واش طيبتي اليوم?الجزء92 كواليس عيد الاضحى*** - الصفحة 32

~~nad16~~ · 2014-10-08, 07:40

صباح الخير فحلات بلادي والله راكن فوووور جيدا العرضة تاع الصح وعليها الكلام يعطيك الصحة

طالبة الجامعة · 2014-10-08, 07:49

صباح الخير عليكم جميعا

nihale89 · 2014-10-08, 08:01

صباااااااحووووو حبيباتي

kaouka · 2014-10-08, 08:14

صباح الخير دائمة الحمد وشراي ﻻباس ربي يهنيء بنت خوك حبيتك تعطيني طريقتك في لحم لمحمر في لكوكوطه تعيشي رني نستنا

أم ماجد · 2014-10-08, 08:18

اقتباس:

المشاركة الأصلية كتبت بواسطة nabila222

بنات مساء الخير وبصحتكم واش طيبتو كامل ،حبيت نأخذ برأيكم ماما راحت للحج ونشالله تجي في العافية وحبيت نخدم قاطو اقتصادي وفي نفس الوقت يحمر الوجه تصفحت في المنتدى وعجبوني وصفات بزاف وش تقترحو عليا تعيشو يا ريت تتفاعلو معايا

نوعي مابين لمعسل وقاطو ساك وقاطو بالكوكاو واللوز

أم ماجد · 2014-10-08, 08:19

اقتباس:

المشاركة الأصلية كتبت بواسطة إلهام07

حبيباتي شكون تعرف كيفاش ينظفو المصارن نتاع الرمقاز باش يجيو هكذاك رقاق وشفافين حبيت نخدم شوية زعمة نحوس نفحال ماعرفتش :d:d:d
راني حالة المنتدى بصح أختي راهي نحاتلي الميكرو خايولي الردود برك من بعد نطل

بركاي من التمسخير

اغسليهم مليح بالماء والخل وقلبيهم وعاودي اغسلي وماتشفقيش على الماء

وعمريهم عادي

أم ماجد · 2014-10-08, 08:22

سلام لبنات راح عليا الحال
نسيت شرشمت بطاطا للبنات هههههههههههههه

kaouka · 2014-10-08, 08:23

Nihale طالبة ام ياسين biba ام تاجو ام ماجد ليزا جيادا ملك ام سراج ياقوت ام رحاب طيري الجنة awladi ام سيهام مرام كمل نقلكم صباح الخير ولي نسيتها تسمحني

دائمة الحمد · 2014-10-08, 08:26

صباح الخيرات لكل الملتحقات
كاووكا الله يهنيك ويبارك فيك
اللحمر محمر في الكوكوط
نعمل حوالي نصف فنجال ماء في الكوكوط ونشعل عليه نار قليلة
نجيب قطع اللحم تاعي نعمل معاهم ملح موتارد درسة تاع ثوم وتوابل اكليل يابس ونخلطهم مليح ثم نصبهم في الكوكوط يكون الماء غلى ونقطع من فوق نص حبة طماط وكمية معدنوس وما نحركش ونغلق الكوكوط ونقص خلاص النار ومرة على مرة نفتح ونراقب الطياب تاعو ونقلبو على الجيهة الاخرى
لما يطيب نفتح الكوكوط ونصب عليه كمية قليلة زيت ونخليه يتحمر من جميع الجهات والكوكوط مفتوحة وشهية طيبة

ام سهام 02 · 2014-10-08, 08:31

صباح الخيرات والانوار على وجوه الخير

جياد كنت متاكدة بلي ديري عرضة وعليها الكلام يعطيك الف الف عافية

ام ساجد كلشي مبروك لاختك ربي يزين سعدها ولعقوبة لبنات المنتدى لمازالو

الاخت nabila222 ديري التشارك والعرايش بالعجينة السحرية و المقروط والصابلي او الجلجلانية ومبروك لماماك الحجة

طير الرحمة · 2014-10-08, 08:31

] .. ما أجمــــــــــــــل .. [] ..
.."ღϡ الصبــــاح حينمـــا نصحوا و قلوبنـــا بيضـــاء
.."ღϡ تحمــل داخلهــا دعـــوات لأغلــى الأحبــــة
.. [] .. فـ يـــــــــــــــارب .. [] ..
.."ღϡ أجعــل صبــــــاح احبتــي في الله
.."ღϡ صبــــــاح الشاكــــرين صبـــــــاح الذاكــــــرين
.."ღϡ صبــــاح المستغـــفرين
.. [] .. اللهـــــــــــمـ .. [] ..
أن هؤلاء الأحبة لهمـ مسكن فـ القلب
فـ اجعــل مسكني ومسكنهمـ في فردوسك الأعلى

x ام رحاب x · 2014-10-08, 08:37

السلام عليكم ورحمة الله وبركاته
صباحكم يعيد دائمة الحمد ام ماجد كوكا نهال طالبة الجنة وناد وكل الحاضرين واش اصبحتو ان شاء الله راكم بالف خير

x ام رحاب x · 2014-10-08, 08:39

صباح الخير حبيبتي ام سهام واش راكي من التعب تاع العيد
صباح الخير طير الرحمة والله يعطيك ماتتمناع على هاذ الكلام الطيب حبيبتي امممممممممممممممممممممممممممممممن

دائمة الحمد · 2014-10-08, 08:41

طير الرحمة راكي تنعشيني وتريحي نفسيتي بكلامك الشاعري
ربي يحليلك ايامك عزيزتي
غدايا بحول الله كرومة محمرة في الكوكوط راهي تطيب كنت معولة نعمل معاها روز ابيض غير ولدي قالي حمريلنا معاها البطاطا واكيد راح ندير ليه واش يحب
سلام من بعد راني مفرغة البورت شوسير تعمرت وخرجو الاحذية يطبطبو عليا في بابها نمسحها ونقص شوي من لي الاديداس تاع ولدي نمدهم راهم كا ين لي جايهم البرد وما عندهمش باش يشرو

دائمة الحمد · 2014-10-08, 08:43

ام رحاب صباح الانوار
ام ماجد راني حطيت طريقة المسلي كي تروحي شوفيها