لمن لديه ملف طبي وسيلتحق بالثكنة

just do it · 2014-08-20, 23:14

قبل كل شيء الله يشافيك ويعافيك واذا كنت تدعي فقط فاعلم ان التزوير حرام وزيد تدعي المرض لاجل عام وربي عافاك نقولك حاجا والله تخرج فيك كنت نسمع على ناس بزاف ادعو المرض وهم اصحاء و ربي بلاهم بالمرض لي ادعوه حتى شفتها فواحد من كلاستي ادعى انه مريض من الحجر وطلع وهبط وفي الاخير فوتها والله كي بقاتلنا يامات باه نتميتاو جاتو ضربة شديدة لنفس المكان الي ادعاه ولليوم راه يعاني فاحمد الله على الصحة انا نفوت 3 سنين بصح ومتروحليش صحتي
المهم انت اللي عندك دوسي ننصحك بلي كي تدخل باب الكزيرنا غي دير فحسابك بلي راك غادي تفوتها وهي عل الثكنة الي تروحلها وعلى شحال باغيا تحكم بسك دخلو معانا وحدين كي تلاقيناهم عند طبيب قالونا حنا نخرجو ومنفوتوش زعما يضحكو علينا اماملا 10 بالمئة من اصحاب الدوسي عطاوهوم اعفاء تام و 20 فالمئة فوتوها معانا ومنحكيلكش على شعورك كي تدخل ونت طامع تخرج وفالتالي يحكموك والله التبسيمة غابت عليهم و 70 بالمئة الي بقات عطاوهم سورسي 6 اشهر وكمل حياتك غي سورسيات
اخوتي انا لااريد ان اكون هنا تشاؤميا ولا مثبطا للعزيمة ولكني اريد ان اصحح مفاهيم كثيرة خاطئة توارثناها عن خدمة وطنة من كلام الشارع ولكن الواقع امر اخر والثكنة قوانينها لاتسرب الى الشارع و لاتستطيع ان تحكم على وضعيتك بالاعفاء او الاداء لسبب من الاسباب
بدون اطالة ربي يسهل عل كل واحد ونشالله تتهناو من هذ المشكل ف اقرب وقت وبالاعفاء احسن من الاداء ولكن المهم تتهناو
وشكرا

amine9988 · 2014-08-20, 23:55

اقتباس:

المشاركة الأصلية كتبت بواسطة just do it

قبل كل شيء الله يشافيك ويعافيك واذا كنت تدعي فقط فاعلم ان التزوير حرام وزيد تدعي المرض لاجل عام وربي عافاك نقولك حاجا والله تخرج فيك كنت نسمع على ناس بزاف ادعو المرض وهم اصحاء و ربي بلاهم بالمرض لي ادعوه حتى شفتها فواحد من كلاستي ادعى انه مريض من الحجر وطلع وهبط وفي الاخير فوتها والله كي بقاتلنا يامات باه نتميتاو جاتو ضربة شديدة لنفس المكان الي ادعاه ولليوم راه يعاني فاحمد الله على الصحة انا نفوت 3 سنين بصح ومتروحليش صحتي
المهم انت اللي عندك دوسي ننصحك بلي كي تدخل باب الكزيرنا غي دير فحسابك بلي راك غادي تفوتها وهي عل الثكنة الي تروحلها وعلى شحال باغيا تحكم بسك دخلو معانا وحدين كي تلاقيناهم عند طبيب قالونا حنا نخرجو ومنفوتوش زعما يضحكو علينا اماملا 10 بالمئة من اصحاب الدوسي عطاوهوم اعفاء تام و 20 فالمئة فوتوها معانا ومنحكيلكش على شعورك كي تدخل ونت طامع تخرج وفالتالي يحكموك والله التبسيمة غابت عليهم و 70 بالمئة الي بقات عطاوهم سورسي 6 اشهر وكمل حياتك غي سورسيات
اخوتي انا لااريد ان اكون هنا تشاؤميا ولا مثبطا للعزيمة ولكني اريد ان اصحح مفاهيم كثيرة خاطئة توارثناها عن خدمة وطنة من كلام الشارع ولكن الواقع امر اخر والثكنة قوانينها لاتسرب الى الشارع و لاتستطيع ان تحكم على وضعيتك بالاعفاء او الاداء لسبب من الاسباب
بدون اطالة ربي يسهل عل كل واحد ونشالله تتهناو من هذ المشكل ف اقرب وقت وبالاعفاء احسن من الاداء ولكن المهم تتهناو
وشكرا

اخي حتى لي عندو مرض مزمن وملف طبي يثبت ذلك لازم يدير في بالو بلي راح يفوتهم

amine eco · 2014-08-21, 03:01

انصحكم بملفات طبية اي مرض اخترعوه و فيسو كفالة عقد زواج ضحايا ارهاب .....الخ ديرو كل طرق وباقي على ربي

كي تدخلو لي كزيرنة تعرفو واش معنتها قيمة ملف طبي

امر غريب في كلام هذا شخص كيف لانسان يفيس بلي مريض يمرض هههه رحعت بروفسور انت

+ هذا امر لابعاد ضرر 18 شهر ضيع من حياتك بلا فايدة زكثرين ندمو مداوش ملفات طبية معاهم و حكو 18 شهر

بنسبة للسورسيات اكرر واعيد بالاستثتاء باتنة والاغواط و بوسعادة في اغلب غالبا ملفات طبية حتى و تكون خفيفة يخرجو لكن باقي ثكنات ادي ملف وداخل كزيرنة تاستي عقلية كيفاه هههه
و ربي يوفقكم

amine eco · 2014-08-21, 03:03

ملاحظة هامة

اذا كان واحد شخص مريض فعلا فأكيد انه لا يظلم و سيعفى فقط يأخذ الوثائق اللازمة

aminebata · 2014-08-21, 09:52

خويا انت كي فوتهم راك باغي قاع الناس تفوتهم لالا خو متكونش اناني رانا في الجزائر ومكاش عدالة اجتماعية
ملا حنا لي لا حول ولا قوة لنا بقا غير ملف طبي هو مفر من الخدعة الوطنية الكفالة او رجعوها غير لاولادهم
او دوكة جي تقول مديرش ملف طبي او متكذبش لاو راح تمرض الله يهديك خويا العزير عدوك او متمنلوش 18 شهر روحو من حياتو بدون .....
اتمنى من ادارة حذف الموضوع وشكرا

no name rix · 2014-08-21, 10:22

أنت صاحب الموضوع تعتقد أن التزوير حرام على أولاد الشعب
أما أبنائهم فيتحصلون عليها بدون تكلفة الذهاب الى الثكنة
وأتحداك أن تعطيني اسم شخصية جزائرية ابنه عمل الخدمة العسكرية لمدة عام ونص
بالطبع لايوجد و هذا ليس تزوير بالنسبة لك بالعكس أولادهم في بلادهم الأم فرنسا بتبجحون بالفرنسية
وشابعين تقلاش من دراهم الشعب
لا أعلم لماذا الأغلبية ترى التزوير فقط في الشعب الأعزل
نقولك حاجة ربي يهديك وكل واحد حر في روحوو

just do it · 2014-08-21, 14:34

هذي لي مبغيهاش ف لي زالجيريان نتا تقولو حاجة وهو من شدة الذكاء يفهو عشر حوايج
اولا انا منيش اناي باغي الناس قاع تفوتها وديما نقول ف اخر لكلام ربي يسهل تجيبوها باردة انا واله غايظني الشباب الي عمرو 30 عام ولا كثر ومازال يجري مع لاريجيون وعرفش قاع بلاصتو وين راهي وانا قادر نقولك شربلك وساي والله يسهل فوتها ولا تخذ نت كي تفوتها مغدي نخلص عليك مغدي تفيدني بحاجة
اما عن الملف الطبي فلا تقولني ما لم اقل بسك انا مقلتش متديهش ونت مريض لالا قلتلك وجهة نظري نضيع عام ونص ومنتمناش نكون مريض مرض مزمن و بالنسبة اللي يضحك على الي يدعي المرض يصيبو كاين حديث لا ادري درجة الصحة نتاعو يقول لا تتمارضو فتمرضو
وبالنسبة ان التزوير للشعب المقطع ياخوبا كل شاة تتعلق من كراعها ويوم القيامة ربي كي يسقسيك على الشهادة الزور تما قولو ولاد الشخصيات كانو وكانو فيقال لك تحدث عن نفسك امالا درك روح زني وحبط وسرق وقول قاع الناس راها دير هذ الصوالح
ربي يهديكم الواحد سجل فهذ المنتدى عن حسن نية باه نستفادو وليت قواد دولة وشيات وباغي الناس قاع تفوتها و غايظتني ووووووو امالا فوتها ولا ريح والي معجبوش كلامي كاين ناس خرين يعرفو قيمتو راهم يسمعو فكفانا تعليقات فارغة شنعة عضو متالق
معلومة مهمة راني مشارك فعمل مع الدرك الوطني كل واحد نقنعو باداء الخدمة الوطنية نتحصل على مبلغ مالي وكي نبلغ عدد100 واحد يعطوني سكنة ههههه
بركاو متحشيو لروحكم باغي قاع الناس تدي الاعفاء امالا يليو الكزرنات فارغين
انا منتمنا حتى لواحد يفوتها بصح كما قيل شر لابد منه ويجي نهار تعرف قيمة كلامي
عذرا للاخوة ان كان في كلامي بعض الكلمات,,,, ولكن بعض الاعضاء ربي يهديهم تقول قاع متشاركش رايك يحوسو يفهم على عقليتو

Himoo9 · 2014-08-21, 15:43

بارك الله فيك اخي

BrahimWalid · 2014-08-21, 17:33

شوف اخي .. من جهة انو لازم لوواحد يدير كوراج و ينحي عليه الخدعة هادي راك صحيح
لكن حسب كلامك انت حابنا كامل نفوتوها ولا كيفاه ؟
موضوعك هاذا سيغلط الكثير لذلك اعتقد من الافضل حذفه

just do it · 2014-08-21, 19:52

خويا وليد انا مقلتش قع تفوفوها بصخ قلت لازم قع تتهناو منها باي طريقة الاعفاء ولا الاداء
وهذي مجرد نظرة تاعي ممكن صخيخة وممكن غلط وانا اقتنعت تماما بلي الهروب منها باب مسدود ضيع شحال من عام ونت هارب حتى تبغي تخدم عند روحك متقدرش بسك تخاف وفي النهاية تمشي تفوتها مع ولادك
رايي السخصي ومن فرضو حتى على واحد فقط اقول ما في جعبتي والحمد لله رايي خرجني فالصحيح ومتهني منها نخدم عند روحي ولا ربحت فكاش بوست ميديروليش سبة بالعسكر ونمشي وين نحب بلا منخاف حنا ديجا كانو معانا ثلاثة دخلو يفوتوها تعرف علاش مشي حبا فيها دخلو بسك ربحو فحد الكونكور ومن بعد دومنداولهم العسكر كي مكانش بدلوهم
عموما مشكور اخي على النقاش المؤدب مش كيما وحد الاعضاء هو جامعي وميعرفش حتى يتناقش
وشكرا واعتذر ان كنت بدوت كاني افرض رايي بتاديتها فلم لقصد لان ما قصدته هو المهم تتهناو منها بالطرق المشروعة
والسلام عليكم

BrahimWalid · 2014-08-21, 20:18

بلا مزية أخي الفاضل
انا لم أقل أن رأيك خطأ .. لأنو لكل انسان ضروفه الخاصة
و انا را نروح نشالله و ندي معايا ملف طبي لكن لازم ندير تاست اذا كان من الافضل اني منقدموش و ربما يعطلني بالاك منمدلهومش
انا الي يهمني هو اني نتهنى من جدها الحلوف بأي طريقة كانت معريفة كذب شفقة لي جات المهم نقوللهم أوغوفوار كي نجي خارج هادي هي برك

no name rix · 2014-08-21, 20:20

يأخي أنت علابلي نيتك صافية وربي يجازيك على الافادة
هناك الكثير من التجاوزات وليس مناا فقط بل حتى منهم
وأنا لا أريد البحث عن البحر في الصحراء
+
الناس راهي على الأعصاب فالوقت هذاااا
ان شاء الله تفرج

just do it · 2014-08-21, 22:43

خويا وليد نشالله يطلقوك بصح رد بالك تقولهالهم ونت عاد مخرجتش ولا معطاوكش الورقة كي يمدولك الاعفاء و تخرج برا على الباب وتتكل على كرعيك بلي ميحكموكش قولهالهم وكثر من هديك
ههههههههه
ربي يوفقك

anis bou · 2014-08-22, 00:44

اقتباس:

المشاركة الأصلية كتبت بواسطة just do it

قبل كل شيء الله يشافيك ويعافيك واذا كنت تدعي فقط فاعلم ان التزوير حرام وزيد تدعي المرض لاجل عام وربي عافاك نقولك حاجا والله تخرج فيك كنت نسمع على ناس بزاف ادعو المرض وهم اصحاء و ربي بلاهم بالمرض لي ادعوه حتى شفتها فواحد من كلاستي ادعى انه مريض من الحجر وطلع وهبط وفي الاخير فوتها والله كي بقاتلنا يامات باه نتميتاو جاتو ضربة شديدة لنفس المكان الي ادعاه ولليوم راه يعاني فاحمد الله على الصحة انا نفوت 3 سنين بصح ومتروحليش صحتي
المهم انت اللي عندك دوسي ننصحك بلي كي تدخل باب الكزيرنا غي دير فحسابك بلي راك غادي تفوتها وهي عل الثكنة الي تروحلها وعلى شحال باغيا تحكم بسك دخلو معانا وحدين كي تلاقيناهم عند طبيب قالونا حنا نخرجو ومنفوتوش زعما يضحكو علينا اماملا 10 بالمئة من اصحاب الدوسي عطاوهوم اعفاء تام و 20 فالمئة فوتوها معانا ومنحكيلكش على شعورك كي تدخل ونت طامع تخرج وفالتالي يحكموك والله التبسيمة غابت عليهم و 70 بالمئة الي بقات عطاوهم سورسي 6 اشهر وكمل حياتك غي سورسيات
اخوتي انا لااريد ان اكون هنا تشاؤميا ولا مثبطا للعزيمة ولكني اريد ان اصحح مفاهيم كثيرة خاطئة توارثناها عن خدمة وطنة من كلام الشارع ولكن الواقع امر اخر والثكنة قوانينها لاتسرب الى الشارع و لاتستطيع ان تحكم على وضعيتك بالاعفاء او الاداء لسبب من الاسباب
بدون اطالة ربي يسهل عل كل واحد ونشالله تتهناو من هذ المشكل ف اقرب وقت وبالاعفاء احسن من الاداء ولكن المهم تتهناو
وشكرا

mercie khoya 3la etawdi7e w ali golto shih mai matenssach beli hado ali tehki 3liham weli ydiro f chi hada ta3 les dossi wela ta3e kafala an machi hakdak berk lokan majetch had el khod3a el watania tdarhom lsah sur tou ali 9raw

aminebata · 2014-08-22, 20:39

خواتي هذا الانسان just do it قاعد يكذب على الناس او سريتلو عقدة نفسية من العسكر لانو فوتهم ومبغيش ناس تدي اعفاء ونعرف ناس بزاف لي كيما هذا لاكا يعطولك لاكارت سواء بتكوين ملف أو اعفاء رئاسي اولي مهوش مليح او يزعف هو فوتهم او هما لالا يل خويا العزيز نعل بليس او متكونش اناني و الدليل على ذلك عندو موضوع أخر تان تقول بلي عندو خوه هبل كي داوه عاصي وهذا هو الربط الموضوع اخر
https://www.djelfa.info/vb/showthread.php?t=1656054

بدلا من النصيحةو والتوجيه وارشادات لانو كاين ناس عندهم حق في اعفاء لكن لجهلهم للقوانين فوتهم تروح تختلق قصص باه ناس تروح تكذب باه فوتو 18 شهر لوكان جات فيهم فليدة لو كان داروها الدول المتقدمة
لازم يطردوه من المنتدى اين انتم يا مشرفون
لا تدع نفسك امارة بالسوء تغلب نفسك امارة بالخير الله يهديك