الجزئ 86 من واش طيبتي اليوم بسم الله تفظلو

[أم ماجد]

صباح الخير عليكم كامل حبيباتي
ليزا طلتك ولا القمر
الهام طمنينا على الغريبية لقبيحة ههههههههههه
لبنات ماتكسروش روسكم غدايا عندي
ناوية على البغرير راكم معروضين كامل

[lyzzabel]

ام سهام صباح الفل حبيبتي و ممممممممم البريوش روووووعة يعطيك الصحة

نورهان انا تاني جبتلك باش تتقهوي ،، صابلي بطلب من ن ع ،، نص درتله الكاوكاو فالحواشي و النص خليته سادة هو يبغيه هاكا

[أم ضياء عبد الرحيم]

المشاركة الأصلية كتبت بواسطة simassim

سعيدة راكي هنا هادي غيبة يااختي ان شاء الله تكوني بخير


جيادا ماقدرتش نبعتلك رسالة بارك الله فيك ان شاء الله نديروا نهار ونروحوا نتمرمدوا انا ولدي فالهمج تاعهم وااااااااع

ربي يعينك سماسم زيد مع الحمل ما نعرف كيفاه تصرالك لكن قوليلهم بلي راكي حامل لعلاه يفوتوك طول

المشاركة الأصلية كتبت بواسطة lyzzabel

جيادا يعطيك الصحة على السفنج نفس طريقتنا

سعيدة راني الحمد لله لاباس حبيبتي ،،و نتيا و الاولاد انشالله ملاح

تسلمي ليزا شكرا

المشاركة الأصلية كتبت بواسطة nihale89

صباح الانوار للملتحقات
جيادا شكراااا حنونة كملي وسامحيني في تعبك

من عيوني نهولة اسمحيلي البارح

المشاركة الأصلية كتبت بواسطة simassim

جيادا السفنج باش يجيك خفيف قليه على زوج مرات
حطي مقلة فيها شوي زيت قليلة مين تحمارك حطيها في مقلة زواجة فيها زيت بزاف وكمليلها القليان يجيك منتفخ وخفيف

طريقة مليحة ان شاء الله نجربها

المشاركة الأصلية كتبت بواسطة ام سهام 02

راني جبت لكم باه تشربو قهوة بريوش المدور محشي بالشكولا و لعلى شكل هلال محشي بكنموبت التفاح مممم

تسلم الايدي يشهي ممممممم

[دائمة الحمد]

صباح الخيرات يومكن سعيد وجمعة مليئة بالطاعات والعبادات
غدايا كسكسي كالعادة والعوايد بصحتكم واش را ح طيبو

[malek nour hane]

اهلييييييييين بسيماسيم.جيادا.سعيدة.ام ماجد صباحكن فلللللل
ام ماجد راني جاية مانقولش لالا
ليزاتي ربي يخليك اممممم نموت عالصابلي يم يم يم خلاص اني هزيت صحن لي فيه الكاوكاو ليا وحدي ههه

[lyzzabel]

ام ماجد ربي يخليك طلتك الأغلى حبيبتي ،، و راني جاااااااية ،، البغرير ما عندي حاجة فيه بصح من عندك ما نقوووووولش لاااااااا

سمسومة حنا تاني نقلو السفنج كيما قلتي على مرتين ،، بصح ما نكذبش عليك الكثرة نطيبه في مقلة وحدة باش ما نكثرش الماعين :d:d،، ديري شوربة ولا حريرة و معقودة

[nihale89]

جيادا السماح حنونة
حطيانا رابط المدونة
ام ماجد صباااااااااااااحو
ام سهام ممم شهيتيني
ليزااااا هاتي حبة

[lyzzabel]

هاذو بعض طياباتي الأيام لي فاتو ،، ام ياسو راني جبتلك حقك تاع التشتشو يا الغالية







و الحمد لله على نعمه حمدا كثيرا طيبا مباركا فيه

داءمة الحمد بصحتكم الطعام حبيبتي

نهال ادي بصحتك كاين زوج طباسا

انا نخليكم ،، من بعد يأذن الله راني رايحة اداري كاشما نستف شوية حوايج راني موجدتهم ،، استودعكن الله الذي لا تضيع وداءعه

اللهم انت السلام و منك السلام تباركت يا ذا الجلال و الإكرام
و صل اللهم على سيدنا محمد و سلم تسليما

[Simassim]

بعد ما حليت الفريجيدار خمس دقائق وانا نستعون صبت واش راح ندير الفطور

ندير كابويا رولي بالكفته ولاصوص ونزيد شويه بطاطا لولدي معاها وباقيلي شوي روز من البارح نحطه معاهم
متنساوش لي طيبت الطعام تحط لي نشوف نستبن لول


جيادا ههههه شعبنا مريض وحد وقلبهم اكحل نهار لي رحت بولدي للبلاد للمرة الاولى وصلنا شوي روطار كان يخدموا فالطريق كي لحقنا للمطار صبنا غاشي بزاف قدت دايرة لاشين ساعتين وولدي فات خمس سوايع بلارضاعة مين واحد قبائلي قالي اللي عندهم الصغار يفوتنا كي جيت نفوت. طارو فيا وفي السيد وكي قلت لوحدة عني الحق نفوت طارت في قريب ولدي يطيح من يديا راجلي ولى كي الغول عليها وفي الأخير فوتونا وهم بقاؤها ينقرشو وقال ولي لا لا لازم تفوتي وحدك مع ولدك وراجلك يقعد بالباقاج يدير لاشين والله غي هبال حتى لي ندمت لي هبلت راجلي باش نروحوا للبلاد

[ام سهام 02]

ليزا راني اديت من كل طبسي حبة يعطيك الصحة وطيابك كالعادة يشهي وراقي

نهال وجياد يومكن موفق وشكرا على الاطرا ء

حبييتي دائمة الحمد احلى صباح ويومك مبارك وبصجتكم الكسكسي

[nihale89]

سماسم واش هي كابويا رولي

[أم ضياء عبد الرحيم]

المشاركة الأصلية كتبت بواسطة nihale89

جيادا السماح حنونة
حطيانا رابط المدونة
ام ماجد صباااااااااااااحو
ام سهام ممم شهيتيني
ليزااااا هاتي حبة

هذا هو الرابط فيه وصفات هايلة
https://www.mafleurdoranger.com/2014/...marocains.html

[Simassim]

هههه حنا الجريوات نقولولها كابويا

هادي مارانيش نكتب لهجتي راني نسيي نكتب كيفكم بصح مرات ننسى نحط كلمات من عندنا

[nihale89]

جيادا شكرااااااااااااااا حنونة
اعطيني وصفة الكوكا الي حطيتيها البارح

[أم ضياء عبد الرحيم]

المشاركة الأصلية كتبت بواسطة nihale89

جيادا شكرااااااااااااااا حنونة
اعطيني وصفة الكوكا الي حطيتيها البارح

نهولة العفو حنونة و وصفة الكوكا عدي الحشو كيما العادة و العجينة المورقة شريتها مقصوصة ساجية مربعات غير نحط الحشو و نبلل الاطراف بشوية ماء و نغلق بمربع اخر و ندهن بالبيض برك هذه كوكا تاع الفايحات كيما انا ما نعرفش نخدم لعجينة المورقة عييت ننجح فيها مع اني جربت قداه من وصفة في المنتدى