الجزء93 من واش طيبتي اليوم...معا لنسلك طريق السعادة - الصفحة 59

x ام رحاب x · 2014-10-17, 09:12

صباح الخيرات حبيباتي وجمعة مباركة
دائمة الحمد الله ايهنيها ان شاء الله وربي يخليكم ويفرحكم كيما فرحتو هاذ اليتيمة والله غير بكيتيني عليها الله يرحم امها وايهنيها وربي يعطيكم الصحة والعافية
ام ماجد عضم الله اجركم في هادا المصاب وربي يصبر اهلها ويجازيكم كل خير سلامي لروزا
ام يسرى ماشاء الله عليك كلش هايل
ام صهيب الله ايفرحك عن قريب وتشوفي وليدك وتقر عينك بيه وراكي ماشاء الله كلش بالطبع
ادرارية على سلامتك وبصحتك واش طيبتي وربي يشافيلك ابنك وترفحي بيه

ام رويدة · 2014-10-17, 09:19

اقتباس:

المشاركة الأصلية كتبت بواسطة أم يحي صهيب

مرحبا واخيرا قدرت ندخل هههه واش راكم
ليكم وحشة واش راكم بخير

الله الله مبروك العتبة الجديدة ما شااء الله ان شااء الله عامرة يا رب

هانا جيت ليكم وجبت ليكم باروكي باش ما تقولو عليا خايبة
ولالا

حنان واولادي هنا خليتوني مشردة من لهيه حرام عليكم

التريد /الرقاق

العجينة المورقة خدمتها اليوم

طاجين مغربي نموت عليه

بغيت منكم غير دعوة الخير وربي يسهل ولادتي ويفرحني في امنية انتظرتها اعوام الله يرضي عليكم
ادعولي ويلا عندكم شئ نصائح لا تبخلو عليا

الله يبارك...ما شاء الله عليك ..قدرتي ديري هاد الخير كامل وكرشك لفمك..والله غير شاطرة
ان شاء ربي يسهل ولادتك في القريب العاجل وتشوفي حبيبك بجنبك ويخرج كامل مكمل
ما تنسايش برك صوريهولنا...وش قالولك تولدي نورمال

أم محمد تاج · 2014-10-17, 09:22

صباحوووو ياغاليات وجمعة مباركة ومعطرة بذكر الرسول الحبيب المصطفى
ام ماجد والله تاثرت بموت صديقة روزا والله فاجعة على عائلتها الله يرحمها ويوسع عليها ويصبر والديها يارب
الف اهلا وسهلا دائمة الحمد حنونني والله قتلني التفرعيج على العرس والله يهنيها ويمنيها يارب ويرحم امها وامي آمين
ام يسرا بسيف باش شفت الصور راكي ناشطة ماشاء الله وبارك تسلم الايادي
سرسوورة الله يسلك وحلك يارب والشخشوخة يامييييييييييييييييييييي
غداي مودر بالاك نديرقليان وخلاص
زهرة الهرة خسارة الصور مابانوليش

دائمة الحمد · 2014-10-17, 09:25

ام رحاب وام محمد صباح سعيد مبارك
ام ماجد راني ما راجعتش عظم الله اجركم في صديقة روزا

أم ماجد · 2014-10-17, 09:27

الله يخليكم لبنات
ام تاجو حتى انا نضت معولة على الشخشوخة لقيت الشيخ معروض العرس ايا تكاسلت هههههههههههه بلاك نخليها للعشا
والغدا مودر راني هنا قاعدة ه نقرعج

lyzzabel · 2014-10-17, 09:28

صباح الخير عليكن غالياتي و جمعة مباركة و معطرة بذكر الرحمن

فطورنا اليوم طعام بالرقبة و الحمد لله ،، ام سراج ماكان لاه تزعفي هههههههه

ام كامليا حبيبتي ربي يشفيك و يعافيك و يبعد عليك كل بلاء و يشفي كل مريض اللهم امين

داءمة الحمد على سلامتك يا الزينة و بصحتكم العرس و الف مبرووووك على بنتكم و ربي يجعل سعدها خير منها ،، والله بكيت بالدمعة مين قلتي ولت تشبه غير لامها ،، هادي هي الدنيا و الحمد لله

سارة الحبيبة الكبيدة ربي يسهل عليك و يسلك وحايلك و يقومك بالسلامة نتيا و كل الحوامل يااااارب ،، و يعطيك الف صحة و عافية على الشهيوات لي حطيتيهم و تبارك الله على الرقاق و العجينة المورقة روووووعة

ام ماجد ربي يرحم الفقيدة و يلهم أمها و أهلها الصبر و السلوان ،، انا لله و انا اليه راجعون

حبيباتي بصحتكم كامل واش تعشيتو البارح و واش طيبتو اليوم و ربي يباركلكم في صحتكم و يتقبل منا و منكم امين

سبحان الله و الحمد لله و لا اله الا الله و الله اكبر و لا حول و لا قوة الا بالله العلي العظيم

اللهم صل و سلم على محمد و على ال محمد كما صَلَّيْتَ و سلمت على ابراهيم و على ال ابراهيم ،، اللهم بارك على محمد و على ال محمد كما بَارَكْتَ على ابراهيم و على ال ابراهيم في العالمين انك حميد مجيد

Oum yousra · 2014-10-17, 09:28

اقتباس:

المشاركة الأصلية كتبت بواسطة أم ماجد

اهلا دائمة الحمد ربي يهنيها يارب ورانا ننتظروا في الصور :d:d:d
ام يسرا ماشاء الله عليك صبحت ناشطة وبصحتك مقدما

يعيشك حنونة و النشاط هزيناه من عندك يا الغاليا

Oum yousra · 2014-10-17, 09:29

ام رحاب و ام تاج ربي يحفظكم حنونات هاذا من لطفكن

طير الرحمة · 2014-10-17, 09:35

طير الرحمة · 2014-10-17, 09:36

[]

lyzzabel · 2014-10-17, 09:44

ام يسرى بصحتكم اللحم مفور ،، انا تاني كنت نديره كل طرف وحده فالالمنيوم و دروك راني نديره في أكياس و نثقبهم من الفوق هاكا نضمن بلي ما كانش أكسدة او تسمم بالالمنيوم ،، و يعطيك الصحة راه يشهي قبل ما يطيب

شرينو مبروك الحمل حبيبة و ربي يكملك بالخير و مرحبا بيك في ارض الوطن

ام هديل انا الشاي تاع الضياف ندير الماء يغلي في طاجين كبير و نكون موجدة النعناع و لاتاي و غاسلتهم مليح و مقطرتهم ،، و غير يبدأ الما يغلي نرمي النعناع هو الاول و مين يبدأ يطلق فاللون تاعه نزيد عليه الشاي و نخلط بملعقة و نخليه يغلي غلية و نطفي ،، نخليه يطلق شوية و نصفيه و نعمر لي تاغمو الخاصين بالشاي يجي رووووووعة ،، و ما نبدلش هاد الطريقة لي تعلمتها على جدتي الله يرحمها ،، نتمنى نكون ساعدتك حبيبتي

اللهم صل و سلم على حبيبنا و سيدنا و نبينا محمد المصطفى

طير الرحمة · 2014-10-17, 09:44

شوفو هدا الرقاق كيفاه رقيق يهبل
يعطيها الصحة مولاتو منقوووووووووووووووووووول

lyzzabel · 2014-10-17, 09:48

حقا لبنات حبيبتنا ايدرونو راها لاباس و راهي هنا فالبلاد عند أهلها

وااااااع الاي باد تاعي طاحلي و خرجولي عدة ألوان في ليكرون راني قاااااانطة و الصور نشوفهم بألوان غريبة عجيبة محال يتسقم

طير الرحمة · 2014-10-17, 09:49

واش هدا الطبق يلا يا البريكيات [IMG]https://s*******-a-cdg.xx.fbcdn.net/hphotos-xfa1/v/t1.0-9/10701929_337882406392560_4553965287285232752_n.jpg ?oh=c9fe7237b69986bf392d8dec42ff8cf5&oe=54F65978[/IMG] قولولنا

lyzzabel · 2014-10-17, 09:50

اقتباس:

المشاركة الأصلية كتبت بواسطة طير الرحمة

شوفو هدا الرقاق كيفاه رقيق يهبل
يعطيها الصحة مولاتو منقوووووووووووووووووووول

هاكا ماما الله يرحمها كانت تديره ،، شكرا حبيبتي على نقل الصور

اللهم ارحم امي و اختي و ارحم و موتانا و موتى المسلمين جميعا وسعت رحمتك كل شيء يا ارحم الراحمين ،،، امين يا رب العالمين