مرحبا بكن في ** الجزء90 ** من مطبخ واش طيبتي اليوم - الصفحة 18

أم ياسين الزهراء · 2014-09-21, 20:31

لبنات زوجي ع خرج يصلي المغرب لقاهم جابو السردينة جاني فرحان بيها تفكرت اختي ام ماجد والدجاجات ييييييييييييييييييييييي ياشماتة ابلى زازا في ياخي وصيتكم بعد 20 سنة زواج تولي الهدايا دجاجات وسردينة والدماغ ييييييييييييييييييييييييييي نقيتو على سعدي وجيت نسلم عليكم ونقلكم احلام سعيدة وغدوة اكيد سردينة ونخمم واش نزيد

حقى درت ديسار اللهلوبة تاع القفريط والكابوتشينو امممممممممممممممممممم تحفة غير جربوه

Omrihem · 2014-09-21, 20:36

صح عشاكم كامل انا اليوم درت شوربة البصل تاع الهام جات مذاقها روعة ومليحة في العشا

titina · 2014-09-21, 20:46

مساء الخيرات

يعطيكم الصحة لبنات على كل الأطباق
عشانا اليوم شوربة فرميسال مع طاجين جبن وسلاطة

وجبت معي صور من الأرشيف ايضا شاركت به في مسابقة بمنتدى آخر

عطرالذهب · 2014-09-21, 20:57

ملاك نورهان اهلا بيك حبيبة اسمحيلي هذا وين فات الرد نتاعي

ladymillion · 2014-09-21, 20:59

ام ياسو مادام فيها سردين غدوة بإذن الله نهز bus ونجي لعندك نتغدى ممممممممم هههه بصحتكم مسبقا

تيتينا الله يبارك طيابك روووووووووووووعة يسخ يسخف ونتمنالك التوفيق في المسابقة

ام سراج وملاك · 2014-09-21, 21:05

ام ماجد بصحتك بيري راكي كيفي ليوم
ام ياسو ربي يعينك على السردين وبصحتك مسبقا
كوكا اطباقك رووعة
تيتينا كلشيلك رووعة لي على شكل وردة الثانية كيفاه شكلتيها
ام هبوبة اول مرة نسمع بالسباقيتي على شكل بيتزا خرجلك روووعة شهيتني في السباقتي درتيه من راسك ولا كشما استخدمتي وصفة اخرى واطباقك روووووووووعة

أم هبوبة · 2014-09-21, 21:19

اختي ام سراج هده و صفة شعال وهي عندي كنت هزيتها من موقع اخر وادا عجباتك نكتبهالك

أم محمد تاج · 2014-09-21, 21:29

هههههه ام ماجد صفري وزيدي يستاهلو خخخخخخخخخخخخخ
ام ياسووو بصحتك الرومانسية ياواد يا شقي يابتاع السمك ههههههههههههههههههههه
رووووعة تيتينا وام سيرين ممممممممم تسلم الايادي

ام طيري الجنة · 2014-09-21, 21:34

مساء النور حبيباتي بصحتكم واش تعشيتو و يعطيكم الصحة و ربي يجازيكم على شقاكم
هذا عشايا درت طبعا كيما قلتلكم الروز كان باقيلي مع شوي حوت و زدت هاذو مربعات التونة شفتهم في النت و جربتهم و جاو بنان وخفاف اممم

و الحمد لله على النعم

أم هبوبة · 2014-09-21, 21:37

اختي ام سهام هدا وين شفت وصفة المشيهدة الف شكر و يعطيك الصحة ان شاء الله نجربها و نحطلك التطبيق للتقييم

ام سراج وملاك · 2014-09-21, 21:50

اقتباس:

المشاركة الأصلية كتبت بواسطة أم هبوبة

اختي ام سراج هده و صفة شعال وهي عندي كنت هزيتها من موقع اخر وادا عجباتك نكتبهالك

معليهش اختي اكتبهالي مكان حتى مشكل باش نستفادو كامل

عطرالذهب · 2014-09-21, 22:00

كاوكا وام هبوبة وام طيري يعطيكم الصحة
انا تعشيت كاشير وكسرة لانو عندي كوموند نتاع قاطو اليوم خدمت 300 حبة مقروض والحمد لله كملتهم

عطرالذهب · 2014-09-21, 22:03

تيتينا هذا وين شفت مشاركتك روزعة يعطيك الصحة بالصح واش من مرتبة ديتي

أم هبوبة · 2014-09-21, 22:37

ربي بكون معاك اختي عطر الدهب و بركلك في صحتك و الله خدمت القاطو تهلك واحد غبر القاطو نتاع العيد راهو يعييه ما ادراك و احدة تخدم كوموند و سيرتو المقروض خدمته تفشل و يعيي الله يقدرك

simasima · 2014-09-21, 22:37

السلام. لبنات حبيت نسقسيكم ادا عاملين جدول لاطباق الاسبوع افيدوني بيه