الجزئ 86 من واش طيبتي اليوم بسم الله تفظلو - الصفحة 35

أم ضياء عبد الرحيم · 2014-08-25, 17:57

اقتباس:

المشاركة الأصلية كتبت بواسطة om kamilia

لبنات شكون فيكم تعطيلي وصفة الصامصة بجوز الهند و الكاوكاو تاع اسلام آية , حبيت نديرها لعمة راجلي تديها رايحة تولي نهار الاحد باذن الله ونزيد لها شوية مسمن و نديرلها رشتة ان شاء الله , هي تسكنوبعيدة على باريس وماتلقاش وين يتباعو
و لا واحدة فيكم حابة حاجة نبعثها لكم قولو لي ما تحشموش ,ام انس, م صهيب, جيادا والله غير مني بالصح بقلب صافي

يا الله عليك يا ام كاميليا و الله حتى جاوني الدموع ربي يخليك و يحفظك كي خميتي فينا انا هذا العام ما روحتش لكن خويا روح قبل رمضان و بعثتلي امي الفريك و شوية شخشوخة و كي هبط لمرسيليا عند سلفتي شريت شوية حوايج
انا نسكن بعيدة على باريس 200 كلم و ماكانش خلاص حوايجنا يتباعو
ربي يخليك و يحفظك للاسرة انتاعك و الف شكر على هته الالتفاتة الطيبة

ضياء الكريم · 2014-08-25, 17:59

مساءالخير يالحراير وبصحتكم الطيابات واسمحولي ماشفت والو بالصح متاكدة انو الابداع والفن موجودين
راني لحقت ل210 حبات نتاع سكندرانيات مازالو 90 برك هههه زعمى قلال وبليت عجينة البقلاوة لازم نخدم 400 حبة يعني 3بلاطوات كبار وواحد صغير ومولات القاطو راح تديه غدوى لعشية وععععععععععع خايفة مانلحقش

om kamilia · 2014-08-25, 18:01

لبنات على بالى انا نوض نتوما تجو دردشو مورايا , معليش بصح بزاف لي مرهومش يبانووان شاء الله يفرحو في الاعراس, ولا vacances يولو بخير و لا في الدار خرجة و فرجة و رب يشافي كامل المرضى و يهدينا الى الصراط المستقيم

lyzzabel · 2014-08-25, 18:01

جيادا درتيني منيتي ههههه يا حبيبتي غير نزعق معاك و مواااااح تاعك راهي وصلتني ،، ربي يحفظك و انشالله تبقاي دايما معانا حتى توالفي الريتم ههههه ،، ولا شكر على واجب من عيووووني

طير الرحمة اهلاااا بيك غاليتي منورة

كاميليا انا ما عنديش الوصفة انشالله لبنات يفيدوك و ربي يجازيك على الخير لي راكي تديري فيه و بصحتهم ضيافك الرشتة و السلايط و بصحتك نتيا الشخشوخة

اللهم اني أسالك العفو و العافية في الدنيا و الآخرة

أم ضياء عبد الرحيم · 2014-08-25, 18:02

اقتباس:

المشاركة الأصلية كتبت بواسطة awladi

جيادا تفضلي رابط مايوناز بدون بيض راني جربتها وعجبتني وعجبت الزوج
https://www.djelfa.info/vb/showthread.php?t=1455239

ربي يحفظك اولادي باذن الله نجربها

اقتباس:

المشاركة الأصلية كتبت بواسطة om kamilia

نسيت باش نقولكم بلي قطعت شعري درت كوب صغيرة على الكتاف لانو راجلي ما يحبش قصيرة بقا برك نشيان ونولي كما بكرى ن شاء الله

ام كاميليا حنى كامل مع الريجيم انا عقدني زوجي

om kamilia · 2014-08-25, 18:03

رب يكون في عوك عطر ان شاءالله تلحقي و لا حبيتي نجي نعاونك راني قريبة قولي لي برك

om kamilia · 2014-08-25, 18:04

جيادا امالا نتفاهمو نبداو ensemble

lyzzabel · 2014-08-25, 18:05

اقتباس:

المشاركة الأصلية كتبت بواسطة ضياء الكريم

مساءالخير يالحراير وبصحتكم الطيابات واسمحولي ماشفت والو بالصح متاكدة انو الابداع والفن موجودين
راني لحقت ل210 حبات نتاع سكندرانيات مازالو 90 برك هههه زعمى قلال وبليت عجينة البقلاوة لازم نخدم 400 حبة يعني 3بلاطوات كبار وواحد صغير ومولات القاطو راح تديه غدوى لعشية وععععععععععع خايفة مانلحقش

واااااع عطوووورة ربي يقويك ،، انا قلت كملتيهم ستنيناك الصباح تخبرينا و ما بنتيش ،، و تزيدي البحلاوة ،، بربي تلحقي و توجديهم قبل الوقت ،، فقط سبحي و أستغفري و كلشي يسهل عليك بإذن الله

طير الرحمة · 2014-08-25, 18:06

ام كاميليا لا انا ماسافرت لتركيا من البلاد ماخرجت هههههههههههههههه
بصحتك لاكوب

دائمة الحمد · 2014-08-25, 18:07

عطورة على سلامتك ربي يعينك قلبي معاك
شوفي مع المرى واحكيلها الظروف واعطيها واش وجد وقوليلها الباقي كمليهولها بعد غدوة الصباح اكيد راح تتفهمك
علابالي االكلمة راهي سمعة الميتيي بالصح الظروف تحكم

ام طيري الجنة · 2014-08-25, 18:07

اووووووووه الحبيبة دائمة الحمد دخلت هلت الانوار واش راكي انت و اسينات و بنيتها و اميرة و كل العائلة الكريمة و الله الك وحشة كبيرة بزاف بزاف واش بغيت لوكان لقيتك في اسطنبول اكيد كانت تكون عطلتي اروع بشوفتك و لكن ما تفرطيش ابدا في دواك ابدا ابدا نحتاجوك كأم واخت عزيزة
ليزا امممم طيابك دايما هاااايل يليق تعلميني راني ناسي كلش واش تقترحي علي العشا اليوم

طير الرحمة شكرا حبيبتي على السؤال راني غاية و لله الحمد كيراكي انت ان شاء الله تكوني بخير انت وكل عزيز عليك

ضياء الكريم · 2014-08-25, 18:07

شكرا ام كاميليا كي عدتي قريبة لوحي خمارك وارواحي الباب راهو مفتوح ازربي ههههههههه
على ذكر الريجيم والله العظيم عندي 4سنين منلي كنت حاصلة في نفس الوزن ومستحييييييل نقول عليه واليومين هاذو وزنت لقيت روحي هبطت 9 كيلو بلاريجيم لاوالو ممكن التعب برك مش مصدقة هههههه

طير الرحمة · 2014-08-25, 18:08

تسلمي حبيبة ليزا
ربي يكون فى عون عطووووووووووورة والله بزاااااااف عليك

lyzzabel · 2014-08-25, 18:08

لبنات ام ياسو ما بانتش هاذي العشية و ام سهام تاني ما بانتش و نورهان انشالله المانع خير

العشا من دروك راني نخمم عليه :d:d عندي الكفتة و دوك نشوف واش نزيد معاها ،، راسي راه يقولي ديري البيض و ريحي ههههههه

awladi · 2014-08-25, 18:09

ام كمليا بصحتهم ضيافك التقلاش وبصحتك الكوب حنونة والوصفة مانعرفهاش يارب افيدوك لبنات
عطورا ربي يعاونك حنونة راني حاسة بك كي تكون كومند تاع الحلوى واععععععععععععععععععععع تعب كبير ربي يقويك حنونة بصح كي تخلصي اروح التعب ههههههههه
ام ملاك ماضهرتش اليوم غير الخير واش بك ادخلي
ام اناس صحة قهوتك راني عارفة راكي توقبي علينا