الجزء 103 من واش طيبتي شعارنا متحابين في الله - الصفحة 96

Om moussaab · 2014-12-14, 08:06

ام رحاب صباح الخير حنونة ياااااو نقول مانزيدش ندخل هكداك ويوكلني قلبي حتى نلقى روحي في وسط اطباقكم اللي تشهى راني هزيت طبسي المفرمسة جغابلي ساحو على الصباح يعطيك الصحة

omomnia15 · 2014-12-14, 08:06

يسال عليك الخير حنونة ليزا الطبيب دارلي تخطيط لقلب البيبي وقالي مزال حتى للجمعة باش ندخلك وانا راني كرهت من الثقل البارح بايتة قاعدة من الوجع في يديا يتنفخو ومخلاونيش نرقد قالي من ظغط البيبي الله يكمل هذو اليامات بخير
ام ابراهيم يعطيك الصحة على الخير الي حطيتيه والله روعة
ام رحاب الله الله على ذيك الشخشوخة تهبل
البقية صباحكن مبارك
فطوري بركوكس حار راهو البرد والريح هذا ما يوالم والدنيا راهي نقية بنتي البارح الله يحفظها نقاتها وغسلت المواعن في الليل بصح البرد قلت نخرج نمشي بصح نقابلكم هنا وخلاص

lyzzabel · 2014-12-14, 08:09

امنياتي يعطيك الصحة شهيتيني كيما العادة على الصباح هههههه

ميمتي ام رحاب ربي يخليلها الفلوس و يتربى في عز والديه يا رب و ربي يتقبل منك يا الغالية

ام عمادووووو بصحتك المشتريات عجبوني لي دونتال على شكل هلال حطة للتشاراك و الهليلات

Om moussaab · 2014-12-14, 08:11

ام رحاب حابة نسقسيك الدقيق الي تخدمي بيه تزيديلو الفرينة ولا لا انا عندي دقيق مافيهش العلك خلاص وحابة نديرها وخفت لا ماتصلحش راه عندي 25 كغ واش يخلصو

oum radja · 2014-12-14, 08:13

امنيات يعطيك الصحة طيابك يشهي
ام امنية ربي يكون معاك مع الثقل تاع الايام الاخيرة

omomnia15 · 2014-12-14, 08:13

الامنيات طيابك يهبل بصحتكم
ام مصعب واش حوالك يا الغالية
ام رحاب يسال عليك الخير يالغالية موعد 10 الغاه الطبيب وقالي مزال وقتك راني نتبع واش قال

Om moussaab · 2014-12-14, 08:13

ام امنية صباح الخير حبوبة ربي يسهلك ان شاء الله راش قالك الطبيب تزيدي عادي ولا سيزاغيان

أم محمد تاج · 2014-12-14, 08:15

صباحووو حبايب قلبي ياغاليات
يعطيكم الربح نادية وام برهوووم وام رحاب والامنيات جوعتوني استناو نفطر ونرجع عمبالك مصارني زلزلو الدعوة ضرك ينوظو الجيران خخخخخخخخ
غدايا لوبيا بالكرعين ممممممم وكسرة خميرة ياسلام وطرشي يااااااااي بصح عندي ميناج نكمل حبيباتي ونرجعلكم
ام امنية الله يسلك وحالك يالحبيبة
نشالله تدخل ام ياسو وطمننا البارح ماكانتش مليحة

om kamilia · 2014-12-14, 08:16

صباح الخيرت والمسرات عليكم يومكن سعيد

Om moussaab · 2014-12-14, 08:16

هذا عشايا البارح كريب التركي امممم هبال يعطيها الصحة صاحبة الوصفة وقراتان بطاطا وسلق والحمد لله اليوم هناني سي السيد قالي نتغدى كسرة ولبن. . .

omomnia15 · 2014-12-14, 08:21

ام مصعب انا رايحة نقرر القيصري خاطرش مرانيش في وقتي مرانيش حابة يصرالي كيما الماوة ونبعد نروح قيصري
ام رجا وام تاج الله يخليكم
ام مصعب وين التصاور

lyzzabel · 2014-12-14, 08:21

ام كاميليا صباح النور و نهارك اطيب غاليتي

ام أمنية ما يكون غير الخير ،، ربي يجيبلك سويعة ساهلة و يقومك بالسلامة ياااارب ،، غادي تزيد نوغمال ولا سيزاغيان ؟؟

سكرتي الحلوة صباحك سكر بصحتكم اللوبيا و بالتوفيق مع المينااااج ،، انا تاني راني معولة نقي الحالة قبل ما نروح شوية و انوض

x ام رحاب x · 2014-12-14, 08:22

ام مصعب ماكلاه اديريها بالدقيق الي مافيهش العلك اايعود العجين غير يتقطعلك وماتقدريش تفتحيها مليح
ام امنية ربي يسلكك على خير راه ماقعدش كلي راح اصبري حنونة وراكي تسلكي كي اليوم ان شاء الله
ام تاج صباحو يالعزيزة
ليزا ربي يخليك على كلامك المعسل تسلميلي
ام رجا صباح الخير وربي يخليك حنونة

ome loudjeine · 2014-12-14, 08:22

صباحكم سعيد ويومكم اسعد وربي يجعل حياتكم كامل مسرات وافراح.
ربي يشفي كل مريضة ويفرح كل حزينة ويفرج على كل مهمومة ويعطي كل محرومة ويسلك كل موحولة ويحفظ اولادكم وبناتكم ويخليلكم والديكم ويطول في اعمارهم ويرحم موتاكم ويصبركم فيهم ويحفظكم من كل شير ويعطيكم كل خير.

lyzzabel · 2014-12-14, 08:23

ام مصعب ممممممم بصحتكم حبيبتي شهيتينيييييي يعطيك الصحة

ام أمنية علاش ،، المازة زيدت ؟؟؟؟؟؟؟؟