الزواج

[مشكلتي]

أنا شاب عمري 32 سنة تزوجت في سن 29 زواج فاشل بكل المقاييس حاولت أن أجد حلول لكن للأسف كان الحل الوحيد هو الطلاق بعد أشهر قليلة ومن دون أولاد وبرضاء الزوجة .

مررت بصدمة أكثر من سنة لم أكن أرغب في الزواج وحاليا عادت الرغبة في الزواج حاولت محاولتين في كلتا المحاولتين كان الرفض بحجة أني مطلق بالرغم من أني شاب خلوق متدين مثقف ابن لعائلة عريقة والكل يحبني ويحترمني وأيضا وضعي المادي جيد . أصدقائي يرونني من الشباب القلائل في مدينتي الصغيرة ، لكن أحسست بالنقص والضعف
هل الطلاق جرم ؟
لماذا أغلب الناس لا تنظر إلى الأمور الايجابية ترى فقط النقطة السلبية الوحيدة ؟ كالتركيز على بقعة سوداء صغيرة في قماش ابيض متانسين بياض وبهاء قطعة القماش .
ربي يهدي ما خلق ويرزقني الزوجة الصالحة .

[nilly]

وهل طلاق أصبح جريمة في بلاد الميكي

يااخي قبل مدة شفت. موضوع ادهشني لبنت كانت تتحسر وتتالم من كلام ناس في للاول ضننتها قتلت انسان لان حتى جلب العار لا يكون بدلك المعاناة وشوية شوية ننزل ابقراءة الاسطر حتى شفت ان طفلة راهي تدير فلبيرمي اووووووووه البيرمي ولا عيب في كوكب الجلفون هههههه
ولنعود الى مشكلتلك يااخي الطلاق ليس عيب فقط يعني بالنسبة للبنات هناك بعض المعاقين دهنيا يرفضون زواج من مطلقة وكان زوجها الان اكل قطعة منها او ربما يتصورون انها اكلعا زوجها كلها حتى ان احدهم في الانترنت قال لي لااكل في صحن اكل فيه غيري تشبيه بليغ البنت المطلقة ب صحن هههههههههه مرة البنت يشبهوها ب لالدهب يجب ان نخبئها فانتي جوهرة مصونة وبمجرد ان تطلق تصبح صحن متسخ ههههه

اما انت رجل يعني اكيد راح تتزوج والبنات المهم يتزوجوا درلكم قيمة الحق عليهم املا غير دور مصباح علاء الدين وقول شبيك لبيك انا بين ايديك ارقني بزوجة يكون وجهها مثل وجه المعزة وارجل الدجاجة وطول القطة ورشاقة البقرة وهدوء الاسد
ربي يجيب لفيه الخير
سلام

[محمد جديدي التبسي]

شوف نظرتك أنت للمطلقة واحكم
ما أعرفه في الواقع أن الرجل المطلق يتزوج عادي ولا يطاله كلام كثير مثل المطلقة
وأعرف صديقين مطلقين تزوجا عادي جدا
المهم تعرف تختار وما تروحش لبنات العشرين خاصة اللي قاتلتهم الطموحات التافهة
شوف وحدة أكبر شوية قاعدة في الدار تكون أوعى وأفهم ربي يعاونك

[منار40]

ياخي عادي ان تطلقت والله عادي لم تنجح في زواجك ثاني حاجة حبيت انقوله بلاك هادو ال يتتقدم ليهم مازالو صغار ومايحبوش لمطلق ادا كان اخلاقك حميدة ومتدين وعلاه يرفضو ممكن ايضا العائلة ايضا تتحكم في لامر والله العايلة عندها دخل ايضا وشوف بربي ان شاء الله دوك تتزوج في القريب العاجل

[conductrice]

شوف في بلاصة اخرى ولا اجباري من نفس المنطقة؟
كاين الناس لي تحوس تستر بناتها بغض النظر على انه مطلق ولا لا

[Floona]

الناس مخلاو حتى واااحد

معلاباليش بلي الراجل يعاني من كلمة مطلق كيما المرااا

نورمال ماتقلق روحك ماوالو الجزاير راهي تغلي بالبنات وكيما قالولك اخطيك من تاع العشرينات

انا خالتي تزوجت من مطلق وزواجها ناجح

ادعي ربي يرزقك بالزوجة الصالحة واحمد ربي كي معندكش اطفال منها كون تشربكت الحكاية اكثر

كان مقدرتش تتغلب على الحكاية روح لطبيب نفساني يعاونك باش تتغلب على المشكلة تاعك

الله يكون فالعون

[سمراء 40]

انا بحد ذاتي ننصحك بواحد الحاجة مام راك كبير عليا او تعرف خير مني حاجة مكتبهاش ربي خلاص نحيها من بالك كمل حياتك عادي بلاك هك خير ما تكمل او اكون عندك ولاد يتمرمدو مساكن ربي اعوضك خير او هادي مهيش حاجة لي تخليك تقلق منها شوف لناس لي همهم اكثر من همك ربي اعوض عليك

[عبد الله 22]

حاول مع واحدة مطلقة أو أرملة واعتقد سيكون أسهل الامر مقارنة بالاخريات بالتوفيق

[ام نهوله]

في الوقت اللي رانا فيه حتى الاعزب يجد الرفض يعني المشكله ماراهيش في طلاقك مازال ماكتبش المكتوب برك
ربي يرزقك ببنت الحلال

[عبد الله 34]

اخطب من خارج ولايتك

[nouna l maghbouna]

علاااه هاذ العقلية؟؟
و واش هاذ التفكير؟؟
رايحين ترجعونا جااهلين
رفضوك زعمة كي طلقت؟؟ معليش اصبر و زيد حوس مليح تلقی مكتوبك علاه تيأس؟؟
و اول حاجة و اول خطوة ديرها نحي هاذ الفكرة من راسك
اخي من قلبي ندعيلك الله يفرج عليك و تتزوج بوحدة Top
ربي معاك

[nouna12]

يا أخي العيب ليس فيك بل في العقول المغلقة..انا وحدة من الناس كون يخطبني ارمل او مطلق وفيه الصفات الي نتمناها نقبل عااادي...ربي يبعنلك الزوجة الصالخة ان شاء الله

[first first]

يااخي ...............انت رجل وعقدوك..........................المراءة مسكينة مزوجة ماخلاوهاش مطلقة مرحموهاش...............ارملة كلاتلو راسو..............لم تتزوج او عانس كي يحبو يسموها.كانت متكبرة وتشرط وماتسواش.
يااخي اذا عندك اخلاق ................امشي وراسك مرفوع..........حتى الصحابة رضوان الله عليهم وطلقو...............احشم من حاجة وحدة ................هي الحرام
والرفضا خي عادي...............ماكانش لي ماترفضش ...........مسالة مكاتيب...............احنا كامل ولاد9 ............واحد لاخير من واحد
نتفاضلو في ذرات التقوى لي عندنا..................وعلمها عند ربي
ربي يرزقك ز وجة صالحة ويباركلك في زواجك التاني

[قلبي جميل]

ربي يفرج عليك وعليا
ربي يرزقك ويرزقني بالزوج حلال تقي خفي ان شاء الله

[Dinho]

النساء راهم كي النمل يا صاحبي توكل على الله وروح جيب وحدة بنت فاميلية

وخطيك مالخدامة اديها ماكتة بالبيت نصيحة من مجرب