كرهت الزواج

[مشكلتي]

السلام عليكم
أنا فتاة في 34 سنة تزوجت في أوت الماضي ظروفي المادية جيدة بحكم أني عاملة والحمد لله وزوجي كذلك عامل ولا يبخل علي بشيء ولكن كرهت الزواج وندمت كثيرا لأني تزوجت
زوجي ما يلبيليش كامل رغباتي ما نحكيش على الماديات أو أمور العلاقة ولكن أنا نكون نحب حاجة هو ما يديرهاش
بتعبير آخر زوجي فنيان ما يحبش يعاوني على أساس الدار جديدة وأريد أشياء عديدة وهو ما هوش حارمني من الدراهم ولكن أنا ما عنديش الوقت باه نشريهم وهو ما يبغيش وعلى هذا الأساس يكبروا المشاكل بيناتنا ونوصلوا لنقطة ما نهدروش مع بعض ونعاديو بعضانا
كرهت الزواج واش ندير ؟ بغيت نروح لدار بابا
أرجو النصح

[aymen01]

هههههههههههه حبستيلي مخي الناس مشاكلها اكثر من مشكلة تافهة هاذي و لاباس بيها


عجبتني بغيت نروح لبابا احمدي ربي تزوجك و انت 34 سنه قريب قعدتي بايرا

معندكش الوقت حبسي الخدمة و اهتمي بدارك هذي وظيفه المراة

[little smile]

يا اختي تقبلي شخصية زوجك كيما يكون و حاولو تتفاهمو بالعقل
يعني لا ذاعي لمثل هذه المشاكل الصغيرة تفسد ما بيناتكم

[همسات ايمانية]

السلام عليكم
اختي بماانك حديثة عهد بالزواج فهذا شيء عادي ,,,,,,اختلاف الافكار والرؤى عن التدبير والتسيير واختلاف العقليات ,,,,,,,,اظن ان الرجل تعود على نوع حياة معينة وانت كذلك خصوصا ان عدم الزواج المبكر يجعل المراة متعودة على نمط حياة معين وتكون مرتبطة اكثر ببيت اهلها ,,,,,,,,,,,,,,,لذلك ارى ان ما تحسينه امر عادي جدا ,,,,,,,,مع الوقت ستتعودين على الحياة الجديدة ,,,,,,,,,,,,,وليس اجمل من الحوار
بالتوفيق اختي

[cokis katerina]

هادي مشكلة تافهة راكي عاد جديدا بديتو تدابزو يااه نسا اخر زمان. لي كيفك راهم يحوسو على الزواج بريق الناشف وانتي بعدا سايي بغيتي تروحي لدار بابااك يااو نعلي شيطان ماشي ساهلا باش تتفاهمو بلخف هادا عالم جديد عليكم هوا عالم الاسرة. واك زعما راكي تخدمي وراكي. مثقفى. ربي يهدئ الامور بيناتكم اما الاشياء لي تخصك ديرو نهار عطلة وخرجو معا بعض وشرو لي يلزمكم. هاداماكان

[" أبو عبود"]

يبدو انك لا تعيشين مع المجتمع الجزائري سأعطيكحقائق رهيبة عن الزوج الجزائري واقسم بالله إني صادق في ما اقول:
- اكثر من 90% من الازواج لا يشترون شيء ولا يغريون شي في البيت بل الزوجة هي من تفعل ذلك. الزوجة هي من يشتري الاواني وهي من يدفع الزواج لاعادة طلاء البيت وهذا طبعا بعد الحاح شديد. اما " مصروف الدار" والله لو يبيت بلاش لا يهمه الامر. إذا لم تطلب منه زوجته شراء شيء لا يفعل ويوجد من الازواج من يتذمر ولا يلبي الحاجيات وتضطر الزوجة لفعل ذلك ينفسها ويوجد من تقوم زوجته بطلاء المنزل لانه لايفعل ذلك بعد سنوات وتضطر هي لذلك. فعليك ان تعتمدي على نفسك فهذا حال الازواج.

[الامل]

الأمور عادية فلا تفتحو بينكم أبواب الشيطان

المرأة بذكائها تعرف كيف تكسب الزوج

[nawel zed]

يا اختي راكم جدد في الزواج حاجة باينة ما تقدروش تتفاهمو و خاصة على تفاصيل صغيرة ماتنسيش كل واحد فيكم كان عايش بطبيعة مختلفة رايحة توهي و تقولي واش داني نزوج كون قعدت حرة خير لكن سنة الحياة ارضي بما قسمه الله لك يا اختي ادعي لربي يحسن الاحوال يكون منك العقل عند اول عثرة طول نروح لدارنا الزواج مش لعبة حاولي تعودي راجلك كيما يقولو ولدك على ما ربيتيه و راجلك على ما عودتيه اصبري كافحي كيما ناس بكري اديها مني ماكانش زوج في وقتنا راهو يقوم بمسؤوليات كاملة لازم تتقبلي والا راكي حابة يمشي كيما يقلك راسك لااااا غالطة قادرة تبدليه بلا ما يحس تحاولي تغيري لكن بالمفاهمة و العقل و اللين مع الوقت ان شاء الله كلش يتبدل
النساء من الزهرة و الرجال من المريييخ
ربي يصلح الاحوال

[زايدي أمحمد]

السلام عليكم
حسبنا الله ونعم الوكيل شيطان انه يقوم بعمله جيدا بتفرق بينكم وانتم ايمانكم ضعيف اتبعتم الشيطان
الامور تافهة مثل هذه تريدي ان تذهبي الى منزل ابوك
اريد اعرف لماذا الانسان دائما ينظر بسلبيات
لماذا لاتنظري من منظور ايجابيات مثلا انك عاملة وهو لم يحرمك منه
مثلا قلتي انك لا تحرمي من مالك
فكم من زوج ياكل من مال زوجته
كم من زوج لايقبل عمل زوجته
كم من زوج يجعل زوجته عبدة بيته
اتقي الله الطلاق ليس الحل
بل الحوار والصبر اساس العلاقى يمكنك حل مشكلة
اتمنى لك التوفيق
والسلام عليكم

[*نـــور*]

اختي لا تتركي الشيطان يدخل و يفرق بينكما اصبري فقط و ستتعودين
علاجك هو ان تحمدي الله كثيرا على النعم التي اعطاها لك
ربي يفرج همك و يرزقك ذرية صالحة

[اسم مرا]

هذي مجرد مشكلة تافهة تفاهمي معاه و الله غير خطيك من دار باباك غير تفاهمو بالسياسة خير ما تكبروها

[ويبقى الأمل]

كرهتي الزواج لأسباب واهية.
كلنا كالقمر له وجه مظلم ، وزوجك عيبو انو كسول كيما راكي تقولي
كوني اذن انت النشيطة وحفزيه على أداء المسؤولية .مش تروحي لدار باباك.
مادامك خدامة اكيد راكي تخرجي وتشوفي واش كاين فالمجتمع .
اغلب النساء هازين مسؤولية البيت والاولاد لوحدهم وأزواجهم ماديا ومقصرين عليهم ،ورغم ذلك حامدين ربي.

[الألماسة]

ههههههههههههههههههههههههههههههه
اسفة لكن مشكلتك تافهة بكل ما تعنيه الكلمة
اتقي مولاك يا بنت الناس و خافي ربي و انعلي بليس
حنا العجوز وصلت باش تضربنا و سكتنا و صبرنا و مخرجناش حتى هما بعثونا عند دار والدينا
و مطلبناش الطلاق و رانا نستناو فالحلول
و انتي حابة تخربي دارك على جال هذي التفاهة
ما ننصحكش لكن ندعيلك
الله يهديك يا اختي

[المنصور3]

يا أخت هذا ليس داعيا لترك بيت الزوجية والرجوع إلى دار أبيك كما قلت ، أنت في بداية الزواج فقط و أعيدها ما زلت في البداية و لاشك أن تغير الجو الأسري حولك بعد خروجك من بيت أهلك هو الذي يدعوك أكثر للفراق ، و اعلمي أن هناك من صبرت و من صبر على أكبر مما تقولين بكثير ومع ذلك رجعت الأمور إلى أحسن ، الأمر الآخر نحن المسلمون نعلم أن التفرقة بين الزوجين من أهم أعمال الشيطان فاحذري و لا تسيري وراء وسوسته
و انظري إلى الجانب المشرق في زوجك إلى عطفه إلى محبته إلى كرمه المهم لا تبحثي عن السلبيات و إن وجدت فاصبري عليها و استريها فالأمر كذلك ينطبق عليك .
و نسأل الله أن يصلح بينكما و يهديكما

[hodayena]

المشاركة الأصلية كتبت بواسطة مشكلتي

السلام عليكم
أنا فتاة في 34 سنة تزوجت في أوت الماضي ظروفي المادية جيدة بحكم أني عاملة والحمد لله وزوجي كذلك عامل ولا يبخل علي بشيء ولكن كرهت الزواج وندمت كثيرا لأني تزوجت
زوجي ما يلبيليش كامل رغباتي ما نحكيش على الماديات أو أمور العلاقة ولكن أنا نكون نحب حاجة هو ما يديرهاش
بتعبير آخر زوجي فنيان ما يحبش يعاوني على أساس الدار جديدة وأريد أشياء عديدة وهو ما هوش حارمني من الدراهم ولكن أنا ما عنديش الوقت باه نشريهم وهو ما يبغيش وعلى هذا الأساس يكبروا المشاكل بيناتنا ونوصلوا لنقطة ما نهدروش مع بعض ونعاديو بعضانا
كرهت الزواج واش ندير ؟ بغيت نروح لدار بابا
أرجو النصح

السلام عليكم
اولا ماصبت نضحك ماصبت نبكي المهم ربي يهدي سرك
يا اختي انتي جابلب ربي عشتي في دار الاهل بزاف وتعودتي بلاك باباك يدير كلش لكن ياختي ادخلي في وسط المجتمع تعرفي بلي المرءة راهي دير كلش بروحها القضيان الشريان تخرج الكوارط دير كلش وزيد التربية وزيد كي ماشي حارمك من المال وعلاقتك معاه مليحة علاه تشتكي كي تكوني جاية من الخدمة اشري علاه تفتحي عليك باه جهنم وبليس راه غير زيد


اختي العزيزة ادخلي الى قسم مشكلتي وقلبي في قسم المشاكل الاجتماعية ومنتدى الحياة الزوجة وقراي مليح مليح مشاكل الناس انتي تولي تضحكي على روحك يا اختي شوفي الي اكثر منك وحمدين ربي اتهلاي في دارك وراجل صافي انتي لوكان تولدي غدوا من غدوا انتي تخرجي والراجل يربي لالا اختي اتعودي على انك مسؤولة وخلاص دار بابا بزاف انسايها ماشي غير شوية دار بابا لخطر الراجل يكره تروحي مرة او زوج الثالة تلقاي مرا وحدوخرا في بلاصتك تم تندمي