25 مليون حقيقة ام خيال

[nilly]

المشاركة الأصلية كتبت بواسطة hodayena

كان المهر ديالي وهما الي قترحوه 13 مليون فيها كلش كسوة ذهب كلش ومزادولي عليها حتى شيء لا كادو لا يديك لا يجيبك زيرو مليح وحنا قبلنا يعني العواشر مكانش الاعياد مكانش ونورمال قلت المهم الهناء تزوجت
طلبت غرفة وحمام وكوزينة صغيرة بنائها لا يتعدى 3ملاين غير فينيسيو برك كلش كاين قلت سيما معليش قالك لالا نطلقو
قيمة طلاقي او المبلغ الي وصلو الزوج والي خسرو على المحامية والويسي وطلاق تعسفي ونفقة اهمال وعدة داخلة في قريب او اكثر من 20مليون واليكم التعليق

معندوش باه يتزوج وتعاونو معندوش باه يبني وتصبر وتقول غير المهم بواطة زليمات والهناء يقولك لالا ووووووووووووو وكل تولي في الطلاق تما يبين رجوليتو ويخسر 30 او 40 مليون ويطلق لا لسبب لطلب بواطةزليما تعيش فيها وتبعد مشاكل الاهل وتدخلاهم

ومن بعد يجو يقولك المهر غالي ومقدرناش نتزوجو فيقو

سبحان الله المهر مقدرلوش وطلاق 20 مليون قدرلوه

[hodayena]

المشاركة الأصلية كتبت بواسطة nilly

سبحان الله المهر مقدرلوش وطلاق 20 مليون قدرلوه

نعم اختي دوك نفهمك 10ملان طلاق تعسفي 7 ملاين مابين العدة والنفقات و6ملاين مابين المحامية والويسي احسبي شحال تطلع راهي تطلع في 23مليون طلاق قادرين عليه والزواج يجيهم صعيب

ولو كان نجو نزيدوكوزينة صغيرة ودوش وتوالات متستقامش لانو كلش كاين غير يغطي برك

[سلواان]

المشاركة الأصلية كتبت بواسطة nilly

سلام عليكم
يا عباد الله عقلي تشلل درك قريت مشكلة حيرت
طفلة كان مهرها 25 مليون وهي احتقرت هدا المهر لكون صغير بالنسبة لها وماادهشني اكثر انها تريد مهر اكبر لانها في اعتقادها ان هدا المهر لا يساوي قءمتها

متى تفهم البنت ان المهر لا يعني قيمتها وهل البنت سلعة لكي تحدد بقيمة المهر فنحن هنا لسنا بصدد بيع حتى نقول ان سلعة رخيصة او سلعة غالية متى يفهم الانسان ان الاسلام لا يقبل ان يشترى الانسان او يباع وانما للانسان كرامة ويتفاضلون بالتقوى وليس للمال اي اعتبار

السلام عليكم...
تقولين أنه ليس للمال اي اعتبار ...من ناحية الشرع والقيم والمبادئ الإنسانية فنعم ..أما الواقع فإنه لايصدقك يا أخت ..
الواقع ..ومانراه يقول غير ذلك..
ثم ربطك لغلاء المهر بانتقاص شأن المخطوبة وكأنها سلعة تباع فلا...فالحقيقة أن صاحبات المهور الغالية لاتشعرن ذلك
اغلبهن تاع la classe والزوج المُشتري حسب رأيك يصير ومع ما دفعه من مهر عظيم يتحول الى عبد مطيع يفعل كل ما بوسعه لإرضاء تلك الجارية ..ولن ينال رضاها الا بعد أن يوسده التراب ...أنا اعرف هذا النوع الذي يتم اختياره ...
إنها الحقيقة ..كيف يستوي مهر ابنة فقير مسحوق بالكاد يحصل على قوت يومه بمهر ابنة من يعد أوراقه من خلال وزنها على باسكوله .؟؟؟؟
ثم الحقيقة الأخرى أن تكاليف تجهيز الأخيره رقمه عظيم ..لذلك يرتفع مهرها من حيث القيمة ..ثم أن من يكون مهرها غال لايتقدم لها سوى من كان على شاكلتها مستوى ماديا ....هو رأيي ولقد أوردته ليس تفنيدا لما تطرحينه بل ما تطرحينه يعد طعنا في ظاهرة لايمكن سوى وصفها بالدنية والنقيصة ..إنما أثرت جانبا من الواقع لم توليه اعتبارا شكرا لك..

[nilly]

المشاركة الأصلية كتبت بواسطة سلواان

السلام عليكم...
تقولين أنه ليس للمال اي اعتبار ...من ناحية الشرع والقيم والمبادئ الإنسانية فنعم ..أما الواقع فإنه لايصدقك يا أخت ..
الواقع ..ومانراه يقول غير ذلك..
ثم ربطك لغلاء المهر بانتقاص شأن المخطوبة وكأنها سلعة تباع فلا...فالحقيقة أن صاحبات المهور الغالية لاتشعرن ذلك
اغلبهن تاع la classe والزوج المُشتري حسب رأيك يصير ومع ما دفعه من مهر عظيم يتحول الى عبد مطيع يفعل كل ما بوسعه لإرضاء تلك الجارية ..ولن ينال رضاها الا بعد أن يوسده التراب ...أنا اعرف هذا النوع الذي يتم اختياره ...
إنها الحقيقة ..كيف يستوي مهر ابنة فقير مسحوق بالكاد يحصل على قوت يومه بمهر ابنة من يعد أوراقه من خلال وزنها على باسكوله .؟؟؟؟
ثم الحقيقة الأخرى أن تكاليف تجهيز الأخيره رقمه عظيم ..لذلك يرتفع مهرها من حيث القيمة ..ثم أن من يكون مهرها غال لايتقدم لها سوى من كان على شاكلتها مستوى ماديا ....هو رأيي ولقد أوردته ليس تفنيدا لما تطرحينه بل ما تطرحينه يعد طعنا في ظاهرة لايمكن سوى وصفها بالدنية والنقيصة ..إنما أثرت جانبا من الواقع لم توليه اعتبارا شكرا لك..

احيانا المهر الغالي يترك زوج كيما تقول انت كيما العبيد يسعى لارضاء زوجة لانه يعرف انه موصلهاش بساهل بل بعرق الجبين ويسعى لسعادتها ؟ لاادري مامدى صحته لابعد حد بصح هدا زوج الدي يفكر بهده طريقة انت قلتلها اصبح عبيد وكلامه وافعاله مرفوع عنها القلم لانه عبد مؤمور وعندما يتحرر من عبوديته نهدروا عليه الان مرفوع عليه القلم
والزوجة فقيرة ام غنية المال لا تهم مايهم هو اخلاقها
وشكرا لك الاخ

[fafi05]

المشاركة الأصلية كتبت بواسطة nilly

ربي يكون في عونكم علاه كي تمدوا 25 مليون ولا 30 تجيبوا حورية الجنة ؟
هكدا بزاف عليهم خصوصا لو كانوا اصدقائك من طبقة متوسطة ومايقدروش على تكاليف لازم تديروا جمعية من مشاييخ كبار وشيخ الجامع تتكلموا فيه عن معانتكم وهكدا بلاك ينزلوا من المهر
اما خاتم نتاع 7 ملايان بزاف لو كان جابلها خاتم ب مليون ونص وهكدا يرتاحوا في زوج

انا انصحكم وانصح كل شاب بتقدم الى القابيليات لانهم اللا يشترطن لا دهب ولا اي شي تكفيهم خاتم الخطوبة لانه الزامي وقيمة المهر الدي لا يتعدى قيمة بنطلون جينز هدا عند المناطق لتشرط
بصح العربيات كي يتزوجوا يديو كلش وهدا هو الاختلاف القبايلية متديش القش

اختي الكريمة مش كل القبايليات ما يشترطوش ذرك تبدلت العقلية و انتقلتلهم العدوى من باقي النساء انا زوجة عمي جبناها قبائلية من ولاية بجاية اشترطت مهر 15 مليون لانو الشاوية على حد قولها مش خير منها توفيت جدتي رحمها الله بعد بضعة ايام من الخطبة و طلبنا منهم تاجيل الفيونساي لكنهم رفضو و هددونا بفسخ الخطوبة عمي قبل برايهم على مضض تخيلو درنا الفيونساي و لم يمضي على وفاة جدتي اكثر من شهر و استمر الحال الى ما بعد الزواج اول شئ قامت به زوجة عمي رمي كل ما يخص جدتي رحمها الله حتى صورها لانها لا تحتمل رؤية اشياء الموتى و انتهى الامر بطرد جدي لانو كبير في السن و رايح يعييها و هي عروسة و حابة تعيش حياتها.

[abdessamad0664]

غريب هدا المجتمع نورمالمو يسهالو علا الناس وعلا الزواج المهر ميتعداش 10ملاين

[dahmane42]

لا يا اختي 25 مليون لا اتزوج راني امليح
25 مليون نشري سيارة انجوس راني امليح

[dahmane42]

كاش عام يصبح المهر بالأورو و لا بالدولار و الذي ماعندوش يبقى باير

[سجل أنا جزائري]

ما فهمتش 25 مليون مهر صافي ولا كلش لأانو اذا كلش ما طلبو والوووو

انا نسابي قبائل ما شرطو والوو كي حضر امام شرط تعها كان 3000 دج برك و 1000 دج تع امام + كبش
مي مبعد كي حسب

الجهاز و ذهاب حتى و ما شرطوش لازم تجيبو من عادت طبعا

كي تحسب كلش اذا ما حشبت شرط تعهم 60000 تع كبش + جهاز 80000 + ذهب 120000+طبق تع مراكنة فيه خاتم 60000+خاتم الزاوج 40000 = 36 مليون ؟!

هذا ما شرطووو والووو

[لحن الحياة.]

اوووووووووهوووووووووو مزلتو في حكاية الشرط؟؟؟؟؟؟؟؟؟؟؟؟؟

[amel03l]

مسكينة المخلوقة ما خليتو ما بقيتو .25 فيها كلش حاجة عادية مم هي ما يكفوهاش خاصة اذا ماكانتش خدامة 25 نحي كبش ب 5 و الخضرا تع العرس ب 1.كاش لبسة تع تصدرة ب5 يبقاو 9 ياربي جيب حاجة و لازوج ذهب .و اذا كانت قيسها و قيس روحها راح تخلص بيهم الفستان الابيض و العرس.و لي راهم يقولو علاش تدي كوات و فراش .ياك نقصت مصاريف على الراجل خاصة لدارو وحدو يبني و لا يشري القش!!!و لا حابينهم يرقدو للبرد مم جهازها نقصان فيه اذا مادات والو ياك هو لي راح يشريلها مور زواج......تقولو 25 بزاف و الطفلة تاني تصرف بزاف....قولو لمعيشة ولات غالية ..ماشي مشكلة مهر ...حنا شرطنا لهنا مي خطيبي فالصح راح يصرف كثر من 25 .التقاليد يجيب كبش ...الطقم تع ذهب ربي شاهد قلتلو ماجيبش جيب حاجة ولازوج قيس دراهمك لانه راه يبني مي يماه راحت و شرات la parure و شراتها غالية و ربي و دارتلي حاجة لتصديرة و ربي شاهد راني نقولو ماجيبش تبق مصاريف في الباطل و بزاف عليك يقولي يما حابة تديرو و يقلي هدرتها لي تمشى ماشي هدرتك...حابة نقللكم ما تتهموش لبنات بلي يشرطو ..علاش قليل ما يصرفو ...la coiffure برك 1.5 مليون لنهار و الثوب الابيض 2.5 مليون و التصديرة مانحكوش....حاربو غلاء المعيشة و التقاليد ...رجعتونا ماديات و طماعات مسكينة الطفلة خاصة اذا ما عندهاش تكون حارت واش دير بيهم اذا الوليمة اذا لبستها....انا حمد لله خدامة و راني حاصلة ...25 مليون عام بالبزاف الراجل يخبيهم و اذا ما قدرش كيفاش منا الغدوة ياوي وليدو و لا يزوج بنتو .لازم يولي راجل و يتعلم يخبي دراهمو ..

[dahmane42]

25 مليون نشري بها r4 أنروح أنحوس

[دموع الثلج]

السلام عليكم
مند ايام قليلة تم العقد الشرعي لاخت زوجي(سلفتي) وطلبت من زوجها انم ياخدها الى العمرة في رمضان ودلك هو مهرها.الله يوفقها ويبارك لها في زواجها

[darwina.koom]

المشاركة الأصلية كتبت بواسطة دموع الثلج

السلام عليكم
مند ايام قليلة تم العقد الشرعي لاخت زوجي(سلفتي) وطلبت من زوجها انم ياخدها الى العمرة في رمضان ودلك هو مهرها.الله يوفقها ويبارك لها في زواجها

هههههههههه، فكرتيني بطليقتي
قالتلي نفس الشيء لكن بعد شهرين من الدخول ولات تحكي غير على تركيا و تونس !!

[sinner]

انا زوجة اخي شرطها كان 33مليون و وخاتم الخطبة 7ملاين و الدهب تاع الحنة 25ملبون وهي طفلة عادي