اقتباس:
المشاركة الأصلية كتبت بواسطة anaris
كلش هايل يعطيك الصحة ولعجبني بزاف هو الخبز ممكن تعطينا الوصفة والطريقة
|
شكرا حبيبتي هذا من ذوقك
الخبز ندير الفرينة و ملح و م ص سكر عادي و خميرة الخبز و نخلط و نضيف شوية زيت و نعجن غير شوية بالماء دافئ قد ما العجينة تتجانس و تكون رخوة بزاف يعني مشي ناشفة و ندهن البلا تاع الخبز بالمارغرييييين مشي بالزيت و نقطع العجينة بلا ما نخمرها على حسب عدد الخبيزات لي بغيتهم و نخبزهم بالزيت شوية رقاق ما نخليهمش خشان و نخليهم يخمرو و نسخن الفرن و نطيب على 220 درجة و نحمرهم من فوق
اقتباس:
المشاركة الأصلية كتبت بواسطة اميرة زندل
اولا صح فطورك وصح رمضانك
يعطيك الصحة اختي و ربي يجازيك
أبحث عن وصفة بسكويlangue de chat باش نعمل تيراميسو للأخت فلة لقيت الكثير من الوصفات في النت لكن انا كل تطبقياتي الا من منتدانا الغالي لثقتي الكبيرة فيك وفي الاخوات فاكرميني بها ان كانت لديك الوصفة
وراني ماشية نشوف وصفة البناكوتا عند الاخت الهام شكرااا مرة اخرى حبيبتي
|
شكرا حبيبتي على الثقة ربي يحفظك ،، لكن اسمحيلي ما عنديش الوصفة لي راكي تحوسي عليها ،، بصح علاش ما تديريش les boudoirs و خلاص راهم خصيصا للتيراميسو
اقتباس:
المشاركة الأصلية كتبت بواسطة sirina_angel
يعطيك الصحة
هاديك بطاطا ؟؟؟؟ عجبتني و جامي خرجتلي مليحة
قوليلي كيفاه درتيها بالتفصييييييييييييل
و زيد الخبز يشهي كيفاه درتيه
|
ربي يخليك يا الحبيبة
هاذيك معقودة سوفلي كنت حطيت الوصفة من قبل و راهي في وصفات الحراير اذا تبغي نحوسلك عليها
و الخبز راني كتبت الطريقة الفوق ما كانش اسهل منها
اقتباس:
المشاركة الأصلية كتبت بواسطة x ام رحاب x
سلام حبيباتي ورمضان كريم
اليوم فطوري شوربة وبوراك وقراتان تاع البدنجال والبطاطا واللحم حلو وسلاد والحمد لله على النعمة
ويعطيكم الصحة على النشاط الله يبارك فيكم وخليكم للرجالتكم يارب
ليزا ماشاء الله ربي يبارك في صحتك يارب
كل الاخوات راني ننسى الاسموات راكم ماشاء الله ربي يبارك فيكم
|
ربي يخلييييك ميمتي الحنيييينة توحشتك و توحشت كلامك الحلو مواااااااح و صح فطوركم
اقتباس:
المشاركة الأصلية كتبت بواسطة idron0
دعاء اليوم
اَللّهُمَّ لا تَخْذُلني فيهِ لِتَعَرُّضِ مَعصِيَتِكَ ، وَ لاتَضرِبني بِسِياطِ نَقِمَتِكَ ، وَ زَحْزِحني فيهِ مِن موُجِبات سَخَطِكَ بِمَنِّكَ وَ اَياديكَ يا مُنتَهى رَغْبَةِ الرّاغِب
اَللّهُمَّ اَعِنّي فيهِ عَلى صِيامِهِ وَ قِيامِهِ ، وَ جَنِّبني فيهِ مِن هَفَواتِهِ وَاثامِهِ ، وَ ارْزُقني فيهِ ذِكْرَكَ بِدَوامِهِ ، بِتَوْفيقِكَ يا هادِيَ المُضِّلينَ
|
بارك الله فيك على الأدعية لي راكي تحطيهم لنا كل يوم جعل الله عملك هذا في ميزان حسناتك
لطيفة و ناءلة و ام ماجد يعطيكم الصحة و ربي يحفظ صلاة و روزا كلشي يشهي الله يبارك و يزيدكم من نعيمه
حبيباتي لي سقساوني على حبيبي منصف يسال عليكم الخير ربي ما يحرم نيش منكم ،، الحمد لله راه في تحسن مستمر بفضل دعواتكن و بفضل الله سبحانه و تعالى ،،
صح فطوركم كااااامل و يعطيكم الصحة
( تقرير عن مشاركة سيئة )، و الموجودة أسفل كل مشاركة .
2014-07-05, 15:45
العرض العادي
