طريقي الي البيت///واحلام قد تكون///كفرا في زمننا ؟؟

[KAMEL Alg]

وعليكم السلام

كي كان ايماني طالع كنت نحلم
ندخل للجنة وطير فيها من ضفة لاخرى
اكل اشهى المؤكلات
ارى اجمل الحسنوات
التقي اغلى الاصحاب
ازور احباب الرسول واقبل يد الحبيب صلى الله عليه وسلم

ثم انظر الى الاعلى اين توجد اكبر نعمة وهي النظر الى وجهه الكريم
هي امور فعلا تستحق ان نحلم بها


اما الان كي هبلطي الايمان رجعت نخمم كما يخمم صاحبك
سيارة اي سيارة تمشي ماشي المشروط فاخمة
منزل اي منزل ماشي مشروط فيلا فاخرة
زوجة اي زوجة صالحة وليست فارسة الاحلام التى تمنيتها

الا يمكن ان تكون هذه امور حقيقة لا احلام

هل هذه الامور البسيطة اصبحت احلام كبيرة صعبة المنال؟ ؟


نسأل الله العافية

[ذكرى مضت]

المشاركة الأصلية كتبت بواسطة خـواطـر

اذا وجدت بأن احلامك لا يمكن ان تتحقق الا في اماكن اخرى ..

فاتكل على الله ارض الله واسعة

جابلي ربي الجلسة جنب والدتوا و الصوم و الصلاة في منطقتوا تسوى الدنيا و ما فيها ......
نقولك حاجة اللي عايش في الخارج عايشين ماديا بصح ناقصين عاطفة و اكبر دليل كي
يحب يموت او يتوب يرجع لخاوتوا

[amura8]

السلام
الاحلام هي كدبة خيال وهروب من الواقع نحب انا ننغمس فيه نعيش فيه الحلو العدب حتى نستيقظ على ضوء الصباح الواقع المر حينها .تصدم ........................
لاضرر من الاحلام طالما انها مترووووووووحش للبعيد بقى غير تما تدوووووووووور
وما احلام صاحبك عادية قااااااااااااع رانا نحلموا كيما هااااااااكااااااااا ولا عاد كثرههههههههههههههههههههه

[نينا الجزائرية]

والله يا حسين
مبقاش هندنا والو في حياتنا وبلاد لي عايشين فيها
غير الاحلام
كاين عنية في وقت نسمع الغناء
تقول
لو بطلنا نحلم نموت
هذي هي
خلونا الاحلام
يرحم باباكم
اذا محلمناش نموتو خير
سلام

[** دنيا الأمل **]

السلام عليكم و رحمة الله و بركاته
اولا اهلا و سهلا و مرحبا بعودتك اخي حسين
عودة ميمونة ان شاء الله
طبعا الحلم مشروع كل انسان خُلق لهدف و غاية
يطمح لتحقيقها
المشكل يكمن في طبيعة الحلم في حد ذاته
يعني هناك احلام معقولة الانسان ممكن يحققها مع الاجتهاد و المثابرة و الارادة و هي فعلا تستحق ان يتعب الانسان لاجلها
اما حلم تكوين ثروة و فيلا و سيارات فخمة و زوجة حسناء ووووو....يعني كلها تدخل تدخل في اطار ماديات زائلة ....و اذا بنى الانسان آماله و علق سعادته بهذه الاشياء يصبح اسيرا لها
رغم اهمية الجانب المادي في حياة الانسان ومع ذلك يبقى في حدود النسبية
المهم و الأهم رضا الله و الصحة هي تعوض عن كل شيء
بارك الله فيك اخي حسين على المواضيع المميزة دوما

[الحوتي التلمساني]

السلام عليكم
موضوع مليح يا سي الحسين ..المهم ..
فضحت ولد الناس مسكين على الملأ ..من الأفضل ما يكونش عضو في المنتدى و يجي حتا هو ينتقم و يحكيلنا حكاياتك و أحلامك في اليقظة

من حقه و من حقك و من حقنا أن نحلم .. لكن الكثرة تعمي البصيرة و تفسد القلب و القليل جدا الي عندو مال كثير و قادر عليه و لو كان حلالي .. كثرة الأموال تعقد العيش ...

و بالنسبة لما بقي من الموضوع فالعقل يقول . "مستحيل باش أنا موظف نولي مليونير " و راني نكتبها و أنا نضحك من كلمة "مليونير" .. لكن الحق عز وجل يقول : "والله يرزق من يشاء بغير حساب " النور 38 ... كان عندي صديق يقولي مستحيل أنا باش يولي عندي كذا و كذا .. فلما ذكرته بهذه الآية بدا يتبسم و كأنه غير مقتنع بها .. لهذا أنا نظن أنه لا بد لنا نقتنعو بالآية .. و من بعد ربي يدير التاويل ..

بونوي إ بو راف على طريقتك الدارجوفرنسيسة ..

[thorpe]

المشاركة الأصلية كتبت بواسطة مايليس

لابد من صعود السلم درجة درجة وعند الوصول للمنتصف في بلادنا يجد الواحد نفسه شارف على 50 الناس في الخارج تقاعدت وفي بلد العز والكرامة ما زلنا نبنيو في المستقبل
ربي يجيب اللي فيه الخير

هههههه والله عندك الحق يعني حتى يشيب باه يفرح ياخي حالة ياخي مالا كاك يعيش صغرو ماكلة ورقاد خير على الاقل يحافض على صحتو هههه ولا واش رايك ؟
الله غالب والله شيء جد مؤسف ربي يكون الخير
شكرا جزيلا اختي مايليس على مرورك الطيب

[thorpe]

المشاركة الأصلية كتبت بواسطة نور الايام

ربي كبير اخي ثورب
الصعوبات التي نعيشها في مجتعنا كنا في غنى عنها لو كان فيه عدل

الله يجيب الخير و يفرج هم كل مكروب

بارك الله فيك

اهلا بالاخت نور الايام
علابالك والله توقيعك راه جواب كافي وزيد الشي الي هدرتيه صايي ما با يخص والو الموضوع ههههه يعني راكي كملتي الموضوع الناقص الله يجازيك

[thorpe]

المشاركة الأصلية كتبت بواسطة مصرية من الجزائر

شوف ياأخي
بخصوص شراء العربية
ألم تعلم أن المشي رياضة:d
دعك من موضوع السيارة وغيرها ...
بخصوص الفيلا
الفيلا فيها غرف كثيرة
وتحتاج من ينظفها ويرتبها
ومن كثر الغرق
لا تعرف أين تجلس..!!
الشقة ذو 3 غرف جميلة وتفي بالغرض
ولن تحتار في أي غرفة تجلس:d

ام بخصوص الزوجة
فيه الآن الزواج من صينية وبأسعار منخفضة
وهذه الصينية تفي بالغرض
ولا تأخذ مساحة كبيرة في الغرفة:d
....................
تعلم ياأخي
أن التلفاز هذا كان مجرد حلم
والإنترنت وغيره كان مجرد حلم ...
في الأفلام القديمة تري البلورة التي يستخدمها الرجل
ليري الناس في مناطق آخري
هذه الآن أصبحت التلفاز !!
كان مجرد حلم وتحقق لواقع
ليس العيب في أننا نحلم..يجب ان نحلم ويصبح عندنا أهداف
حتي نستطيع أن نوصل لها
أحلامك بسيط لا أحد يعلم
يمكن تكسب المليون وفي لمحة بصر يصير عندك كل هذا
بالتوفيق أخي

هههههههه يا اختي يا سمين لست انا من يحلم بهاته الاشياء ياااااااو احلامي بزاااااف اكبر واعقد غير اخطيك ما تخربشيش بزاف باه ما تتكودايش لان احلامي غريبة عجيبة ولا يمكن تحقيقها وانا احبها لان لا احد يستطيع تحقيقها ههههه فهي احلامي لوحدي ههههه
اما بخصوص احلام صديقي والله ارى انه على الاقل ومن المفروض وبحكم انه جزائري ارى انه من الممكن انه قد استطاع تحقيق ولو حلم واحد من بين كل تلك الاحلام لكطن الله غالب سي لالجيري كلش ماشي كلش حابس والحمد لله على كل حال رانا قانعين بالمطكتوب ههههه
الصينية باسعار منخفضة ه زيدي حوسي بالاك تلقاي كاش جنسية بالمجان لانو زاوالي وفحل هههه

[thorpe]

المشاركة الأصلية كتبت بواسطة ameryahi

إذا أردت أن تحلم لا يجب أن تصحو من نومك حتى لا ترى الحقيقة المرة
فمن كان في نعمة وفقدها أسوء ممن لم ينعم بشيئ

أرجوا فقط ان لا يحدث لك ما حدث للأعربي الذي تحصل على جرة فيها عسل ووضعها في مكان فوقه وراح يحلم ويحلم يرى أنه باع جرة العسل وبدا يتاجر بدارهم الجرة وأشترى الأغنام والأبقار .... وتحصل على الخدم والحشم وكان ينهر ويزمجر فيهم ويعرف العصاء ويضربهم ولكن عندما رفع العصاء وضربهم في الحلم الواقع أنه ضرب جرة العسل فأنكسرت على رأسه وتدفق العسل من حوله وهكذا يصحو من النوم فلن يجد لا الخدم و لا الحشم ولا البقر والغنم حتى جرة العسل فقدها

ربي يجيب الخير

والله عندك الحق اخي عامر ياحي الي يحب يحلم ما عليه غير يغط في سبات على الاقل ينجو من الصدمة لانو الواقع وخاصتا في بلادنا رايح يخليه مصدوم
شكرا جزييييييلا على القصة الرائعة جات في وقتها والله بارك الله فييييييك

[thorpe]

المشاركة الأصلية كتبت بواسطة *مصطفى*

السلام عليكم
جميل أن تكون لك هذه الأحلام وكل شيء يتحقق بعد خطوة فقط عليك بالصبر والمثابرة
فلو تأملت من حولك فليس كل من يملك ولد مالكا بل الكثير أقلعوا من الصفر أي لم يكن
لهم شيء
تستطيع أخي وبالحلال كذالك خالط الناس واقتدي بمن هم أحسن عملا
أكيد ستجد عقبات وأهوال لكن بالصبر تجتازها
وفقك الله للخير وقر عينك فيما تمنيت من خير

وعليكم السلاااااام والاكرام واهلا بك اخي مصطفى
اولا حبيت فقط التذكير ليست هاته احلامي انا صح تمنيت من قبل اكون هاكذا لكن كيكبر وعرفت الدنيا فقت بلي امبوسيبل فقط اذا حصلت معجزة ههههههه

لكن كلامك والله كاين صح بصح يا اخي بالحلال في وقتنا ما شكيتش الا من رحم ربي
يعني عبد يبدا من الصفر وزيد بالحلال وفي الاخير يحقق كل ما سبق ذكره هاذيغير ما تكسرش راسك وما تقنعش روحك لانو من المستحيل واذا تحقق ذالك تاكد انو سيكون في اجيال افادو وهوما الي يوصلو بالحلم ديالو وين حب هو يوصل هههه يعني هو سوفرا وحفادو يتنعمو غير هاذي الي ما تصراش ههههههه

ضرك نقولك كاين 4 اشياء كي تستطيع تحقيق احلامك
1 يكون عندك ورث او ماشابه
2 تكون في الجيش ولازم تكون ركزة يعني بالنجوم والسيوف والجبال على كتافك هههه راك فاهمني
3 منصب مليح في الصحراء في شكركة من الشركات التنقيب او ماشابه
4 ولا تدخلها وتخلطها تجارة حرام وحلال
هذا حسب ما تعلمت من هاته الدنيا اذا راني غلط قولي
وفي الاخير نقولك بااااااااارك الله فييييييييك اخي مصطفى على مرورك الكريييم

[thorpe]

المشاركة الأصلية كتبت بواسطة م.جواد

السلام عليكم و رحمة الله تعالى و بركاته
ان شاء الله غيابك هذا خيرا
اما عن الحلم و احلامي لم يعد لها وجود منذ زمن برغم من انني دخلت الشباب توا فانا اصبحت اعيش اليوم بيومه و انا ما حدث بالامس
لماذا اجهد تفكيري و اتعب نفسي بشيء لا يمكننه ان يتحقق و اذا تحقق اكون في اخر العمر فلا يعود له اهمية
مشكور اخي حسين على انعاش الاحلام في

وعليكم السلام والاكرام
يا اهلا بالحبيب جواد
اييييييييه علابالك والله تفكيرك بزاف يشبه تفكيري انا ثاني كنت نحلم ونحلم ونحلم كي كنت صغير بصح ضرك والله ما عندي واش نحلم كلش وصلتلو في الحلم ما عندي ما ندير بالحقيقة ههههه
بااااااااااارك الله فيك يا اخي الحبيب وشكرا على كل شيء
اتهلا في روحك وخبي احلامك لحاجة اخرى راهم يحكمو الميموار نتاع المخ ههههههه

[thorpe]

المشاركة الأصلية كتبت بواسطة نورالظلام

اقول كلمة واحدة فقط ....... يا جماعة الخير احمدوا ربي راه السخط يجيب عقاب ربي ......

قول لصاحبك يروح يضرب طلة في المستشفى و يشوف الشباب اللي حلموا الشفاء برك .......

و قولو يروح يشوف الاحصائيات تاع الشباب فوق الاربعين و مزال متزوجش و مشيكتش راح يتزوج .......

الحمد لله يا رب على كل حال ....... مشكووووووور حسين على الموضوع

هههههههههههه
هاهي جات الشيخة نور الظلام بصح يا نور الظلام ما قلتيش غير كلمة راكي كتبتي جريدة ههههههههه
ماعليه ضرك نقولك اختي
نتاع المرضى الي يحلمو بالشفاء عندك الحق والله وهنا ما عندي وما عندنا واش نقولو كامل
ههههه لكن نتاع الشباب الي عدى الاربعين هاذي كاين حالات ما يحلموش لانو اصلا ماحبينش يتوجو لا اعرف ربما تعقدو من النساء ربما .... برما .... المهم هاذي ما نواقش الراي فيها هههههه
بااااارك الله فيييك اختي نور الظلام ومرحبا بيك من جديد في مواضيعي

[thorpe]

المشاركة الأصلية كتبت بواسطة *الفتى الصغير*

شفت خويا حسين

حتى انت مقتنع باللي مستحيل تحقق احلامك من دون الدوس على مبادئك

كلنا تربينا على ان نبني بلادنا
نعيش فيها ونموت فيها

و بالصح انتي قلت لي نروحو لالمانيا
=============================

من اجل تحقيق احلامك يجب ان تهجر بلدك؟؟؟؟

اكييييييييييييييد وان شاء الله هذا الحلم نحققو حتى اذا كلفني ما كلفني راني نوجد يا محاينك كل يوم نخبي 50 دج في لاكيس ههههههه ان شاء الله ما بقاش بزاف ونروحو لبلاد الاحلام راني نبعثلك السوال من ثم كونك هاني هههههههه

[*جوداء*]

ليس العيب في ان نحلم
ولكن ان نسجن نفسنا في هذه الاحلام دون ان نحاول ان نحقق مانريد في الواقع
ولا يجب ان ننتضر ان تمطر السماء ذهبا ولكنها امور تتحقق ع التعب والشقاء والكثير من الصبر والحكمة
وقبل كل هذا التوكل على الله
والدعاء فان الله هو الرازق
وليس العباد
مشكور اخ حسين