أحكي تجربتك عن تعلم الحلويات.

[cirta]

المشاركة الأصلية كتبت بواسطة mimicha1977

انا عن نفسي راني من النساء لممنوع عليهم الطلعات و الفوتات المهم راني من حليت عيني و انا نحب المطبخ و خاصة الحلويات نعشقها لدرجة صبحو يسموني مجنونة الحلويات

نحب نجرب كل جديد وانا راني معاكم نزيد نتعلم من عندكم كاشي جديد

حبيبتي سيرتا اسمك راه يذكرني بصديقة كنت تعرفت بيها فى منتدى مغربي انشاء الله تكوني هي انتي

السلام عليكم ورحمة الله تعالى وبركاته.
مساء الخير حبيبتي والله العظيم ليك وحشة من عرس خوك ماسمعت عليك والو حبيت بزاف نطمن عليك بصح الله غالب مازدتيش دخلتي المنتدى .
شوفي الصدفة أختي لي مزوجة هي لي حلت في هذا المنتدى وأنا دخلت نشوف البساطات عجبني المنتدى عدت ندخل مناه هي إنشغلت بولدها الأول.
واش حوال وحوال وليداتك نتمنى تكوني بخير ن والله على قد ماقلقت عليك ربي سبحانو وجدلي وسيلة للإطمئنان عليك سبحان يمهل ولا يهمل الحمد لله .
أنا في إنتظاررسالتك طمنيني عليك.
بوسيلي وليداتك ونتمى تكوني رزقتي بي بنت.
ومرحبا بيك معنا ،اني مانسيتكمش الله غالب الوالدة تكسرت من رجلها ومدايرة الجبس وأكي تعرفي الضياف برب إن شاء الله نحطلكم واش تعلمت منا ه مصورة كل شيء.

[cirta]

المشاركة الأصلية كتبت بواسطة زرابة

انا تجربتي كانت في الاعياد عمري 19 سنة و من وانا في 16 سنة و انا ندير قاطو و في عايلتي كامل يقارعولي باش يشوفو شا درت و الحمد الله هاد العام راني موجدة شويا تع الكيفيات ديتهم من هاد المنتدى فالف شكر حبايبيانا عمري فالقاطو

الله يبارك طوالة لعمر إن شاء الله ، ماعليكش بديتي صغير أنا اللهغالب عندي خواتتيكبارعليا حتىزوجي باهوصلتني الدالةوغن شاء الله تزيدي تستفيدي معنا مرحبا بيك.

[cirta]

المشاركة الأصلية كتبت بواسطة وئام الروح42

اختي انا من وجهة نظري القاطوا ماشي شرط شيخة تعلمولك
رانا كل عام نتعلموا حاجة جديدة انا تعلمت من الاعياد يعني كي نتلاقا مع حباباتي
نزوخوا شوية بالقاطوا لي خدمناه ولي خرجتلها حاجة شابة توريها للخرى
امباعد بدات تكبر العايلة وعمامي جابوا عرايس ولات كونكيرونس
شكون اللي تخدم نوع جديد
او زيد انا لقيت ماكما شاطرة في القاطوا والطبخ
اسمى رفدت عليها

عندي حقك في كل كلمة قلتيها لأنو كانت عندي نفس الفكرة ودخلت نقرا غير باه نكسر الروتين لي عايش فيه لكني شيء لي تعلمتو بزاف وتعيرت فكرتي .
مناه كاينين حوايج جدد مايعرفوهمش ماتنا وتعلمتهم من المركز كما المقبلات والعجينة المورقة ونصف مورقة ......وحوايج بزاف

[cirta]

المشاركة الأصلية كتبت بواسطة المستعينة بالله

شيء جيد تنخرطي في كاش محل باه تتعلمي صنع الحلويات
والله شيء روعة وجديد منك تتعلمي منك تتعرفي على بنات ونساء ويعلموك كل واحدة تجيب من عندها حاجة والله روعة.
مي نقولكم ماكاش قد الأمّ

أنا علمتني أمّي نعمل حلويات

في الأول ما حبتش أمي تعلمني خافت لا نتلهى على قرايتي بالحلويات

مي بعد الإصرار الكبير مني ما قدرتش ترفض طبعا

بصح نقولكم الصح ما جيت نتعلم حتى خرّجتلها القرون
ا[color="magenta"]لله يحفضهالك ويعيشهالك[/color].دايما الحاجة مع الأول صعيبة
هههه

لكن الحمد لله أنا أتقن صنعها الآن

الحمد لله إن شاء الله أنا تاني تعلميني واش علمتك مامك لأنو نموت في الحلويات وخاصة كي تعود مجربة ومضمونة

[cirta]

المشاركة الأصلية كتبت بواسطة هند وسام

والله اختي دخلت تتعلم القاطو واصبحت تتفنن فيه لانها عندها موهبة في صنع الحلوياتمن ذي قبل وتحصلت على اعلى نقط17/20من بين32متعلمة لكن ماذهلت منه اختي هو ان المعلمة تاعهم تعلم اوتتعامل فقط مع مجموعة الموهوبات لكن بقية البنات لي ميعرفوش ما علابلهاش بيهم رغم انهم يدفعون مبلغ500دينار كل شهر وعلاش هكذا يا الشيحة سامية تاع سيدي حمو ولاية عين الدفلىحرام عليك

الله يبارك تقدير مليح ، لكن أنا نقرا في مركز ومجانا يعلمني شيخ والله مايبخلناش واي حاجة نقولولي ديرهالنا يعلمهانا ، عندنا حصة نظري وحصتين تطبيقي ومع الأخير ولينا نديرو 3تطبيقا .
لكن نجمعو 20دج من كل مرا يعني ألفين باه نشريو المستلزمات.
أسألي وان تسكني في المراكز عن برامج المرأة الماكثة في البيت ماتدفعي والو. ورديلي الخبر لأنو قالو منتشرة في الجزائر

[cirta]

المشاركة الأصلية كتبت بواسطة زرابة

500 دج برك ملييييييييح حنا عندنا في وهران 1000 فالشهر وعندك 1س و نص برك 3 ايام فالاسبوع

والله بزاف انا كاينن لي قراو معايا قالو قرينا بالدراهم بصح والله ماتعلمناش واش تعلمنا في المركز والله شيخ تعاعنا تبارك الله علية صغير وشاطر علمنا حوايج بزاف .

[السنبلة الخضراء]

قولكم حاجة أنا نموت في صناعة الحلويات وهذه السنة عندي عرس أخي وأنا كثير أبحث عن أنواع الحلويات أي الجديد وما عندي وقت لكي أدخل مدرسة تعلم الحلويات لأنني عاملة في وزارة المالية ووقتي لا يسمح لي بالرغم من أنني أتمنى فأرجو منكم يا أخواتي وأترجكن أن تساعدني وتعرضوا لكي أنواع بعض الحلويات للأعراس وإن كان ممكن مع الصور من فضلكن وأنا كتيث أشكركم وجزاكم الله خيرا

[السنبلة الخضراء]

أين أنتن يا أخواتي

[السنبلة الخضراء]

وينكم ولا وحدة ردت علي راني قريب نبكي

[cirta]

[img]المرفقات الحالية (11.2 كيلوبايت)[/img]

المشاركة الأصلية كتبت بواسطة السنبلة الخضراء

وينكم ولا وحدة ردت علي راني قريب نبكي

[cirta]

المشاركة الأصلية كتبت بواسطة السنبلة الخضراء

وينكم ولا وحدة ردت علي راني قريب نبكي

بعيد الشر عليك راك على باب فرح الله يكملك أنا نحطلك بعض الحلويات لي تعلمنا ولي تعجبك نعطيك الوصفة تاعها.

[السنبلة الخضراء]

شكرا كثير أختي cirta أنا قولت نساوني مكاش لي راهي حابة تساعدني بصح كنت غلطةراك رديتي علي نشكر بزاف بزاف

[السنبلة الخضراء]

راني أنتظر الجديد منك أختي بشغف كبير وشكرا كثيرا كثيرا

[cirta]

المشاركة الأصلية كتبت بواسطة السنبلة الخضراء

شكرا كثير أختي cirta أنا قولت نساوني مكاش لي راهي حابة تساعدني بصح كنت غلطةراك رديتي علي نشكر بزاف بزاف

لاشكر على واجب يسعدني بزاف أني نخدمك أنا غير البارح كنت نوجد في روحي باه رحت للعرس اليوم برب إن شاء الله نحطلك لجديد

[cirta]

المشاركة الأصلية كتبت بواسطة السنبلة الخضراء

راني أنتظر الجديد منك أختي بشغف كبير وشكرا كثيرا كثيرا

رايحة نحطلك حلويات درتهم في المركز وإدا عجبوك نعطيك الوصفة ماشي خسارة إن شاء الله يعجبوك