الجزئ 86 من واش طيبتي اليوم بسم الله تفظلو

[om kamilia]

ام الهضاب فطور خفيف يشهي قولي سي واشنو هو السماق

[ام طيري الجنة]

جيادا الله يسلمك حبيبتي و انت ايضا بصحتك البيتزا امممممم هي حبي الاول كيما كانت اممم
ملاك نور غي رواحي عندي و الدار كلها و مولاتها ليك غي امري و انا نلبي مرحبا بيك
اولادي صباح الانوار وعيدك مبروك هههه و الله يسلمك و انت تاني بصحتك السباقيتي مطرح ما يسري يمري يادرا واش درتي بلابات المورقة حرجتلك هايلة يا درا واش من لوك راح ادريلها
ام ملك الله يسلمك حنونة و بصحتك البيتزا انا تاني زوجي ما تبانلاهش فطور لذلك اذا درتها يليق نزيد معاها شيء اخر معليش خليهم يتقلشو يستاهلو
Simassim غي رواحي عندي حبيبةو انا نديرلك السفة و اللي بغيتي مرحبا
ام امنية بالشفا عليك ان شاء الله تكون التحاليل مليحة و بصحتك الفواكه مطرح مايسري يمري
ام سهام بصحتك البيتزا اليوم تفاهمتو عليها الف صحة ليك و لوليداتك
ام الهضاب كيف حالك يا العزيزة ان شاء الله تكوني بخير و بصحتك واش درتي بصح الشخشوخة تاني داخلة في الريجيم ؟؟؟؟؟هههههه
فطاليم بصحتك الطاجين و كي تطيبي خليلي حقي صحّ؟؟
بشرى العزيزة الله يسلمك و الف صحة ليكم السردين امممممم
ام كاميليا الله يسلمك و انت واش درتي ااااا؟؟؟؟؟ ههه

[ام الهضاب]

المشاركة الأصلية كتبت بواسطة omomnia15

صح فطوركم كامل جبت التحاليل السخانة تقتل ورحت للمارشي شريت عنب وخوخ و بوعويدة ولا اجاص مزال مصفارش كنت دايرة شابو على راسي الغاشي كامل يخزر في تقول ميقرية جايتهم من هيك بصح كي يسمعوني نعيط على امنية كي تهربلي في وسط المارشي يبطلو غاشي مزال حابس
جيادا البيتزا تشهي بصحتك لعشية ان شاء الله نديرها عشا
ملاك نور العرضة44444444444444 تسلم يديك
ام ملك بصحتها بنتك البيتزا وفطور راجلك خليهولو لليل باش تتهناي من العشا

هههههههههههه و الله غير ضحكتيني يعطيك الربح اعلى الشاپو ضرك الخضارة يغليو اعليك السلعة حاطينك اميقري ههههههه
بشرى أخاه كن غير ما يدخلوش المسيليات باش ما يضحكوش اعليا هههه
ام كاميليا السماق بهار يجيبوه من سوريا و الأردن يجئ في السلطة و اللحوم بنيييين
اولادي مشكورة على المجاملة

[Simassim]

[ام الهضاب]

ام طيري الجنة هههههه يا ريت الشخشوخة داخلة في الرجيم كن ما نشكيش منو أبدا هههه
على فكرة ليزابال درت اليوم الحمص بطريقتك هكذا حبة ما هربت هههههه يعطيك الصحة على الأفكار النيرة

[awladi]

ام طيري الجنة لبات درت ميلفاي عشقي الابدي جاءوالله تقول مشري كي نقطعو نصورلكم

[ام الهضاب]

اممممم سماسم يعطيك الربح يا مصيبة خليلي السلايط توالم الرجيم مع هذوك ليقالات انتاع الكفتة

[ام الهضاب]

المشاركة الأصلية كتبت بواسطة awladi

ام طيري الجنة لبات درت ميلفاي عشقي الابدي جاءوالله تقول مشري كي نقطعو نصورلكم

امالا راكي أختي حتى انا الميلفاي عشقي ههههه ما نبدلوش بحتى حلويات

[Simassim]

ههههه بصحتك يااختي رآهم ليك انا نطييب ونتفرج الطباسا برك ولات تغيضني الماكلة كي تنقاس

[ام سراج وملاك]

مساء الخير يعطيكم الصحة كامل واش طيبتو انشاء الله تكونو بالف خير

[awladi]

بصحتكم ام سراج وملاك راهم اشهو
ام الهضاب غدوة نعطيك حقك كي عشقك الابدي

[ام سراج وملاك]

المشاركة الأصلية كتبت بواسطة awladi

بصحتكم ام سراج وملاك راهم اشهو
ام الهضاب غدوة نعطيك حقك كي عشقك الابدي

ربي يخليك اولادي حقة خرجلك العجين المورق روووووووووعة هاذا وين كنت نراجع بصحتك وربي يحفظك من كل عين

[أم ملك]

شكرا أولادي على الرسالة مانقدرش نرد عدد المشاركات قليل
نزيد نتعبك أكتبيلي الكريمة لي درتيها في الميلفاي هي و الغوندو راه عندي عجينة مورقة خدمتها عندها بزاف و راني باغية نكملها
و جامي درت الميلفاي خدمت بيها غير مملحات شكرا مرة ثانية
بشرى أحبك في الله و شكرا على رسالتك حبيبتي مووووووواح
أخواتي لي عندها وصفة بالسلق تقولي جابلي السلق و بغيت نجرب كاش وصفة جديدة
ليزا ما بنتيش إن شاء الله تكوني لاباس
أم سهام بيتزاتك روعة
أم الهضاب بصحتك الفطور ماعليش على جال الصحة كل شيء يهون
أستغفر الله الذي لا إله إلا هو الحي القيوم و أتوب إليه

[imana]

"مساء الخير عليكم كامممل ان شاء الله تكونوا بخير شكون تمدلي وصفة تاع مقروط تكون مليحة ومجربة تعيشووووا[

[Oum Aness Bba]

المشاركة الأصلية كتبت بواسطة imana

"مساء الخير عليكم كامممل ان شاء الله تكونوا بخير شكون تمدلي وصفة تاع مقروط تكون مليحة ومجربة تعيشووووا[

السلام عليكم .. ان شاء الله تكونوا كااااامل بخير و بصحتكم واش طيبتو يعطيكم الصحة وفي موازين حسناتكم ياااارب

أختي إيمانا شخصيا المقروط جربت وصفات ام أماني رب يذكرها على خير هاااااايلين في زوج تاع المقلة و تاع الفرن .. اذا ما لقيتيهمش نحطلك الروابط تاعهم .. موفقة اختي