سجل ياتاريخ أكتب اوخلـــــــــد *** تاريخك ياغاليا خاطر يفجيـــــــــه
يارب الأكوان معبودك ساجــــد *** ياعالم مكنون قلبي ومراميــــــــه
بجاه الحبيب سيدي محمــــــــــد *** يارسول الله من حوضك تسقبــــه
سجل يا تاريخ أكنب اوخلــــــــد *** تاريخك ياغاليا خاطر يفجيـــــــــه
نكتب ع التاريخ في هذا المقصد *** نتفكر لبطال أول اوتاليـــــــــــــــه
حب أتزاير راه في قلبي غـــرد *** ساكن في الوجدان دمي كامن فيـه
هذا عشقي ليك عنو مانبعـــــــد *** يابيضا ياغاليا راني نحكيــــــــــــه
هلكني بجمار في الكبدا نافـــــد *** شاعل في الأعماق والحب امهبيــه
مشعالك محال والله مايهمــــــد *** بابيضا محال العشق امغذيـــــــــــه
أنا نذكر فيك والتاريخ أيــــردد *** وسألت الجبال صداها يحكيــــــــــه
سجل ياتاريخ أكتب اوخلــــــد ***تاريخك ياغاليا خاطر يفجيــــــــــــه
قالت يامسكين نحكي ونعـــود *** نحكيلك بالذات أنبين ونوريـــــــــه
قلتلها يازايخا أحكي بالجــــــد ***واشرحي بالذات عندك لا تنسيــــــــه
سجل ياتاريخ أكتب اوخلــــــد ***تاريخك ياباهيا خاطر يفجيــــــــــــه
قالت باليمين شورو قلت انهد *** نحكيلك مافات عني ونسميـــــــــــــه
اونحكي تاريخ عتك اونســرد *** حملات الإسبان اقرون اتوريــــــــه
لو تسأل أتراك تاريخ أمقيــــد *** كي سدت البحار تتلاطم أمواجيــــه
أساطيل الغرب تبكي وتعــدد *** ولي مايدفع غرامتو والله أنعييــــــــه
أسأل نفارين لاكان أتعانـــــد *** هذا يوم أكبير ماذا عبرا فيــــــــــــــه
سجل ياتاريخ أكتب اوخلــــد *** تاريخك ياغاليا خاطر يفجيـــــــــــــه
جانا لستعمار مقيوظ ايكـــدد *** يحسبها زردا لهلو وماليــــــــــــــــــه
ألف وثمنميا باتاريخ امجـرد *** في عام اثلاثين روحي ضاقت بيــــــه
هذا يوم اسود اسحاب امكبــد *** أوجاني غبار للعين امغطيــــــــــه
وتحول انهار عني صار اسود *** هذا لستعمار عمري مانبغيـــــــه
أقبض قلبي هم منو وتنكـــــــد *** جاني جيش افرانسا الله يخزيـــــه
سجل ياتاريخ أكتب اوخــــــلد *** تاريخك ياغاليا خاطر يفجيــــــــه
قلتلها ياغاليا حكم الماجــــــــد *** يفعل مايشاء المولى نرضى بيـــه
المكتوبا كاتبا مافيها بـــــــــــد *** اللي جاه امرض إيعا لج ويداويـه
لويدري ماراه في اللوح أمجرد *** يتهنا من محنتو راها تخطيـــــه
سجل ياتاريخ أكتب اوخلــــــــد *** تاريخك ياغاليا لازم نحضيــــه
يادرا ياغاليا دمعي علخـــــــــد *** وتلطم قلبي زاد الحال اعليـــــه
فاض الدمع اوهاج ماهو متعود *** مدفق ياباهيا خدي ماليـــــــــــه
حيرتيني واه يامطبوع القـــــــد *** محبوبك مهموم عندك لا تلوميه
قا لت يامسكين اصبر وتجلــــد *** أولادي أبطال لول او تاليــــــه
ونا الأم الغاليا بيهم نشـــــــــــد *** محميا بجبال للعادي تصليـــــــه
سجل ياتاريخ أكتب اوخلــــــد *** تاريخك ياغاليا خاطر يفجيـــــــه
أنا أرض أجداد خالد عن خالد *** ياويح الظلوم ليا ونعاديـــــــــــــه
هذي أرضي غاليا من جد الجد *** هذا لستعمار نقطعلو رجليــــــــه
سجل ياتاريخ أكتب اوخلـــــد *** تاريخك ياغاليا لازم نحضيــــــــه
أناخط أحمر بارودو راعــــد ***ونيازلزال أبراكين اتقويــــــــــــــــــه
ونا سيف النار بتار أمهنـــــد ***هذا لسنعمار وطني ماهو ليــــــــــــــه
أولادي شجعان ماخانو عاهد *** لي يعشق محبوبتو لا لوم أعليــــــــــه
ضربو لستعمار فجبال اومرفد *** ماخلاو أبرور عالي او هاويــــــــــه
ماطاقتش افرانسا أعليها مجهد *** رصاص الأبطال حاجا ماتطفيــــــــه
من عهد الأمير بارودو راعـــد *** باني دولا قايما ربي يرضيـــــــــــه
جيش الإستعمار ابقى يتمرمـــد *** من سيف الأمير ضاق الحال أعليـه
عرفت نزهتها جاها قول الجــــد *** عزيمة لبطال تعرف اللي وريـــــه
سجل ياتاريخ أكتب اوخلـــــــــد *** تاريخك ياباهيا خاطر يفجيـــــــــــه
أحمد باي للشرق للثورا يسنــــــد *** جيش الإستدمار ضركا طاحت بيه
اللي يزرع شر من زرعو يحصد ***درسوه الأبطال وفرانسا اتذريـــــه
أنا الأرض الغاليا ربي يشهـــــــد *** محروسا ابعين ربي تشكي ليـــــه
أنافي التاريخ سيد عن سيــــــــــد *** ياويح الظلوم ليا ونعاديـــــــــــــه
سجل ياتاريخ أكتب اوخلـــــــــــد *** تاريخك ياغاليا خاطر يفجيـــــــه
يادرا بالخير في همك كابـــــــــد *** وخيالك في كل ليلا مستنيــــــــــه
ياتيني فالليل يتركني نسهـــــــــد *** وتعلق في خاطري والفت أمجيـه
الشاعر مهموم ديما يتفقـــــــــــد ***إذا جات القافيا راها تحييـــــــــــه
يامعشوقت خاطري شعري بعـد *** المقراني او بوعماما ماتنسيــــــه
قالت هذا شيخ صالح متعـــــتود ***بوعماما أصيل والمولا حاضيــــه
هذيا بتار قاطع كي يسمــــــــــد *** سيفو ذوالفقار قرآن امعليــــــــــه
والثاني مقران في يوم المولـــد ***تاريخو مشهور اعلام اتضويــــــه
سجل ياتاريخ اكتب اوخلـــــــد *** تاريخك ياغاليا لازم نحضيـــــــه
ياغصن الريحان نطلع ونهـود *** أعطيني تفسير انفيد بللي فيــــــــه
هزتني لمحان والد معا عالخد*** الثامن من ماي لحجار اتبكيـــــــــه
الثامن من ماي اسحاب امكبـد ***في الخمسا اوربعين غبار امغطيه
فيتفكير افرانسا ماهوا راشـــد *** اوجاها الجواب للخاطر يشفيـــــه
خلاتو مسكين مهلوك امشرد ***الشعب العظيم كي كذبت اعليــــــه
الثامن من ماي ايعيط ويــــردد ***الحريا نادات هي اللي داويــــــــــــــه
خراطا اوقالما حطم ذاالســـــــد *** في سطيف افرانسا جاها تنبيـــــــــه
الشعب العظيم والله مايتهــــــــد ***إيسجل تاريخ من دمو يحييــــــــــــه
جيش الإستدمار تاريخو أســـود ***إيقتل في الشعب في بالو يفنيــــــــــه
الحريا إيمان اطريق امعبــــــــد *** مطبوعا بالدم احمر شاعت بيــــــــه
أو دم الشهيد نوار امــــــــــورد *** ينبت مللعماق أجيال اتضويــــــــــــه
سجل ياتاريخ سجل اوخلــــــــد *** تاريخك ياباهيا والله نحميــــــــــــــه
جافاني ذاالنوم والله مانرقـــــــد ***احكيلي عن شرق والغرب امواتيــــه
قالت بن باديس للخالق يحمـــــد *** حفاظ القرآن عالم ماذا فيــــــــــــــه
أمجرب حياة أو فاهم مقصــــــد *** أعرفتو بالعلم حكيم او فقيـــــــــــــه
هذا حامل علم كي شمعا توقــــد *** او بين البلدان راني نفخر بيـــــــــــه
من بكري معروف ماطاقو واحد ***صاحب كرامات والمولى عاطيــــــه
أهل الغرب أبطال مافيهم فاســـد ***ماننسا وهران للبيض منهيــــــــــــــه
كل امسا وصباح نكتب وانجــرد ***أمعسكر اترابها اللي شاعت بيــــــــه
سجل ياتاريخ أكتب اوخـــــــــلد *** تاريخك ياغاليا لا زم نحضيــــــــــه
نبقى ساهر ليل للمولى انشهــــد *** الريحا الزينا جات والمسك امخبيــــه
وطي اتيارت راه دونو ولا ازود *** من بكري معروف تحكي ناس اعليه
راني انداوس فيك ذركا متعمـــد *** حبك في قلبي مانسمحشي فيـــــــــــه
حين انشوفك ياما قلبي يسعـــــد *** يتهنا من محنتو راها تخطيـــــــــــــه
يامن تسمع كانك جيت اتفيـــــــد *** هاهو قولي نشرحو للحاير فيـــــــــه
نعطيلك تفسير بالقول امسرمـــد ***الغامض منو اتفيدو بمعانيــــــــــــــه
التاريخ اللي قاصدو عنو ناشـــد *** هذا من الأوراس هذا اللي نبغيــــــه
سجل ياتاريخ سجل اوخلـــــــد *** تاريخك ياغاليا لا زم نحضيـــه
جبل الثورا ياك عالي مسرفـــد *** أومضرب لمثال اشجار اتغطيه
أصنوبر عرعار فوقو بتغمــــد *** إيدرق ورقو النوار امخبيــــــه
الدنيا تزيان ابنوار املبـــــــــــد *** فصل الحر امزينو نسيم إيجيـه
أنا نوصف فيه ونزيد انعـــــاود***نرجع للمكان انزيد نثبت فيــــــه
كي تجبا الباتنا الشرق إيحـــدد***سوق اهراس اوقالما هاذي غربيه
سجل ياتاريخ سجل أو خلــــــد***تاريخك ياباهيا لازم نحضيـــــــه
أتقرع نوفمبر يوم المشهــــــــد***وتلاشا الظلام للظلم إيطفيـــــــــه
مافاقتش أفرانسا جاها ذا الـــرد***هاذا لستعمار ضاق الحال اعليــه
أبرق نعت النور صافي ما يفسـد***هاذا يوم الحق والباطل يطويـــه
في جبل الاوراس يبرق ويرعـد***أيعم اعلى لوطان والثورا تحميه
ولي كان الامس عنا يتهــــــدد***خرجتلو لبطال تقطع في ارقابيـــه
سجل ياتاريخ سجل أو خلـــــــد***تاريخك ياباهيا لازم نحضيــــــه
وتكلم بركان حامي مصيهــــــد***وجيش لستعمار نارو شعلت فيـه
ماذا من تلول لهبت وحمايــــــد***أتبشر بالخير والعادي تصليـــــه
ماينفع الحلف نارو تتوقــــــــــد***وللي دار الشر أجمارواتكويــــه
هاذا جيش فرانسا الغرب اسانـد***وتبهدل مسكين أبطال تعريـــــه
مثلتو عريان حالو متنكــــــــــــد ***أبهمو مذلول في جوفو طاويه
ثمن سنين أيام محسوبا بلعـــــــد***قيدها تاريخ في التاسع ولهيــه
هاذي ايام شاقا أعضاها يتمسرد*** ضحينا بالروح والجسم نبليــه
سجل ياتاريخ سجل أو خلـــــــد***تاريخك ياباهيا لازم نحضيــــــــــه
ياشعبي العظيم دمك مايركــــــد ***ياثورا شهيد اودمو كاسيــــــــــه
منو لستعمار اتبهدل وتنكـــــــد *** هزمو ه الأبطال حبا ماتخطيـــــــــه
والظلم اذا طال لا بد يوم إصــد *** يتبكم مهزوم أحزانو تشريـــــــــــــه
طيارات الحلف تطلع وتهـــــود *** تقصف عمق الواد وتزيد العاليــــــه
ماخلات أدشور والغرب إيمــدد *** حتى جمادات صما عادت تحكي فيه
اوجيش التحرير بالشعب إستنجد *** ويدعم في ثورتو واجب أعليــــــــه
واتزاير معشوقتو بيها يسعـــد *** الحريا إيمان للقلب اداويــــــــــــــــــه
الشعب الأصيل هذا متعــــــود *** جودو من جواد بالدين امربيـــــــــــه
قاسا سنوات عودو راه إشـــــد *** يقدح كالصوان بنارو تشعل فيــــــــه
ابجيش التحرير اتقوا وتجلــــد *** ورصاصو فتاك لا طبا تبريــــــــــــــه
واركابو قندبل في الظلما يوقــد *** نورو راهب دير للحاير يهديــــــــــه
الشعب العظيم اربيعو صمهــد *** إيساند في ثورتو المولى راعيـــــــــــه
ويضحي بالروح عن جالي لابد *** ويفاجي دمار قلبي ويهنيـــــــــــــــه
سجل ياتاريخ سجل اوخلـــــــد *** تاريخك ياغاليا خاطر يفجيــــــــــــــه
يابيضا بالله قولي يافرقــــــــــد *** خوضتي بحري مايا فاسد بيـــــــــــه
خليتي قلبي مهلوك أمشــــــرد *** وشراييني زنجرت صدات أعليـــــــــه
هذايا زيار عني متلمــــــــــــد ***متعظل مولاه في الجسم امسيريــــــــه
جرعتيني كاس مرضو متفرد ***ماعرفو حكيم شاطر طاق أعليـــــــــــه
سجل ياتاريخ سجل اوخلـــــد *** تاريخك ياغاليا خاطر يفجيـــــــــــــــه
تاريخك عظيم والله متفــــــرد*** يامعشوقت خاطري زيدي احكيــــــــــه
قالت اشكر خالقك أذكر واحمد *** هذا الخامس يونيو افرح بيه وزهى بيه
بعد العسر يسر جاني بفوايــد*** لستعمار اتكب راسو يوجع فيــــــــــــــه
هزمزه الشجعان يبكي ويغرد*** اودار عليه الحال في البر باسريـــــــــه
ضحيت بمليون والنص ايشهد *** مهري غالي يابني هذا نشتيــــــه
هذو من لبطال من نسلي الجيد*** هذو بوس ترابه وتمرغ فيـــــــــــه
هذوما حيين نذكرهم نسعــــــد *** يرحمهم ربي لول اوتاليـــــــــــــه
نذكرهم بالخير والله مانجحـــد*** سكان الجنات فردوس امغطيــــــــه
هذوا جذور شجري ولعضـــد *** واوراقي وجميع زايد تابع ليـــــــه
صناع التاريخ بالدين امجـــــد *** وللي دار الخير اسال عن ماضيــه
هذو بذرة خير نذكرهم لابــــد *** او هاذو نوار مزركش بحواشيـــــه
ادخلهم جنات الله ياواحــــــــــد *** واكشف بيهم سر معلوم اوخافيـــه
بجاه الامين سيدنا لمجــــــــــد *** وجعلنا منهم دربو مانخطيـــــــــــه
سجل ياتاريخ سجل اوخلـــــــد *** تاريخك ياغاليا خاطر يفجيـــــــــه
احكيلي ياباهيا قلبي يسعـــــــد*** من حقك اليوم العاشق دليـــــــــــــه
من حبك مهموم والله مانرقــــد *** مانعرف للنوم طعم ولا نرضيـــــه
تاريخك اهوال لشيب ايعيــــدد *** ياعجبي في اوطان كي عادت تحكيه
حتى الموتى عارفاتو فات الحـد *** كل العالم راه لجيالو يرويـــــــــــه
سجل ياتاريخ سجل اوخلــــــد *** تاريخك ياغاليا خاطر يفجيــــــــــه
جاني لستقلال فتح وتـــــــورد *** ناضلنا عن يوم زدنا فرحنا بيـــــــه
الرايا الخضرا عاليا ليها ننشـــد *** قسما نشيد انغني ونعليـــــــــــــــــه
وانا في البلدان نفرح نتميعــــــد *** محميا بولاد . راسي نرفع فيــــــــه
انا دقلت نور مربوطا بمشــــــد *** وولادي ارموش عيني ادور أعليــه
مافيهم جبان خاين يتلبـــــــــــد ***ظالمني راني انهدو اونرديـــــــــــه
سجل ياتاريخ واذكر مابيــــــــا *** تاريخك ياغاليا خاطر يفجيــــــــــه
عشقك يامسكين ماهو شي اهديا *** في قلب اللي حب وطنو كامن فيـه
وللي غالط ننصحو بالعقليـــــا*** لطريق الصواب يرجع ونرضيـــــه
الرجال اتبان وقت اللزميـــــــا *** وقت الظلما والشتا انا نحميـــــــــه
حب الوطن اخلاص ياسامع ليا *** كل آخر في منصبو يلتزم بيـــــــه
حب الوطن انفكرو فيلحريـــــا *** لضحاو على لوطن اووصاو اعليه
امانة خلاوها نعت اوصيـــــــا *** الشهداء ضحاو على لوطن او مافيه
والمخلص محال يشتي آذيــــا *** لبلادو وولاد وطنو ولقاشيــــــــــــه
سجل ياتاريخ واذكر مابيــــــا *** تاريخك ياغاليا خاطر يفجيــــــــــه
يارض الاجداد دره محضيـــا *** مزروعة في القلب لجت امرامـيــه
في شمال افريقيا وردا مسويــا *** مسقيا بالدم احمر شعتي بيـــــــــه
اسكنت في القلب صبحا وعشيا *** وشراين القلب انت لتسقيـــــــــــه
ياغصن الحياة زهرا بريـــــــا *** وتنسي حيران شاقي وتسليـــــــه
ياسر الوجدان ممو عينيــــــــا *** حبك راهو تاج للراس ايغطيـــــــه
يانسمت تفاح ارياحو عطريــا *** محروسا بعين ربي تشكي ليــــــه
ياحرا ياغاليا ياعربيـــــــــــــا *** وحنايا في واجبك رانا انوفيــــــــه
هذا شهر الخير منك اهديــــــا *** هذا شهر الحق نشرب من حاسيـه
وحنايا اشراف في كل اثنيــــا *** ابلاد القرآن والسنة تحميــــــــــــه
والشاعر معروف واجب اعليـا *** محبت لبلاد اهلو وماليــــــــــــــــه
ارحمني ياخالقي عالم بيــــــا *** واحفظ ذلوطن اللي عاشق فيـــــــه
صلو عل الحبيب خاتم لنبيــا *** وجميع اللي تاب واللي شهد بيــــــه
بقلم الشاعر **راعي الخير **
( تقرير عن مشاركة سيئة )، و الموجودة أسفل كل مشاركة .
2014-11-01, 16:21
سجل يا تاريخ
العرض العادي
