى بردت راهي ساهلة ماهلة

[زينب 83]

صباح الخير مياسم و عشاك اممممممممم خفيف ظريف

وهيبة و ام يسرا صباح الخيرات

[أم محمد تاج]

صباحوووو يا بطاااااات يافحلااااااااااااااات
دخلت على بربوووشة ام ضحى والله حطيتي يدك على الجرح ياماااااامييييييي روووعة روووووعة تسلم الايادي
ام ياسووووووووووووووو راح نقطشك وقلت المخلوووقة عزووووزة وعندها 4 شعرات نعلت بليس وستنيت ساعة باش شفت الميلفاي والكايك ممممممممممم بصحتكم يالحبيبة
نكمل مراجعتي ونرجع
حقة عسلايتي الله يشفي منصف حبوبي ويعافيه يارب

[ام الهضاب]

عطورة و وهيبة رجيم السعرات كولي واش تحبي بكميات قليلة فقط هذا هو المبدأ انتاعو و تكثري من الماء يعني افطري حليب قليل السكر مع ثلاث حبات بسكوي او حبة كروكي او كمشة كورن فلاكس و بعد ساعتين كولي حبة فاكهة الأفضل تفاح او برتقال و الغداء بدون خبز او مقدار كف اليد من الخبز و انا كنت أندير سلاطة متنوعة و نصف صدر صغير دجاج في مقلاة دون زيت هذا هو غدايا او سلاطة و بيض مشرشم او اوملات و في المساء حبة فاكهة او بتي سويس و العشاء اي حساء و فاكهة و الله غير تشبعي دون ما تحسي بالجوع و حتى اذا تحبي الشكولاطة كولي قطعة فقط المهم تكوني على علم بالسعرات الحرارية الموجودة في الأكل انتاعك
او حتى تسخفي اعلى الباتيسري كولي في المساء و لكن ما تزيدي ورآه وااالوووو حتان للغد
روحو لموضوع زينب ربي يحفظها حول الرجيم تتعرفو اكثر اعلى السعرات الحرارية

[lyzzabel]

صباح الخيييير غالياتي و نهاركم طيب
اهلااا اهلاااااا برجووووع الغاااالية ام المجد عودة ميمونة حبيبتي هاكا والفناك تزهي الكوزينة و تحطي فيها كل ما لذ و طاب مممممممم يعطيك الصحة و ربي يستر مع الصينية الثالثة ههههه موااااااح تاع الوحشة
ام الهضااااب على سلامتك يا العزيزة توحشتك بصحتك الوزن الجديد العقوبا ليا انا تاني لازملي ننقص شوية نبدأ بصح نسخف على الاطايب ههههههه و سنيوة القهوة تهبل تهبل فيها غير لي يبرد القلب مممممم
مياااسم بصحتكم العشا راه خفيف و يشهي حبيبتي
داءمة الحمد و اسينات و عطووورتي و ام ياسو و صبريييينتي و زينوووبة ( الشعب راه غير يسقسي على الأغار أغار لاكان لقيتيها ) ،، و كاوكا و وهيبة صباحكم عسل حبايبي و ربي يعاونكم على الشقاو لي سيقت بصحتها هههههه انا عندي غسييييييييل خخخخخ


الحمد لله الذي احيانا بعدما اماتنا و اله النشور

[chez biba]

السلام عليكم ورحمة الله بركاته
صباح الأنوار على أغلى الأحباب ، واش راكم وواش الجو عندكم

رنيم اروى مبروك الكوزينة ربي يجعلها عامرة بالخيرات ويدوم لمتنا ان شاء الله
مبعد نرجع مع الباروك ان شاء الله

بوركتي حبيبتي دائمة الحمد
ليزاتي الغالية طمنيني على الحبوب منصف ربي يخفف عليه
احلى صباح للملتحقااااااااااااااااااااااااات الغاليات ام تااااااااااجو وزينب وشي بيبا

[ام الهضاب]

اهلا بالاحباب ام تاجو و ليزا الحبوبة ربي يشفيلك منصف
راني توحشتكم بزااااف يا غاليات

[زينب 83]

عطر الذهب و وهيبة روحو هنا تفهمو ريجيم السعرات مليح

https://www.djelfa.info/vb/showthread.php?t=1718203

[ام رشدى]

صباح الخير على الحلوين انشاء الله تكونو لاباس انا اليوم رايحا انجرب عدس امازيغية وافتخر ونردلكم الخبر

[أم محمد تاج]

اخص اخص دخلت متفائلة لقيتكم منشرتو فيا طيب طيب ههههههههه نضت بكري صليت وعلى 7 رحت درت ليزاناليز الله يشفيني ويعافيني ويشفي كل مريض مسقووووووووم يارب
ام الجووووود مممممممممم كلش هايل يا أم البساطة والله ينجح وليدك يارب ولعقوبة للسنيوة الثالثة ماتتكسرش
ام ياسووووو ماوالفتوووش بالدال دوصول خخخخخخخخخخ علاش مادرتوش لي دودان??????? هههههه بصحتك التسياق ينحي الغمة
اوريسيا يا قط البكتيريا يا سارقة المؤووووووووونة راح نبردلك خاطرك يالحبيبة فطوووور زوجي ح شوربة فريك وصوتي الفلفل وسلاطة والحمد لله حمدا كثيرا طيبا مباركا فيه واذا جابلي المرقاز في خاطري وصفة ام اماني الجديدة ومانعرف
حبيباتي نهاركم طيب ومبروووووووك
نروح نسووووج سوجة ونرجعلكم

[lyzzabel]

صباحك احلى و اسعد يا احلى قطعة سكرررر ،، ربي يخلييييك حبوبي منصف راه احسن شوية برك ههه و الحمد لله
بيبا الحبيبة صباحك فل و ورد
كاتي و ام ضحى ربي يخليكم على الدعاء حبيباتي و شكرا على النصائح
رووووووووعة صور الثلج نموت عليه ملي كنت صغير ة ما لعبته فيه واااااع نجي لسطيف و خلاص ههههههههه بصحتكم

فطورنا لوووبيااا بيضاااا مع البررررد بلا ثلج خخخخخخ

استغفر الله العظيم التواب الرحيم لي و لوالدي و للمسلمين و المسلمات و المؤمنين و المومنات الأحياء منهم و الأموات الى يوم الدين

[Omrihem]

صباح الخير عليكم حباباتي ونهاركم سعيد اليوم رانا بلا غاز والبرد والثلج وحالتنا حالا وااااااااع

المشاركة الأصلية كتبت بواسطة lyzzabel

مساء النووووور حبيباتي صح عشوااااتكم
مرحباااا بالخفافييييش هههههه
ام ضحى يا سلاااام الصور رااااءعة سييييرتو سلطة الفواكه ممممممممم جاتني على قلبي يعطيك الصحة و الطعام بالحليب و المرقة حنا ما نديروهش كيفاش ذوقه ؟؟؟ و تاني ما معنى بوفجوخ ؟؟
ام ريهام صح عشاك كي راكي ،، ما راكيش تباني بزاف مؤخراً غير الخير حبيبة

ليزا حبيبتي يسقسي عليك الخير والله ظروف زوجي غايب في قالمة وانا وولادي نطيب حاجة فيفة برك وبعد وفاة عمة زوجي في ثالث يوم وهما يوجدو في العشا ماتت وحدة اخري قريبة زوجي تسكن في البيت المقابل لدار عمتو يعني كانو فرد دار فاجعة كبيرة ربي يصبرهم ويحهم موتاهم وموتي جميع المسلمين سبحان الله علي هاذي الدنيا ما فيهاش امان

[زينب 83]

صباح الخير لكل الملتحقات

شي بيبا اهلين يا غالية وشراهي بنتك مع السعلة
ليزا اهلًا حبيبتي و شراهو وليدك اليوم ان شاء الله يكون بخير و الاغار أغار الدنيا راهي مغطية بالثلوج لا أغار أغار لا والو ههههههه

ام تاج صاح الخير و شراهو عزيزي محمد ان شاء الله ريح شويو ربي يشفيك و يعافيك


ام رهام الغالية عظم الله آجركم و جعلها اخر الأحزان يارب


ام رشدي صباح الخير