ماذا تقولون في لهجتكم؟

[اميرة الابتسامة]

الخبز اللي نشريوه ......المطلوع نخدموه في الدار بالخميرة كاين تاني رخسيس ..... واكيد الكسرة
الموقد= الطابونة

القي نظرة=اضرب طلة..:d..او روح كاش ماتعمر قرع ههههههههه

[hiba95]

1- الخبز نقلولو كسرى و لا خبز
2- الموقد نقولو طاجين و لا الريشو
3- نقولو طل

[mitcho1200]

الخبز == خبز الخباز
المطلوع === خبز الفرن المغلوق (التقليدي)
الكسرا ====خبز الطاجين على الكانون او الطابونة
الفطير=== خبز الطاجين لكن رقيق و صلب نوعا ما على الكانون او الطابونة
الموقد === كانون او طابونة
لما تأمر شخصا بأن يلقي نظرة على شيء ما== طل او اضرب طلا او اخزر او ليك او شوف .
و هذا بصفة عامة خاص بسكان الوسط (الجزائر. بومرداس. تيبازة. بويرة.)

[tريماس ليشانة]

الخبز خبز

ممكن مطلوع رخساس فطير مرخوس كسرة بوطلعة مطبق معروك رقاق مركب

وكل وحدة عندها طريقة تحظير الخاصة بيها ولو تشابهت في بعض الاحيان
الوقد طابونة كانون

روح كاش ما تقرعج

[mis n ziama]

و في زيامة منصورية نقولو = المطلوع
= لكسيرة
كلمات اخرى = ابشماق = النعل
لغرايف =البغرير
اغنجا = الغراف

[herry$]

عندنا الخبز هو تاع الخباز و تاع البيت نقولولو المطلوع
الموقد = الكوشة او الفورنو
القي نظرة =اضرب طلة

[سمـــ حـ انيـــس ب ـــراء]

الخبز نقولولو خبز والمطلوع نقولولو اغروم وتاع الزيت نقولولو ارخصاص

الموقد نقولو طابونة

يلقي نظرة نقولو اتجبا

[mis n ziama]

القي نظرة في زيامة منصورية = اجي تجبا
Adji tedjba

[mazouzrachid]

ahlam.f واه بنت عمي حنا نقولوا الخبز مطلوع كانون ريشو
ahlam.f ناس جلفة ناس ملاح أنا نموت عليهم

[بن حفاف علي]

المشاركة الأصلية كتبت بواسطة نزار الونشريس

السلام عليكم، أردت أن أبحث عن بعض الكلمات التي قلّ اسعمالها على الرغم من أنها تمثل موروثا مشتركا بين أغلب الجزائريين. مثلا ::
الخبز: يقال له في لهجتنا المطلوع، فماذا عنكم؟
الموقد: يقال له الكانون، فماذا عنكم؟
لما تأمر شخصا بأن يلقي نظرة على شيء ما: نقول طلّ عليه أو رقّب عليه، ماذا عنكم؟

الخبز : هههه المطلوع او الكسرا

الموقد : الكانون

شوف شوف ارواح اخزر ولا طل

[nassima18]

حنا نقولو الخبز اللى نشريوه من برا اغروم والىفي الدار =مطلوه نقولولو ثمثونت وكاين اغروم اللقبايل ولا اغروم اقوران واللى هو لفطير بالعربية و الكانون= كانون ولا افورنوو اظرب طلا= موقل داهي هادا بلقبايلية وشكرا

[nassima18]

صحا صحوركم

[nassima18]

صح سحوركم..............

[rachida2009]

وهذه بعض التسميات القديمة التي تكاد تختفي تمامابالقلية
ملعقة كبيرة = ازغول
القصعة = الزلفة
القفة = اسفاطة
الطرباقة =البشماق
شعل الضوء = بقط الطو
اكنس = شير
المعطف = البالطو
اكل الخبزوحده =مشش الخبز
يهبط =ايهود او ايحدر بشد الدال
يبحث = ايلهط بشد الهاء
القندورة = الجبة
تؤلم = تطغى
كرسي صغير = القرمي
ينزل شيئا من الاعلى = ايدربي
ماذا = داماش
ماهذا = شوا هذا
لماذا = لاماش
الى اين تذهبون = لاين رايحين

[rachida2009]

احنا بالقلية نقول : الخبز هو الذي يشترى من الخباز والذي يصنع في الدار نسميه الكسرة وكاين منها بالخميرة تسمى مطلوع وبالزيت والخمبرة تسمى رخسيس وبالملح والماء فقط نسميها بوشقوف
الموقد يسمى الكانون او الطابونة او الكوشة
القي نظرة نقول اضرب طلة