الجزء 103 من واش طيبتي شعارنا متحابين في الله - الصفحة 60

janah* · 2014-12-12, 10:23

صباح الخير عليكم

يعطكم الصحة علي الخير ولخمير كل حاجة تقول لختها بعدي الله ابارك فيكم

اليوم غدايا كسكس قصتو قصة

الأمنيات · 2014-12-12, 10:23

السلام عليكم جمعهمباركه للجميع
غذايا كسكس طعام بالمرقه

الأمنيات · 2014-12-12, 10:24

اقتباس:

المشاركة الأصلية كتبت بواسطة أم هبوبة

امنيات بصحتك واش حطيتي اكلك دايما روعة و التحلية نتاعك جربتها و خرجت هايلة

يعطيك الصحه اختي وشكرا على الثقه تبارك الله خطيتيه التطبيق في قسم التطبيقات

janah* · 2014-12-12, 10:26

بسم الله الرحمن الرحيم
{إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيماً }
قال رسول الله صلـى الله عليـه وسلـم :
"أكثروا من الصلاة علي يوم الجمعة , فإنه مشهود , تشهده الملائكة , و إن أحدا لم يصل علي
إلا عرضت علي صلاته حتى يفرغ منها ,
قلت :و بعد الموت ؟ قال إن الله حرم على الأرض أن تأكل أجساد الأنبياء .

janah* · 2014-12-12, 10:27

اللهم صل وسلم وبارك على سيدنا محمد
وعلى آله وصحبه أجمعين
عدد خلقك ، ورضى نفسك
وزنة عرشك، ومداد كلماتك
اللهـــــــــــم آميـــــــــــــــــن

Simassim · 2014-12-12, 10:29

جنة واش رآها صحبتك ملك يادرا ماماها وصلت على خير ؟

Simassim · 2014-12-12, 10:33

ام ماجد نجي راني عاد فبلاصتي مزية ولدي رقد خلاني نريح شوي
ههههه ليزا البارح تعشيت بيض مقلي هههه زعمة راجلي حب يقلشني. قتلوا ديريلي البيض قتلو ليزا رجعت للمنتدى ومعاناتها السخفة ترجع معاها معلابليش علاش نسخف على ماكلتك راسو حبس !!!!!

janah* · 2014-12-12, 10:36

اقتباس:

المشاركة الأصلية كتبت بواسطة simassim

جنة واش رآها صحبتك ملك يادرا ماماها وصلت على خير ؟

صباح الخير اختي سيما الحمدالله راهي مليحة وماماها لحقت بخير راهي فرحانة بمامتها علي هذيك متدخلش ادعولها لبنات

ربي يسهل ليها الولادة وكال الحوامل اللهم لا سهل الا ما جعلته سهلا

مرام 1987 · 2014-12-12, 10:54

اقتباس:

المشاركة الأصلية كتبت بواسطة no_r

الناس كامل رقد و انا راني ندور في الكوزينة وحدى جعت نضت كاش ما ناكل
حبيت غير نسقسى انا جربت البتي فور تع اماني وجاتني العجينة ناشفة كيما الصابلي مع انا تبعت كامل الخطوات ودرت حبات بيض كبار ما فهمتش علاه حابة نعاود نجربه بغيت نسقسيكم انتم درتو الكمية كامل تع الفرينة والنشا والا تخلوها جارية شوية
وحاجة تاني السميد تع قالب اللوز وينه الى راكم اديرو بيه انا جربته الى حطاته ام اماني بالبن اول مرة جاني ما شاء الله ومن بعد ولا ما يخرجليش اخت رتاج لا دخلتي قوليلي تعيشي انا راني ندير سميد السفينة

البتي فور والله ما عندي فكرة إن شاء الله يجاوبوك البنات راهم جربوه بزاااف وعجبهم
والسميد حنا نستعملو الدشيشة لقلب اللوز تجي شوي خشينة يعني حنا نشروها بالكيلو ماشي في l'emballage
شوفي في موضوع أم رامي تاع قلب اللوز درك نجيبولك
هاهو
https://omrami44.blogspot.com/2014/01...post_8878.html

lyzzabel · 2014-12-12, 10:55

سمسومتي ربي يحفظك شفت جوابك البارح و فرحت مين رديتي عليا مي كان باقيلي نعرف اخبار ميمتي ام رياض و عطورة و ملاك و شكراااااااا لأنك راكي تجاوبيني ،، و ما عااااااش لي يسخفك يا الحبيبة غير ما تخمميش مانقدر نحط حتى صورة كيما قلتلكم ما فهمتش علاش ،، علابالي بلي مشي مالاي باد المشكل راه من المنتدى مام نكليكي ولا ما نكليكيش على هادوك les icônes ولا باش نبدل الخط تاع الكتابة ولا اللون غير كيف كيف يعني ماراهمش يمشو وااااااااااع و المشاركات تاوعي راهم فرطاسيييييييين ،، بالاك من بعد نراسل المشرفين يرجعوهملي فعالين ،، حقا بصحتك البيض مقلي

توتة هاو كي ندير هاكا و ماسلكناش ههههههه و العضوات الجدد هدا وين راني نتعرف عليهم بالوحدة تسمى ما يزعفوش مني هيهيهيييي

جنى ربي يسلك أختك على خير و يجيبلها سويعة ساهلة ،، راهي عضوة معانا ؟؟؟

نور البتي فور ما درتش تاع اماني اما قلب اللوز نديره بالسميد ماما نصف غليظ و يجيني روعة

اللهم صل و سلم و بارك على سيدنا محمد

مرام 1987 · 2014-12-12, 11:03

صباح معطر بذكر الرحمن
صباحكم سكر يا بناويت
يسقسي عليكم الخير وحدة وحدة راني لاباس الحمد لله شوي ظهري يوجعني ما نقدرش نقعد بزااف
بصح راني الحمد لله
جمعة مباركة
الله يرحم الأموات
ويشفي المرضى ياااااارب
ويرجع كل غائب
ويفرح كل حزين
ويفرج على كل مهموم
وينصر كل مظلوم
ويعين كل محتاج
ويرزق كل فقير
ويغني كل جائع
يقضي دين كل مدين من بينهم نحنا يااارب وارزقنا نسلكو الدين ياااارب
ويرزقنا شربة من يد الرسول عليه الصلاة والسلام شربة لا نضمأ من بعدها أبدا
ويجمعنا في الحرم المكي يااااارب في الدنيا
والجنة في الآخرة ياااارب
اللهم صل وسلم على الحبيب المصطفى وسلم عليه تسليما كثيرا
بسم الله الذي لا يضر مع اسمه شيئ في الأرض ولا في السماء وهو السميع العليم

مرام 1987 · 2014-12-12, 11:07

زينب 83 كنتي سقسيتي من قبل كيفاه نديرو إقتباس لمجموعة من المشاركات
شوفي روحي منين مكتوب إقتباس في المشاركة لي حابة تدري عليها تلقاي قدام كل إقتباس وحد الشكل مربع وفيه حرف + أكليكي عليه يولي لونو برتقالي
وهكذا كملي لجميع الإقتباسات لي حابة تردي عليهم وكي توصلي للرد الأخير لي حابة تردي علية أكليكي على إقتباس هكذا راحا تردي عليهم بالواحد
ما نعرف فهمتيني ولا لالا

lyzzabel · 2014-12-12, 11:11

مرام ربي يشفيك و يعافيك حبيبتي و يشفي كل مرضى المسلمين امين ،، و جزاك الله خيرا على الأدعية لي كتبتيها ،، اللهم امين

راني مرة على مرة نطل على إبداعات احسن تطبيق الله يبااااارك كل وحدة شاركت فالمسابقة أبدعت و تفننت و التصويت صعيييييييييب وااااااااع ههههههه نتمنى من كل قلبي التوفيق للجمييييييع

اللهم صل و سلم على سيدنا محمد و على اله و أصحابه الطاهرين الطيبين

lyzzabel · 2014-12-12, 11:14

مرام انا قاع هذوك المربعات لي تكلمتي عليهم مين نكليكي عليهم يعطوني نتيجة الاقتباس و زيد ما عندييييييش أيقونات الشكر وععععععععععععع. غادي نتطرطق واش يسالونييييي دارولي هاكا

مرام 1987 · 2014-12-12, 11:17

ربي يعيشك ليزاتي توحشتك وتوحشت كلامك العسل موواااااااااااح
والتطبيقات حتى أنا شفتهم البارح واليوم ما زلت ما طليتش والله التصويت صعيييييب واقيلا نعاود نسجل بأسماء مختلفة ونصوتلهم كاااااامل ههههه
غدانا ما زال بصح الأغلب جواز تاع البارح جواز بطاطا