الجزء 87 من واش طيبتي في داري الجديدة الله يوسعها علينا الكل تفضلو - الصفحة 80

دائمة الحمد · 2014-09-05, 12:44

لهنا راني شفت كلش وكلش عجبني ماشاء الله عزيزتي وتفرحي وتزيدي ولعقوبة كي نشوفو حلويات نفاسك

أم ياسين الزهراء · 2014-09-05, 12:51

ياقوت لازم نعيط لمرت خويا ترجملي ياخي ماهدرتوش فينا ههههههههههههههههههههههههههه

ام سهام قوليلي فاش طيبتي البراج هايل يعطيك الصحة عندي شوي غرس وقيلة ندير براج كنت راح ندير رفيس راكي زعزعتي بطني ههههههههههههههههههههههه

Simassim · 2014-09-05, 12:58

اقتباس:

المشاركة الأصلية كتبت بواسطة yakot

السلام عليكم واش راكم شكرا للي دعاولي ربي يفرج عليكم كاملين ويفرحكم امين

اولتما لهنا كان غاس اتعدلت تصاور نينم اتفرط اغالنيم ذي تمقرطيم كمي اكمحرز ربي او مخوص كرا اقاذ فمانم ذي ثيط ثاني نت او لاش ذقس لمان ان شاء الله اتفهمط ثشو اكمدنيغ اكمحرز ربي تقبلي مني

هل من مترجم يحوم بالأجواء
فكرتيني بواحد العجوز كبيرة تلاقيتها بدزاير حلوة كي العسل بصح ماكنتش نفهم واش تحكي حتى ترجملي واحد البنت كانت معانا في الكونسولا

ان شاء تكون بخير دخلت لقلبي

lahna moka · 2014-09-05, 13:12

ياقوت بارك الله فيك حبيبتي تسلمي و رايحة ندير بنصيحتك
كوكا ربي يهنيك يا رب و العراس صراحة ما نحبش الهاماج على بيها ما نروحش
حبيباتي ياقوت ماهيش تمنشر فيكم هههههههه قالتلي لهنة اختي عدلي صور التصديرة هاذا ما كان هههههههه ضحكتوني
حقا عندي وصفة الموفن بالشكلاطا اسهل من السهل راني صورتها بالخطوات عندها شحال, شكون تحب نعطيها الوصفة تماركي اسمها على القائمة

أم ماجد · 2014-09-05, 13:20

لهنا انا الاولى نماركي هههههههههههههههههههه
دائمة الحمد ربي يشفيك وبوسيلي اسينات واش نحب البيبيات واوووووووووووووو
ريتاج ماتحليش الكوزينة حتى توصل 100 صفحة هكذا القانونواكيد رايحة تكون رائعة كروعتك
ام ياسو تغديت حوت وخليتلك سهمك استناي نحمل الصور هههههههههههههههه
عندي عرس في المساء واقيلا ماحبوش يخلاصو ربي يدوم الافراح مانكذبش عليكم نكون مريضة نسمع بزردة انوض نجري

أم ياسين الزهراء · 2014-09-05, 13:21

لهنة هههههههههههههههههههه راني نتمسخر برك وحبيت نبدل شوي الجو وبصحتك الفريت

لبنات حوست وحوست وحوست حتى تبحرت على وصفة ام رامي تاع البراج اللي تلقاهلي نترجملها واش قالت ياقوت للهنة ههههههههههههههههههههه

ربي يتقبل منا الصلاة والدعاء المسجد قدامي كملو نروح نوجد الفطور يوم موفق للحلوين

أم ياسين الزهراء · 2014-09-05, 13:22

حقى لهنة ماركيت نسيت

ام ماجد راح تمرضيني بالافراح الله يدومها عليك وتعيشي على الحوت اللي تمسو تشوف واش يصرالها هههههههههههههههههه

ليال 22 · 2014-09-05, 13:28

سلام اختي لهنة ممكن تقوليلي واش من وصفة درتي نتاع الصابلي خرجلك توووب شهيتيني فيه وااااع وراني مريضة مانقدرش نوض نديره .

مرام 1987 · 2014-09-05, 13:36

اقتباس:

المشاركة الأصلية كتبت بواسطة أم ياسين الزهراء

لهنة هههههههههههههههههههه راني نتمسخر برك وحبيت نبدل شوي الجو وبصحتك الفريت

لبنات حوست وحوست وحوست حتى تبحرت على وصفة ام رامي تاع البراج اللي تلقاهلي نترجملها واش قالت ياقوت للهنة ههههههههههههههههههههه

ربي يتقبل منا الصلاة والدعاء المسجد قدامي كملو نروح نوجد الفطور يوم موفق للحلوين

السلام عليكم
تفضلي أم ياسو

https://omrami44.blogspot.com/2012/12/blog-post_18.html

أدعولي ربي يفرج عليا راني راحا نتخنق من الغمة والله
أستغفر الله آستغفر الله أستغفر الله

دائمة الحمد · 2014-09-05, 13:40

ام سهام لبراج باين روعة يعطيك الصحة

ام ماجد شكرا على السؤال وبصحتك العرس

lahna moka · 2014-09-05, 13:44

راني نحمل في الصور دوك نحط الوصفة
ليال حبيبتي وصفة الصابلي هي وصفتي بالمرغرين و الزيت و ما نبدلهاش ابدا شوفي هنا الوصفة الأولى صابلي بشكل قوفريط بصح انا هنا بدلت الشكل فقط
https://www.djelfa.info/vb/showthread.php?t=1440402

أم ماجد · 2014-09-05, 13:52

لبنات البارح هاوشت على الهندي نقيت شوية ومن بعد انشغلت رجعت للكوزينة لقيت الحبوبة صلاة كملاتو ربي يخليها

وهنا حفيظ المدلل كي يغضب يروح للمكان هذا

وهاذي كسرة القمح درتها من ايام

وهذا غدانا اليوم

قضيان شيخي حبوبي ربي يخليه لنا

واليوم صلاة راحت اعطاوها جائزتها تاع القران من الجمعية واش نقول غير ربي يبارك في هاذ الجمعية اللي تساعد وتشجع في اولادنا ويفرحهم وينوللهم اللي في بالهم يارب يارب

ام سراج وملاك · 2014-09-05, 13:57

مساء الخير جمعة مباركة للجميع يعطيكم الصحة واش طيبتو
انا ليوم درت بربوشة كيما تقولو طعام وفلفل حار واليوم هو عيد ميلاد بنتي ملاك قفلت عام درتلها تورتة اول مرة نديرها جات تشبه شوي حبيت نشريلها بصح مزال متعرفش صلاحها قلت لاشة كي دير عامين انشاء الله نديرلها عيد ميلاد مليح تفرح بيه صورت تورتة بصح بلاباراي منعرفش نحط منها الصور ضك نحاول خويا يجيني ونحطهالكم مع تصاور حلويات مصورتهم من قبل بصح متضحكوش علي تورتة نتاعي راني غير نتعلم

دائمة الحمد · 2014-09-05, 13:57

ماشاءالله ام ماجد وصلاة ربي يحفظها ويوفقها
وحفيظ قتلني بالضحك على مكان الغضبة ووعلاش تغضبوه
وقضيان الشيخ هايل ربي يخليهولك ومشاعرك راهي رومانسية اليوم

Aya69 · 2014-09-05, 13:58

نداااااااااااء إإلى لهنة صوور نتاع تصصدديرة مباننوش رااح يقتلنني تقرعيج شوففي حل االله ينورك ويفتحلك أبواب لخير ياارب