مساء الخييير وان شاء الله تكونو كامل بخييير وصح عشاكم
كنت نراجع واش نقول اللي سلم عليا سلم واللي يسقسي على احوالي يسقسي اعييت على من نرد وشكون نخلي الله غااالب بروووود 
المهم بصحتكم كااامل واش طيبتو من محاجب وخبز وبيري وروز وووووو ربي يدوم النعم على الجمييع
الحمد لله كي راكي لاباس حبيبتي ام ياسوووو
ام اناسووو الله يبارك خرجتلك هايلة بصحتكم وربي يجيبلك سويعة ساهلة يااارب
زعمة راح نحط شوية طياباتي بطلت نحط غير المادلان اللي جربتو نخليكم على خييير 
اقتباس:
المشاركة الأصلية كتبت بواسطة رياحين الجزائر
صباحكم بالخير حبيباتي كلش وش حيتو فوووووور
انا راني عيانة عظم ما راهو لاصق مع خوه درنا البارخ شخشوخة عند سلفتي لفيونساي انتاع وليدها درنا 40كغ وكي كملنا جبنا قريب 3ساعات في الشتيح والرديح اصبحت في حالة لمزية العرس مازال انهار السبت العاقبة لكل وحدة عازبة
الغدا مازال ماخممتلوش عييت انلم مخي ههههههه
|
[
COLOR="Blue"]كلش مبرووووك وعقبال اللي بقاو وربي ينجحلك بنتك واولادنا يااارب
[/COLOR]
اقتباس:
المشاركة الأصلية كتبت بواسطة طالبة الجامعة
رايحة نجرب هذي الكيكة لعشية ان شاء الله  |
تامني بربي غير البارح كنت نتفرج فيها وهزيتها عندي في الورد امالا جربيها ورديلنا بالخبر وبصحتكم مسيقا
اقتباس:
المشاركة الأصلية كتبت بواسطة قمر 77
انا عضوة دائما معاكم و نحشم ندخل على خاطر ما نعرفش نحمل الصور لكن هد المرة ما صبرتش ام ياسو الحبيبة مريضة قلت نقلها على سيرو تيمونال راه هايل للوجعة انا دائما حاطاتو سوكور و ام ماجد وش اللي ضارك ربي يشافيكم نشالله كوزينة مربوحة للكل انا غدايا بيري بالدجاج محمر و حريرة و نشالله ندير خبزة تونس ببقهوة نتاع العشية عجوزتي راها جايتني نروح للاشغال الشاقة راني مازال مابديتش ربي معانا كامل
|
اقتباس:
المشاركة الأصلية كتبت بواسطة اسماء47
صباح الفل و الياسمين عليكم يا احلى عسولات
ان شاء الله تكونو بخير
عشائي البارح محاجب سخونين و حاريييييييييييييييين
|
بصحتكم
اقتباس:
المشاركة الأصلية كتبت بواسطة nawel zed
صباح الخير على كل الموجدين
ان شاء الله لاباس
سقسيتكم امس شكون مجربة مقروظ النقاش لام اماني ما جوبتونيش نزيد نسقسيكم على البقلاوة حابةنجربها لاول مرة وصفة شكون تنصحوني ديما نشوف البقلاوة قليل اللي نلقاها مليحة خاصة مشكلتهم انها طير هههه يعني الطبقة الفاصلة تاع الحشو ديما منفصلة ما عرفتش المشكل وين علابالي فحلات النصاااائح بليييز |
شوفي اختي نوال المقروض جرباتو اختي واطلعالها ما شاء الله وموالفة تجرب وصفات ام اماني وديما تحمرلها وجهها وتدعيلها بالخييير والباقلاوة المشكل انتاع الطبقة اللي تتنحى هو انك تتدهنيها بالسمن وهي لالالازم ما تتدهنش باش تتلصق في الحشو وربي يوفق
بصحتكم
اقتباس:
المشاركة الأصلية كتبت بواسطة دائمة الحمد
|
حلل وناقش وبصحتكم
امممممممممم مديلي طرف لحم لولدي لاخاطر ولادي واحد يحب الدجاج ولاخر اللحم
بصحتكم
[
( تقرير عن مشاركة سيئة )، و الموجودة أسفل كل مشاركة .
2014-09-24, 17:44
عيط الشيخ قالي ماتروحيش ياك مريضة
العرض العادي
