الجزء 87 من واش طيبتي في داري الجديدة الله يوسعها علينا الكل تفضلو

[ساندي 28]

ليزا شكرا عزيزتى
بنات جاوبونى اعطونى احسن ماركه لمشينه تاع البقلاوة::sdf:: sdf:: [/color][/size

[لينا11]

سعيدة اهلا بيك حنونة
خلاصة العطلة ضرك رؤوس تظهر بالوحدة خخخخخخخ
هذاك روز مخلط معاه زيتو وحار يشوي ياحنونة
طايب نورمال فالكوكوت مع بصلة مرحية وتوابل وزيت ولوحي عليه روز ومرقي وعسيه لا ينشف
كي يطيب ديريلو من الفوق زيتون وطرشي ومايوناز في بلاصة فروماج

وكاين سلاطة وفريت مع طراف دجاج

رياحين والله بجاية تهبل بصح العام هذا الغاشي بزاف كاين حتى من صحراء الغربية وتاع جنوب ثاني بزاف

[أم ياسين الزهراء]

راني جيت كنت في الميناج والتسياق وخفت نطول معاكم يروح علي الحال

حبيباتي اللي مارديش عليكم والله الزهايمر والكبر اسفة البارح المبتداة دارت ليبيني ونسيت نقوللها راه روعة جربتهم وخرجولي فور وبصحتكم

ساندي الله يخليك ياحلوة ربي يعيشك ادا نسيتك تنساك الموت والماشينة اشري الغالية هي المليحة

لينا راح نجي وجدي روحك وحمريها مليح مليح وربي يزين سعد اختك

كوكا اهلا بيك عندي ارواحي دوشي ونديرلك العيش حار هههههههههههههههههههه

غدايا كباب لقيتو ساهل بعد التسياق ودوقى بقالي الفوق نشوف نسيق ولا نخليه للعشية والله المعين

الملتحقات اهلا بيك وبصحتكم الفطور نكمل غدايا ونشوف واش ندير للقهوة

حقى اللي باركلي على عيد ميلاد ياسين شكرا واللي كان عيد ميلادو البارح سنة حلوة واللي مريض الله يشافيه

ام ماجد جابولي صندوق هندي ارواحي تنقيهولي مانعرفش ييييييييييييييييييييي خايبة ونعطيك النص للشيخ ياخي يحبو

قريب عرس بنت خاة ام محمد ربي يزين سعدها

[سهام ريحانة أبي]

غدانا اليوم من يدين ماما لحبيبة شخشوخة بالكابويا راهو كاين الخير اللي تحب الكابويا تتفضل
بث تجريبي على ما حضرت الصور

[ادرارية]

المشاركة الأصلية كتبت بواسطة الأمنيات

السلام عليكم صح عشاكم
درت حريره من بعد خليتها قلت ندير حاجه خفيفه والحريره لغدوه ان شاء الله
ادراريه واش راكي البارح كتبت لك رد طويل وراحت الكونكسيو وععععع يا اختي الله يعطيكم الصبر على السخانه الي عندكم هههههه
بصح ادرار كبرت بزاف كنت متمنيه نشوف جامع الشيخ ما قدنيش الوقت

كنت نراجع ومزال ماكملتش شفت ردك وي وعلاش ماقلتليش راكي عندنا وتجي لعندي والله حرام وحرمتينا من شوفتك صح كي جيتي وين قعدتي

[ام طيري الجنة]

السلام عليكم
صباح الانوار ليكم كامليييين
هذا وين جيت من الخدمة صعب بزاف باش نوالفو من جديد الروتين نتاع العمل و ننساو الروتين نتاع العطلة ...ماعليش الله يعاوننا و عودة ميمونة لكل عائد للعمل سواءا من سلك التعليم او غيره
رياحين مرحبا بعودتك و ربي يشافيلك بنتك و تفرحي بيها يا رب و ارواحي عندي و نديك للبحر حتى تشبعي بصح على شرط انت تاني تديني لهذيك الطبيعة الخلابة اللي وريتيهالنا و ناكل الماكلو اللي تطيب في الطبيعة اممممممممم بعيدا عن ضوضاء المدينة يا سلاااام واش رايك
الهام تفطري بالصحة و ان شاء الله تكوني تغلبتي على لاكوموند نعرفك فحلة
ام رحاب مرحبا برجوعك وان شاء الله تكوني بخير انت ووليداتك و مولى دارك وتكوني فوتي عطلة مريحة
ليزابيل ربي يعينك على الضيوف مع التعب نتاع الرحلة و الحماة رايحة جاية رايحة جاية راني حاية بيك ربي يعااااونك و يقاويك بصحتك الحريرة
لينا بونجوغ و نقولك بصحتك . الاطباق كلها رائعة و سيرتونتاع البحر شحال تجي حلوة رغم انها تمدار في ضروف صعبة اما بالنسبة لاختك اوووه ماشاء الله الله يبارك راها خير مني دوك نجيبلها كوموند قولها توجد روحها هههه
سهامي بون كوغاج مع القاطو يالله ازدمي وورينا ابداعاتك مادام عندك قلب حي اكيد راح تجيبيها بالتوفيق
سعيدة ربي معاك التربية صعيبة وربي يعاونك اختي في ميزان حسناتك
ام ماجد و ام الهضاب ادرارية و بشرى و كل العاملات ربي يعاونكم
لهنة توحشنااااااااااااااك طلي علينا يا عروسة
كوكا و ساندي ربي يعاونكم على الشقا و صباح النوووووووووووووووووووووور
بشرى يا درا واش درتي فيها مع مقر العمل ان شاء الله يكةن قريب

[kaouka]

https://atyabtabkha-recipes.s3.amazon...87d794523d.jpg

[kaouka]

هدي ليزا وام مجد هوما ليحبو لحوت انا منحبوش https://atyabtabkha-recipes.s3.amazon...04b556edba.jpg

[kaouka]

https://atyabtabkha-recipes.s3.amazon...ae8eb.jpgإقرأي المزيد*https://atyabtabkha.3a2ilati.com/وصفا...C9iA3ctXلتحضير العجينة:دقيق أسمر*- كوب ونصفبيض*- 1فركتوز*- ربع كوبقشر ليمون حامض*مبشور - نصف ملعقة صغيرةفانيليا*- ملعقة صغيرةزبدة*قليلة الدسم - 100 غراملتحضير الحشوة:فراولة*مغسولة ومقطّعة إلى شرائح - 500 غرامحليب سائل*خال من الدسم - كوبانفركتوز*- نصف كوبفانيليا*- ربع ملعقة صغيرةنشاء*- نصف كوببيض*- 2

نصائح

- تحتوي كل حصة من هذا الحلى على 170 وحدة حرارية.- جرّبي من موقع أطيب طبخة وصفات حلى للرجيم شهية مثل*كيك الشوكولاتة للرجيموتيراميسو لايت.

طريقة العمل

1- لتحضير العجينة، أخلطي في وعاء البيض والزبدة والفركتوز والفانيليا وقشر الليمون الحامض المبشور.2- أضيفي الدقيق تدريجياً مع الخلط المستمر حتى تحصلي على عجينة متماسكة.3- مدّي العجينة ثمّ ضعيها في صينية تارت واتركيها جانباً لحوالى ساعة حتى ترتاح.4- أدخلي الصينية إلى فرن محمّى مسبقاً على حرارة متوسّطة لحوالى 15 دقيقة.5- لتحضير الحشوة، ضعي في وعاء صغير النشاء مع نصف كوب من الماء البارد واخلطي جيداّ.6- أسكبي الحليب في قدر وضعيه على النار حتى يغلي ثمّ أضيفي إليه مزيج النشاء والبيضتين والفانيليا والفركتوز.7- حرّكي المزيج باستمرار حتى يشتدّ ثمّ أسكبيه فوق عجينة التارت الباردة.8- أتركي التارت في الثلاجة حتى يبرد ثمّ زينيه بشرائح الفراولة وقدّميه على سفرتك. هدي ل الهام تاع ريجيم انا حبستو خخخخخخخخخ مقدرتش

[R I A D]

عزيزاااااااتي صباحكم بالخير و الربح و الهنااااء
ما راجعت والو
صحة غداكم كامل سون زيكسيبسيون
غدانا بيري و اسكالوب و سلاد و الحمد لله

اللهم انت ربي لا اله الاّ انت
خلقتني و انا عبدك
و انا على عهدك و وعدك ما استطعت
اعوذ بك من شرّ ما صنعت
ابوء لك بنعمتك عليّ
و ابوء بذنبي فاغفر لي
فانّه لا يغفر الذنوب الاّ انت

[ام طيري الجنة]

احلى صباح لاحلى ام رياض كيف حالك و الله و الله راكي في بالي و ما شية نصبح عليك حتى دخلت قالك القلوب عند بعضيها

[لينا11]

ام طيري الجنة اهلا قمورة
كي عادت فيها كوموند هاكي زيدي هذي ديري لها بوبليسيتي خخخخخ

[دائمة الحمد]

صباح الخيرات للكل ما قدرتش ندخل عندي الضياف
عودة موفقة للزميلات العزيزات
لكان قدرت نسرق روحي ونراجع بالشوي
سلام وصحة غداكم

[ام طيري الجنة]

المشاركة الأصلية كتبت بواسطة لينا11

ام طيري الجنة اهلا قمورة
كي عادت فيها كوموند هاكي زيدي هذي ديري لها بوبليسيتي خخخخخ

روااائع الله يبارك راكي سخفتيني شا يوصلني لبجاية يسلمو ايديك و اديها يافحلات الله يبارك ويزيد

[عطرالذهب]

صباح الخير
واخييييرا رجعتلي عضويتي واااااااو