الجزء 83 من واش طيبتي اليوم شاركوني أجواء العيد/ فرحتي بنجاح بنتي / رجوع أختي - الصفحة 26

عطرالذهب · 2014-08-03, 16:08

لبنات رانا جينا في المركز الثالث الف مبروك لينا

بشرى2008 · 2014-08-03, 16:13

باتيلا كاين بزاف البس بوووووووووووووووووسة ههههههههههه كاين نتاع لهنا هايلة نتاع ليدي تان هااااايلة وتان كاين نتاع mimicha 1979
وكاين اللي الكل يعرفوها
4 بيض كاس سكر عادي وكاس حليب وكاس زيت كاس سميد متوسط وكاس خبز يابس مرحي شابلور وكاس كوكاو محمص ومرحي وخميرة وزاست القارص وتخلطي كلش والى الفرن ومبعد تعسليها اممممممممممممممممممممممم

ساندي 28 · 2014-08-03, 16:13

مساء الخير
بليز اعطونى احسن وصفه للكروكي يكون مجرب رايحا نديه معايا لواحده مختنه وليدها بليز نروح بعد ساعه ان شاء الله

بشرى2008 · 2014-08-03, 16:17

ommnia على السلامة هادي غيبة وين كنت غاطسة اللباه جيتي هكدا تقولو صح عيدك وكل عام وانت بخير

أم محمد تاج · 2014-08-03, 16:38

ساندي حنونتي دخلت على جالك شوفي في الصفحات اللخرين تاع وصفاة لحراير تلقاي واقيلا تاع الحبوبة دائمة الحمد راه يهبل يهبل ضرك نحوس معاك كي نلقاه نحطهولك

omomnia15 · 2014-08-03, 16:38

الله يسلمك بشرى وصح عيدك كنت شوية عيانة والنت كانت مقطوعة حتى اليوم باش خلصتها واللباه منقولوهاش احنا ميلونج مدية تيسمسيلت صافي هدرتنا مراهيش 100 ب100 مدانية

ام ايمان 11 · 2014-08-03, 16:43

مساء الانوار اخواتي
رجاءا حابة نجرب المشوشة الي درتها ام رحاب ولينا تعيشوا اعطوني الوصفة راح نديرها الان

ام ايمان 11 · 2014-08-03, 16:44

مرحبا ام امنية الحمدلله كي راكي لباس

أم محمد تاج · 2014-08-03, 16:45

ساندي حنونتي مالقيتهاش ماحطوهاش لبنات خسارة ضرك نزيد نحوسلك

GOFRANEKRABI · 2014-08-03, 16:50

وقيلا نتوما مترحبوش بضياف جدد دخلت القيت السلام وحدة معبرتني السلام لله ، يا مسلمين ، وقلتلكم صحة عيدكم ،، على كل ندمت لي دخلت كتر خيركم وانا لي سميتتكم فحلات

عطرالذهب · 2014-08-03, 16:53

اقتباس:

المشاركة الأصلية كتبت بواسطة GOFRANEKRABI

وقيلا نتوما مترحبوش بضياف جدد دخلت القيت السلام وحدة معبرتني السلام لله ، يا مسلمين ، وقلتلكم صحة عيدكم ،، على كل ندمت لي دخلت كتر خيركم وانا لي سميتتكم فحلات

اختي ماتزعفيش منا انا والله ماشفتك اسمحيلي وراكي في دارك ادخلي واقعدي وكولي واشربي واتشرطي

ام ايمان 11 · 2014-08-03, 16:54

مرحبا بيك معانا اختي غفران و اسمحيلنا والله ماتولهنا.
يادرا كاش ما حلوى من العيد جبتيلنا

فاطمةع · 2014-08-03, 16:57

مساء الخير عليكم قولولي لي عندها وصفة بقلاوة ناجحة تمدهالي البقلاوة العادية مش نتاع لابات فيلو

بشرى2008 · 2014-08-03, 17:02

مرحبا بيك معانا gofranekrabi
علاش راكي مقلقة متتقلقيش الدار دارك مرحبا بيك ازدمي وجيبي طباساك وطيابك وزوخي بيهم علينا خلينا نشوفوهم هيا رانا نستناو فيك
هيا راه وقت القهوة جيبيلنا القهوة وقاطو العيد نشوفوهم
راحلك الزعاف ولا مزال

بشرى2008 · 2014-08-03, 17:09

فاطمة ع البقلاوة ندير 3كيلات فرينة كيلة ناقصة سمن فاني تقدري تديري 2 مغارف كبار نشاء كي تستعملي بالمخفية يعني الغرفية نتاع الشربة ونبسسها وندير خليط بين الماء وماء الزهر معاهم قرصة ملح وندير العجينة فى ساشي ونخليها ترتاح كلما ارتاحت كلما كانت مليحة
السمن نستعمل المدينة ولا المرجان راهم كيف كيف
ندهن السنيوة بالسمن ونحل الطبقة الاولى فى رقم 7 وندهنها الطبقة اللي بعدها نحطها مخالفة للطبقة الاولى ونحلها فى رقم 8
حتى ندير 7 طبقات
الحشو انا سنيوتي كبيرة نرحي الكوكاو نتاعي بلامانحمصو ندير كيلو ورطل ومنين داك ندير 2 كغ نحبها عالية
الحشو نديرلو فاني عطر اللوز الحلو فقط موليتش ندير المر فاني شوية سكر فقط ماشي بزاف حبة بيض ونرش ماء الزهر كمية قليييييييييييلة جدا يبقالك الحشوشفتي الطعام كيما تشمخيه هكداك نحط الحشو ونكمل بنفس الطريقة ندير 6 طبقات
الطبقة اللي تديري فيها الكوكاو متدريلهاش السمن
الفرن انا نشعلو وندير كسرونة فيها الماء ونطيب البقلاوة
نشري 2 كلغ عسل المرجان نخففو بالماء الزهر غير تخرج من الفرن نعسلها العسل يكون بارد

النشاء ماشي لازم تديريه راهو اختياري
كلما ارتات العجينة تسهل عليك الخدمة اكثر واكثر